مشاكل الخطوبة

بين اهلى وخطيبى

انا بنت عندى 22سنة ومخطوبة لشخص فضلت احبه 6 سنين قبل الخطوبة والحمدلله فالاخر بقينا لبعض هو شخص كويس ومن عيلة كويسة كمان وحالته المادية كويسة والده متوفى وعنده ميراث منه يعنى من ناحية المادة مفيش مشكلة .المشكلة ان هو لسة متخرجش السنو دى ولسة ماخلص جيش ولا بيشتغل والمشكلة ان قبل مااتخطب كان بيتقدملى ناس كتير معظمهم ناس جاهزة وبتشتغل ومعظمهم وظايف محترمة يعنى مكنش فيه اى سبب للرفض غير انى مش عايزة اتخطب دلوقتى لدرجة انها وصلت لمشاكل مع اهلى ولما الشخص دا اتقدم اهلى ماكنوش موفقين لانه لسة مش جاهز ولسة قدامه كتير بس انا وفقت عليه وصممت ووقفت قدام الكل لحد ما الموضوع تم والحمد لله المشكلة ان الايام دى اهلى متغيرين وبيقولوا انا انا اختيارى غلط وحالتى النفسية زى الزفت ومحتارة ومش عارفة اعمل ايه والكلام ده بياثر فيا وبقلب على خطيبى وبعكنن عليه من وجهة نظرة من غير سبب ما انا مش عارفة اصارحه بالكلام دا و بعدين انا مش عارفة اعمل ايه فاتمنى انكم تقولولى اعمل ايه علشان بجد تعبت…………….

مشاكل وحلول ذات صلة

اضيف بتاريخ: Wednesday, October 15th, 2014 في 03:25

كلمات مشاكل وحلول: الخطوبة, بنت, مخطوبة

ردود to “بين اهلى وخطيبى”

فلورا :)

15/10/2014 at 15:31

ربنا يسهلكم الحال ياارب
اتكلمى معاه عادي بصراحه
اينعم هيتضايق شويه من اهلك بس من وجهة نظري ان الكلام بصراحه ووضوح حتى لو بيزعل بس بينبهنا نتصرف ازاى
يعني مثلا لو هو قالك ان مامته مابتحبش منك حاجه معينه وبتشتكي منك اكيد انتى هتضايقي والمفترض تحاولى ماتضايقهاش واساسا في الطبيعي انك بتفضلى تزنى عليه انه يقولك اي حاجه مضايقاه وان يشيلل الكلفه .. نفس الحكايه منك انه هيتضايق بس هيتصرف لو بايده حاجه وع الاقل هيبقى في مبرر ورا عكنننتك ونرفزتك دي بدل ما يفهمها ان انتى مش حباه او بداتى تصرفى نظر عنه
واهم حاجه ان تحددي على العكننه اللى انتى فيها دي سببها انك خايفه يضيع منك ومحتاره بين اهلك وبينه ولا هل النرفزه دي بسبب انك مقتنعه بكلامهم ومش عارفه تاخدي قرار ؟!
ركزي وشوفي ايه اللى انتى عايزاه وخليكي وراه
وطالما بتحبيه من زمان ماتفرطيش فيه عشان مش سهل تستغنى عنه ولا تنسيه :/
ياارب يكرمكم قريب ويلطف الامور ويهدي الجو عندك 🙂