السلام عليكم ارجوكم انا لدي مشكلة بسيطة لكن مخنوقه منها انا بنت عندي ١٩ سنة مخطوبة لصديق العائلة عمره ٢٧ سنة هوا متكلم عليا كلمه رسمية يعني اهله متكلمين مع بابا رسميا بس لسا ما عملناش شبكه عشان بابا مابيحبش الخطوبة وقالو لما تكون جاهز نبقى نطلع فرح على طول بس انا في حاجة مخنوقه منها بجد هوا تصرف خطيبي معايا دايماً مشغول ومش فاضي وعنده شغل كثير هوا بصراحه عند محل حلويات يعني حلواني كبير وعنده مصنع للحلويات وبيشتغل فيه وبيوزع على ٣ محلات للحلويات ده غير طلبات المحل بتاعه المهم انا لما بتصل بيه ف النهار بيقولي مش فاضي وفي الليل هكلمك ولما يجي الليل مش بيرن عليا الا لما انا اتصل بيه وبعدها ايقول انا مكنتش فاضي وعندي شغل كتير وانتي بتتصلي وجنبي ناس ورجالة وانا ملتزم بعمل وماينفعش اكلمك عايزة الناس تقول عنك وعني ايه انا مش عايز حد يمسك سيرتك في حاجة وحشه وانا عايزة اشتغل واضغط على نفسي عشانك وعشان ماتحتاجيش لحاجة وعشان اجيبك عندي البيت بسرعه ونتجوز ووووو واحيانا بيزعقلي لاني بتصل بيه كتير وانا بصراحة ببقى لوحدي وحاسه بملل واحيانا بكون مضايقة لوحدي فبكلمه لكن هوا مش بيحس بيا اني محتجاه جنبي حتى لو شوية وبعد مازعقلي انا وعدته مش هتصل بيه الا لما هوا يتصل لاني زعلت منه جدا ومن اسلوب وبعديها اتأسفلي قالي انا مش قصدي اجرحك بس انا مابحبش اتكلم بالتليفون زي المرهقين ومابحبش حد يقول عليكي حاجة وانا هتجوزك وهبقى ليكي بعد الجواز واعملي فيا اللي انتي عيزاه وهبقى ملكك لوحدك بس مكالمات لا وقالي انه هيكلمني كل يوم هوا وفعلا هوا بيكلمني كل يوم لكن بيكلمني يقولي ازيك عامل ايه تغديتي…تعشيتي… في حاجة نقصاكي و٥ دقايق وتصبحي على خير انا تعبان وعاوز انام ويقفل على طول بس انا مخنوقة وحاسه انه بيكذب وبيكلم وحده غيري مع اني عارفة انه بيشتغل بجد وبيصحا من الساعه ٥ الصبح وبينام ١٢ في الليل وعمله مالوش وقت محدد يعني يمكن تجيلو طلبيات في اي وقت بس الطلبيات الرئسية في الصبح وانا خايفة اكون ظلماه و وساوس شيطان ومع انه متأكده من حبه ليا لان حارب علشاني اهلي واهله وطلبني من اهلي ٥ مرات ولدرجة اخر مرة راح لأخويا وقعد يتحايل عليه عشان يقنع بابا وبعديها بابا اقتنع ووافق بس هوا حرمني منه و بشتاق له كتييير لدرجة اني ابكي قولولي اعمل ايه اسفه ع الإطاله
