خطيبي السابق مستغربه اننا فشكلنا

اتخطبت جواز تقليدي الي حد ما بس خطيبي من البدايه الخطوبه متسرع فكل حاجه تاني يوم وفقنا اعلن للناس كلها اننا اتخطبنا قبل الدبل بعد ما اتفقنا ديما يصر اني اعترف ليه اني حبيته من الاول كده بعد اصرار منه قولتله كده بس ما كنتش حساها اوي مع الوقت بدا يقولي احنا عوزين نقدم الفرح ويقولي انتي لو بتحبيني هتوافقي علي اننا بدره وفقت بس فالاول اهلي ما كنوش رضيين بعدين رضيو بس حسيه انه بدا ينتقد فيا انتي ما بتعرفيش تحطي ميك اب انتي بارده انتي وانتي وانتي كل ده مع انه بيتحكم فكل تصرفاتي خروجي اخرج ولا لا ولو خرجت يتصل عليا كل شويه اخد باسورد الفيس بوك وبدا يقرا رسايلي مره زميل ليه فالكليه معايا فالكليه يعني لكن انا من طبعي مليش فجو الزماله وعارفه ان ربنا حاطط حدود لتعامل لا متخذات اخذان بس بعد ما دفعلي الاجره وانا هزأت زميلي بزوق ورجعتلو الاجره زميلي حرم يركب معايا اصلا لانه استغرب من ردة فعلي خطيبي كان بيكلمني وقت ما دفع الاجره وقعد يزعق فيا يعرفك منين ده وكده قولتله ع الحصل بالضبط قالي المفروض كنتي شتمتيه وادتيله علي دماغه وكان مش بيكلمني طول الوقت ده كل ده وانا ما
تحمله عادي لان قلبي اتعلق بيه وبحكم انه كان اول انسان اتعامل معاه فحياتي لاننا حازمين شويه في تربيتنا المهم جات النقطه القسمت ظهر البعير خطيبي جه ووالدتي قاعده معانا محرم طبعا واخويا موجود بس بيذاكر المهم والدتي طلبت منه طلب قالها مش هقدر اعمله مش بصحي بدري وبعدها والدتي زعلت بان عليها راحت قالتله احنا كنا اجلنا الفرح الناس كلها بتقولنا كده هو مشي واتضايق بعدها كلمني بيقولي امك بتكلمني كده ليه انا قولتله فيه ناس قالولها انك شديد وانت كده بتثبتلها انك شديد لما بتزعق وتضايق قالي انت كل شويه الناس يقولولكو كلام عني وزعقلي وكده فعلا الناس كانو بيقوللها كده بس انا مكنش فبالي عشان الطلب ال هي طلبته المهم هو اعتذرلي وقالي مش عايز اتعامل مع والدتك قولتله بعد ما سالت ماما انتي زعلانه ليه قالتلي زعلانه لانه معملهاش الطلب قالي لما قولتله انا مش جي لاهلك انا جي ليكي انتي وبس والدنيا اتقلبت وكلمت ماما مامته عشان تشوف هو زعلان ليه لما عرفت انه زعلان ما حكتلهاش التفاصيل اتكلمو مع بعض زعق معاها قالتو تعالي خد حتجتك مامته جات تهدي الدنيا وانا طول الوقت ده ما بكلمهوش بعدها كلم اخويا كان بره البيت اخويا كنسل عليه بعت اخد حجته انتو ايه رايكو واسفه اني طولت عليكم

مشاكل وحلول ذات صلة

• حبيتها بجد و وافقت على غيرى
• اسيب حب عمرى وارضى ابويا بأى جوازة؟
• مش عاوز حد يقولي الحب ع النت فاشل
• هل اصارحه بحبى وبشخصيتى الحقيقة
• حاسة ان ربنا عاقبني بسببه لكن نفسي ارجعله
• نفسى ارجعلها واتقدملها بس خايف
• بحب خطيبى وعاوزه اسيبه