انا مخطوبه بقالى سنه خطوبه تقليديه حبيته جداوهو كمان قالى انه بيحبنى بس مش حاسه انه بيحبنى وضحيت علشانه كتير اوى واستحملت كتير لدرجه انه كان بيزعل وانا كنت تملى اروح اصلحه بس خلاص مبقدش قدره وصلنى لحيطه مسدوده مزعلنى بقالى 15 يوم واول يوم ماما كلمته وقالتله سيبها يومين تستريح عامل زى ميكون اما صدق انى ماما قالته كده ولحد دلوقتى وى اتصل ولا رنه حتى ومهنش حتى يرفع سماعه التليفون ويطمن عليا ماما بتتعامل معاه بطريقه حنيه اوى يبقى مزعلنى وتكلمه براحه وحبيبى والكلام ده حاسه انها هى المضيعه كرمتى معاه وعامل زى ميكون متاكد مليون فى الميه انى مش هسيبه ولا هبعد عنه على الرغم انه ملتحى ومدين بس سبيلى بالدين وبيزعق عليا وكل اما اكلمه فى حاجه يزعل وكمان اهله بيعملونى وحش بحس كمان انى امى كل اللى يهمها انى مش اسيبه وكلام الناس كده لانى كنت مخطوبه قبل كده لابن عمى ومش حصل نصيب وسبنا بعض كل يوم اعيطلها وقولها حرام عليكى انا تعبانه مش لقيه حد يقف جمبى وحاسه انى يتيمه حتى بابا شبفه ملاك ولما قولته انى سبلى بالدين قالى معلش تلقيه بس مضغوط فى الشغل وعده الموقف عادى وكل اما اقولها انا مش عايزه ده واحد بعنى مش بيحبنى تزعقلى وتزعل منى وتزعل بابا منى امى قاسيه عليا اوى ومش عرفه اتصرف ازاى بجد محتاجه مساعده اوووى وياتره اسمحه تانى وكمل معاه بعد كده ده وهو مش بيسال فيا…….
ضروري انه يكون يعرف ربنا يعني يكون بيصلي بيصوم وبيزكي لو مش بيصلي ويصوم اديله فرصة يصلي ويصوم ولو مش هيصلي ولا هيصوم يبقي ملوش لازمة ده اساس الارتباط قبل مايزعلك وتزعليه – تاني حاجة سب الدين كفر – يعني اذا لم يتوب الي الله سبحانه وتعالي يبقي ملوش لازمة – تالت حاجة اكيد هو شايف له شوفة تانية بمعني يمكن يكون يعرف بنت تانية بيروح لها شوية وييجي ليكي شوية علشان كدة غاب عنك – انا بقول يمكن – في جميع الاحوال بينك وبين نفسك اعرفي مين اللي كان غلطان – هاتي ورقة وقلم واقسمي الورقة بالقلم نصفين في الناحية اليمين اكتبي حسناته وفي الناحية الشمال اكتبي سيئاته فان رجحت حسناته كملي معاه وربنا يهديه – واذا رجحت سيئاته اعطي نفسك فرصة واديله فرصة اذا لم يتراجع عن عيوبه يبقي ملوش لازمة مع مراعاة ان قبل دا كله لازم يصلي ويصوم واديله فرصة تتأكدي انه مش هيرجع عن الصوم والصلاه ولازم تتأكدي انه تاب الي الله سبحانه وتعالي من سب الدين – ربنا يوفقك وربنا يهدينا ويهديه – وكل عام وانتم بخير .