انا مخطوبه من حوالى 7 شهور وبجد زهقت من افعال خطبيبى على الرغم انه مش صغير ولا انا يعنى المفروض ان احنا ناس عقله هو 32 وانا 25 دايما بيكبر المواضيع الغيره ويعمل منها موضوع كبير ييعنى حتى لو مش الموضوع مستاهل الزعل بيحب يزعل والاكتر انه لازم يطلعنى غلط وانى انا اللى غلطانه فى كل افعالى كنت فى الاول بعترض على انه بيطلعنى غلط دلوقت استسلمت وكل ما يقولى انتى غلط اقواله انا اسفه على الرغم انى باكون متاكده ان الغلط من عنده بس مش بحب اكبر المواضيع الاكبر فى المشكله انى لو عملت حاجه غصب عنى مثلا مرديتش عليه او اى شئ من هذا القيبل يزعق وتنرفز عليا وبعد ما انا استحمل الغلط منه يرجع يقولى انتى غلطانه اقواله اوكى وبعد المشكله ونحل المشكله يرجع يعمل نفس المشكله انه يبعد ولما اتصل مايرديتش ليه علشان يرد نفس الموقف اللى انا عملته بجد انا تعبت منه جدا المشكله ان جوزنا الشهر اللى جاى وانا خايقه اوى من عاده دا وانه دايما انا غلطانه دلونى الله يخليكم اعمل ايه انا خايفه من العيشه معاه بجد هو من النوع اللى بيقدر على البعد لما يكون زعلان
لو فاضل علي الدخله اسبوع ما فيش مشكله من الفركشه ده بني ادم هيعيشك بعد الجواز زي العبد عنده اشتري نفسك وسيبك من كلام الناس لو انتي خايفه من كلام الناس لو الموضوع اتفركش و٧شهور دي فتره كويسه إنه بان على حقيقته وظهر اللي جواه والله ربنا بيحبك خدي القرار وربنا يرزقك بالراجل اللي يستاهلك وانتي لسه صغيره والنصيب بتاع ربنا وربنا يوفقك.
لوجه الله اقولك الحل – احضري ورقة وقلم – اقسمي الورقة الي قسمين بالقلم – الناحية اليمين اكتبي مزاياه – وفي الناحية الشمال اكتبي عيوبه – كل ميزة بدرجة وكل عيب بدرجة – اجمعي درجات المزايا – واجمعي درجات العيوب – اذا رجحت درجات المزايا عن درجات العيوب – علي بركة الله اتجوزيه – وحاولي التأقلم مع عيوبه وحاولي اصلاحه للأحسن – اما ان غلبت عيوبه علي مزاياه فهذه الزيجة لا تبشر بالخير – خلي بالك من بين المزيا الصوم والصلاه والزكاه والحج والعمرة – والعبادات – عن رسول الله صلي الله عليه وسم أنه قال : ان جاءكم من ترضون دينه وخلقه فزوجوه وان لم تفعلوا تكن فتنه وفساا كبيرا – ربنا يهدينا ويهديه – كل عام وانتم بخير .
حجات بتحصل بين اي اتنين عادي حتي لو محصلتش في الخطوبة ضروري تحصل في الجواز
وانتي اكيد حاسه ينفع او يقبل العيش معاه ولا لا
اعملي بردو انك تحطي نفسك في الفعل وتتخيلي وانتي مراته بيعمل نفس الحجات حتي الي انتي لم تذكريها لو قتيها عاديه تمام لو مش هتستحملي خلاص وانك تحطي نفسك في الموقف هتفرق
بس بردو اعملي استخارة لان ده عمر طويل مش هزار
الاخت العزيزة طوال 7شهور من فترة الخطوبة وانت ماتعرفيش طباع خطيبك وساكته على دا الوضع والان جايه تشتكي منه وعاوزه الحل مع كان المفروض من الاول تضع حدا لتصرفاته دي معاك يبطل الغيرة القاتلة ويحسن التعامل معك ويكون في بينكما تفاهم ولغة للحوار والاحترام والتقدير لازم يلزم حدوده معك ويحترمك ويقدر مشاعرك ويبطل الغيرة اللي فيه ويكون واثق منك ومن اخلاقك وتربيتك لااظنه سوف يتغيير بعد الزواج بل ممكن يزداد للاسوء ولن تكون راضية عن حياتك معو ولاسعيدة دي الحقيقة اللي حاب تعرفيها قبل فوات الاوان من حقكي تفسخ الخطوبة منه وماحدش يجبرك على الاستمرار معه وهذا القرار يحتاج منك الشجاعة لاتخاذه لاجل تقنع اهلك وكل الناس ولست باول ولااخر وحدة تنهي علاقتها بخطيبها كل شئ قسمة ونصيب وربنا يعوضك خيرمنه ان شاء الله