اهلي بيضغطوا عليا عشان اكمل الخطوبة

قبل ما ابدا احب اعتذر عن عدم ترابط افكاري معلش. انا مخطوبة من ٨ شهور. الفترة اللي خطيبي اتقدملي فيها كان فيه مشاكل كتير عندنا في البيت و ماثرة على نفسيتي اوي و المشاكل دي سببها اخويا و كان مفتري علينا اوي و عاملني اسوا معاملة اناو امي و ربنا يعلم الفترة دي عدت علينا ازاي و لكن احنا اتغيرنا اعصابنا باظت طبعا و كنت زمان شخصية قوية جدا و دايما عارفة اللي ليا و اللي عليا و محددة اهدافي في الحياة و الحمد لله نجحت في حياتي الدراسية و المهنية و بدات افكر لحياتي الاجتماعية و مواصفات شريك حياتي بس المشكله ان نفسيتي تدمرت بعد مشاكل اخويا و اتعقدت جامد و كرهت كل الرجالة و بقيت اخاف من الناس لاني قلت ان اخويا الي متربية معاه اتحول فجاة. بقى واحد تاني و عاملنا كده امال الغريب هيعمل فيا ايه و نظرتي للحياة اتغيرت و جالي اكتئاب و معدتش فيه حاجة بتفرحني لاني حسيت ان كل الدنيا غش و خداع و مظاهر ع الفاضي و نسيت طعم السعادة و عودت نفسي على اني مفرحش عشان قلبي ميوجعنيش لما الفرحة تروح مني و انعزلت عن الناس معدتش بخرج و كرهت الافراح و قلت ان حفلات الزفاف دي ملهاش لازمة و بكرة العريس يوري عروسته النجوم في عز الضهر لما يتحول علبها المهم اني قتنعت تماما ان مفيش حاجة اسمها السعادة. هتقولولى و مامتك فين هاقول ان حالتها اسوا من حالتي. قبل المشاكل دي كلها كان بيجيلي عرسان و كنت برفض بثقة لانهم مش مناسبين و لكن بعد المشاكل مبقتش عارفة احدد مين المناسب لاني حاسه انهم و حوش و عاملين نفسهم ملائكة فسبت للقرار لماما فكانت بترفض و انا كنت بفرح لما ترفض لحد ما جالي واحد شافته مناسب جدا و انا ساعتها جالي انهيار عصبي و فضلت اعيط و قلتلها انا مش عايزة اتجوز و طبعا عملت معايا مشاكل كتير بسببه. بعدها اتقدملي واحد نعرفه من بعيد هو انسان كويس و طيب جدابس شخصيته مش الي كنت بتمناها انا وافقت على طول مع اني مش مقتنعة بيه. في الوقت ده المشاكل هدات خالص و احوالي في الشغل اتحسنن و نفسيتي هدت و بدات ارجع لحالتي الطبيعية و بدات احس بطعم الحياة من تاني و رجعت احدد اهدافي في الحياة زي الاول و رجعت احضر افراح تاني و بدات احس بطعم السعادة بس اكتشفت ان انا مش سعيدة مع خطيبي. لما اصحابي اتخطبوا كل واحدة لما تيجي تتكلم عن خطيبها بحس بالفرح و الفخر في صوتها و اللمعة فى عنيها و اكتشفت ان انا عمري ما حسيت كده. السؤال بقى اعمل ايه افضل مع خطيبي و اتنازل عن حلمي فى اني اعيش سعيدة و لا اسيبه مع العلم اني لو كملت هعيش عادي زي ماالناس عايشة بس مش الحياة اللي كنت بسعى ليها و اهلي بيضغطوا عليا اني اكمل. اعمل ايه؟
معلش ان الموضوع طويل بس حبيت اوضح الظروف كلها

مشاكل وحلول ذات صلة

• حاسة ان خطيبي عايز يسيبني وخايف بس على زعلي
• افكر بالإرتباط بشخص لديه اعاقة بسيطة
• ازاي اسيب خطيبي من غير ما اجرحه
• نفسيتى تعبانة بسبب خطيبي ومعنديش حل غيرة
• اعلم انى شاذه بما لا يخالف شرع الله
• اهلى عاوزين يفرقو بينى وبين خطيبى
• مخطوبة من شهر ومش عارفة اتعامل مع خطيبى