اهل خطيبى ناس غريبة اوى

انا بنت عندى 21 سنة ونص مستوانا المادى متوسط وتعليمى كمان مشكلتى غريبة ..انااتخطبت لشاب فى نفس عمرى مستواه المادى كويس بس جامعى واهلة مقاولين ..بس هو واهلة ناس غريبة اوى اولا عندهم الشباب فى العيلة بتتجوز فى سن صغير جدا لدرجة ان اخواتة كلهم الولاد متجوزين من اول 16 سنة ودول لانهم جهلة كلهم مبسوطين بس ماديا لكن جهلة مش متعلمين يعنى يعتير خطيبى اتجوز بالنسبالهم كبير ..خطبنى من شهرين بس هما فيهم طبع غريب اوى مستعجلين على الفرح جدا.. وحصلت مشاكل كتير لما كنت باجل الفرح لانى عايزة اعرفه وانى مش متقبلة انى اتجوز واحد عرفتة واتخطبتلة واتجوزة كمان فى 4 شهور بس منهم طبعا 3 شهور دراسة عندة وامتحانات كلامنا كان فى الفترة دى بسيط مايبينش طبع حد فينا للتانى او نعرف بعض فيهم بسبب الدراسة وكمان هو كان خاطب قبل كدا مرتين..المشكلة ان هما شقتهم500 متر يعنى فاتحين 3 شقق على بعض متجوزين فيها اخواتة التلاتة مع بعض اوض النوم يعنى كلها مفتوحة على بعض هى تعتبر كدا شقة وحدة مش 3 ومطبخهم واحد وصالة وحدة ليهم كلهم ( لية اخ واحد بس متجوز فوقيهم بس سايب مراتة وعيالة التلاتة منفصلين يعنى ولية اخ برضوا متجوز فى نفس الشقة الى تحت الى هى خمسمائة متر دى بس برضوا منفصل عن مراتة ((( خطيبى بقى واهلة عايزين يجوزونى فى اوضتة هى طبعا تعتبر شقة لوحدها بس مفتوحة على اوضة باباة ومامتة واخواتة المفروض لينا شقتنا تحت هو بيقولى هانتجوز فى اوضتة لمدة 6 شهور لسنة الغايت مانوضب شقتنا لانة مستعجل اقولة لية كدا مانستنى نوضب الشقة وندخل فيها احسن يقولى لا انت كدا مش بتحبينى وعايزة تأجلى فرحنا وهو زعلة وحش جدا بصراحة بخاف منة وبخاف من اهلة وبخاف انة يسيبنى لانة فعلا سابنى قبل كدا واهلة بهدلونى بصراحة انا كنت غلطانة بس هو عشان بيحبنى رجعلى تانى
بس انا كدا غلطانة انا مش حبة اتجوز فى مكان يكون فية كل الناس دى اخواتة كلهم ومراتتهم واختة وباباة ومامتة مهما كانت المساحة فاكل حياتهم كدا مكشوفة لبعض ((هو ,واهلة طبعهم ان لازم ابنهم الاول يتجوز معاهم وبعدين ينقل فى شقتة بعد كدا بس بعد مايعد معاهم فى الاول و لو رفضت كدا ابقى مابحبش اهلة وساعتها مش هانكمل سوا هايسيبونى يعنى طبعهم غريب اوى مع ان شقتنا تحت شقتهم علطول مش فى بيت تانى انا خايفة اتبهدل واهلة يدخلوا فى حياتى غير ان عندة اخيين منفصلين حد يقولى اية الصح لانى مش عارفة وبعدين عندة جيش كمان فى شهر 6 حد يقولى اعمل اية استحمل ال6 شهور وخلاص وبعدين انقل ولا اعمل اية ..

مشاكل وحلول ذات صلة

• خطيبى اكتشف علاقاتى
• أهل خطيبتي بيسألوني عن مرتبي
• خطيبتى عنيده ومش اجتماعيه وبتتقمص من اقل حاجه
• استخرت الله بحبيبتي وحصلت بعض العقبات
• اشعر انها خانتني وافكر بالانتقام
• اتصرف ازاي مع خطيبتي قبل الزواج
• اتفقنا على موعد الخطوبة لكن غير مرتاح نفسيا