انا مخطوبه لشخص بطريقه تقليديه (جواز صالونات) وانا كنت بحب شخص اخر قبل الخطوبه لمده 4 سنوات بس الشخص ده كان طول الوقت بيعبرى عن حبه بطريقه غير مباشره وانا مكنش عندى الجراءه انى اعترفله بحبى ده وفضلت 4 سنوات على امل انه يكون يبحبنى زى ما تصرفاته كانت بتقول وكمان مامته كانت صاحبه ماما وكانت قيالها انها عايزه تخطبنى ليه بس مقلتش علشان بيحبنى ولا لا وده من الاسباب اللى خلتنى اتوقع انه بيحبنى فعلا لان انا قولت مستحيل ان مامته تتطلبنى كده بالصدفهمن غير ما يكون قايلها حاجه فتعلقت بيه جامد وحبيته لدرجه متتوصفش ومن بعدها مش عارفه احب تانى وكنت برفض اى حد يتقدملى علشانه وجات ماما قالت لمامته لو عايزين تتقدموا اتفضلوا بس هو كان لسه طالب ومامته قالت مش هينفع الا لما يخلص ومن وقتها مامته ومتكلمتش تانى ف الموضوع واهلى قالوا احنا هنوافق على اى حد مناسب يتقدملى بس انا فضلت فتره كبيره ارفض على امل اى حاجه تحصل بس محصلش حاجه ف اصحابى نصحونى انى اتخطب واكيد هقدر انساه بس للاسف مقدرتش انساه ولا قدرت احب خطيبى مع ان خطيبى ده انسان كويس اى حد يتمناه فقررت اكلمه واعرفه انى بحبه ومش قادره انساه ولا قادره احب خطيبى بس هو انكر كل تصرفاته اللى كانت بتعبر عن حبه وانكر كلام مامته وقالى انه مرتبط بواحده تانيه فانا طبعا تعبت اكتر ومش عارفه اعمل اى ولا بحس بطعم اى حاجه حلوه ف الدنيا ومهما حصلى حاجات حلوه مش بفرح وكمان خطيبى بيضايق منى لما بيلاقينى مش بحبه زى ما هو بيحبنى …رجاء حد يساعدنى
يا حبي انسي اللي باعك (لو كان بيحبك صح ما كانش راج لغيرك )و اخدي اللي شاريكي بدل ما يسيبكو تندمي وتضيعي في نص حاولي انك تهتمي لخطيبك و ادعي كتير انو ربنا ينسيكي الاولاني اعقلي و بلاش أوهام وربنا يكتبلك اللي فيه الخير ربي يسعدك 🙂
التفتي لصلاتك ودينك احسن لك من هوس الافلام اللي انتي فيه ده
انتي عايزاني اقولك ايه اقولك افسخي خطوبتك وماتجوزيش وافضلي على حبه لحد ماتعنسي وهو يبقى متجوز وعنده عيال ولا واخد باله منك واقولك برافو انتي مافيش منك
ياحبيبتي ده هبل انتبهي لخطيبك عودي نفسك عليه وخلي كرامتك موجوده اللي يحبك حبيه واللي يستغنى عنك طظ فيه