انا بنت كنت بحب شاب قبل كده وامي خلتني انخطب لواحد غصب عني وفضلت سنه مخطوبه ليه وكانت حياتي عذاب ماكنتش مبسوطه فضلت مستحملاه سنه لحد اما ربنا كشفه علي حقيقته وطلع خاين اكتشفت انو في علاقه مع واحده متجوزه وفشكلت الخطوبه وخلص موضوع الخطوبه دا كنت زعلانه اوي اني استحملت الفتره دي كلها مع واحد زي دا مايستهلشي وبعد فتره اتقدم ليا ناس وكان مستواهم العلمي حلو بس كنت برفض ماكنتش قادره ادخل تاني في اي موضوع خطوبه وبعد فتره اتقدم ليا واحد مستواه العلمي متوسط بس انا لما شوفته ارتحت له مش عارفه ليه حسيته انسان كويس وهو كمان ارتاح ليا ووافقت علي موضوع الخطوبه دا بمزاجي علشان كنت مرتاحه للموضوع بس لما انخطبنا عرفت انو كان خاطب واحده قبل كده وكان بيحبها اوي والبنت دي سابته علشان حصله ظروف في شغله واتخلت عنه انا دلوقتي بحس ان خطيبي مش عايزاني مع اني لسه مخطوبه ليه من شهر ومش بيتكلم معايا الا قليل اوي ممكن اقعد ثلاث ايام ومش يسال عليا ولا بيقولي انو بيحبني وبحس انو معقد ومش بيضحك ولا بيهزر خالص ولما بضحك معاه واهزر يقولي انتي هبله وانا مش عارفه اعمل ايه انا بحبه جدا ونفسي يبقي حنين عليا ويهتم بيا بس حاسه ان دا عمره ما هيحصل انا مش عارفه اعمل ايه انا حاسه ان خطيبي لسه بيحب خطيبته الاولي وبيفكر فيها وبيحاول يبعد عني ومش بيقرب مني خالص حد يساعدني اتعامل مع خطيبي ازاي انا تعبانه اوي من معاملته دي انا ما استاهلشي المعامله دي منو
شوفي يابنتي انت فعلا تسرعت في الخطوبة منه ربما لانك لسه خارجة من تجربة فاشلة مع خطيبك الاولاني وكنت حاسة بفراغ عاطفي كبير فوافقت على هذا الشاب مع انك تقولي انه كان خاطب بنت قبلك وتركته عشان ظروفه في الشغل وهو لايزال يحبها ولايقدر ينساها الراجل عمرو ماينسى حبه الاول لازم تعرفي السئ دا وكمان معاملته لك الجافة ويقول عنك هبله اذا تكلمت معو في شي ماذا انت تتامل من شخص كهذا صدقيني لن تكون سعيدة ولامرتاحه معو حتى ان تزوجتوا لذلك اتخذي قرارك المصيري والحازم بفسخ خطوبتك منه وكل شئ قسمة ونصيب وربنا بيكرمك بحسن منه ياقمر ماتزعليش ده نصيبك بس احسنى الاختيار الجيد للعريس في المرة القادمة من كل النواحي واعطى نفسك وقت كافي لاجل توافقي عليه وربنا بيكرمك ويعوضك خيرا ياعزيزتي