السلام عليكم … عندى 21 سنه ومخطوبه بقالى 7 شهور بعد الخطوبه ب اسبوع بدات احس انى مش حابه اكمل مع خطيبى وعايزه اسيبه كتير بحس انى مش مرتاحه وانى اتسرعت لما وافقت…بشوفه مره واحده ف الاسبوع على رغم من كده مبحسش انه واحشنى غير كده مبلاقيش كلام اتكلم فيه معاه وطول القعده بكون مجرد رد فعل ف الحوار مع انى شخصيه رغايه وبحب الضحك والهزار وجديد بقى مشغول كتير عنى وبقينا نتكلم كل فين وفين .. هو بيحينى وبيقولى انه مش متخيل الحياه من غيرى الكلام ده بيضايقنى ويخليه يصعب عليا لأنى بحس انى مش بحبه وان حياتى ممكن تكمل من غيره.. كل يوم اصبر نفسى واقول حب الافلام ده مش موجود وان الحب بيجى بعد كده ب العشره بس خلاص تعبت وخايفه اكون بظلم نفسى وبظلمه معايا..انا منكرش ان كان نفسى اتخطب واجرب احساس المخطوبين لاكن الخطوبه طلعت حاجه غير الى كنت متخيلاه..انا تعبت بجد ياريت تساعدونى افضل مستحمله واقول ان الحب هيجى بعد الجواز ولا اسيب خطيبى
لا تحجون عالعيوب هواي فلا يوجد انسان بلا عيوب
انتي مبينة بنية زينة ( كويسة ) بس نصيحتي اذا شفتي يكدر يعيشج ويهتم بيج فحبي وخليه يحبج واسمعوا لبعض بدون عناد وخل واحد يسمع عيوب الثاني بس لا بكثرة تحجون عالعيون بطريقة مجاملة والله ولي التوفيق
المفروض تكون علاقتكم قائمة عل الصراحة المطلقة دائما لازم تقوليله كل حاجة جواكى متكسفيش والا مش هتعرفى تتفاهمى معاه بعد الزواج قوليله بصراحة لازم نقرب من بغض اكتر اعطيله فرصة هو يقعد معاكى اكتر كلميه فى التليفون دائما سواء فى كلام او ما فيه اخرجى معاه لوحدكم مؤكد هتلاقى فيه حاجات كويسة انتى مش شايفاها الكره والحب مش بيجى بالنظرة لا بيجى بالكلام بالافعال بالمواقف اتكلمى معاه فى موضوعات تخص حياتكم اللى جاية ايه اللى ناوى يعمله فى حياته بعد الزواج اسأليه حياته اتغيرت ولا لا بعد الخطوبة كلميه فى موضوعات هو بيحبها غلشان يقدر يوصلك شخصيته وتفكيره بالظبط صدقينى ما تغمضيش عينكى عن حاجات حلوة موجودة فيه وقارنى بين الحاجات الحلوة والوحشة الموجودة فيه وساعتها خدى قرار وربنا يوفقك
انا كنت كدة زيك بالظبط و الاصعب بقى انا فضلت اصبر نفسى سنتين كاملين و بقول هحبه .. هتعود و انا كنت بشوفه مرتين ف الاسبوع و ساعات يوصلنى اى مكان او الكليه .. و رغم كل دا مش عارفه احبه … و فركشت الموضوع و ارتاحت نفسيا بعدها و بعدها عرفت ان القبول و الارتياح دا لو مجاش من اول مرة يبقى خلاااص شكرا .. مع العلم انى كتير بحس بالذنب انى سبته و هو بيحبنى و عاوز يرجعلى .. خليكى قويه و خدى قرارك بعد ما تخلصى كل محاولاتك معاه و حاولى متغبيش و تضيعى وقت ف دا … و ان شاء الله خير و صلى استخارة .
السلام عليكم, أخواتي العزيزات
1- مفيش اجمل من الكلام اللي قالته الأخت(ماذا قدمت لدين الله) مفيش نقاش فيه .
2- انا نفس المشكلة , الفرق اني مش بشوفه خالص , اتخطبت من حوالي شهر و3 اسابيع , ومازارني خطيبي غير مرة بعد شهر من الخطوبة ـ لانه من محافظة تانية ,والزيارة دي بعد ما غضبت عليه وقلتله اننا مش متفاهمين ومفيش توافق بينا وكدا .
** المهم حكايتي باختصار :انا واهلي اتسرعنا في الخطوبة لما لقينا اهله ناس محترمين وطيبين ويبدو عليهم الالتزام , وامه عبرت عن حبها ليا من اول زيارة , وخطيبي كمان وافق عليا ع طول في نفس اليوم لبابا ,ولما لقيناهم مستعجلين فمفكرناش كتير وعملنا خطوبة خلال 3 اسابيع بس من معرفتم ,وكنا بنتكلم الفترة دي بالتلفون مرة او مرتين في الاسبوع ووع الفيسبوك بنتراسل احيانا!! (طبعا طريقة تواصل سئية جدا لما تكوني بتتعرفي اول مرة على شخص ما ) . انا استحسنت شخصيته في الأول الى حد ما ,ولكني بعد ماصليت استخارة فضلت فترة من الزمن مش حاسة باي شئ ـ لا براحة ولا بعدم راحة ـ وكنت محتارة وعايزة أي دليل يرشدني هل اكمل ولالا , ـ في الاول قلنا هو شخص كويس وطيب وخامة على ما يبدو ,ولكن ليس فتى احلامي والجانب الديني مش تمام , هو نص ملتزم يعتبر (ومش معنى ان حد بيصلي ويصوم يبقا ملتزم,مش مقياس اسمحولي ) مش كفاية ,لان في اعتبارات كتير في هذا الشأن………
المهم انا قلت لنفسي :(يا نفسي لا تتعجلي لسة قدامي وقت ـ والخطوبة اصلا معمولة عشان التعارف ومش بالضرورة نتجوز , قلت هعطي فرصة ليه ولنفسي ان اعرفه بشكل اوضح في فترة اكبر وبصورة أقرب ,وأحدد كل المميزات والسلبيات واحطها في بالي , ولما يحصل مواقف ما معينة هخدها وأقارنها بكلامه وأحكم على الصورة كاملة في النهاية ).
المهم كل ما أقيمه الاقي ان سلبياته اكثر واشياء لاتهاون فيها , وكل ما احس بعيوب معينة ما اتسرع واصبر لحد ما اتاكد , وبلاقي شكي واحساسي في محله , مع انه ينكر هذه العيوب واشياء تانية بيبررها بشكل مقنع واخرى غير مقنع . المهم انا بسيبه يكلم وبعد اسمع .
لقيته من اسبوع بيكلم بابا ومش عاجباه الاتفاقات التي تمت قبل الخطوبة بين الرجالة وبيكلم بابا باسلوب غير لائق ,فعرفت انه ممكن كان بيتجمل او بيكذب لدرجة فهمنا انه غلبان وخلوق ومتدين! أو حصل شئ خلاه يتغير ـ مش من ناحيتنا ـ , الله اعلم .
*** نصيحتي ـ المتواضعة ـ لك أختي الكريمة ولكل بنت مخطوبة :
1- استخيري الله اكثر من مرة واطلبي منه العون وان ينير بصيرتك وادعيه بالزوج الصالح,الصاااااالح الصااااااالح .
2-الخطوبة مش جواز , ولما يقولك فين مشاعرك وكدا وحسي بيا بحبك , (ههههههههه) خدي الكلام وارميه من الشباك ع طول 🙂 لانه كذب او توهم من الشيطان او ربما اعجاب فقط , أيا كان لا تجاريه في الكلام او تصدقيه .
3- لااااااازم لاااااازم تحاولي تعرفيه بأي طريقة ممكنة وشغلي عقلك وقلبك , وخلي بالك من الكلام اللي بيقوله واللي مش بيقوله (يعني لازم تقري كلامه بين السطور بمعنى أصح او تعرفي معنى سكوته ) ,واتكلمي واسئليه واختبريه بشكل غير مباشر ,,,,,,لاااااازم علشان تعرفي تاخدي قرار مظبوط , واطلبي مساعدة اهلك خصوصا الرجال (لان في مقولة مأثورة بتقول : الرجال أعرف بالرجال ),وقال رسولنا الكريم:(المؤمن كيِّس فَطِن ) .
4- لما تكوني صورة صحيحة عن العريس الى حد ما ـ طبعا عمرها ما هتكون صورة كبيرة لانك لسة مش عاشرتيه وعرفتي حقيقته ـ شوفي هي صورة صغيرة جدا ولكن حاولي ترسميها صح في بالك عشان تعرفي تقيميها صح , ابدئي حطي تقييم او درجات وهمية , وقارنيها بصورة فتى احلامك (اذا كان لديك واحدة ) ,لو مش عندك صورة مسبقة خلاص قارنيها بالصورة اللي أمرنا بيها الشرع ـ اذا حضرتك مسلمة ومتبعة الشرع باذن الله ـ ,والنبي عليه الصلاة والسلام قال:(اذا جاءكم من ترضون دينه وخلقه فزوجوه ) .
***واخيرا…. والله والله والله يا جماعة الخير احنا لو بنلتزم بتعاليم ديننا الحنيف ونلتزم بالشرع , صدقوني هنرتاح جدااااا جدااااا جدااااااا .
اكيد الحب هيجى بالمعاملة
بصي انا عايشه نفس مشكلتك وازيد منك انى مش شوفته غير صوره او ع النت جواز معارف وكده وانا رافضه الموضوع من البدايه بس امى اللي ضاغطه عليا وانا تعبانه نفسيا لدرجة لا تتخيليها بس مضطره اصبر لانه فات الكتير مخطوبه من شهر 11 وهيجي في شهر 7 ماما غصبانى اصبر ومفيش ادامى غير كده بدعي ربنا يكون صبرى مش ع الفاضي مع انى مش طيقاه ولا بحب اسمع صوته ودايما يضايقنى ويعصبنى وبارد وفيه كل ماتتخيليه بس دايما يقولي انا متمسك بيكي فمفيش ادامى غير انى اصبر اصبرى انتى كمان وسيبي كل حاجه ع ربنا واللي ربنا عاوه هيكون
شوفي اذا كنتي بتدوري على حب والعشق فهذا مش موجود أبدا بعد زواج بعد زواج في حب عشره هذا اذا نحملتيه وطولت وكلامي ممكن مايتفف عليه كل ناس بس أنا بقوله من تجربتي الخاصه إلي أنا عيشاها حاليا هذا مش معناه اني بقولك إفسخي الخطوبه لا لأن في كتير تزوجو عن حب وغرام وبعد زواج كل شي راح كأنه ماكان يعني مش بضروره حب يدوم أهم شي تكوني مبسوطه وراضيه بيه إذا ماكنتي مقتنعه صدقيني حتعيشي حياه عذاب
اعجبني حل dodo وما عجبني حل هدى وهي تقول كمان انها لم تجرب لا جواز ولا خطوبه , على العموم , عندي نفس القصة اختي جاءها عريس من عدة سنوات ورفضته والى الآن لم يأتي صاحب المواصفات الخيالية , ويبدوا انه لن يأتي أبداً , وانا من تجربتي اقول لك الحب بعد الزواج هو الحب الذي يدوم او الحب الطبيعي , حتى لو بدأ بعد عام من الزواج , والحب قبل الزواج مجرد رغبات كاذبة , اذا كان لهذا الشخص أي قبول ولو قليل فلا تضيعيه من يدك
واكيد انتي دائما تصلي الاستخارة بكل امورك وتستعيذي بالله , أهم شي , وربنا يسعدك
نعم بنيتي الحب ياتي بعد الزواج لقوله تعالى:
ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة……….) الاية من سورة الروم
اما قبل الزواج فما هو الا من تزيين الشيطان وانه ميل جنسي لا غير
هو دلوقتى فى مشكله تانيه انا لغايه دلوقتى مشوفتش الشفه وكل ما يتفتح الحوار يقولى هى لسه بتتمحر وانا عايز اوريهالك وهى متظبطه… هو كان قايل لنا انها صغيره واحنا تفهمنا بس لحد دلوقتى مشوفتهاش انا بلمح من بعيدانى مضايقه علشان مشفتهاش طيب افرض معجبتنيش
ياريت تفيدونى استنى لما يوروها لينا منهم لنفسهم ولا اطلب انى اشوفها ولو معجبتنيش اعمل ايه
معلش طولت عليكم 🙂
السلام عليكم انا صاحبه المشكله دخلت هنا صدفه متوقعتش ان مشكلتى تنزل … عموما هو كان عندى امبارح وصلتله انى مش مرتاحه وهو تفهم ده ولسه متمسك بيا حسيت انى ممكن احبه بعد ما حسيت ب التمسك ده
حسيت انسب تعليق هو تعليق dodo فعلا انا قررت ادى لنفسى فرصه تانيه فعلا هو لو مش خير ربنا اكيد مش حيكمل الجوازه و هحاول على قد ما اقدر اشيل فكره الفسخ دى
بصي انا زيك تماما كنت بﻻول ولحد دلوقتى بقالي سنة ونص ساعات بحس انى بحبه جدااا وساعات بحس انى استعجلت كان نفسي اوى اعيش حياه الخطوبة للاسف مش حساها تماما طول اليوم بلشغل تخيلي وقت فراغه بيكون ال ربع ساعة ال بيوص فيها للشغل هى دى ال بنتكلمها
بس تعرفي هو بيحبنى اوى اكتر منا بحبه بمراحل نصيحه منى لو انتى شايفة انه بيحبك متسيبهوش عشان فى الزمن ده مش بلساهل نﻻقي حد يحبنا وال عايزة اقلهولك انك حتى لو سبتيه ال حتتخطبيله تانى حتعيشي معاه نفس القصة فمادام بيحب متتخليش عنه وحاولى تحبيه واى شئ ميعجبكيش اتكلمى معاه فيه حاولى متتكسفيش بلكﻻم معاه
بس ارجع واقولك ال انتى فيه ده سببه الحب اﻻول ال بياخد كل المشاعر ويطير
بصي انا زيك تماما كنت بﻻول ولحد دلوقتى بقالي سنة ونص ساعات بحس انى بحبه جدااا وساعات بحس انى استعجلت كان نفسي اوى اعيش حياه الخطوبة للاسف مش حساها تماما طول اليوم بلشغل تخيلي وقت فراغه بيكون ال ربع ساعة ال بيوص فيها للشغل هى دى ال بنتكلمها
بس تعرفي هو بيحبنى اوى اكتر منا بحبه بمراحل نصيحه منى لو انتى شايفة انه بيحبك متسيبهوش عشان فى الزمن ده مش بلساهل نﻻقي حد يحبنا وال عايزة اقلهولك انك حتى لو سبتيه ال حتتخطبيله تانى حتعيشي معاه نفس القصة فمادام بيحب متتخليش عنه وحاولى تحبيه واى شئ ميعجبكيش اتكلمى معاه فيه حاولى متتكسفيش بلكﻻم معاه
بس ارجع واقولك ال انتى فيه ده سببه الحب اﻻول ال بياخد كل المشاعر ويطير
هذا زوجك ومبروك خطوبتك والكل يتمنى يتزوج بس ماشي زوج وأتمنى لك العيال ولازم يا حبيبتي تبري زوجك وتصبري ، هي كده الحياة مرة حلوة ومرة مرة فاصبري فهو زووووووجك ،
خليكى صريحة معاة وشوفى لو هو شخص كويس وهيتقى ربنا فيكى فدة كفيل انك تحبية مش احسن ما يطلع شخص حلو وتسيبية وفى الاخر تتخدعى فى واحد وفى الاخر يديكى ع دماغك وترجعى تقولى ياريت ……القرار فى ايدك لو ملئ عينك كملى مملاش صارحية بسرعة وارحمية
طبعا الحب حيجي بعد الجواز تعرفي لية لان الرب يقول جل جلالة((وجعل لكم من انفسكم ازواجا لتسكنوا اليها وجعل بينكم مودة ورحمة )))صدق الجليل فهمتي كلام ربي ولا اية
شوفى يا بت انتى سبيه
هوا هيزعل لمده نص ساعه وبعد كدا هيروح يقعد مع صحابه وينساكى
لانى اكيد هوا كمان مش بيحبك بس خايف يزعلك
أختي اعلمي يقيناً أن أي حب كان في غير الله لا بد أن يعذبك ويدهور أحوالك
توبي إلي ربك واستغفريه
مين قال إن الخطوبة وحشة؟
دة بس لاننا لوثنا معني الحب ..
بنعصي ربنا بالحب دة .. بنعصي ربنا عشان اللي بنحبه
أنصحك بقراءة كتيب “إنتي غيرهم” علي النت للدكتور مصطفي زايد – باللغة العامية –
صلي استخارة .. واستعيني بالله .. خدي زوجك بالحلال .. انتي ملكة .. انتي مسلمة .. انتي جوهرة .. مش اي حد كدة يسمع صوتك ويهزر معاكي او يكلمك أو يشوف وشك أو يسلم عليكي ..
الإسلام عمل وسوي فيكي لأنك مش حاجة عادية .. انتي المجتمع كله .. ما توصليش نفسك لمجرد زوجة تعيسة بعد قصة حب زي قصة روميو وجولييت .. دة هيحصل لو بدأتي بمعصية ربنا
ابدأي صح .. وتذكري أن قلب من تحبين بيد من تعصين
انا كنت زيك بالضبط و يمكن اكتر كنت حاسة انى مش طايقة اشوفه حتى و كنت لازم اخد مهدى لما اشوفه و فضلت كده لمدة سنة من الخطوبة لحد ماقررت انى مش حفسخ و انى حكمل و قولت لنفسى ان هو لو مش خير ربنا اكيد مش حيكمل الجوازه بس اهم حاجة انى شيلت فكرت انى افسخ من تفكيرى و ابعد الشيطان لما يخلينى افكر … صدقينى انا حالتى كانت صعبة و انا من النوع اللى مش بيرضى باى حاجة … بعد كده حبيته مع الوقت و انا دلوقتى اللى مستعجله على ان ربنا يجمعنى به …. بس اهم حاجتين 1- ان هو يكون انسان كويس ومتدين و انتى حاسة بده 2- انك تلغى فكرة الفسخ و قررى انك تكملى علشان تدى لقلبك فلرصه ان هو يحبه
بسي هما دايما يقولو كده مفيش حب بعد الجواز بس انا مش بقتنع لان ابي وامي لايكونو بيحبو بعض لاكن بعد الجواز حبو بعد لانهم اتعرفو علي بعد اكتر ومع ذالك لسه بيحبو بعضفنتي كملي معاه واتعرفي عليه وطبعا لازم الاخلاق انا مشلازم اقول لان انتي عارفه
كلام هدي صحيح وان الجواز ده سعات بيكوان نقمه اما الجواز عن حب هوا ان الحبيب يقف بجنب حبيبه وقت الشدايدوالثاني نفس الكلام
الصراحةوالمصداقية واجبةمن كلا الطرفين عندالارتباط وبماانك ماتحبيش الشاب ولاعايزه تظلميه معك فالافضل مصارحته من الان وفسخ الخطوبةوالرضابالقسمةوالنصيب وتاكدي انك لوماعملتيش ده تبقى حياتكم جحيم لايطاق ويكثرالشك عندالزوج انك تخوينه اوانوفي احدفي حياتك وهناتدب الخلافات والمشاكل التي تودي الى الطلاق المبكراواللجوالى الخيانة وده شي مقزز ومحرم لااحديتمناه اطلاقا
حب العشره
هوه تلاقيه مكسوف منك شوية… بس انتي ايه الي مش عجبك فيه بالزبط؟؟
بصي يا حبيبتي نتكلم بصراحة 🙂 رغم اني لسه 17 سنة , و لا جربت خطوبة ولا جواز , لكن حب العشرة حاجة و حب العشق و الهوى ده حاجة تانية خالص , هتحبوا بعض بعد الجواز و هتلاقوا بعضكوا بعد سنين متعودين على بعض و BLAH BLAH BLAH و طبعا اطفال و هكذا , بس الحب الحب ده مش هتلاقيه بعد الجواز , لأنه حتى مش موجود في الخطوبة ! بتقولي مش بتشوفو بعض غير مرة في الاسبوع و مبتتكلموش ! و مش حاسة انك بتحبيه ! لا سيبيه من دلوقتي احسن بدل ما تندمي , و هو لو فعلا بيحبك اوي زي ما بيقول هيحتويكي بشكل يخليكي تعشقيه !! بس الناس فاهمة انها تحاول تحبب نفسها في اللي مرتبطة بيه كدة و خلاص ! و ده غلط ! حتى ديننا مقالش كدة ..