مشاكل الخطوبة

الفرح وحماتي

في البداية احب اوضح ان انا بحب خطيبي جدا بتحصل بينا مشاكل كتيرزي اي حد بس بنعديها والموضوع المرادي مش مشكلة علي قد ما هو مسببلي ازمة نفسية فعلا دلوقتي المفروض ان احنا فرحنا قرب وكنا بندور علي القاعة عادي ووالدة خطيبي اساسا تعبانة جدا من قبل ما نتخطب فهو مرة بيقترح عليا ان هو هيلغي الفرح ويدوبك يبقي كتب كتاب وهنحاول نقلل مصاريف العفش عشان يشترك مع اخواته ويعملولها العملية انا مينفعش اقوله لا انا نفسي في فرح زي اي بنت فقلتله ان مامته زي مامتي وطبيعي لو انا مكانه هاعمل كدا بس فعلا انا نفسي في فرحي معاه يعني انا متخيلة كل تفصيلة في الفرح وياه وهو حاسس ان في حاجة مضايقاني لان كل يوم اصحي معيطة وطبعا مش قادرة اقوله حاجة لان اقل حاجة هيقولهالي ان انا انانية وقليلة الاصل انا عاوزاه يعمل العملية لمامته بس نفسي افرح زي اي بنت برده ده غير ان اهلي لو عرفوا ممكن يفسخوا الخطوبة اصلا

مشاكل وحلول ذات صلة

اضيف بتاريخ: Thursday, March 3rd, 2016 في 15:11

كلمات مشاكل وحلول: الخطوبة, الزواج, بنت, زواج, شاب

ردود to “الفرح وحماتي”

الفهدالاسود

04/03/2016 at 16:25

اختي لازم تعرفي اهلك بكل حاجة مايصحش تخبي عنهم الموضوع ده بالذات لانك لوخبيتي عنهم ماحدش عارف ايه ممكن يحصل احتمال اهلك يقاطعوك وتحصل مشاكل بينك وبينهم وبين اهل خطيبك قدتودي الى فسخ الخطوبة الافضل انك تصارحيهم بالحقيقة وهم اكيد عايزين مصلحتك ويدورواعلى سعادتك وهيقدروا ظروف خطيبك ومرض امه وانها بحاجةلاجراءالعملية ومش بعيد يساعدون خطيبك على قدمايقدروا امابالنسبة لك فانت تصرفك صح وتشكري عليه لانك قدرتي ظروف الشاب خطيبك وحاجته للمال لكي يعالج امه وده يدل على معدنك الطيب وبنت اصول بحق وحقيقة تاكدي ان ربنا بيوفقك ويتمم لكم بالخير وبيسر اموركم وتتزوجوا وتفرحوا مثل بفية الناس والله يسعدكم ويهنيكم