انأ مخطوبة منذ سنه ونص عن قصة حب گبيرة وخطيبي يعمل خارج مصر فاول سنة خطوبة ازداد حبي ليه اكتر وثقتى فيه وحبيت عائلته لانهم ناس كويسين وزاد حبي ليهم لانهم عيلته ومن ريحته كانت دماغى عنيدة شوية بالنسبة للبس والشغل لكن بعد ما طلب منى ترك الشغل قمت بده اه مكنتش مقتنعه بس قلت هو عندى اهم من الشغل مشكلتى دلوقتى انه نزل اجازة على اساس نكتب الكتاب وكانت اجازته لمدة اسبوع وحثلت مواضيع والخطوة ديه محصلتش لان عندى رافضين انى اسفرله بدون مشقتنا تخلص ونعمل فرح هنا ولو فمسجد ونسافر هو نزوله مش بالساهل سافر وبعد فتره من سفرهحساه متغير معايا وهو مش مستحمل الوحدة ونا كمان متضايقه بس موش بايدى حاجة وموضوع انه يعمل توكيل لخاله ويبعتلى واجيله مرفوض عندنا نفسيته كل يوم بتسوء ونفسيتى انا كمان ونا شيفه البنات حوليا متجوزين ومتهنين ونا اعده كده وبلاش اقتراحات سيبيه لانى بحبه حب كبير اوى وكل حيتنا وذكريتنا مع بعض فياريت تشوفولى حل واسفه على الاطالة
بسم الله الرحمن الرحيم – نقدر معاناتك وحرصك على حبك من الضياع ولن يضيع بإذن الله – لكن يجب أن يفكها أهلك حبتين عن كدا ويتمموا زيجتك بشئ من التضحية شوية إذا كان العريس لايعوض وبعدين خطوبتك استمرت سنه ونصف ولم ينجز خطيبك شيئا يخدم الموقف ويحركه ؟ لكن ما كان يجب عليكي ترك عملك لا لا لا معليش دا موضوع انتي تسرعتي فيه وكان يجب على عريسك تقدير هذه النقطة ويؤجلها على الأقل بعد إتمام الزواج وانهاء مشكلة الفرح وما حوله وبرفضك الاستمرار في الشغل واتخاذك هذا القرار كان يجب أن يقدر ذلك عريسك وهو بإذن الله سيقدره وعندما قلت لكي أنكى تسرعتى في القرارفهناك سؤال : ماذا يكون الموقف لو لاقدر الله ولاسمح بفسخ الخطوبة ؟ هتكوني خسرتي الوظيفه والخطيب – يبأه كان المفروض عدم التسرع في هذا القرار – معليش وماله – أنتي تقولي خطيبي نفسيته تعبانة ومتغير معايا ؟ ليه متغير معاكي ؟ هو إنتي في ايدك إيه حتي يتغير من ناحيتك أنتي نفذتي له تقريبا كل رغباته ؟ والأمور بينكما تحكمها بروتوكولات العادات والتقاليد والقيل والقال وكلام الناس – وماله ماشي – ونزل اسبوع واحد ليكتب كتابه لكن أهلك رفضوا الطريقه التي سيتم بها الموضوع ورفضوا تسفيرك معه دون إقامة فرح طبعا لازم أهلك يفرحوا وهو ليه ميعملكيش فرح وبعدها ياخدك ويسافر بعد أن يكون جاب الشقه ويفرشها متنسيش يفرشها دي وأهلك أو ولي أمرك تكون معاه مفاتيحها ويكتبلك قائمة المفروشات بس تكون المفروشات جت بالفعل منكتبش ورق بس ونقول هنجب لا لا لا لا إنتي متضمنيش إيه اللي يحصل بكره أهلك صح لعلمك واحنا ياما عشنا في مشاكل زي كدا كتير حقيقية عشناها عن قرب بلاش خطيبك يأزم الأمور ويفكها شويه عن كدا ويحط نفسه مكانكم – الخلاصة : يجيبلك الشقه ويفرشهالك ويكتبلك قائمة مفروشاتك و ينزل يكتب كتابه ويدخل وبعدها يسافر بيكي زي ماهو عايز غير كدا يابنت الناس مينفعش – إياكي والضمانات الورقيه بدون تجهيز أشياء عينية – ملهاش أي قيمة الضمانات الورقية لو كتبلك الكون بحاله حتى – واياك والتوكيل بدون ما اشرت أنا إليه من ضمانات – انتي متضمنيش هيحصل ايه بكره وسيبك من الحب والذكريات دلواتي الحاجات دي مبتسقيش ميه وخطيبك مش المفروض يزعل من كدا ومش المفروض يدي فرصة لأحد ينتقده مادام اشتراكي واشتريتيه وسيبك من كلام المطيباتيه وياعم سهلها تتسهل مشيها متوقفهاش لا لا لا لا مش في الحاجات دي وانتي مانتى مشيتيها فعلا وضحيتي بوظيفتك وأكيد أشياء أخري وعملتي اللي عليكي وأكثر كمان – أين دوره ؟ ربنا يرجعهولك بالسلامة ويتمم لك فرحتك بصورة ترضي من حولك – لك التحية وربنا يسعدك ويتمم لك على خير ياررررررررررررررررررررررب
يابنتي الغالية حرام تقعدوا كده سنةونص مخطوبين ومش قادرين تتزوجوا اعتقد ان خطيبك عليه تحمل المسؤلية ويجى لعنداهلك ويتفاهموا على كل شئ من توظيب الشقة وتجهيزها معقول طوال السنةونص ماقدرش يعمل حاجةفي الغربة ولاايه الحكاية لازم تجلسي معه انت واهلك وتعرفي راسك من رجليك والا فكل واحديروح لحال سبيله واهلك معهم كل الحق عاوزك يجي ويخلص كل اموره والاماينفعش تبقى مخطوبة لاجل غيرمسمى لحدامتى وربي يسترعليك ويوفقك
طﻻما انتى شايفه انه انسان كويس وبيحبك خﻻص مفيش مشاكل اهلك بس عاوزين يضمنوا حقك وفى الحاله دى عندنا في بلدنا العريس بيكتب شيك على بياض وبيديه لوالدك وتسافريله عادى عروسه ولما يرجع ويخلص شقتكم وكل حقوقك يرجع ياخد الشيك من والدك
انا بقولك الله يوفقك فى حياتك