مشاكل الخطوبة

هل اعرف ارجع لخطيبي تاني ولا بلاش

انا فتاة عندي 20 سنة اتخطبت وكنت مرتاحة لخطيبي اوي وحبيته وهو كمان حبني هو شهر واحد من الخطوبة وبعديها ابتدت المشاكل الي ان سبنا بعض وهو بيحاول يرجع المشكلة ان اهلي اتفقوا معاهم علي اتفاقات وبعد اول مشكلة غيروا اتفاقتهم يعني مثلا علي الشقة كانوا متفقين اني اعيش في القاهرة وبعد المشكلة عايزني اعيش في البلد وهو بيسمع كلامهم اوي ومش بيغلطهم ابدا مهما يعملوا ومامته مسيطرة عليه اوي علي العلم انه ابنها الوحيد وكانت وانا مخطوبة ليه لومتصلتش بيها يوم تقوله وتخليه يتقلب من ناحيتي ومهما حصل مش بيقول انها غلطانة حتي لوهي غلطانة المشكلة اني خايفة من بعد الزواج تسيطر عليه وعليا وهما عايزني اقعد معاهم طول النهار واروح بليل المشكلة انه مش بيطلع والدته ابدا غلانة كل حاجة يقول مش قصدها ومش بيصدق حد غيرها وهو ده اللي مخوفني انه يطلع عديم الشخصية انا اللي خلاني حبيته انه مالوش في سجاير ولا مشي مع بنات ولا حاجة وهو كمان حبني بس انا مش عارفة اعمل ايه ارجع ليه ولا اسيبه كل اللي حواليا بيقولولي سبيه علشان والدته ومامته بتدخل في كل حاجة من اول اسبوع وتسال في كل حاجة حتي الحاجة اللي مش تخصها بتدخل فيها وتسال واحنا مش بنسالهم ابداانا اسفة علي الاطالة بس انا بجد محتارة اوي ومش عارفة اعمل ايه