انا ياجماعه موضوعى كبير شويه بس مش هاطول عليكم
انا اتخطبت قبل كده مرتين وكان الاول بيشرب مخدرات بس كان اول حب ف حياتى سبنا بعض عشان اهلى عرفوه قعدت بعدها فترة مش عارفه عايشه ولا ميته
الحمد لله اتخرجت واشتغلت ودخلت مجال جديد واتعرفت ع ناس كتير وبدات اتاقلم وانسى حبى الاول واتقدم لى شاب ثرى جدا وابن ناس وبيحبنى وكان زى مالناس بيقولوا عريس نازل من السما؟؟؟
اتخطبنا وسافر خارج مصر وبدات المشاكل وف مرة اتصلت بيه وكانت صدمه…..؟؟؟ اكتشفت انه نايم مع واحده؟؟؟؟؟وهى معاه ف الاوضه وسمعتها وسمعته…..
كانت صدمه ف حياتى كنت فكراه محترم وانه هيعوضنى عن اى جرح قديم سابق…
فسخت الخطوبه للمرة التانيه وبدا الكلام عليا كتير ف اجواء العيله حاولت ومازلت بحاول ماديش اهتمام بس انا بجد تعبانه خاصه انى عديت ال25
لانى لم احبه لم استمر طويلا ف صدمتى وتعرفت ع شخص اخر.
حب عمرى بجد ساعتها لما حبيته خفت خفت اوى وخبيت عليه كل حاجة عنى تخيلوا حتى اسمى ميعرفش اسمى الحقيقى ولا حاجة عنى ابدا
بدا يعرف عنى كل حاجة بالصدفة وانا من حبى فيه الى كان بالنسبالى الهوا الى بتنفسه اقسم بالله الهوا فعلا ومن غيره كنت بموت…
كل حرف ف اسمه نور لدنيتى وحياتى وحسيت انى لو سبته هاموت ودقت طعم حبى القديم وبدا الجرح القديم يرجع تانى ويختلط بالجديد واشوف نفسى بنهار لتانى مرة
ودلوقتى عرف عنى كل حاجة اسمى وشغلى وبيتى وحتى تليفون بابا
وسابنى للاسف سابنى وهو الحياه والدنيا بالنسبالى وبيقول انى خدعته بس والله ماخدعته انا حبيته وخفت عليه اكتر من روحى ودلوقتى حتى مابيردش ع تليفوناتى وانا بموت وبطلت اروح شغلى
ومتقدملى واحد دلوقتى وخايفة موت اظلم حد معايا وانا جربت الظلم اعمل ايه ارجوكم فيدونى
مشاكل الخطوبة
سابني لاني خدعته وانا بطلت اروح شغلي
اضيف بتاريخ: Saturday, January 12th, 2019 في 21:23
كلمات مشاكل وحلول: الخطوبة, بنت, حب, شاب, عريس, مصر
