انا فتاه ابلغ من العمر 21 عام مخطوبه ومكتوب كتابي مشكلتى انى مش عارفه اتعامل مع خطيبي بتحرج منو مش بكلمو ومش ببصلو ومش دى اول خطوبه ليا دى التالته الخطوبه الاولى كنت فى الصف الثالث الاعدادى واما اتخطبت مكنتش بحبو وبابا صمم وخطبنى ليه وكنت بعملو وحش علشان يسبنى والحمد لله الخطوبه متمتش والخطوبه التانيه اتخطبت لواحد ومعرفتش اتعامل لا اتكلم ولا ابص له كلامى على اد السؤال وبعد فتره لاقيتو بيتكلم كلام جريئ قالى انه كدا بيكسر حاجز الاحراج اللى بينى وبينو وقتها اتكلمت مع ابي وعملت مشكله وطلعنى انى معقده ومريضه نفسيا والوقتى ربنا رزقنى بزوج صالح ومحترم جدااا واترددت جدا فى الموافقه خوفا ان معرفش اتعامل معاه وقدر الله وجعلنى زوجه له على سنة الله ورسوله ومن يوم خطوبتنا والله العظيم مابصيت فى وشو حاولت كتير اتغلب على احراجى مقدرتش لما بيكلمنى برد على اد السؤال بقالنا 6 شهور على كده مافيش اي جديد من نحيتى وهو مش راضي يتكلم علشان ميزعلنيش بس انا حاسه بيه وعارفه انو من حقو يعيش فتره خطوبه وواحده تبادله نفس شعوره بس مش قادره مش قااادره مع العلم ان دى طريقتى مع اى راجل حتى الاقربين حتى والدتى ابقى نفسي اترمى فى حضنها وابوس اديها اتحرج اتحرج اقولها وحشتينى لكن اهزر معاها اضحك اقول نكت العب لكن مقولش كلمه حب اعبر بيها للقدامى اين كان امى اخى خطيبي وحاليا بقيت بسمع الى بيتقال من ورا ضهرى انى معقده بسبب انفصال امى وابي والضغوط الى وجهتنى فى الحياه قررت اروح لدكتوره نفسيه وبعدين قولت هروح لدكتور احاول امرن نفسي انى متحرجش من راجل طلاما فى حدود الادب والدين وحسيت ان دكتور اى كلام مفدنيش كل مره اروح متابعه يقولى فكرينى بنفسك انتى انهى حاله لحد مكرهنى فى حياتى بالله عليكم انا اعانى واعانى بسبب احساسي بالذنب نحو خطيبي مع ان بحبو جدا ومقدرش استغنى عنو بس مش بقدر اعبر عن مشاعرى مش عارفه افتح مواضيع معاه ام بنخرج نفضل ساكتين اتكلم ارد متكلمش اسكت ومره مسك ايدي موفقتش وشدتها وزعل وصارحنى بكدا ومردتش عليه معرفتش ارد بالله عليكم افييدونى انا مخنوقه جداا هل انا مريضه هل انا معقده ماهو الحل او العلاج وهل اقوم بزياره طبيب نفسي من كتر احساسي بالذنب نحية خطيبي فكرت اكتبلو جواب انى افسخ الخطوبه وميعلقش نفسو بواحده معقده زى لان من حقو يحب ويتحب بالله عليكم افيدووونى
السلام عليكم و رحمة الله
أنت من النوع الشديد الخجل , لكن كثرة الخجل في كثير من الأحيان تسبب المشاكل , أنت تعاملينه كأنه أجنبي عنك هو لا يريد إحراجك لكن ضعي نفسك مكانه لو فرضا أنت تتحدثين و هو لا يرد إلا للظرورة ستشعرين أنه لا تعنين له شيئا و أنه مفروض عليك .
صديقتي هذا زوجك على سنة الله و رسوله يعني بإمكانك التحدث معه و الخروج و بامكانه أن يمسك يدك فحاولي أن تتقبلي هذه الفكرة , حاولي التخلص من خجلك قليلا , حاولي التحدث معه في أي شيء , اخرجي معه إلى مكان ما لتعودي نفسك على أنه ضمن محارمك .
زود ثقتك في نفسك رددي دائما أنك قوية و أنك ستتغلبين على خجلك هذا .
الخجل و الحياء من السمات الجميلة في الفتاة لكن الخجل الزائد عن الحد يسبب المشاكل.
والدتك تتقبل منك عدم البوح بمشاعرك لها و كذلك أخاك فهذا أمر عادي , لكن زوجك لن يتقبل ذلك و إن راع خجلك في أول الخطوبة مع الوقت سيشعر أنك لا ترغبين بتواجده في حياته أو أنه مفروض عليك .
استغلي فترة الخطوبة للتخلص من خجلك المفرط , حاولي تقريب المسافات بينكما حتى تتعرفي أكثر عليه و تتعودي عليه أكثر.
أنت قوية و بامكانك القيام بذلك .
بالتوفيق
اسلام عليكم ورحمة الله
انتي مقلتشاه الاسباب التي لا تستطيع تتكلم معه مثل
لسان يبقي ثقيل بتخجلي منه اه شعورك لم تشفيه انامعرفش الحل صلي ستعذ ب لله من الشيطان ان مش عارف
دور في نفسك وهتلقي الحل
المشكله دي غريبه
متخفش كون قويه جراءه