انا واحده عندي 21 سنه مخطوبة من سنتين تقريبا خطيبي يبقي ابن عمتي واحنا جيران بس هو بيشتغل في السعودية وبيجي كل سنه . لما خطبني وافقت عليه لان اخلاقو عاليه ومهذب اوي وقلت لنفسي يمكن احبو بس لما قربت منو اكتشفت اننا مختلفين عن بعض تماما انا رومانسية اوي وهو لا بكره كل الحاجات اللي بيحبها وهو كمان بيكره كل الحاجات اللي انا بحبها .انسان هزلي جدا حتي في النقاشات الجاده . اهلو بيمشو رايهم عليه.معندوش كلمه عليهم مش بيحترموه . بقيت بكره الكلام معاه بقفل التلفون علشان مايكلمنيش مابحسش ناحيتو باي احساس
والمشكله انو بيحب الفلوس بخيل اوي والمشكله الاكبر بقي في اخواتو دول مش محترمين خالص معندهمش اخلاق لدرجه انو اخوه الصغير مشهور بقلة الادب وانو بيسرق يعني حرامي بس الاهل وبعض الجيران هم اللي يعرفو كده وبيتسترو عليه علشان خاطر باباه ومامتو
عايزه افسخ الخطوبه لاني بجد مش هقدر اعيش معاه ولا احس بيه كزوج في يوم من الايام …..وكمان خايفه اذا اتجوزتو ولادي يطلعو ذي اعمامهم
بس خايفه اعمل مشكله بين اهلي اذا سبتو خصوصا ان اهلنا قريبين لبعض اوي
محتاره بجد ومش عارفه اعمل ايه ياتري اتجوزو وادمر حياتي واضحي بسعادتي ولا اسيبو واللي يحصل يحصل ارجوكم افيدوني انا بجد تعبانه اوي وبتعزب
مشاكل الخطوبة
محتاره وبتعزب كل يوم انا محتاجالكم بجد
اضيف بتاريخ: Saturday, November 27th, 2010 في 16:35
كلمات مشاكل وحلول: ابن العمة, الاهل, رومانسية, فترة الخطوبة, فسخ الخطوبة, مخطوبة, مشاكل الخطوبة
انتى خلية يكرهك بصنعة واخلعى منة
انا رايى بصراحة انك لازم تنهى الموضوع دا من الاخر لانه مش مناسب من جميع الاتجاهات بصراحة
بين غمضة عين و انتباهتها يغير الله من حال الي حال
طبعا تسبيه ربنا هيبعتلك حد يريحك متقلقيس بس اوعي تتعسي نفسك بايديكي هي فتره الخطوبه معموله عشان تشوفوا اذا كنتوا هتقدروا تكملوا مع بعض ولا لا وانتي مش قادره يبقي متتردديش اهم حاجه راحتك انتي والله وربنا يريحك
يعنى بخيل ومش بتحبيه مستنيه ايه تانى واذا كنت خايفه من المشاكل بين اهلك دلوقتى ارحم من بعد ما تتجوزوا
المشكله ال هتحصل بين الاهل دلوقتي اهون بكتير من كمية المشاكل ال هتحصل بينك وبينه بعد الجواز وممكن برده تنتهي بالطلاق وهتبقي اصعب من جميع النواحي فالافضل ابعدي عن الشر من الاول واحمي نفسك واهلك وحياتك من المشاكل ……….
انسه
طالما انتى رافضاه نفسي مينفعش انك تتجوزيه ، وبالنسبه لاهلك خدوهم واحده واحده لحد ما يفهموا الموضوع ، اقتنعوا كان بها مقتنعوش متكمليش الموضوع ده وابعدي بدري بدري عشان متعطليش نفسك معاه اكتر من كده
بالله عليك معقوله ترتبطى بناس كده
ربنا معاك ان شاء الله
انتى عاوزه الصراحه البخيل اوعى تتجوزيه لو بن مين بس خلاص
طيب ما في توافق ليش مستنيه اقفلي الموضوع وبرري موقفك لاهلك اهم شئ التوافق وكمان البخل سئ جدا واكيد عنده بخل حتي في الامور الرومانسيه ربنا يسعدك ويرزقك بمن هو احق لكي
بصى لو فكرتى فيها من ناحية القلب والعقل زى بعض تماما قلبك مش بيحبو وعقلك مش عاوزو ورافضو
يبقى هتفضلى معاة لية متزعليش منى اهلك مش هيعشو ليكى ومش هما ال هيتجوزوة سبية وال يحصل يحصل احسن متتطلقى وانتى عيالك فى ايديك والاحل الانسب صلى صلاة استخارة وتوكلى على ربنا وادعى لو كان دة الزوج الصالح ليكى رغم كل ال حوالية ربنا يتممو ليكى ولو العكس ربنا يبعدو عندك وربنا يسعدك ويعملك ال فية الخير
شوفيي يا بنتي الزواج ده زي الاكل لازم نفسك توافق عليه ارجعي الي الله واستخيريه وربنا هيدلك علي الصواب كل ده بسبب بعدنا عن الله سبحانه وتعالي
إنتى مش اول وحــــــــــده تفسخ خطوبتها وبعدين يابنت الحلال احسبيها صح وماتتردديش فى إنك تاخدى قرار والقرار ده ممكن يكون فى مصلحتك ومصلحتة والقرار دلوقت هيكون افضل بكتير من القرار بعد الجواز وعيب اووووووووى إنك تقولى خايفة تحصل مشاكل بين اهلك واهلة هى فترة الخطوبة اتعملت ليه علشان ال2 يتأقلموا على بعض ولو ماحصلش يبقى كل واحد يروح لحالة وصدقينى إنتى مش اول وحده تاخد قرار من النوع ده
أهلاً ياأصدقاء
سارة – مونة – نور – ابو عبير – شهرزاد
انا بحب الموقع دة علشان بحس ان افكارنا واراءنا قريبة من بعص
أختى الغالية صاحبة الرسالة ( لايكلف الله نفساص إلا وسعها ) وانتى مش طايئه خطيبك وانتى على البر لسه اومال لما تبقر مراته هتعملى أية
انتو هتبقى عشيتكو كلها نقار وقرف وغضب وهذا الزواج مش هيستمر فى ظل هذة الظروف وعدم التفاهم الكبير والواضح بينك وبينة وبين أهلة كمان حسب كلامك
يبقى زعل العائلتين اليوم بأقل الخساير احسن من زعلهم بعدين وانتى مطلقة أو ام ومعك اولاد
كلة هيجى عليكى فى الأخر وحيقلولك لما انتى مش عيزاه ماقولتيش لية من الأول .
نصحتى افسخى الخطبة وربنا يعوضك بعريس احسن منة ان شاء الله
الصديق
محمد …… مصر
ا الاخت الفاضلة انا مع الراى القائل بالاستخارة استخيرى الله ., واما من ناحية الرومانسية والكلام الجامد دة بعد الزواج ملهوش مكان وسط معترك الحياة فجأة تجدى نفسك تخليتى عن الرومانسية فى مقابل الاولاد وتربيتهم . ولكن تستطيعى ان تعلمى زوجك اللباقة وحسن الحديث بوجودك معاة وتتناقشوة فى مستقبل الاولاد وكيف توفروا لهم الحياة السعيدة… اما من ناحية اخواتة فدة شيئ لايعيبة هو يكفى انة مطيع لاهلة وبيشتغل وشايف مصلحتة ودى الرجالة اللى قلما ندر وجودها فى الزمن دة .. يابنت الناس باما شباب كتير ونايم فى حضن باباة ومامتة متكل على الثروة وممكن تجدية رومنسى اوى اوى وهو من جواة ثعلب مكار ولا يلقى بالا بحدود الرجال .. اخيرا استخير ربنا وهو يدلك على الطريق الصح
لا تضحي بنفسك و اطلعى من الخطوبة بأي سبب منه حتى تحدث مشاكل ، يمكن هتتلخطبي من كتر الآراء بس المهم المتدين المناسب اللي يستحق الحب و مش يهينك .
ربنا لاتذد قلوبنا بعد اذ هديتنا وهب لنا من لدنك رحمه انك انتا الوهاب بكل الاختصارات اتقى الله فى نفسك وفيه ولو كنتى حاسه انك مستقبلا انك مش هتبقى سعيده معاه استحلفك بالله تسيبه والا هتعيشى حياتك ضحيه له ولاولادك ودورى على مصلحتك اولا وبعدين الاخرين
انتي لسه فيها ولسه بنت مادام مش عايزاه بجد يبقي تحطي في دماغك انك تبعدي عنه من دلوقتي وهتخدي احسن منه وبعدين فكك من جواز القرايب
يا اختي اولا اتمني لكي السعادة في الحياة الدنيا والاخرة وانصحك بصلاة الاستخارة فان كان فيه خيرا كتبه الله لكي وان اردتي ان تعطيه فرصة فعليك ان تبحثي عن مميزات خطيبك وتنميهاوعدلي من السلبيات وان لم تفلحي فاسالي الله ان يرزقك خيرا منه وان يرزقه خيرا منك
اولا زواج الاقارب بيجعل هناك عيوب وراثيه كتير ثانيا لو انتى صادقه بكلامك لابد تنهى الخطوبه فورا لانك قبل ما هتحطمي حياتك بردو هتحطمى حياتو لان الزواج مش سهل واتلطلاق اصعب لابد انهاء الخطوبه وفورا وشكرا
انا كمان رايي انك لو مش مرتاحه سيبيه واخلصي والله يعوضك خير لو مائدرتيش تحبيه في الخطوبه يعني خلاص مافي حب اخلصي قبل فوات الاوان وتتزوجي وتكونين مطلقه لاسمح الله
انا رايي تسبيه لان الجواز ده عمر وما ينفعشى تضيعى عمرك مع واحد بالاصاف اللىانتى قلتيها والله الموفق
الرجاء ان تسنخيري الله وربنا لو رايد الخير لكي ياكيد هيكون خير وانتي اللي عايزة تشوفيه وحش ولو عايزه تشوفيه حلو اكيد هتشوفيه حلو صدقيني عامليه زي ماقال الدين واكيد هتكوني مستريحة معاه صدقيني صلي وتوكلي علي الله وربي اولادك علي الحلال لان السرقة مرض وممكن يكون في واحد مش موجود في التاني
وفي كتاب اسمه كيف تؤثرين علي زوجك ابحثي علي النت واقريه وان شاء الله خير
انا بس دلوقتى فهمت ليه فى حاله طلاق فى مصر كل 6 دقائق
الخالخلاصه انك تسيبيه على طووووول لو كان فعلا اخلاقه كده هو واهله وده لان ده حياتك وانتى بس اللى حرة فيها لان لو غصبتى على نفسك علشان خاطر اهلك مش ها تقدرى على تسيطرى على اولادك بعد كده فى تربيتهم لانه بشخصيته ده ها يطلعو عيال تعبانه وممكن توصل للطلاق بعد كده وانتو معاكم ولاد
حياتك اهم من اى حاجة فى الدنيا سيبيه دلوقتى احسن ماتندمى بعدين
بصى يابت الناس انا هاقلك على حاجه انسى موضوع الحب انا كنت بحب وماحصلش نصيب والايام الجايه هاخطب انشاء الله بصى لتل لاعرفا عليها عادى جدا بس هى عندى دلوقتى اهم من نفسى وبحبخا جدا لو مش مرتاحه معاه ماتكمليش لنفسك بعد فتره من الجواز هاتجيلك ازمه منتصف العمر ؟ ودى مش حلوه ليكى لانى الرجالخ الزايغه عينهم كتير واديكى شايفه الدنيا واللى يزعل يزعل مصلحتك وراحتك فوق الجميع ويارب توفقى الدنيا
مش هو ابن عمتك يعنى كنتى تعرفيه من زمان
ليه قبلتى منه الخطوبة من الاول
والمفروض انك تعرفى كل حاجة عنه وعن اهله
ابن عمتك وجيرانك يعنى المفروض انك مش محتاجة حد يدلك
اكيد الحل صعب .. كلمى عمتك والجواز قسمة ونصيب
مينفعش تضحى بحياتك عشان اهلك انتى مش مرتاحة معاة سبية وفترة الخطوبة اتعملت عشان كدا اتنين بيدرسو بعض لو فى توافق بيتم الزواج لو مافيش كل واحد بيروح لحالة ومافيهاش زعل س اوعى تيجى على نفسك عشان اهلك او اهلة انتى اللى هتتعبى فى الاخر لان انتى اللى هتعيشى وربنا يوفقك ويسعدك
بصى سبيه وماتخافيش من ناحيه الاهل هما هيزعلوا شويه بس هيرجعوا احسن من الاول لانك لو اتجوزتى واطلقتى هتبقى المصيبه اكبر وساعتها هتكون فى مشاكل وتفرقه اكيده بين الاهل وكمان بتقولى انه بخيل الا البخل مرض ليس له علاج نهائى
بسم الله الرحمن الرحيم ..مع احترامى لكل الاخوه فى رئيهم .لكن احب اقول كلمة هانى رمزى الشهيره فى فيلم محامى خلع ..لا يختلط الزيت بالماء..ارجو الاتتردى ولولحظه واحده فى فك هذا الارتباط المحكوم عليه بالفشل قبل ان يبدء .. وسيبك من اى كلام تانى ,,وسيبك من اى مشاكل ممكن تحصل بسبب كده مع الاهل ..لان دى حياتك انتى ومفيش حد هينفعك …. والله المستعان
قليله على كل عيوبه فى نظرك واهتمى بدينه لو كان صاحب دين ممكن يتغير غيريه بالله يعنى حاولى كل عيب تقليلى عليه يكون بدليل من الدين او بقدوه من الصالحين لاننا لا نحيا ولا نتغير الا بالله كمعشر العرب وانظرى حال سيدنا عمر وكيف غيره الدين ولا اقصد التشبيه ولكن اقصد تقريب المفاهيمواعطى له فرصه وجربى والا فالانفصال بعد الاستخاره افضل
كله الا البخل
الزوج البخيل وحش اوى انصحك تسيبيه من دلوقتى
والله انتي عندك مشاكل كتير مش مشكله واحده بس اولا انتي مش بتحبيه ثانيا بتقولي انه هزيل يعني مش هتنفعوا مع بعض حتي بعد الزواج واكيد دايما مختلفين في الرأي زي ما بتقولي وبخيل يعني الحياه معاه مش هتريحك وتعرفي بعد دا كله لو انتي بتحبيه يمكن كانت تمشي الحياه لكن للاسف انتي مش بتحبيه اكيد انصحك بأنك تسيبيه وليكي الاختيار
شوفى انا بترجاجى تسبيه علشان متجيش بعدين تتعذبى وتوهى وتجيبى اولاد زنبهم ايه ارجوكى بلاش تتعبى نفسك وتتعبى اهلك ده الاريح لاهلك من انك تكونى مراته وبعد كده كل المشاكل تظهر
والله انا لى راى مختلف تماما عن اللى سبقونى من الاخوه الافاضل انا ارى ان الشخص هذا رجل مكافح وشاطر وعايز يبنى مستقبله زى اى شاب فى الدنيا ولا يعتبر هذا بخل والله من كل قلبى اتمنى ان اكون مثله وليس مشكله ان يكون مطيع لاهله ومحب لهم انا هقول لكى كلمه تحطيها فى راسك كويس اللى ملوش خير فى اهله ملوش خير فى حد والله وبعدين دا راجل شغال فى السعوديه يعنى انشاء الله ممكن ربنا يكرمك وتروحى معاه وتكملى الركن الخامس من اركان الاسلام انشاء الله والحب والالفه انشاء الله تيجى بعد الزواج ولا تترددى ولا تسمعى اى كلام من اى حد وانتى مع مر الوقت تعرفى تعلميه الكلام الحلو الراجل منا عامل ذى الطفل الصغير تقدرى تشكليه زى ما انتى عايزة ربنا يوفقك ويرزقك بالزريه الصالحه وتذكرى كلامى جيدا من اخ لاخته
يا اختى الكريمه استخيرى الله واتق الله فيه وكل كلامك ما فيش فيه دليل وموضوع اخواته دا شيئ لا يعيبه وموضوع الغربه دا بيصنع الرجال وصدقينى كلامك اغلبوا غلط فى غلط وبعدين الرجال افعال وليس اقول وادخلى على معظم المشاكل الموجوده من الشباب الى بتدورى عليهم ارتبطى بيه يمكن ربنا يسعدك وتايخدك معه وتعيشى فى الاراضى المقدسه وتنعمى بجوار الحرمين وتتمتعى بالعمره متى شئتى وبالحج الذى كل مسلم ومسامه يتمناه واكيد الغربه هتقرب بينكم وهتكون رابط قوى بينكم وربنا يوفقك ويوفق كل بنات المسلمين للعمل بكتاب الله وسنة رسوله
والله الخسارة القريبة افضل بكثير بخسارة كبيرة فى المستقبل لان بالتاكيد هيكون فى اولاد نصيحة انفصلى عنه دون اى تجريح له!
استخيرى الله وانشاء الله لو هو شر هيصرفه عنك اهم حاجه يكون عندك صقه فى الله وهو مش هيضيعك ولو هو شر فعلا ربنا هوه الى هيبعده عنك وربنا يوفقك ويوفنا
ولة عيلة مشرفة متاسف على التعبير بس الواضح ان الزواج دة ما هيدوم طويلن نصيحة خليكو اخوات احسن و لو الموضوع زاد اتبرى منهم هم يضحك و هم يبكى
من نعمة الله على عباده نعمة النسيان والاهل هيجو يوم وينسو تركك له ولكن انتى لو تزوجتيه هتكون المصيبه اكبر ازاى تعيشى ما انسان تحت سقف واحد وانتى قرهاه لو مكانك اتركه من امس مش من اليوم
تتجوزيه ايه بس بعد كل الاوصاف دى ده انتى بتحتقريه وبتحتقرى اهله كمان طب ازاى عاوزه تتجوزيه صدقينى لو اتجوزتيه حتنفصلوا فى اقرب فرصه او اقرب مشكله حتحصل ما بينكم فالخساره القريبه احسن من المكسب البعيد افسخى خطوبتك منه باى شكل وصارحى اهلك من مخاوفك دى واكيد اهلك مش حيجنوا عليكى مهما كنتم اقارب مع بعض لان نظرتك ليه كده انك فعلا مش بتحبيه وكمان هو بخيل ودى مصيبه عند الجنس الناعم لان البخل مش بيبقا فى الماده بس بيبقى كمان فى المشاعر
السلام عليكم ورحمة الله وبركاته
افسخى معاه الخطوبة فوراً قبل ما يرجع من السفر, اتصلى بيه وقوليله مش هينفع نكمل مع بعض ,لانى مش بحبك. ولا تخافى من اى شئ مهما حصل.لان دى حياتك وانت حرة فيها.
لو كنت مكانك طبعا هسيبه واللى يحصل يحصل لانك لو كملتى معاه انتى كده بتضحى بنفسك ومدام مفيش اتفاق اكيد هتحصل مشاكل كتير واكيد الاهل هتتدخل وهتبوظ العلاقات اكتر اما لو سبتيه دلواتى هيزعلو شويه فى الاول وخلاص وهعرفو ان ابنهم هيكون ليه نصيب فى واحدة تانية تتوافق معاه وانتى كمان ربنا يوفقك لابن الحلال ان شاء الله بس حاولى تنفصلى بشياكه وماتتمسكيش فى اى حاجه جابها لك
حبيبتى هكلمك كاخت انتى لازم تنهى الخطوبة دى بجد لان مفيش فيه اى صفه تخليكى تتمسكى بيه وخاصة انه بخيل وبجد هتتعزبى معاه اوعى تفكرى فى اهلك فكرى فى نفسك وفى سعادتك وربنا يصلحهالك ومتبنيش سعادة اهلك على حساب نفسك واشرحيلهم وجهة نظرك
اصبرى خليها تجى من طرفه حتى لاتتسببى فى مشاكل عائليه وخصوصا قرايب وجيران
فكرى فى شئ بحيث يكون السبب من طرفه اى طريقه بس بوافقت اهلك حتى يكونو على علم ويفكرو معاكى فى الحل الصح
وربنا يوفقك الى الخير
صلى وتقربى من الله حتى يفرج عنك الكرب والكروبات
طبعا مش تتجوزية اوعى تضحى عشان حد مش حاسس بيك وانتى بتقولى فية كل الحاجات دى فكرى فنفسك وفى حياتك وفى مستقبلك وفى ولادك انشالله قدام ترضى ان اعمامهم يكونو كدة
بصى الواحد ضيع كتير من عمرة ونفسة يخلى ولادة احسن منة فى حاجات كتير بس تعملى فى نفسك كدة
بصى بجد مهما يحصل دلوقتى هيبقا احسن من انك تكونى مطلقة بعد كده فكرى كويس اوى الموضوع مش سهل ده جواز وربنا معاكى
المفروض انك تسبية دلوقتى لان بعد كدة مش هتقدرى تسيبة هيبقى اسمك مطلقة وكدة او كدة سواء صلاق او سبتية دلوقتى المشاكل اللى هتحصل هتحصل بس لما تحصل دلوقتى احسن من بعد كدة