انا كنت بحب واحد اوي بس انا كنت عارفه انو يعرف بنات كتير قبلي وعمل حاجات كتير غلط المهم اتصل بيا وكلمني وحبيته اوي وهو كان بيحبني اوي المهم جه فتره وكان بيتقدم ليا ناس كتير وكده وعماله ارفض اي حد ييجي ليا جه يوم واتقدم ليا واحد مش عارفه ازاي انا وافقت عليه مع اني كنت لسه بحب حبيبي وكنا بنكلم بعض بس مش عارفه ايه اللي حصلي ووافقت عليه المهم فسخت خطوبتي مرتين علشان خاطره بس كل مره كان اهلي يغصبوا عليا ارجع لخطيبي وكانوا بيضربوني ويشتموني علشان في بلدنا لما بنت تتخطب مره مش تتخطب تاني الا قليل يعني المهم قولت لحبيبي اتصرف اعمل اي حاجه علشان خاطري المهم وانا بكلمه قالي ان مامته مش موافقه عليا ومش بتحبني بس عرفت ده متاخر اوي المهم قضيت فتره الخطوبه عذاب والله وعياط وهو مش عمل حاجه خالص وكان لسه مستلم الشغل بتاعه ولسه قدامه كتير اوي علي ما يكون نفسه وهو اللي بيصرف علي البيت ومرتبه قليل اوي المهم قولت هعمل اي حاجه علشان ابعده عني ويكرهني واتصلت بواحد صاحبه وضحكت عليه وقولت ليه اللي انا بحبه وكده وكلمت صاحبه وفعلا اللي كنت بحبه عرف اني بكلم صاحبه ده وبعد عني المهم ان انا مش صاحبه ده والله انا عملت كده علشان اللي بحبه ده يكرهني وخلاص بس يارتني ما عملت كده جه علي دماغي علشان صاحبه ده مش محترم ومش عارفه اخليه يبعد عني ازاي وفي نفس الوقت لسه بفكر في اللي كنت بحبه ومش عارفه احب خطيبي خالص مع ان خطيبي بيحبني اوي حد يساعدني ارجوكوا انا ماليش اصحاب ولا حد ينصحني ساعدوني
مشاكل الخطوبة
مخطوبه بس مش عارفه احب خطيبي
اضيف بتاريخ: Saturday, April 27th, 2013 في 05:59
كلمات مشاكل وحلول: الحب, شاب, فتاة, مشاكل الخطوبة
اختي العزيزة في البداية كنت مخطئة بحب شاب يعرف بنات كتير و خدعك بأسم الحب و ايضآ اخطأت عندما كلمتي صديقه و ايضآ اخطأت عندمآ قبلت الخطبة لخطيبك وانت لا تريديه كان يجب ان تتمسكي برأيك يا عزيزتي و اعلمي ياحبيبتي انه لا يجوز للوالدين شرعااجبار الوالدين البنت البكر البالغ علي الزواج و بالنسبة لخطيبك انصحك بتركه فهو شاب غير متدين و غير خلوق فكيف يسمح لنفسه بتقبيلك ا احتضانك و انت اجنبية عنه لا يجوز له شرعآ و اتعجب من موقف امك فهي المفروض اول واحدة تبعده عنك بعد هذا الذي فعله اختي انصحك بالألتزام الديني و واظبي علي صلاتك و كافة العبادات و اكثري الأستغفار لله تعالي و اكثري الدعاء لله و خاصة و انت ساجدة حيث اه اقرب ما يكون العبد الي ربه و هو ساجد و رددي هذا ادعاء(اللهم اني عبدك بن عبدك ابه امتك ناصيتي بيدك ماض في حكمك عدل في قضائك اسالك بكل اسم هو لك سميت به نفسك او انزلته في كتابك او علمت به احد من خلقك او استأثرت به في علم الغيب عندك ان تجعل القرأن العظيم ربيع قلبي و نور صدري و ذهاب همي و غمي) ورددي دائمآ هذا الدعاء(اللهم يا مقلب القلوب ثبت قلبي علي الأيمان اللهم يا مصرف القلوب صرف قلبي علي طاعتك و طاعة رسولك) ربنايوفقك و يسعدك و يفرج كربتك يا رب و كوني مؤمنة بالله و قضاء الله و قدره و ثقي بالله تعالي والزواج قسمة و نصيب ربنا يوفقك و يسعدك يا رب و يقدملك الذي فيه الخير و صلي صلاة استخارة و ربنا يوفقك قال تعالي(قل لن يصيبنا الأ ما كتبه الله لنا)ربنا يسعدك دائمآ يا رب اختك منة الله
انا صاحبه المشكله اقولكم علي حاجه يا جماعه الصراحه انا بخاف من الجواز اوي من اللي شوفته من امي وابويا انا كنت بسمع امي وابويا وهما مع بعض من صغري وهما بيعملوا حاجات قدامي مش ينفع يتعملو قدامنا كده كنت يتقرف منهم هما الاتنين ولحد دلوقتي والله العظيم بسمع كلام لو اي بنت سمعته كانت تكره الرجاله كلهم وتكره الجواز وكمان ابويا بيعامل امي وحش اوي وانا حاسه اللي كمان هيتعمل فيا كده ولما انجرحت من اللي انا كنت بحبه مابقتشي بصدق اي حد يقولي بحبك بقيت احس ان كلو كذب كرهت الحب بسبب اللي كنت بحبه وكرهت الجواز من امي وابويا واللي بيعملوه وامي بتتحكم فيا بطريقه فظيعه انا قليل اوي لما اسمع ان بنت تتجوز غصب عنها بس لما انحطيت في الموقف دا بقيت بتعذب اوي لما اكمل مع واحد مش حباه وهتجوزه علشان خاطر اهلي عايزني اتجوزه وبس حد يساعدني نفسي حد يقولي انا عملت ايه علشان يحصل معايا كل دا
بصي ياحبيبي الحاجات اللي انتي بتقرفي منها دي لازم انك تحبيها عشان ماتجيش بعد الجواز تعملي حاجه غصب عنك وانا معاكي انه ماينفعش يتعمل دلوقتي حرااام بس انتي بذكائك تقدري تخليه يبطل يعمل الحاجه دي دلوقتي وبعدين انتي لازم تحاولي تتعودي علي حياتك الجديده عشان ماتتعبيش وبعدين حبيبك دا لو متمسك بيكي اوي كان جه شرح لاهلك ظروفه الماديه واتكلم معااهم وانتي بجد لو عايزه ترتاحي اسمعي كلامي واتعودي علي خطيبك واديله فرصه يحبك واتحبيه هتلاقي نفسك مع الوقت بدأتي تنسي الاولاني اه مش هتنسيه اوي بس اهو بيتنسا مع الوقت وبعد كده هتلاقي انك حبيتي خطيبك وبتتمني يجمعكم بيت واحد معاه بأسرع مايمكن .. علي فكره انا عندي نفس المشكله وبدأت اتخلص من الحب القديم وانا اهو الحمد لله بدأت احب خطيبي والله محتاجه شجاعه وصبر منك عشان تقتلي اللي فات ويااااريت تبقي تطمنيني عليكي بعد اذنك ♥ ♥
انا صاحبه المشكله انا لسه برضو مش عارفه احب خطيبي يا جماعه في حاجات خطيبي عملها معايا مخلياني اكرهه اوي مع انه قعد معايا شهر بس وبعد كده سافر لشغله بس الشهر دا اتاكدت انو زباله اوي علشان هو باسني وحضني ولمس جسمي كمان وعمل حاجات مش من حقه يعملها ولما جيت اقول لماما انو كان عايز يبوسني قالت لي عادي خطيبك ويعمل اللي هو عايزه ماكنتش متصوره ان امي تقول ليا كده وماما ضربتني كمان علشان افضل معاه وبعد كده بقي بيعمل كل حاجه هو عايزاها براحته وانا قرفت منه ومن كل اللي حوالياوسافر وقرب ييجي وانا خايفه اوي يعمل معايا اللي عمله تاني مش عارفه اعمل ايه بفكر اهرب من البيت علشان مش لاقيه حد يقف معايا وكلهم بيعاملوني معامله وحشه اوي والايام دي مش بيرضوا يخرجوني من البيت وبيشتموني وانا تعبت من اللي انا فيه اعمل ايه
معلش
انا متأكد مليون مرة ان مفيش حاجة اسمها حب بالشكل ده
انا ممكن اعمل اى حاجة فى الدنيا اى حاجة ممكن تتخيلها عشان بس بحب انسانة بجد
وحطي تحت ( بحب بجد ) دي مليون خط
الحب بجد ده بيحرك الانسان انه يعمل اى حاجة حتى لو كانت مجنونة المهم انى افضل محافظ على حبي ده عشان ميضعش نتي
انما انا لما اكون عايز اخلع من الموضوع بطريقة شيك
في 7000 سبب شيك للخروج من الموضوع باقل الخساير
السلام عليكم و رحمة الله وبركاته ملكيش دعوة بأي حد غير خطيبك و احمدي ربنا انو بيحبك حاولي تحبيه ازاي بقى فكري في مواقفه الحلوة معاكي هتلاقي كي حبيته كصديق و بعدين ان شاء الله هتحبيه …….و ان كان على اللي بي ضايقك ده فولى لخطي بك عليه و هو ان شاء الله هيتصرف و لو قال انك قولتيله انك بتحبيه ……..كابيه و قولي لخطيبك انو كان بجيري واركي من زمان علشان كدة هو عايز يبؤ ظلك حياتك بأي طريقة و قولي لخطيبك ان مكانش في اي حد في حياتك و كدة انت مش بتكذبي لان في حالات يتبقى أوهام مش حب ولا حاجة. و بعدين اللي مائع رفش يقنع مامته باللي عايز يتجاوزها يبقى بس ضمنتي الإهانة بقى و تطبيق مثل اللي يقول لمراته يا عورة الكل يلعب بيها الكورة …….مش لازم يقولك يا عورة علشان المثل ده يتحقق هيبقي إلى حاجة مش عاجلة مامته هامشي و انت طز
انتى اتصرفتى بطيش ولازم ياحبيبتى تتعودى انك تفكرى فى العواقب قبل اى تصرف اولا حبيتى واحد يعرف بنات كتير يعنى سبيه يلعب بيكى وانتى عارفة ثانيا وافقتى على خطيبك من غير تفكير والاصعب تصرفك الطائش مع صاحب حبيبك احسن انسان فى حكايتك هو خطيبك لانه بيحبك رغم انك حاولتى تسبيه اكتر من مره وتمسك بيكى حاولى تشوفيه بعين تانية وركزى فيه هو بس اما مشكلة صاحب حبيبك راى انك تقولى ليه الحقيقه وطلبى منه انه يبعد صاحبه عنك