انا عندى 23 سنه مخطوبه من سنه وشهرين لشخص بحبه من وانا عندى 16 سنه وهو كمان كان بيحبنى كان طيب جدا معايا وحنين وقريب منى وعمرى مطلبت منه شىء الا وعملهولى كان تقريبا معايا كل يوم فى السنين دى وبيغير عليا وبيحبنى جدا هو فى نفس سنى عدينا مراحل الامتحانات وبعديها دخل الجيش واول ما اتعين فى شغله اتخطبنا وكان الاتفاق اننا نتجوز بعديها من سنه لسنه ونص بعد الخطوبه اتغير تماما بدئها تدريجى وبعدين قلب مره واحدخ بقا مبيتكلمش ومبيسالش ومش عايز يشوفنى وبيهرب منى بقا عمل باسورد لموبيلع ومش بيردى يورينى الموبيل بقا بيعمل كل شىء يضيقنى وميصلحنيش وﻻ يكلمنى ومهما بعدت مش مشكله عادى اهم حاجه فى حياته صحابه واهله وبيمسكلى على اى غلط اعماه ويزلنى عشان يرد لو شفنى بعيط يمشى ويسبنى او يقفل السماعه فى وشى وسالته انت بطلت تحبنى يقول ﻻ بحبك وﻻكن تعبان نفسيا الفتره دى انا اديت كتير ومش هدى حاجه تانى هو ده الى عندى يتستحملى يتبعدى مش فارق اخرر كلام قالو ليا لو عايزه ناجل الجواز او نبعد شهر او تستحملى انتى حره بس ممكن يجى يوم ننقدرش وﻻكن بيكلمنى ويحكيلى عادى كان مفيش حاجه حصلت انا مش عارفه اعمل ايه انا شيله منه اوى و قلبى واجعنى مش حاسه بامان معاه
الجواب باين من عنوانه مايحبكيش ابداوعمره مايتغير ابدا الافضل لك تتركيه وتنسيه خالص قبل فوات الاوان وفكري في مستقبلك الف غيره من الشباب المحترمين الراغبين في الحلال اصبري وربنايبعت لك نصيبك لحدعندك وفقك الله وسترعليك
ايه الهبل دا !!
يعني مهما كان مضغوت و مدايق بس لدرجة يقفل ف وشك ؟
و تعيطي يمشي و يسيبك ؟
لو متجوزين كان حيسيبك فالشقة لزحدك تعيطي ولا تولعي ويبات برا ؟
من الاخر ؟ احكي لمامتك .. هي ادری
شوفي مسالةانوتغير عليك وصارمايسالش عنك اومايعبرك دي امور لهاعدةاسباب منها 1-ضغط العمل وخصوصاهوفي الخدمةمع الجيش 2-مشاكل مع اهله اواصدقاءه مايحبش انك تعرفيها3- قديكون في حياته احدغيرك لابدمن الجلوس معه والمصارحةالكاملة بينكماوتعرفي منه الحقيقة وبعدهاتقدري تقرري مصيرحياتك معه وربي يوفقك ويسعدك
انا اصغر من انى أنصحك بس لو كنت مكانك اعقد معاه وأفهم منه يمكن حب واحده تانيه . او زهق مثلا واختفى حبه ليكى .لو كده سبيه احسن لك
ملحوظة:بس اوعى تسبيه قبل ما تطلعى عينه وتقرفيه زى ما عمل معاكى بالظبط
انصحك متبعديش عن حب عمرك لانك لو بعدتى هترجعى تندمى مهما كان ال بيعملة بس لو انتوا الاتنين دورتوا جواكم كويس اوى هتلاقى ان فى حاجة بتربطكم ببعض ويستحيل انكم تقدروا تبعدوا وانتى حولى انك تتكلمى معاة بهدوء وبلمسايسة يمكن تقدرى تعرفى اية سبب تغيرة وتلاقى حل واتمنالك كل السعادة وكل الخير مع حبيب حياتك
انصحك متبعديش عن حب عمرك لانك لو بعدتى هترجعى تندمى مهما كان ال بيعملة بس لو انتوا الاتنين دورتوا جواكم كويس اوى هتلاقى ان فى حاجة بتربطكم ببعض ويستحيل انكم تقدروا تبعدوا وانتى حولى انك تتكلمى معاة بهدوء وبلمسايسة يمكن تقدرى تعرفى اية سبب تغيرة وتلاقى حل واتمنالك كل السعادة وكل الخير مع حبيب حياتك
الحمد لله والصلاة والسلام على رسول الله وعلى آله وصحبه، أما بعد:
شكرا لك لطرح مشكلتك..
بخصوص مشكلتك فربما تغير بشكل كامل بسبب اشياء كثيرة ربما مسئلة الجيش غيروا بشكل كامل او صحابو او ربما اهلوا او ربما شاف حاجة عنك معجبتوش ماصبح يتهرب منك وما يتصل بك كل هذه تكون سبب في ذلك وبخصوص سنة ونصف بعد زواج وما تزوجتوا هذا الامر كان عامل اساسي للملل وعدم تطور العلاقة الى حب اكثر الحل الوحيد هو ان تعملوا موعد مع بعض في كافتيريا وتتناقشوا مع بعض بهداوة ما سبب هذا التهرب وهذا الامر وناقشيه بهداوة وبدون تعصب ربما يخبرك سبب ذلك واجب ان يكون اسلوب في الحوار لبق ومهذب وعدم ارتفاع الصوت ربما يغير رايوا عنك وبما انه قال انه تعبان نفسيا في هذه الفترة اخبريه سبب ذلك وكون سند له وعون عشان يخرج من هذا الكؤابة واهم شيء صلي صلاة الاستخارة قبل اخباري او ملاقاته ان يوفقك الله في هذا الامر فانه سبحانه مجيب الدعوات ان شاء الله تسمعي خير بحول الله
الله يوفقك لما تحب وترضى
والسلام عليكم ورحمة الله تعالى وبركاته.
بصي الراجل بيتغير لأسباب كتيرة
منها
إنه يعرف واحدة غيرك وأنا أستبعد ده
أو انت كابسة على حياته أوي وعاوزة تسيطري عليه في كل كبيرة وصغيرة وتمشي رأيك
وممكن عملتي حاجات مكنش يتوقعها ضايقته كتير.
وممكن تكوني عنيدة معاه بشكل غير مقبول أو بتعملي مشاكل على أتفه الأسباب ومعيشاه في نكد دائم زي أغلب البنات يعني، وبتحسسيه بعدم الثقة.
اتكلمي معاه بصراحة وشوفي ايه السبب أو الأسباب وحاولي تغيري من نفسك وتعرفيه إنك مكنتيش تقصدي، ولازم تتقبلي كلامه وتحلي الموقف بذكاء مش بهجوم أو صمت قاتل.
بصى أنتى حكيتى كل حاجة عنه مش عجباكى ماشى تمام بس أكيد فيه حجات أنتى عملتيها برده مش عجباها حتى هوا بيقولك أنا أديت كتير معنى كده ممكن والله أعلم أنه حاسس أنك ما أدتهوش حجات كتير زى ما هوا ضحى وأكيد فى حاجه خليته يتغير هل مثلا عشان المرحلة الى أنتوا فيه دى بيظبط شقته والمصاريف الموضوع دة ممكن يعمل ضغط نفسى جامد عليه فشوفى خليه يكون مزاجه رايق كده وأقعدى وأتكلمى معاه وفكريه بحبكوا مع بعض وأيه السبب الى خلاه يتغير هل مثلا أنت عملتى حجات مش وخدا بالك منها وهوا شايل منها براحة كدة وأتنقشوا مع بعض وعلى ضعف البنت ديما بيكون قوة لدى الراجل فأقعدى معاه وشوفى فيه أيه وسيبك من أى حد يقعد ويخمن ويقولك لا ده هوا شاف واحده غيرك أو الكلام ده أنتى أكتر واحدة تعرفيه من أى حد ,وسيبك من كلمة مش حاسه بالأمان وربنا يهديكوا لبعض أنشاء الله