انا بنت عمري 23 سنة دكتورة تحاليل مخطوبة لانسان كويس جداجداجدا ومحترم والناس كلها بتحبه وبتحترمه لدرجه فوق الوصف وهو بيحبني وبيموت فيا وبيحب اهلي وبيحترمهم جدا ومع اني وحشه جدا في كلامي معاه وعصبيه معاه جدا الا انه عمره مازعلني اويحاول انه يحسسني انه زعلان ولوقلتله اي حاجه مهما كانت صعبه يقولي انا عمري مااقدر ازعل منك وبحبك مهما تكوني واوقات كتير بزعل من غير سبب وبيصالحني ويقولي انا اسف وممكن يبكي من زعلي ويقولي انه وحش وعمره ماهايزعلني تاني مع انه ماببقاش فيه حاجه اصلا وهو انسان ملتزم وخدوم جدا بس المشكله عندي انه معاه كلية علوم بس بيشتغل كاتب في النيابه وبحس دايما بفارق بينه وبيني واني لوكنت استانيت شويه كان جالي احسن منه وده كله علشان جال ناس بعد الخطوبه اعلي منه وقبلها برده فبحس دايما اني قلقانه ومضيقه بسبب الموضوع ده لدرجة اني بتحرج اقول لصحابي هو بيشتغل ايه وبتقلب عليه كل ماحد من اصحابي يسالني السوال ده اوافكرفي المستوي اللي كان نفسي اكون فيه اني اتخطب لدكتور اومهندس انا خايفه التفكير ده يفضل معايا حتي بعد زواجي مش عارفه اعمل ايه وخايفه افسخ الخطوبه اندم بعد كده واكون سبب لعذاب انسان مالوش ذنب مع العلم اني قلتله عايزاك تكمل الماجستير وهو موافق بكل حاجه انا بطلبها من غير تردد مش عارفه اعمل ايه تعبانه جدا وخايفه مع العلم اني بحبه والله وعمري مكان ليا علاقات قبل الخطوبه
القناعة كنز لايفنى وانت الحمدلله نصيبك جاء مع شاب كويس جدا ومحترم جدا واي بنت تتمناها وقلت انه يحبك ويموت فيك ولايرفض لك طلب عاوزه ايه اكثر من كدا الانسان مش بشهاداته العليا وانما بدينه واخلاقه وعمله اضرب لك مثال في وحدة اعرفها مثلك فتاة متعلمة كويس وعندها اعلى شهادة وجاها شاب كويس جدا وعلى دين وخلاق ولكنه لم يكمل تعليمه عنده ثانوية عامة فرفضت الزواج منه عشان كدا مع ان الاهل حاولوا يقنعوها بان الشاب كويس جدا والزوج المناسب لها لكنها رفضت تماما ولم يتقدم لها احد بعد فترة جاءها دكتور وطلبها للزواج فوافقت عليه دون اي شروط وتسرعت جدا في قبولها الزواج منه اتضح ان الدكتور دا متزوج في بلده وعند اولاد كبار وله علاقات مع نساء اخريات وسمعته مش كويسة جدا كثير السفر للخارج ويتركها ولايسالش فيها فندمت اشد الندم على زواجها منه ولما جات تطلب الطلاق منه رفض يطلقها حتى تدفع له مبلغ كبير لانها من اسرة ميسورة الحال وفعلا اهلها خلصوها منه ودفعوا له المبلغ عشان يخلصو بنتهم من هذا الزوج السافل الحقير وهي الى يومناهذا نادمه على تفريطها في الزواج من الشاب الاول اللي تقدم لها وكان يحبها جدا وعرفت ان الزواج قسمة ونصيب ولازم يرضى الواحد بنصيبه وان الانسان بدينة واخلاقه مش بتعليمه الكبير وشهاداته العليا
اختي الغالية هذا من الترف يعتبر . ربما لا يأتيك شاب غيره وربما يأتي من هو أقل منه . اقنعي بما كتب الله لك طالما أنك مقتنعة له . واعلمي أن أي شخص … أي شخص يحدث له ذلك
أي يتردد قبل الزواج مثل حالتك ويقول لو انتظرت لأتى الأفضل إلى ءن يفوته القطار
لعلمك إن تركتيه توجد غيرك و شهادتها مثل شهادتك وربما أجمل منك سوف تقبل به فورا في ظل هذا العصر الذي قل فيه الشباب…
اعتذر إن قسوت في الإجابة ولكن لصالحك