السلام عليكم اول حاجه انا انا مخطوبه بقالي سنه وانا وخطيبي بنحب بعض جدا بس المشكله ان كل ما اول السنه ماكنش ف مشاكل كانت بسيطه جدا بس بعد كده كبرت اوي احنا سبنا بعض خمس مرات من ساعة ما اتخطبنا لكن هو غيور اوي وانا عادي موافقه ع ده بس بقي ده ميخلنيش اغير انا كمان كل الحكايه ان ف مره كان عندنا ف البيت وانا ماسكه الفون بتاعه لقيت رقم بنوته عنده قولتله مين دي قالي دي اعرفها من شغلي قولتله انا ماسمعتش عنها قبل كده وهو عمرو ما قالي ان ف بنات في شغله اصلا بس عادي سالته قالي دي كانت معايا ف الشغل من اربع سنين وقولتله ودلوقتي قالي لا قولتلي طب انت معاك رقمها لحد دلوقتي ليه قالي عادي علشان ممكن يقبلني شغل معاها قولتله لا امسح رقمها دلوقتي كان بيضحك قولتله تاني امسح رقمها قالي لا بعد كده صوتي كان عالي من كتر ما نا متنرفزه جدا هو قالي ماشي مسح رقمها بعد كده اخدت الفون بتاعه وشوفت لقيته ماسحها بس انا ماكنش ينفع اعمل كده ومعترفه بغلطي لكن هو ساق فيها راح ماشي من عندنا من غير ما يكلمني كلمته من فون واقولتله انت زعلان علشان مسحت رقمها قالي لا علشان انتي مش واثقه فيا قولتله والله لا انا علشان بغير عليك قالي الغيره حاجه والثقه حاجه تانيه وقفل ف وشئ قاعدنا يوم كامل ماتكلمنش تاني يوم كلمني ع الفيس بعتله رساله ع الفيس وقولته ماتزعلش مني ع اللي حصل ومش هيحصل مني تاني ويارت تتقبل اسفي ردعليا قالي لا طبعا مش هتقبل ده اتكلمنا كتير وعتبنا بعض وبعد وماصلحنا بعد اسلوب بردو وحش اوي وكلامه ناشف اوي قولته وحشتني ماردش عليا وفضل كده هزرت معاه بردو مفيش فايده انتصل بيا وقالي انتي عايزاني ولا لا قولته اه قالي اي كلمه اقوله لازم تقولي حاضر ونعم ومن غير مناقشه قولته ازاي افرد انت غلط قالي انا مش بغلط قولته ماشي وفضل يتكلم معايا بطريقه وحشه جدا لحد دلوقتي وهو الموضوع من اربع ايام وانا اتخنقت من الحوار ده وحاسه ان هو بيبعدني عنه بطريقه دي وانا بحبه جدا وانا عايزه اعرف اتصرف معاه ازاي وافهمه ان لازم يحصل مناقشه مفيش حاجه اسمها انه مش بيغلط معلش طولت عليكو اوي بس انا بجد تعبانه وشكرا
هو عايزك بدون شخصية تقولى حاضر ونعم ولكن الزواج مش كده خدى موقف وحاولى تفهميه ولو لم توفقى دخلى حد من اهلك او اهله
الاخت الفاضلة صاحبة المشكلة في بساطة شديدة انتي صاحبة القرار اما ترضي بيه علي عيبه او تسيبيه هاتي ورقة بيضا واقسميها نصفين يمين وشمال – في الناحية اليمين مميزاته وفي الناحية الشمال مساوئه وفكري ودي زي ميزان لمميزاته وعيوبه شوفي اي الكفتين اكتر المزايا ولا العيوب – انتي صاحبة القرار – ربنا ويوفقك .
يابنتي الحبيبة هوني عليك وماتضايق ابدا من واقع خبرتي بالحياة عايز اقولك ان الولد ده كداب ومخادع ولايستاهلكيش ابدا دي الحقيقة وكل كلامه معاك غلط في غلط ولااريدك ان تنخدعي فيه منذالبداية عايزك تعرفي ان احتفاظه برقم البنت في موبايله دليل على انه على علاقة بها وربما بغيرها من البنات الاخرين ومسالة قوله انه مابيغلط ابدا فكل انسان منا بيغلط ولاحد معصوم من الغلط ولوكان فعلا يحبك ويقدرمشاعرك لسامحك دون تجريح او اساءة لك او يبرر انه ماغلطش ولايعرف الغلط ارى ان لاتتسرعي في الانجراف نحوه وفكري بعقلك وليس بعواطفك واعرفي انه غير جدير بالارتباط بك من اصلو ولاتجعل الحب يعميك عن حقيقته فتندمي طوال العمر