انا مخطوبة بقالى سنة وفى واتخطبت جواز صالونات مكنتش اعرفه ولا اعرف حد قابله ولا بعده ان شاء الله فى الاول ماكنتش بحبه وكنت بقولهم عاوزة اسيبه وكدة كانو يقولولى لا ده كويس ومش حتلاقى حد زيه وكدة فاهمين الباقى طبعا بس بعد يوم واتنين وتلاتة عرفتوه اكتر وحبيته لحد ماوصلت لدرجة انى ممكن اموت ولا انى اسيبه وهو كمان بيحبنى اوى المشكلة الاساسية بقى ان ماما مكنش عجبها الشقة راحت اهله قالو نبدل الشقق يعنى بيين شقته وشقه باباه وواقفنا وتمام طبعا عشان يبدله لازم يدى لاهله فلوس عشان التوضيب وكدة لانهم اخدهوها على المحارة وبس المهم فضل نص سنة كدة الفلوس الى ياخدها يديها ليهم بدا بقى من اول السنة دى يحوش ويشيل فى البنك واجر الشقة سنة والفلوس الى تيجى منها نوضب بيها الشقة والشقة اصلا مفهاش حاجة لان اهله كانو لسة موضبنها قريب يادوبك حنبيض ونغير سيراميك الحمام والمطبخ بس وعامل جمعيات وبيشتغل شغلنتين المهم ماما مبقتش تحبه ودايما مكسرة نفسه وبتحسسه بالعجز انه لسة مخلصش والمدة سنتين ونص واحنا فاضلنا سنة ونص ونتجوز المهم خلصت شوارى وكل شوية تتديهم كلام ناشف بس بالذوق من تحت لى تحت واختى الكبيرة بدات تكسب ماما وتسخنها عليهم لحد ماكرهتها فيهم وكل حاجة بقيت اختى تقولها ماما تقول صح وعلى فكرة انا عمرى ماخدت قرار ولا عملت حاجة بحبها ولا اخترت حاجة بحبها دايما امى ماحية شخصيتى المهم كل لما تشوف حد تقول ربنا يسهل ويخلص ده مبلط ده مش عارف ايه وكدة كرهت الناس كلها فيه قرايب واغراب وكله معانه طيب ودمه خفيف والله وبيحبهم المهم بقاله 3 شهور مش بيجى ولا بيشوفنى بسبب انه زهق لانه كل لما بيجى مبيتكلمش معايا كلمتين كلهم بيبقوا قاعدين زهق بطل يجى قال عاوزين نخرج وكدة ماما قالتله لا معاننا مخرجناش مع بعض لوحدنا قبل كدة وكمان مخرجنش فى السنة كلها الا 4 5 مرات كدة والموضوع انى ماما عماله تعاملهم وحش وباين اوى انها عاوزة تطفشه وانا مقدرش استغنه عنه ولا اسيبه ولو سيبته مش عرف احب حد زيه او ممكن احب بس مش زيه ولو اتجوزت ححس انى بخون جوزى لان ساعتها حبقى لسة بحب خطيبى وكمان خطيبى ده القرار الوحيد الصح الى اخدته فى حياتى ومعنديش استعداد اسيبه حد يقولى اعمل ايه استسلم واموت ولا اقف قصادهم لااول مرة فى حياتى واتكلم واقول لا ولا اعمل ايه انا معنديش حد ينصحنى وماليش صحاب اوى ارجوكم حد يساعدنى وربنا يريح قلوبكم ياااااااااااارب
