مم انا مخطوبة من ٤ شهور خطوبة صالونات والخطوبة تمت بسرعة بس من البداية خطيبى قليل الكلام جدا ومش بيعرف يفتح مواضيع وللاسف انا كمان كده ودى اول خطوبة ليه وانا عمرى ٢٩ سنة بس دى ثالث خطوبة لخطيبى هو حكالى عن خطوباته قبل كده وان اول خطوبة كانت عن قصة حب لكن هى اللى سبته وثانى خطوبة كانت من اختياره بس هو اللى سابها بسبب الظروف ساعتها كانت صعبة معاه المهم اول حاجه غريبة اتفاجات بيها انه ماجبش دبلة لنفسه ولما سالته قالى اى حاجه بلبسها فى ايدى بتوجعنى المهم عديت الموضوع بس شوفت صور ليه قبل كده كان لابس فيها دبلة ، ثانى حاجه بعد الخطوبة باسبوع قعد اسبوعين مايتصلش بيه وانا عملت مشكلة وقولت لاخته وكنت هفشكل الموضوع بس لما جالى قالى عادى وعشان شغلى وشغلك مش بعرف اكلمك برضو عديت الموضوع وبقى يتصل بس المكالمة بينا مش بتتعدى ٣ دقايق ولحد دلوقتى مش حاسه انى مخطوبة كلامنا عادى جدا ولما اتكلمنا فى الموضوع ده بيقولى انا حاسس ان فى حاجز بينا قولتله طب ساعدنى انى اكسر الحاجز ده يقولى انتى اللى لازم تكسريه وتبداى ومع ذلك كنت ابعتله رسايل حتى ماكانش بيعلق عليها ولا يرد عليها والكل بيتهمنى انى مش عارفه اشده او اجذبه ليه انا بحاول بس هو المفروض انه الولد وانا ماكانش ليه اى تجارب ولا خبرات قبل كده . حتى فى عيد ميلاده عملتله عيد ميلاد وجبتله هديه ورغم كده فى عيد ميلادى حتى ماتصلش يقولى كل سنة وانتى طيبة واكتفى ببوست على الفيس وبقاله شهر ماجليش المشكلة انى مش حاسه باى اهتمام منه ولا بفرق معاه فى حياته ولما واجهته وقولتله انت حابب تكمل فى العلاقة دى قالى اومال انا ليه مستمر فيها لحد دلوقتى. مش عارفه اعمل ايه خايفه اسيبه اندم وهو انسان مؤدب ومحترم وكمان سنى وبدات اتعلق بيه وفى نفس الوقت خايفه اكمل مع انسان انا حاسه انه مش بيحبنى ولا حاسس بيه اعمل ايه ؟؟
حاولي تعرفي طبعه ،إتقربي من أهله خصوصا أخواته البنات وأمه،حاولي تعرفي برجه إيه علشان تفهمي شخصيته
في الأيام دي صعب نقابل واحد.مؤدب وخلوق وكمان مستعد يخطب البنت ،إديه فرصه تانيه ربنا يوفقك وماتستعجليش وبالنسبه لموضوع الدبله يمكن هو صادق ليه بنفرض إنه بيكذب !!؟
في ناس مابتفكش في الكلام باالتلفونات وبتحب تكتب لو هو من النوع دا إكتبي له إيميلات ،إكتبيله عن إزاي كان يومك ،عملتي ايه ،رحتي فين
بالنسبه لزياراته القليله بصراحه هو شخص يحترم نفسه ولو كانت نيته مش كويسه كان كل شويه ينط.عندكم بالبيت ولا يقولك خلينا نخرج ويستفرد فيكي
كمان يمكنطبيعة شغله تخليه مشغول كثير زس شغل الجراح والطيار
اختي الخطبة لا تبيح للخاطب الخلوة بخطيبته او تبادل رسائل الغرام معها الخطبة للتحديد الخطوط العامة للحياة الزوجية المقبلة والحب ياتي بعد الزواج.
اجعلي معيارك في قبول ورفض الخاطب الدين والخلق كما قال رسول الله (اذا خطب اليكم من ترضون خلقه ودينه فزوجوه) واذا كان خاطبك هذا خلوقا ومتدينا فلا تفرطي فيه واكثري من الدعاء والتضرع الى الله وتوكلي عليه سبحانه وتعالى.
اختي الخطوبة ماجعلت الا لاجل التفاهم بين المخطوبين والشعور بالارتياح والتجانس والانسجام بين الطرفين وده غير موجود عند خطيبك ولاانصحك بالاستمرار معه على الاطلاق لانك مش هتكون سعيدة ولامرتاحةمعه وتبقي حياتكم لاتخلوا من التباعد والنفور وبرودة المشاعروالعواطف بينكما وموتها من كلامك انوالشاب كانا خاطب قبلك مرتين وفشلت خطوباته السابقة وهذا يعطيك اكبر موشر على انو الخلل والعيب فيه هو وليس كماقال لك دي الحقيقة اللي لازم تعرفيها قبل فوات الاوان بغض النظر عن اخلاقه وانه محترم ومودب فده شي محبب وجميل لكن مايعرفش يقدر مشاعر الانسانة التي تحبه ولايهتم بها اويبالي بامرها وكانها مفروضة عليه اواحد غاصبه عليها فمن وجهة نظري وخبرتي المتواضعة في الحياة ارى انك تصرفي النظرعن الاستمرار معه وتفسخ الخطوبة منه وكل واحد يروح لحاله وربنا بيعوضك احسن منه الف مرة وهتلاقي ابن الحلال اللي يستاهلك ويعرف قدرك ويحترم مشاعرك وعواطفك ويصونها ويسعدك في حياتك