انا عندى 25 سنه وهو كمان بقالنا 4 شهور مخطوبين بعد قصه حب جميله مش طويله المهم اهلى وافقوا عليه قبل ما يجيب الشقه لانهم حبوه جدا وحسوا اد ايه هو بيحبى مامته ( سبب المشاكل ) كانت هتساعده بمبلغ كبير مقدم الشقه شافتنى وحبيتنى بس هى مش قاعده معاه فى نفس البلد واتفقنا على ميعاد الخطوبة قالت له أجل الخطوبه لحد اخر الشهر و كانت المشكله الخطوبه اتاجلت وبعد ما حددنا اخر الشهر زى ما قالت كلمته وقالت مش هقدر اجى لمرض مامتها فمكنش ينفع نأجل المعاد لان اخويا انا كمان مسافر ومش هيجى قبل سنه من بره وعادى الحياه مشيت عادى وكلمتنى وباركت ليا وانا بجيب الدبل واذا بالكارثه بعد شهر من الخطوبه بتكلم ابنها وبتقوله انا لا هساعدك ولا هديك حاجه عشان انت معملتش حسابى ومستنتنيش اجى من السفر ولو اصريت على البنت دى هبوظ لك الجوازة اعمل ايه ؟؟؟ اهلى بينصحونى انى افسخ الخطوبه حفاظا على كرامتى وقلبى مش مطاوعنى ياريت حد يقولى حل لان الموضوع عمال ينتهى وشكرا
مشاكل الخطوبة
عناد الاهل ها يخليني افسخ الخطوبة
اضيف بتاريخ: Thursday, January 24th, 2019 في 15:57
كلمات مشاكل وحلول: الحب, الخطوبة, بنت, فسخ الخطوبة, قصة حب
