انا مخطوبه من اربع شهور من مهندس .. خطيبي من الارياف وانا من المدينه.. كان شرطنا الوحيد ان يوفرلي شقه في المدينه و همه وافقو على الشرط ده و على اساسه تمت الخطوبه … هو اول ما اتقدملي كان بيشتغل في السعوديه بس حصلت مشاكل في الشغل و رجع مصر و اشتغل هنا في القطاع الخاص … هو انسان لحد دلوقتي كويس معايا اوي و اخلاقه كويسه و عارف ربنا … الفكره انه كلمني وقالي اخوه ليه شقه في المدينه و هيه دي اللي هنتجوز فيها لانه مش قادر يشتري شقه بالفلوس بتاعته … اهلي اعترضو على الموضوع وقالولي ان اخوه ممكن يحتاج الشقه في اي وقت وده من حقه طبعا خطيبي واثق في اخوه اوي بس انا خايفه ان مرات اخوه هيه اللي تعمل مشكله لانها بخيله ( خطيبي اللي قالي عليها كده من مواقف ما بينهم في العيله ) .. اهله ماشاء الله عليهم حالتهم الماديه كويسه بس مش عارفه ليه مش عايزين يساعدوه و يشتروا ليه شقه ؟…و اوقات خطيبي يقولي انا مقدرش اطلب منهم حاجه زي كده لانهم كده هيعطوني اكتر من اخواتي ( علما انه هو الصغير واخواته متجوزين و مسافرين مع زوجاتهم ) … اهلي جابو ليه فرصه للسفر بس هو مش عايز يسافر (قلتله انت لو سافرت مش هكون عايزه شقه هنا خالص لاني هسافر معاك و بلاش نبدا حياتنا متعلقين بقرار من حد و نكون مستقلين ) بس بم انه مش عايز يسافر على الاقل يوفرلي شقه و نكون مستقرين شويه. قلتله كمان على الايجار قالي ان مرتبه كده هيضيع على الايجار لان الايجارات هنا غاليه …… انا مش عارفه اعمل ايه؟ اهلي مش موافقين على الوضع ده و بيقولولي انهم كده رجعو في كلامهم … وانا بعيدا عن الظروف انا حاسه انه بني ادم كويس بس ظروفه بقت صعبه… اعمل ايه اسيبه ولا كده هكون ظلمته ؟؟
السلام عليكم ورحمة الله وبركاته
تبيعه وتسبيه عشان شقه
اه اه اه منكم يا بنات