انا عندي 23 سنة مخطوية عن حب لانسان محترم جدا ورغم ان اهلي عارضوا الموضوع ده كتير فالاول الا اني فضلت متمسكة بيه برضو لحد ما اهلي وافقوا و بقالنا سنتين مخطوبين تقريبا وفاضل شهرين ع الفرح … اللي مخليني مترددة اوي اني هتجوز فمحافظة تانية وهبعد عن اهلي وان والدته فالاول كانت بتعاملني كويس اوي لكن حصلت مشاكل بين اهلي واهله بسببها ووالدته بقت بتعاملني وحش… هو والدة ووالدته منفصلين ووالده واهل والده بيعاملوني كويس اوي وبيحبوني اوي …انا صليت استخارة كتير ودايما بدعي من ربنا انه يقدملي اللي فيه الخير و من فترة صغيرة حصلت مشكلة كبيرة وكنا هننفصل بس المشكلة اتحلت فأخر لحظة … هو رافض اني اشتغل وانا نفسي اكون مستقبل خاص بيا انا واكون بشتغل …هو بيحبني اوي ومتمسك بيا لكنه عصبي جداااا ولما بيتعصب بيكون قاسي اوي ومش بيعترف بغلطه غير نادرا … انا دلوقتي لو انفصلت و مشيت ورا عقلي هشتغل واكون المستقبل اللي نفسي فيه لكن انا بحبه وهو متمسك بيا ولما حصلت اخر مشكله وكنا هننفصل انا كنت مخنوقة اوي وكنت حاسة اني مش هقدر اعيش من غيره بس كنت بقول لنفسي انها فترة وهتعدي وهنساه وسيبتها ع ربنا وفوضت امري لله والمشكلة اتحلت.. انا مش عارفة ليه خايفة اوي ومترددة جدا ومش عارفة اقرر وخايفة جداااااااااااااا من الفشل ومن الطلاق لان لو ده حصل حياتي كلها هتدمر لان والدي بيرفض تماما فكرة الطلاق دي … ارجوكم انصحوني اسفة اني طولت عليكم
اولا ماتستعجلي في الزواج قبل ان تعرفي خطيبك كويس وتاكدي من دينه واخلاقه وتصرفاته ثانيا فترةالخطوبة تخليك تعرفي اشياءكثيرة عنه تقدري تحكمي عليه انه يصلحلك او لا ثالثا-مسالة الشغل حاولي تعرفي ليه رافض فكرة انك تعملي ومن حقكي تشترطي عليه العمل وهومن حقه يرفض اويوافق ولكن ماتخليها عقبة في طريق سعادتك لو كان دي رغبته انك ماتعملي والعصبيةوالنرفزة دي موجود عنداغلب الرجال والست العاقلة هى من تعرف تمتص غضب زوجها وتخليه كالحمل الوديع بحبهاومشاعرهاوجاذبيتهاالانوثية وربي يتمم لكما اللي فيه الخير ويوفق بينكما
اذاالشاب بكل الصفات الحميدةويخاف الله ويحبك وصادق المشاعرمعك وانت كذلك تحبيه وصادقةالمشاعرمعه على بركةالله تزوجوا فورا وخلي عنك ان امه ماتحبكيش مافي ام ماتحب مرات ابنهاوام احفادهافي المستقبل ده عتب ستات وخصام ويزول للابد ومسالةانومش عاوزك تعملي فده من حقه شرعا وعليك السمع والطاعةللزوج مالم يامربمعصية الله فلاطاعةلمخلوق في معصيةالخالق ومسالةانوعصبي فمع الحب والمودةوالكلام الهادي والجميل منك يهدى ويبعدعن العصبية وربي يسعدك ويهنيك معه ويتمم لكم بالخيروبالرفاه والبنين
اختي اذاكان الشاب يحبك وصادق في مشاعره وعواطفه معك وانت كذلك تزوجيه وماتقلقيش ابدا ومسالةامه انهاتغيرت ماعادتحبك ممكن تتغير لماتشوفكم سعيدين مع بعض ومع مرورالايام حتحبك اكثر وانت وشطارتك تقدري تكسب قلب حماتك وماتخسريهاابدا اعتبريه زي امك واحترميهاوقدريهاونشاءالله تلاقيهااحسن من الاول معك ومسالةالشغل تفاهمي مع زوجك وان رفض اكسبي رضاه علشان ماتخربي بيتك وربي يوفقك ويسعدك
شوفى انا كشخص مجرد ببيقرى مشكلة .. مشكلتك بذات صعب اقولك مرة واحدة انفصلى او ابقى لان من كلامك تكلمة الجوازة فيها خير كتير .. وعدم تكملتها ممكن يكون فيه بعد لشر ومشاكل كتير .. يعنى الموضوع مش واضح اوى لانى مش فى وسط الموضوع وممكن كلمة منى تسبب مشاكل كتير لكن اللى مطمنى انك قلتى ( انا صليت استخارة كتير ) ان شاء الله متقلقيش وسبيها على الله هو الكويس انك بتقولى انه متمسك بيكى .. لكن مش هخبى عليكى قلقانى حتة عصبى ومش بيعترف بالغلط دى فكرى فى المستقبل وبعد الجواز هل حياتك هتعرف تمشى معاه بالاسلوب اللى ماشى دلوقتى ولا لا وهل عدم تكلمة مستقبلك الجواز افضل ولا لا.. دى حاجة انا شايف لازم تفكرى فيها انتى اكتر من واحد زيى