عندى 23 سنه كان فيه بنت بحبها آوى عندها21 سنه اتقدمتلها وخطبتها ومع مرور الايام عرفتنى كويس وحبتنى واحنا كويسين مع بعض وكل الامور ماشيه فى صالحنا بس المشكله انها كانت بتحب واحد قبل كده لمده اكثر من سنتين ولكن الظروف فرقتهم المشكله اننا بنبقى كويسين مع بعض بس كل ما تحصل حاجه تفكرها بيه بتتضايق جدآ وتتغير من ناحيتى مع انها خلاص مش ناويه ترجعلوا مهما حصل خصوصآ انه خطب غيرها المشكله ان ابسط حاجه ممكن تفكرها بيه حتى لو اغنية حزينه او اى كلام فى الحب الاول او غير ذلك مع انى فى نظرها احسن منوا فى كل حاجه وبحاول دايمآ اعمل اى حاجه عشان انسيها لكن يظهر ان زى ما بيقولوا الحب الاول ما بيتنسيش طول العمر وفى مره من المرات جات سيرتوا وقعدت تشكر فيه وتدافع عنوا وانا اتضايق
اعمل ايه استحمل واكمل عشان حبى ليها واسعدها واخد بالى منها ولا اسيبها واتعذب واشيل همها وممكن تحصل معايا نفس المشكله لو اتجوزت وحده غيرها
مش عشان هى حبت قبل كدة تعاقبها يعنى ع اللى عملتو بالعكس كل انسان فينا له ماضى وذكريات بس انا عايزة اقولك حاجة انت بس حاول تتقل عليها شوية او ابعد عنها شوية مش تسبها زى مابيقولو لالا انت بس حاول تتكلم معاها وقولها متزعليش هو خلاص سابك والدنيا مش هتقف ع حد وكدة وقولها لو هتفضلى تفكرى فية خلاص نسيب بعض شوف بقى هى هتقولك اية لو بتحبك بجد هتفضل معاك وهتحاول تنسا خالص الشخص الاولانى دة
الحب يولد فى لحظة من موقف من كلمة ممكن من نظرة بس اوعى تتدلق عليها حاول تعزز من نفسك واجعل لنفسك كرامة سيك من البقول مفيش كرامة فالحب ولكن الحب كرامة والرجل كرامة ولو ضاعت كرمتك مين هيحفظها لك ؟ مقلتش سيبها بس حسسها بوجودك اتقل شويه اهملها شوية وشوف النتيجة كل شئ بيتنسى بس بالتدريج خليها ملكة قلبك وانت املك قلبها وادعيلى
بصراحه ده عدم ذكاء منها اظلاقا انها توضحلك ده وتصارحك بيه
وقوة تحمل منك انك بتحاول تنسيها
بس برضو انا مش مع الراي الى بيقول الحب الاول ف الوريد والكلام ده كل حاجه بتتنسي الشخص نفسه بنفضل فاكربنه لانه كان مرحله ف حياتنا انما احساسنا بالشخص هو الى بيتلاشي مع الوقت وده المهم فياريت نفرق بين تذكرنا للشخص كشخص وبينا تذكرنا للمشاعر الي كانت بينا؟
وعلى كلا ربنا يهيهالك وحاول تانى لانك فعلا بتحبها واكبر دليل ع كده انك استحملت اصلا انها تجيب سيرته قصادك وعلى فكره انت راجل اوى
واحب اقول للي فاهمين الرجوله غلط انه مش يلبصوت العالى والفراق تكمل الرجوله وخلاص
اتكل على الله وسبها هية الاهتندم مش انت وعلى العموم البنت لاتنسى الحب الاول بس الولد يقدر ينسى وبسهولة اتركها اتركها اتركها
برجوك انك تنساها لان بجد الجرح هايفضل معاك باقى عمرك حرام عليك نفسك صدقنى انا اسفه جدا انى بقولك الكلام ده لكن لازم اقوله هاتتجوزها وتعيش معاك وكل لحظه هاتبقى شايفاه هو حتى اخص لحظات الزوجين هايبقى موجود فيها وانت اكيد فاهمنى لازم تفوق ده مش حب ده وهم او مرض لازم تتخلص منه
بصراحة أنا عن نفسي لن اقبل أن أكون الرجل الثاني لماذا حضرتك قبلت ده نصيحتي لك لازم تبعد لأنها ستظل هكذا مدي الحياة ولن ينتهي حبها له لأنه لا يبقي الا الحب الأول
حاول انك تنسيها مره ومرتين وثلاث
اذا ما نست انت انساها
لولو تحكيلك انا ما احبه تكون ت
كذب عليك لان الحب الاول ساري في الوريد
وتقبل شكري
عاطفى خالص بس يا خساره الزنوبه هيبقى صاحبك ياعم مين قدك خليكى صعيدى حراسناوى شهم وسيبك من العواطف اللى تروح بيك للاهانه والعذاب واعمللك موقف
هى براحتها عايزة تفكر فيه مع نفسها بس مش على حسابك وازاى تسمح لنفسك انها تتكلم عليه وانت معاهها فين رجولتك هو انت صاحبها ولا حبيبها دا انت خطيبها وقريب هتكون جوزاهها قولها عيشى على ذكرى حبيب قلبك ونفض ليها شويه وهى هتايجى ليك
كل انسان مربالتجربةووقع فى شرك الحب المستحيل فانا اسمى الحب الاول هو الحب المستحيل ان يكتمل بالزواج ويااخى العزيزان كنت تحس انها تميل اليك وتفاضلك عن غيرك كزوج ناضج وكرجل اكمل وحارب من اجل الوصول الى قلب من تحب بان تكون زوج بمعنى الزوجية الحقيقيةفحب الزواج يختلف تمامااا عن حب المراهقة وشكرااا
بتاكيد اول ماتفكر فيه وتتغير من نحيتك انها بتحبه وان هى مخلياك تفتكلر انك احسن منه لاه دي مش عاوزك تتجرح عشان ممكن مجبره بس ان كانت بتحبك عمرها ماكانت تفتكره من اساسه
يا سلااااااام ؟؟؟يسيبها ايه .؟معنى كدة مفيش حد هيرتبط يا جماعة ..هى مع الوقت هتنسى ولازم تتكلم معاها بصراحة وقولها تنساه وكلمها براحة وقولها لو انت مكانها وهى مكانك وتحس بانك مثلا بتفتكر حد كنت بتحبه ده احساس حلو ولا لاءة..وحاول دايما تبينلها انك بتحبها اوى..الدنيا مش هتقف يعنى وهى مع الوقت هتنساه خالص …الحكاية مش مستاهلة زى ما بيقولوا سيبها وكدة..وربنا يوفقكم مع بعض يارب
السلام عليكم انا عايزة اقول انك لزم تسيبها لانها عمرها ما حتنساه حتى لو كنت احسن واحد ي الدنيا او مهما عملتلها انا عندي نفس مشكلتك مع خطبتك انا حبيبت واحد لمدة 4 سنين وبعد ما خطبني وقرب الجواز حصلت مشكلة كبيرة وسبنا بعض وانا دلوقتي مخطوبة لواحد تاني ومهما عمل ليا مش قادرة انسى حبيبي الاول وفكر فيه دايما وخصوصا زي ماقلت كل ما اسمع اغنية واي شئ بيفكرني بيه حتى لما خطيبي بيتكلم معيا ببقى بفكر في حبيبي الاول فاسمع نصحتي وسيبها صدقني حياتك حتبقى جحيم وعمرك ما حتكون سعيد
بص هوه أثر فيها وأخد القشطة خلاص وهيه عايشه لسه في الوهم عشان هوه اللى سابها الاول, بص لو انت نشفت شوية في المعاملة وافتعلت ثورة غضب كل ما تيجى سيرته وتتكلم عليه وتهاجمها صح بس تاكد على حبك ليها في وسط تهزيقك ليها وتسيبها وتمشى اسبوع كده. ده هيخليها ترجع لعقلها وتخاف تخسرك وتحاول تكلمك هيه الاول وتعتزرلك ساعتها ارجعلها بس باسلوب تحذيري انها لو ما اهتمتش بيك انت مش هتحبها بعد كده. وهتلاقيها بتجرى في ديلك . وخليك انت الراجل مش هيه
انا شايف ان اللى انت فيه مش حب حالك وكلامك يعبر عن واحد اشفق على انسانة مرت ببعض الظروف ومن الانانية ان تحب نفسك وتنسى اولادك فكر جيدا معى .. هل تحب ان يرى ابناؤك امهم وكانت تحب غير ابيهم او ان امهم تحكى لهم انها كانت تحب غيرك . وخلاصة كلامى ان كل خطوة تخطوها نحو بناء اسرتك لابد ان تكون سليمة او انك تكون من الان مستعدا لان تحب ابنتك مرة او اكثر ولا تملك انت حينها ان تعارضها فانت مثلها وامها قدوتها وكان منكما ما كان فعليكما ان تتحملا ما ستريانه من ابنائكما والسلام عليك
لا حاول تعمل حاجة كويسة ليها
و اوعى تكون مدلوق عليها
سيبها فورا ايامك هتبقى سودا وبتكلم عليه وبتشكر فيه قدامك طيب ما تخليه يتعرف عليك وتبقوا صحاب استرجل يله