ياجماعة انا مخطوبة بقالى 9شهوروعندى 25 سنة وافقت على خطيبى رغم انه كان تخين بس كان فى صفات جوهرية هى اللى خالتنى اتغاضى عن موضوع التخن وبعد الخطوبة اقنعته انه يخس فخس والحمد لله ومشكلة التخن خلصت.نيجى بقى على المشكلة المهمة وهى انه طلع عصبى جداااوده اللى انا اتفاجاْت بيه بعد 4شهور من الخطوبة واتفاجأت اكتر لما لقيته بيسب الدين وفكرت اسيبه بس قولت طب احاول معاه شوية يمكن يبطل سب والحمد لله فعلا نجحت انى اقربه من ربنا لانه كمان مكنش منتظم فى الصلاة كمان بداْيقرا قراّن ومن هنا بطل يسب الدين وبقالى حوالى 5شهور مسمعتش منه سب ابدا.بس المشكلة بقى ان العصبية مانتهتش فضلت مستمرة طبعا وده على فترات حتى لما كانت تحصل مشكلة مابينا ويجى يحلها مع اهلى كان صوته بيبقى عالى فى بيتنا من كتر العصبية وطبعا اهلى بداْوا يقلقوا منه لانهم حسه انه كدة بعد الجواز مش هيعرفوا ياخدوا حقى منه لدرجة انى بداْت اخاف من طبعه كل مالجواز يقرب وكل مااقول لوالدته انه عصبى قوى تقولى ده هو كدة هدى عن زمان فطبعا اخاف اكتر .واللى مصبرنى على عصبيته دى الصراحة انه هو فيه ميزات حلوة فهو طيب وحنين جداا وكريم قوى عمره ماكان بخيل وبيفهم فى الواجب وفوق ده كله بيحبنى جدااااا.فالصراحة بقى انا مشكلتى مشكلتين .(المشكلة الاولى )ان انا مش عارفه احبه رغم انه بيحبنى جداا (والمشكلة التانية)موضوع العصبية دى اللى انا خايفة تاْثر عليا بعد الجواز خصوصا انى موظفة .اعمل ايه .خصوصا ان العلاقات بينى وبين خطيبى سيئة جدااا الايام دى بسبب انى انا اعرفتلو انى مابحبهوش اد ماهو بيحبنى فطبعا زعل منى واتصدم وقالى بصراحة انا معنديش استعداد اتجوز واحدة مابتحبنيش لازم تحبينى زى ما بحبك فعندك خيارين ياْما تحبينى زى مابحبك ياْما تسيبينى وبداْيتغير معايا لدرجة انى امبارح لما اتأخرت اتعصب جامد عليا ودلوقتى بقالنا يوم بحاله ماتكلمناش خالص.وانا بصراحة بفكر اتنهز فرصة الزعل اللى مابينا واسيبه عشان اخلص من العصبية بتاعته وخصوصا كمان لما عرف انى مابحبهوش زى ماهو بيحبنى هيبقى الموضوع سهل عليه وهينسى بسرعة.بصراحة بقالى يومين بصلى استخارة وخايفة اخد قرار اللى صعبان عليه انه حبنى جداااوخايفة اخسر الحب ده اويجيلى حد تانى مبيحبنيش زى ماهو بيحبنى ارجوكم ساعدوونى بارائكم
طبعا تسبيه لأن العصبية دي الطبع اللي مش بيتغير نهائي في أي إنسان حتى لو كان أخرس.فكك من الموضوع ده وبكره ربنا يرزقك بالراجل اللي يبادلك كل المشاعر ما تقلقيش النصيب بتاع ربنا وخلي بالك لو اتجوزتيه هيرجع يتخن تاني الضعف وهتبقي بلوه..تخين ولسانه طويل وعصبي.يا جمال الحياه فكري بعقلك وربنا يوفقك