السلام عليكم ورحمه الله وبركاته
انا مخطوبه من فترة 4 شهور .. طبعا زي اي خطوبه بيبقى في مشاكل كتير بيني وبينه ولكن بنرجع تاني ولكن المشكله الان اللي مش عارفه افكر فيها وقولت يمكن القى حد اكبر مني ينصحني علشان كدا قررت اكتبها المشكله ان خطيبي لسه بيدرس وهو انا كمان بدرس بس انا اخر سنه ليا في الجامعه وهو عاد كذا مرة فقدامه لسه سنه كمان وانا هكون خلصت دراسه احنا كنا الاول متفقين على الزواج السنه دي بس انا لما فكرت قولتله خليها لما تخلص انت دراستك خالص وتكون حتى متفرغ ليا وتشوف شغل بس هو مش مقتنع بكلامي خالص بحجه ان كل حاجه جاهزة ومش ناقص حاجه بمعني ان الشقه موجوده وكامله وفرشها كمان وفي بيت بباه يعني مفيش ايجار ولا كلام من ده وبالنسبه للشغل هو عنده سيبر وهو بيقولي من وجه نظره اننا هنقدر نعيش السنه دي بفلوس المحل ده لحد ما يخلص الدراسه ويدور على شغل تاني جنب المحل… لما اقترحت عليه التأجيل زعل جدا مني وقالي ان انا مش عاوزاه جنبي زي ماهو عاوزني بس انا والله كل الحكايه اني بفكر في مستقبلي مش اكتر ……… ياترى مين فينا الصح ومين الغلط؟؟؟ وهل اوافق ونتجوز وهنقدر نعيش كدا؟؟؟ ولا ارفض وانتظر لما يكمل الدراسه؟؟ ايه نصيحتكم ليا
مشاكل الخطوبة
خطيبي مستعجل ع الجواز وانا بقول نأجل شوية
اضيف بتاريخ: Friday, February 2nd, 2018 في 20:07
كلمات مشاكل وحلول: الجامعة, الخطوبة, الدراسة, الزواج, زواج, مخطوبة, مشاكل
إذا انتي مرتاحة في التأجيل اجلي. الموضوع مافيهوش زعل. اهم حاجة لما تاخدي قرار مهم زي ده انك تكوني مرتاحة، وما تخليش رأي اي حد يأثر على قرارك لان في الاخر، بعتذز عالكلمة، انتي الي هتلبسي.
صلي استخارة والخيرة فيما اختاره الله .. وبعدين لو شاب راجل ومش كسول وواثقة انه يعتمد عليه ايه المشكلة اتجوزي التعليم ف مصر بقي شهادة ورق وبقت للزواج مش للعمل ..