انا فتاة مخطوبة اديلى 3سنين نظرا لظروف خطيبى الماديه الا انى تقدم لى العديد من العرسان لكنى ارتبطت بخطيبى وهو اخ لزوج اختى وعشان كدة قلنا اللى نعرفه احسن مكنتش مقتنعه فى الاول وبعدين اهلى قالولى دة كويس ومحترم وهيصونك والكلام دة المهم اقتنعت وبعد سنتين من الخطوبه اللى المفرود كان دة ميعاد الزواج جاتله سفريه للسعوديه وانا طبعا مكنتش موافقه المهم سافر وطبعا مش هينزل غير بعد سنه اللى عدا منها حاليا 7شهور مشكلتى دلوقتى انى كل مانتكلم نتخانق على اى حاجه وكل حاجه انا لما ارتبطت بيه منكرش حبيته وهو كمان بيحبنى بس دلوقت مبقتش عارفه فيه حاجه اتغيرت جوايا مبقتش احسه زى الاول ودة بردو من عدم اهتمامه بيا ودى حاجه اشتكتله منها كتير بس لما بدأ يهتم كنت خلاص اتغيرت مشاعرى من ناحيته ومش عارفه ليه المهم هو دلوقت عايز ينزل اجازة يتجوز ويرجع تانى وانا بصراحه مش موافقه ومش هينفع اعيش لوحدى ومش هرتاح عند اهله ودة سبب الخلاف مابينا دايما لانه مش عايز يقتنع بكلامى مع انى قدرت ظروفه لاغيت اخر لحظه ولسه بقدرها انا متلغبطه اوى دلوقت ومش عارفه اخد قرار اكمل معاه ولا اسيبه اعتذار للاطاله عليكم ارجو الرد على مشكلتى
شوفي يابنتي اتفق معك في كل ماقلتي وعايزك تخبري خطيبك بكل ماتشعرين منه وتعانين واذا رفض انه يستمع لكلامك فمن الاحسن انهاء تلك الخطوبة معه وكل شي قسمة ونصيب واهلك لن يجبروك على الاستمرار معه القرار بيدك انت دي حياتك وانت اللي هتعيشيها وليس اهلك خلاص طالما انك مش مرتاحة معه ومشاعرك تغيرك نحوه ومش تفاهم بينكما انهي الخطوبة وكل واحد ينام على الجنب اللي يريحيه والف من يتمناك ياقموره نصيبك هتلاقيه لامحالة وربنا بيكرمك باحسن منو
عزيزتي اولا وبالنسبه لتغير مشاعرك تجاه خطيبك سببه البعد نعم فالبعد جفا والبعيد عن العين بعيد عن القلب وكثير من حالات الطلاق تحدث عندما يبعد الزوج عن زوجته بسبب الغربه ولا يشاهد زوجته الا في ايام قليله في السنه واكبر غلط يعمله الخاطب او المتزوج هو البعد عنها لانه عكس المتوقع سيحدث تعود علي البعد وقسوه في المشاعر فالحب الذي كنتي تحبيه لخطيبك لن يرجع مثل ما كان الا عندما ترجعا في قرب بعض فيجب عليكي الالحاح علي خطيبك باخذك معاه ولا يتركك وحيده بعيده عنه
ياعزيزتي فترةالخطوبة كفيلة بانك تعرفي كل حاجةعن الشخص اللي حترتبطي به من اخلاق وتعامله وطباعه ومشاعره واذاكنت حاسة انك مش مقتنعةبه ومش مرتاحةمعه لازم تصارحيه وتصارحي اهلك لانك انت اللي حتعيش معه مش اهله ولااهلك ومسالة انه سافرللخارج ده طبيعي لانه عاوز يكون نفسه ويجمع له قرشين ينفعوكم في الزواج ولابدان تقدري كلهذاواذاانت مش عاوزه انه يبعدعنك ويتركك صارحيه بالحقيقة دي ونشاءالله يفهم مشاعرك ويقدرها وتنتهي المشكلة ونفرح بكم عماقريب
شوفى لازم تعرفى انك انتى اللى هتتجوزى لا اهلك ولا اهله اسمعى من الناس اللى يفيدك وفى الاخر خدى القرار اللى يريحك لو تقدرى تعيشى معاه بحيث انه يرجع كل اجازة والتانية فمفيش مشكلة ولو مش حابة الوضع دا صارحيه بالمشكلة دى وحاولو توصلو فيها لحل وبالنسبة لفكرة ان مشاعرك بدات تتغير من ناحيته .. فانا شايف انك تدرسى الموضوع من ناحية تانية يعنى مثلا المشاكل اللى كانت بينكو .. هل ممكن ترجع تانى لو لا قدر الله مشاعره هوا اتغيرت من ناحيتك بعد الجواز .. اعتقد ساعتها هتبقى مشكلة كبيرة عشان كدا حاولو تعرفو بعض اكتر شوية لانى شايف ان حتى بعد 3 سنين واضح ان فى حجات متعرفوهاش عن بعض .. وقبل اى حاجة الافضل تصلى صلاة استخارة فى الموضوع دا وجيبيها من على النت لو مش عارفة بتتصلى ازاى وربنا يوفقك للاسلم