خطيبي مش رومانسي خالص

مخطوبة بقالي اكتر من عام ونصف خطوبة صالونات بس انا حبيته بعد كده مع انه ماقعدش في مصر بعد الخطوبة غير 20 يوم بس لانه بيشتغل في بلد عربي فبعد اجازته سافر ولسه مارجعش بنتكلم علي الشات وشوية تليفونات مشكلتي معاه اني مع الوقت ابديت اتاكد انه مش رومانسي خالص وانا رومانسية جدا وتهمني التفاصيل والحاجات الرقيقة يعني مثلا مش بيشيل صورتي في محفظته مش بيفتكر عيد ميلادي ولا عيد خطوبتنا ولا عيد حب مفيش كل سنة وانتي طيبة في اي اعياد والحاجة الاخيرة الي عرفتها قريب جدا انه مش بيلبس خالص الدبلة بتاعتنا وده الي جننتني منه قال ايه مش بيعرف يغسل ايده منها هو انسان طيب وكويس بس عملي جدا الحاجات الحلوة بالنسبة بالة حاجات مادية بحته الحب عنده جنس وبس المجاملة عندة تبقي هدية مادية وملموسة انا بقي مش مادية خالص ممكن لو يجبلي ورده في يوم عيد ميلادي ويقولي كل سنة وانتي طيبة عندي احسن ميت مرة من لو جبلي خاتم دهب من غير مناسبة وحاولت اقوله علي كل ده واطلبها منه حتي واقوله ده حاجات تفرحني الاقيه يستهين بمشاعري ويستخف بكلامي ويقولي دي حاجات بتفتكرها الحريم بس ويذكرلي الحديث الشريف “ناقصات عقل ودين” اكتر من مرة كنت عاوزة افسخ الخطوبة وخلعت الدبلة فعلا لكن كان بيتصل بيا ويصالحني واهلة يفضلوا يكلموني ويقولي ده طبعة واهلي كمان يضغطوا عليا عشان هو كويس ومستقبلة المادي كويس انا بحبة ومتاكده ان هو بيحبني بس مش عارفة هقدر استحمله بعد الجواز ولا لا ناس تقولي الي بعيد عن العين بعيد عن القلب وانتي لما تبقي جنبة هتقدري تغيريه لكن انا مش عارفة هقدر ولا لا وخصوصا انه كمان عندي بيعند من وقت للتاني وفي نفس الوقت مش حابة اني اكون لحوحة عليه بعد الجواز واقوله في كل مرة علي الحاجات الي بتسعدني مش عايزة اتحول وابقي انسانة لحوحة كده هيتخنق مني وانا كمان هتخنق من نفسي مش عارفة اعمل ايه ياريد تساعدوني انا بجد محتارة جدا

مشاكل وحلول ذات صلة

• خطيبتي تركتني لشكي بها
• افكر بالإرتباط بشخص لديه اعاقة بسيطة
• حبيبي تركني وصديقتي ستفضحني
• اعلم انى شاذه بما لا يخالف شرع الله
• بفكر افسخ الخطوبة لكن خايف اظلمها
• اخترت خطيبتي ومش عاجبة اهلي
• ظلمتها وفسخت الخطوبة ورجعت ندمت