مشاكل الخطوبة

تركت خطيبي وخايفة اكون ظلمته

مشكلتى انى اتقدملى شاب عمرة 26 سنة وانا عمرى 22 المهم هو جة عندنا البيت وباباة ومرات ابوة طبعا والدتة متوفية0المهم اتكلموا فى الاتفاقات قالوا الشبكة ب 5000 0 طبعا انتوا عارفين المبلغ دة دلوقتى مش هيجيب حاجة المهم احنا وافقنا ومش معترضين0 هو الاول بيشتغل محامى 0بس والدة هو متكفل بكل حاجة يعنى بانيلة البيت بتاعة وتقريبا هو اللى بيصرف علية من الاخر0جينا للعفش هما قالوا انهم هيعملوة عمولة0المهم احنا معترضناش وقلنا مش مشكلة0واحنا حبينا نزود الشبكة الفين جنية بس رد علينا وقال انة اولى بالالفين دول احطهم مقدم اوضة0وكمان كانوا عاوزين يشيلونا حاجات كتير فى الشقة ووهما شايلين حاجات قليلة0المهم معترضناش فى سبيل انة يطلع انسان كويس معايا وراجل كدة ومحترم0نسيت اقولكم موقف احنا لما اتقابلنا الاول فى نادى اول مرة اشوفة فيها كنت مع اخواتى البنات 0 وطلبنا حاجة نشربها والمهم اختى فى الاخر دفعت الحساب من غير هو مايفتح بقة0لا قال انا اللى هدفع عيب كدة ولا حاجة من دى خالص0عدينا الموقف وقلنا مش واخد بالة0وطبعا لو كنت طلبت فرح فى مكان كويس كان هيرفض ويعمل الى عاوزة لا كان هياكل الناس جاتوة باة ولا الكلام دة0المهم انا ضحيت معاة بكل حاجة ودعيت ربنا انة يطلع انسان كويس ومكنش عندى مشكلة انى ابدا معاة من الصفر0لكن جة موقف العفش وانهم عاوزين يشيلونا حاجات كتتير والدتى موفقتش ورفضت وبصرراحة اتقفلت من ناحيتهم ومكنش حد عندنا موافق علية خالص ولا مرتاحين لة0 انا بصراحة مكنتش عاوزة اقول لا عشان خايفة اظلمة بقول لو طلع كويس وابن حلال مش هيمهن حاجة خالص0المهم والدتى رفضت وقالت هو بخيل مش عاوز يعمل حاجة خالص والدة اللى هيصرف علية بعد الجواز لانة مفيش شغلانة ثابتة عندة0انا مشكلتى ياجماعة دلوقتى انى خايفة اكون ظلمتة مع انى استخرت ربنا وقلتلة يارب انت اعلم منى واللى هتعملة انا راضية بية سواء الموضوع مشى او اتفشكل0 انا خاييفة اوى اكون ظلمتة ربنا يوعدنى بواحد مش كويس ويطلع فية حاجات مش كويسةز قولولى انا كدة فعلا ظلمتةى ولا لا واسفة لو ولت عليكوا0

مشاكل وحلول ذات صلة

اضيف بتاريخ: Wednesday, January 31st, 2018 في 13:53

كلمات مشاكل وحلول: , ,

2 رد to “تركت خطيبي وخايفة اكون ظلمته”

  1. Kareem
    01/02/2018 at 14:59

    فترة الخطوبة ما هى إلا فترة تعارف من كلا الجانبين لكى حق الرفض او القبول وله مثل ذلك جملة (حاسه انى ظلمته ) لا وجود لها لأنه ليس موضع ظلم لم اتفقا وانتهى الأمر ولا حرج عليكى فى ذلك نصيحة لك اختى دفيقى فيمن
    تختارين حتى لا تندمى مستقبلا وأسأل الله العظيم أن ينعم عليكى بالزوج الصالح والذرية الصالحه التى تقر بيها عينك

  2. سعيد
    31/01/2018 at 18:29

    لا ظلمتيه ولا شيء الموضوع قسمه ونصيب وطالما مفيش تفاهم بينكم علي الزواج فخلاص لان الموضوع عادي بيحصل مع بعض الناس انتي بس مكبره الموضوع ولا تقلقي انتي مظلمتهوش وربنا يرزقك بابن الحلال

اترك رداً أو حلاً لهذه المشكلة