السلام عليكم انا هدخل في الموضوع على طول انا مخطوبة واتخطبت ومكناش نعرف بعض هوا اتقدملي عشان سمعة ابويا وهوا صاحب اخويا وبيقرب لي ماما بس من بعيد وخطيبي دلةقتب بيحبني اكثر من روحوا وبيموت فيا وانا بحبو جدااا انا كنت عامل علاقة مع شاب قبلوا وانا قلت الى خطيبي على علاقتي بالشاب وهوا تقبل الموضوع وقالي انا كمان عملت علاقات قبلك كتير وبعدها انا لمحتلوا اني كنت باعته صوري لشاب ده وهوا فهم لكن زعل جدا في اليوم ده وعاركني لكن انا بكيت بعدها وزعلت فبعدها هو اتأسفلي ورضاني وقالي انا بحبك وبغير عليكي وقالي سامحيني وهوا ديما بيقولي انتي انسانة محترمة وطيبة وكويس جدا وانا كل مايقولي كده بتقطع من جوايا لان هوا مابيعرفش اني كنت باعته صوري للشاب اللي قبلوا اسفة على اللفظ بدون ملابس بس كنت مغطيه الاماكن الحساسه بإيدي بس يعني كل جسمي شافوا في الصورة بس لكن على الواقع عمروا مالمسني ولا حتى سلم عليه باليد وانا والله عمر ماحد لمسني ابدا وهوا بس اللي سلمت عليه باليد فقط وهوا بيحترمني وعمره ماعمل معايا حاجة غلط وبيخاف عليا جدا وانا حاسة اني بخدعوا وبكذب عليه مع العلم انو ديما بيقولي انتي ماتعرفيش انا عملت ايه من قبل بيقولي انتي طيبة وبعدها انا بقولوا انا عارفة بيضحك وبيقولي لا والله ماتفهمنيش غلط لكن انا بقصد اني عملت علاقات كتيرة بس قولوا اعمل ايه انسى الموضوع ده ولا اقول لخطيبي ولا اسيب خطيبي لان بحس اني بظلموا
كل بن ادم خطاء وخير الخطائين التوابين
التائب من الذنب كمن لا ذنب له ان الله ستير يحب الستر
اسري على نفسك الله يسترك ويسترنا
شوفي يابنت الناس انت فعلا غلطت جدا لما ارسلت صورك العارية لذلك الشاب ولابدمن التوبة لك والندم على ماحصل منك وقطع علاقتك بالماضي نهايا وعدم الكلام فيه واياك ان تخبري احد بمافعلت طالما انك توبت ونادمة على ماحصل منك والله عزوجل سترك فلاتفضح سترالله عليك لانك لواخبرتي خطيبك فلن يثق فيك ابدا وربما يفسخ خطوبته لك او يشهر بك ويفضحك امام اهلك والاخرين كوني عاقلة وحذرة في هذا الموضوع طالما انو يحبك وجاد في الارتباط بك توكلي على الله واستمري معه وانسي الماضي بحذافيره وربنا بيؤفقكم ويسترعليكم ويسعدكم في حياتكم القادمة
اهم حاجة رضا ربنا عليكى استغفرى ربنا و متقوليش حاجة لخطيبك وكملى حياتك طبيعى اهنا مش ملايكة كل بنى ادم خطاء و محدش معصوم من الخطأ