مشاكل الخطوبة

محتارة خطيبى كده بخيل ولا ظالماه

اضيف بتاريخ: Wednesday, February 9th, 2011 في 19:45

كلمات مشاكل وحلول: الاهل, بخيل, بنت, خطيب, دبلة الخطوبة, فترة الخطوبة, مخطوبة, مشاكل, مشاكل الخطوبة

31 رد to “محتارة خطيبى كده بخيل ولا ظالماه”

1. مارو

   

   05/05/2017 at 01:47

   يا جماعه انا خطيبى مسافر الكويت بيعمل البلاوى دى بردو وكلمته وفهمته ان ده بخل و ابويا كلمه وفهمه وقلتلو انا لحب الهدابه والزوق فيها دى اصلا بنسبالى تقدير ولا حياه لمن تنادى هو جبل شبكه كوليه وانا عوزه اكمل الطقم عشان هانتجوز قام رفض وقلى ماعيش فلوس اصل الشغل مش ماشى كويي انا بحبه جدآ جدآ اتنزلت على الحاجات ذى انو قلى از ظروفو مش مسعداه انه يا خدنى معاه انا قلتلو با يكمل الطقم يا مش هنكمل مش عرفه ال عملتو ده صح ولا غلط اتمنا حد يقولى واتمنا اتواصل مع حد عندو خبرا يعنى وحده تكون مخطوبه قبل كده لى حاله زى حلتى وتقولى اتصرفت ازاى
2. أم كارما

   

   12/12/2016 at 03:43

   أنا برضه خطيبي مسافر حاسه أنه بخيل جبلي برضه هديه عيد ميلادي حاجة مش اووي الصراحه اتكسفت ان حد يشوفها ويوم جه يخطبني جبلي سلسله فضة خفيفه اووووي المهم أنا مش عايزة منه حاجة بس أنه مش بيقدرني ومش بيقولي ابدا عايزة حاجة من بابا بس أنه يقول وأنا عمري ما تقوله عايزة والموضوع مديقني الصراحه ومش عارفه افتح أو اقولو ازاي حاجة تكسف مش عارفه أعمل ايه خايفه يكون بخيل ياريت حد يرد عليا
3. ميدو

   

   26/03/2015 at 14:19

   انا كمان مشكلتي مشابه ليكو انا خطيبي مسافر وشغله كويس ربنا فاتحه عليه واهله كمان ماشاء الله مش محتاجين بس هو للاسف مبيعبرنيش ولا بيبعتلي حاجه انا بدرس وبروح وباجي بصرف يعني مبيفكرش يبعتلي ساغ اصرفو ولا هدايا ولا اي حاجه واهله يارتهم سديين عنو لا دول انيل منه بكتير مش عارفه اعمل ايه وماما مدايقه منه ومن اهله لما بيجولي مش بيدخلو عليا بحاجه اعمل ايه ارجوكم ساعدوني هل هو بخيل فعلا ولا ايه اسفه ع الإطاله
4. roka

   

   27/09/2014 at 20:54

   انا شايفة انك تصبري علية انا مخطوبة من اسبوع بس وحاسة انة بخيل وقولت لماما بس هى قالتلى انة مناسب ومش مشكلة اللى انتى عاوزاة انا هجبهولك المهم انا شايفة انك تصبري علية واطلبي هدية تكون غالية وحلوة وشوفى هيعمل اية
5. ورده

   

   18/12/2013 at 11:13

   انا كمان عندى مشكله وارجوكم قولولى الحل
   انا لسه ملبستش دبله بس عيد ميﻻدى فات ومجبليش هديه
   اخره كل سنه وانتى طيبه
   وهو مسافر بس عنده ظروف ف شغله صعبه شويه ف الفلوس يادوب وهو شغال بره
   بس بﻻقيه بينزل يجيب لبس وكدا بس هو محتاجه ف علشان كده مش بتكلم بس الفكره انى مش حسه بتقدير منه وهو اهله الحمد لله مرتاحين واللى اعرفه عنه انه مصرف جداااا
   ف ليه عندى انا جه مجبليش وﻻ حتى حاجه بسيطه
   فكرت انى اقله كذا عاجبنى يقلى هجبهولك بس كﻻم ﻻنه مجبش حاجه
   ارجوكم ردو عليا هل هو كده بخيل وﻻ خايف يصرف وﻻ مش معاه فلوس فعﻻ وﻻتقل وﻻ ايه
6. ريمووو

   

   14/12/2013 at 21:36

   بخييل
7. ايمي سعيد

   

   10/11/2013 at 17:32

   انا بئا مشكلتي شبييهة بيكي وتقريبا نفس الحوار ماعدا الشقة لانها في بيت اهله بس خطيبي منفضلي وهو برة لا بيبعتلي عيدية ولا هدايا هي كانت هدية عيد ميلادى بعد كده بخ وانا مكتوب كتابي يعني في حكم زوجة مش خطيبة عادية وياريت اهله بيسدوا عنه الا هما انيل منه والمشكلة ان ماما بتحاميله وتعد تقولي انتي ناقصك ايه انتي مش عارف ايه اقولها دى حتة تقدير مش حتة اني محتاجة حاجة كل ده يعدى الا انه كمان بعد ما واجهته بكل ده يقولي اننه مش عايز يجبلي لبس الفرح الا اما اكون معاه يعني بعد الجواز ويسافر ويدبر سكن اكون انا خلفت ان شاء الله عما يجبلي لبس الفرح
8. نونه

   

   14/08/2013 at 03:01

   ربنا يوفقك
9. زائرة

   

   08/05/2013 at 11:03

   يمكن اكون انا كمان شبهك انا مصدومة مش عارفة اقول لمين النهاردة عيد ميلادي خطيبي جالي امبارح و عمللي مفاجاة بس للاسف ما فرحتنيش اد ما صدمتني لاقيته جايبلي شنطة كبيرة مليانة حاجات كتيرة رخيصة مش زي ما كنت متوقعة حسيت بالاسترخاص واني كنت مغفلة في اني كنت بافضل كل مالاقي حاجة مناسبة ليه حتي لو غالية اجيبهالو وكل ما احس ان نفسو فى حاجة اجيبهالو مهما كانت ظروفي و بادور عاللي يسعدة واتلكك و اشتريهولو لدرجة لما قاللي انه بيحاول يبطل سجاير روحت اشتريتله هديه فضة من فرحتي بالموضوع انا محبطة جدا لاقيته امبارح شاريلي تورتة من الراجل اللي جنب بيتو وشاريلي شنطة هدايا جوايا شنطة وشوز مش قيمين ابدا انا بانزل كتير وعارفة المستوى دا ايه في الحاجات كمان حاططلي معاه كريم بشرة للشمس وكريم مرطب من شركة كدا انا عارفة ان صاحبة بيشتغل فيها و غالبا تكون كمان عينات مجانية ولا حاجة هو انا اللي مغفلة ولا هو اللي بخيل ولاظروفه وحشة مع العلم انهم في نفس يوم ميلادي عازمين اهلهم كلهم عندهم هناك في الساحل يعني مش لاقدر الله متعسر مثلا اتضايقت اوي في يوم عيد ميلادي يعمل كدا انا في عيد ميلادة اشتريتلة تورتة من مكان كويس وجبتله هدية ساعة ماركة عالمية… احباااااااط
10. ابواميرة

    

    05/01/2013 at 13:23

    مسالةكونه بخيل اوكريم دي انت لازم تعرفيهابنفسك وتتاكدي منهااطلبي منه هديةعليهاالقيمة مثلا ساعةيدماركةعالمية اوجهازموبايل وشوف ردةفعله اذاكشروزعل منك فعلمي انوبخيل واذاقال لك حاضرياستي كل شي يهون عشانك وفعلااشترهاوبعتهالك فهو كريم وعكس ماكنت تتصوري انت واهلك والامرمتروك لك اماتوافقي على الزواج منه اوتفسخ الخطوبة وربي يوفقك
11. همسات

    

    27/09/2012 at 14:54

    أنا لدي نفس حالتك أختي .أنا مخطوبة وخائفة من أن يكون بخيل.المهم الصبر ثم الصبر
12. نور عينى

    

    15/06/2012 at 02:08

    ياجماع انا برده عندى مشكله وارجوكم ردو عليا انا مش عارفه اعمل ايه انا برده مخطوبه وبفالى سنه خطيبى كويس جدا من ناحيه التدين وحتى طبعه وبيحبنى جدا بس انا حسه انه بخيل مش عارفه ليه من المواقف اللى انا هقول عليهاانا اول مااتخطبت قولتله انا عايزه اعمل فى قاعه زى كل البنات قالى لا انا مبحش خطبتى ترقص والنا تتفرج عليه والقاعات كلها كده انا طبعا صممت لان ديه اول فرحه المهم وافق ولما جم يتفهقال انتو هتشيلوه النص واحنا عادى وفقنا المهم جابلى هو الدبله والخاتم وقالى القاعه كمان شهرين يعنى كده فضلنل سنه مجبش سيرتها ولا اتكلم على باقى الدهب ولو كان على كده مش هزعل لكن الاكبر بقا انا فى الاول جابلى هديه ورد وكنت فرحانه جدا وتانى مره جاباى ساعه بعد كده مجبش حاجه تانيه خالص انا جبت لاخواته هدايا عشان كانوا والدين يعنى حامل جبتلهم هدايا حلوه جدا وفى عد ميلاده عملت عيد ميلاد وجبتله قميص وبنطلون وفى عيد الحب جبت هديه حوض سملك بس ملقتهوش جابلى حاجه بصراحه زعلت ونسيت حته اديه الهدايه من كتر الزعل والمصيبه بقا فى عيد ميلادى قالى اجبللك ايه هو عنده مصنع شريك مع واحد ملابس فكان جايبلى 3عبايات فامل سالنى اجبللك ايه قولتله لا كتر خيرك انت جبتلى عبايات ومصدق مجبليش حاجه المصيبه التالته انى لما بخرج معاه يفضل يمشينى ومش بيجيب اى عصير انا خالص فكرت انى اسيبه لانى مش هستحمل بس خايفه وعايزه حد يقولى اى حاجه اعمل ايه
13. منى

    

    04/09/2011 at 02:29

    بصراحة مامتك واختك هما اللى غلطانين كده هيخلوكى تكرهيه وتبقى دايما مخنوقة منه انا كنت زيك وماما دايما كانت بتقولى ده بخيل ده هيتعبك بعد الجواز لحد ما فى مرة اتعصبت جامد وقولتلها لو قولتى الكلام ده تانى هسيبه ساعتها قلقت انى ممكن اسيبه وتبقى هى السبب ودلوقتى مبقتش بتجيب سيرة الموضوع ده خالص حتى كان فيه حاجات فى الشقه عايزة تعملها وكانت بتقولى ده بخيل ومش هيعمل حاجة بس سبحان الله لقيته من نفسه عمل اكتر من اللى متوقع..
14. لمي

    

    18/08/2011 at 05:24

    اومال ازاى اتخطبتي لما مافيش شقة لازم تكون هنا شقة ومش ايجار تمليك اومال مسافر ليه افرضي الحياة هنا معجبتكيش وحبيتى ترجعى تقعدى فين او خليها عجبتك ونزلتوا اجازة تقعدوا فين لازم شقة تمليييييييييك دا اللى في مصر ومتغربش بيجيب تمليك اللى مسافر لا
15. حقانية

    

    14/04/2011 at 11:46

    نا معلش لي تعليق بسيط على اللى بيقولوا اللى بيتغرب برة مصر بيتعب فى القرش وعارف قيمتة بس على فكرة اللى جوه مصر بيتعبوا أكتر فى القرش بس مش بيبخل بية على اللى بيحبهم وهى اصلا مش بالفلوس ممكن هو يجيبلها شئ بسيط ومش غالى بس بصفةمنتظمة ودة علشان يحسسها بحبةومش ضرورى الهدية دى تكون شئ ردة يكن استردادةفيما بعد لا قدر الله فيعنى تكون الهدية فى الاول والاخر ليكى حتى لو مكملتوش مع بعض..وبعدين فى دول الخليج وبره مصر رواتبهم مجزية واصلا هى ما بتهونش غير على الفقير……..
16. مصرى خاطب وشغال بالسعوديه

    

    09/04/2011 at 16:50

    اختى العزيزه عايز اوضحلك ان بجد الغربه بتعلم الواحد مننا يحافظ على القرش لانه بيتعب فيه وبقلك اطلبى منه وشوفى مهيبخلش عليكى اما عن الشقه ده حسب الاتفاق وده ممكن يكون مناسب ليكى وليه وعايز اعرفك حاجه انه هوه مسافر عشان يجوز ويكون ليه بيت ومكان ليه هوه واولاده والله بدال هوه راجل سافر بره واتغرب يبه هوه هيقدر يعيشك ويحافظ عليكى بس للضروره احكام لازم تحافظى على حقك الشرعى ويارب يكملك بما فيه الخير ليكى أن شاء الله
17. مدمنة السهر

    

    24/03/2011 at 03:06

    ده ده بخيل ربنا يعينك في حياتك القادمة ..رح تفضل معو هالعادة للشيب ربنا يعينك رح تصيري تصرفي عليه بالمستقبل ..ده مش كلام من فراغ كلو من التجارب الي انا عشتها لازملو اختبار حتى تتأكدي بعدين سيبك منو خيرها في غيرها …موفقة ان شاء الله
18. fouad

    

    13/02/2011 at 12:24

    السلام عليكم يا ناس خلليتوني أخاف من الخطوبة إذا يمكن حجيب الدنيا كللها لخطيبة يمكن تطلب أكتر هههه لا بهززر عراسي الكل أختي زي ما آل أخي مصري بالخارج مش باين هوه ايه صعب يتحكم عليه من كلامك بس عاوز أوللك أصبري شوية عليه ما تحمي عليه بسرعة الدبل ممكن نمشيها مم الهدايا كمان و الشقة كماان ممكن نمشيها ههه بس أصبري شوية و شوفي شخصوتي أكتر طيب أطلبي مننو حاجة زي ما آلت أختي رحمة و كل الكلام النهائي عند أختي مسلمة و افتخر ربنا يحميها و ربنا يا أختي يكون ربنا معاكي و مع الخطوبة دي و بتمنى كل شيء يتصلح
19. مصري وافتخر

    

    13/02/2011 at 07:07

    السلام عليكم ورحمة الله وبركاته
    االمقارنة مع اخوكي غلط بلاش منها واحتمال فعلا يكون بخيل بس احذارى واتاكدي لان لو طلع بخيل ومفيش شقة معني كده انو حيفر الاجازة ومش حتنزلو مصر غير كل فترة يعنى بخل وغرابة وحرمان من الاهل كمان صعب اوى وبالخصوص ان واضح من كلاميك ان اهلو معاه بخل في الغربة شي صعب 0
    بسبس علشان مش تظلمى الشخص لازم تتاكدى شوفى هداية الاجازة وهو نازل وكان زياراته عندكم احكمي عليه هو واهله 0
    وربنا معاكي
20. رحمة

    

    11/02/2011 at 15:04

    كان نفسي انصحك ياصحبة المشكلة بس بيقولوا فاقد الشئ لا يعطيه
    انا ظروفي مشابهه لظروفك قوي بس خطيبي بيشتغل هنا مش بره
    وكتير يقولي انه مش بيعرف يجيب حاجات البنات بس انا اخويا كان مش بيعرف حاجات البنات برده بس لما كان خاطب كان بيتصرف مثلا ياخدني معاه نجيب هدايا لخطيبته او يسأل حد او يشوف اصحابه بيعملوا ايه فيه حلول كتيرة
    انا عارفة ان اهتمام الشخص واهله بخطيبته بتبقي حاجة تشرف البنت قدام اهلها
    بس ممكن فعلا تطلبي منه حاجة بعينها موبايل حديث مثلا
21. صاحبة المشكلة

    

    10/02/2011 at 11:17

    السلام عليكم ورحمة الله وبركاته
    احب اشكر كل اللى افادونى برأيهم بجد مبسوطة جدا ان حضراتكم رديتو عليا
    اما بالنسبة لاستفسار الاستاذ همس القلوب هو لا ماعندوش شقة هنا فى مصر ومايقدرش يشترى حاليا لان الاسعار غالية جدا وهو مش مكمل تمن شقة فعشان كده فكر فى الايجار
    اما الانسة سلمى هو كان قايل هيجيب شبكة ولما الدهب غلى اوى كده انا اللى قلتله مش عايزة شبكة انا معايا دهب بتاعى بس على اساس انه يستفيد بالفلوس دى تتوفر معاه لتمن الشقة ودلوقتى ولا شقة ولا شبكة
    المشكلة كمان يا جماعة الى مضايقنى اكتر ان ليا اخ خاطب ودايما ماما حاطاه فى مقارنة مع اخويا شوفى اخوكى جايب ايه لخطيبته شوفى اخوكى عامل ايه وانا بجد تعبت من الكلام ده وشكرا على سعة صدركم وردودكم واحب اعرف تعليقات حضراتكم عارفة هتقولو ماورانيش غيرك نرد عليه بس استجملونى بقى زى اختكم
22. مصري بالخارج

    

    10/02/2011 at 09:58

    السلام عليكم ورحمة الله وبركاتة
    الاخن الفاضلةمن كلام حضرتيك صعب يتحكم عليه بس وحد وحده بالنسبة لموضوع الشقة كتير بيعملو كده انا قي السعودية وخطبتي هي الطلبت كده وانا رافض ودي وجهة نظرا بس اصحابي مصريين كتثر بيعملو كده بس مش بيجلسو في مفروش هم بعد الجواز يسفرو رحلة وبعد كده يجلسو في فندق في القاهرة مكلفة صحيح بس هو الشخص بيتجواز كم مرة وبعدين سمعت الشقق المفروشة معروفة في مصر بالنسبة للاتصال الدولي معرفش بس هو لو التليفون من الشركة حيقول احنا في الشركة كثر عاهم خطوط دولي بالنسبة للدبل هم دائما اهل البنت بيبصو علي الثقيل والعريس بيبص علي الجمال ده طبع ، اما الهداية طب من كلاميك انو بعت مع ماما يعني في حد ممكن ياخذ راي يعني مامتو ممكن تقول حلوة او وحشة وبعدين هو بعت حاجة رخيصة مش حاجة وحشة يعني لو مشافهم برضو يبعت قيمته 0
    بس ممكن حضرتيك تختبري اهلو في اي مناسبة الاهلي كلهم ويا ريت الاجازة القادمة ميكنش فيها جواز او كتب كتاب وانتظرى الهداية وحاولى تعمقي العلاقة مع الاهل كلهم الاسر واحكمي ولقدر الله لقدر الله فسخ الخطوبة مش اخر الدنيا في كثير بيتفسخ وبيكون النصيب افضل بكثر
    وربنا معاكي ويرزقيق بكل خير يا رب
23. المرشد

    

    10/02/2011 at 01:47

    لا تجعلي الشيطان يزرع الوسواس فيكي اذكري الله وكوني منتظره لزوجكي وتذكري حديث الرسول ص الصابره على اذى زوجها لها اجركاجراسيا زوجة فرعون مو باوله اسببين مشاكل
24. نونا

    

    10/02/2011 at 00:32

    كدا واضح انة بخيل لانة المفروض يجبلك حاجة تشرفك وان اللى هيجبهولك دا حاجة من قيمتك بس انا مرتبطة بشب من الكويت بردو هما بيتعبوا بالفلوس اوى بردو ممكن يكون بيصرف فلوسة فحاجة غلط هناك وكمان انتى متقبليش انة ميجبلكيش شقة لازم يجبلك شقة فبلدك تبقى بتاعتك كل الناس كدا واذا انتى اعدتى معاة هناك اكيد هترجعى وحتى لو اجازة يبقى ليكى بيت بتاعك غير كدا ارفضى واما ينزل اجازة اخرجى معاة وشوفية بيصرف ازاى واكيد بيبان ع طريقة لبسة وكدا
25. سلمى

    

    09/02/2011 at 23:45

    بصى ياحبيبتى انا ابدءلك من اخر نقطه اللى مخالياكى مخنوقه اوى كده
    من ناحية عدم تجهيز شقه انا موضوعى نفس موضوعك وخطيبى كمان فى الكويت وعلى فكره انا اللى طلبت منه اننا ناجل فرش الشقه فى مصر لاننا مش هانعيش فيها وهاسافر معاه
    فااذا انتو متفقين على انك تسافرى معاه يبقا هو حسبها من نحيت انه هايجهز شقه ومش هايعيش فيها لكن قبل اى شئ يحفظلك حقوقك بالكامل طبعا وصدقينى الموضوع ده مش موضوع بخل بس تفكير عملى شويتين
    اما موضوع الدبل دى ممكن تكون اذواق مش اكتر وليه اخدتها من نحية بخل واستخسار ممكن تعديها بس قوليلى فين الشبكه اصلا ؟؟؟
    نيجى للهدايا سيبك من اللى هو بعته واطلبى انتى اى شئ ذو قيمه وشوفى هايلبى طلبك ولا لا ويبقا اختبار له
    (هو لو بخيل ما كانش بعت حاجه اصلا) طيب انا خطيبى مش بيبعت حاجه يبقا بخيل
    بس كل الحكايه انهم فى غربه وفلوس مش جايه من الهوا والمفروض انك تحسى بى والله يعينهم
    اخر حاجه موضوع انه بيتعمد انه يوصلك انه مش بخيل وعلشان كده بيكلمك دولى كل يوم
    احب اقولك لو بخيل بخيل يعنى مش هايتصل مثلا والمكالمه من الكويت مش رخيصه يعنى علشان بس يثبتلك انه مش بخيل
    دى صدقينى ممكن تكون كلها مجرد اوهام
    انا فسرتلك كل شئ على اساس انى فى نفس موقفك ده بس انا الحمدلله عرفت اللى قصادى انا مش عارفه ازاى مخطوبه له من سنه ولسه مش عرفتى كويس اكيد مافيش حب وعلاقتكم عاديه
    عموما ربنا يوفقك ويشيل الشك من جواكى ويجمعكم على خير يارب
26. توتا

    

    09/02/2011 at 23:12

    بصى استنى شوفى لما يجى وقت الجد وتجهيز الفرح لازم يكتبلك قايمة بالعفش حتى لو مش هيجيب يبقى ضمنلك حقك وبعدين انتى تقدرى تحكمى لو بخيل انصحك تسيبية فورااااااااااااا
27. همس القلوب

    

    09/02/2011 at 23:10

    اختي الكريمه . السلامعليكم ورحمه الله وبركاته . مش اي حد يقدر يحكم ان كان خطيبك بخيل ولا لأ
    بصي يا قمر انتي ممكن تطلبي منه حاجه معينه يبعتهالك ( موبايل مثلا ) .اوك
    وتشوفي ايه رد فعله . بالنسبه للشقه انا عاوز اعرف ان كان عنده شقه مثلا في بيت العيله او ايه بالضبط محتاج اعرف التفاصيل . وانتي كمان ليكي دور بمعني انك لازم تتكلمي معاه وتسأليه انت ليه مش هتجيب موبيليا
    ربنا يعينك يا قمر
28. نور

    

    09/02/2011 at 21:46

    طب شوفى تصرفاته مع اخواته ووالدته وغير ده كله ممكن كلامه يكون بجدانه مش بيعرف يشترى حاجه البنات ومش بيعرف يختار وعلى فكره جوزك على ما تعوديه فحاولى توصلى لحل مناسب من خلال تصرفاته مع الناس وهتوصلى بس فى حاجات كتير غير الاموردى تقول انه بخيل ولا لا مش تحكمى عليه من خلال كده ومش من خلال نفسك لا من خلال الناس
29. ايمى

    

    09/02/2011 at 21:25

    سيبك منه
30. مسلمه وافتخر

    

    09/02/2011 at 20:45

    السلام عليكم… شوفى يا ابنتى اولا لازم تفصلى بين حاجات كتير ويكون واضح قدامك حاجات كتير برضه … خلى بالك ان اى حد بيافر بره ويشتغل بيتعب جدا فى القرش وكل الناس بتخوفه ان اهل عروسته يطمعه فيه وممكن ده يكون سبب انه متحفظ معاكى شويه فى مساله الدبله والهدايا خصوصا وانك بالنسبه ليه مجرد خطيبه يعنى ارتباطه بيكى مش نهائى تماما …. ثانيا مش لازم راى اختك او والدتك ياثر عليكى فى حكايه الهدايه دى زى ما قلتى دى حاجه مش مهمه خصوصا وانه بيتصل بيكى بطريقه كويسه زى ما شرحتى … لكن المساله المهمه بقى هى حكايه الشقه المفروشه … الموضوع ده مهم جدا ولازم يكون ليه سبب مقنع للاهل وليكى.. وان كنت افضل ان لازم يكون ليكى مكان خاص ومجهز على قد ظروفه ومستواكى الاجتماعى اما موضوع الشقه المفروشه دى فانا اعارضه بشده… انا حاسه انك انسانه قنوعه والحمد لله ودى ميزه كويسه لكن فى نفس الوقت لازم تحافظى على ابسط حقوقك الشرعيه وهى الشه والعفش … ربنا يهديكى للصواب ويسترا جميعا فى الدنيا والاخره
31. زائر

    

    09/02/2011 at 20:10

    الاخت السائله ادعوا الله لكى بالسعاده والتوفيق ولكن كل ما قلتيه ليس أكيد بأنه بخيل فأوصاف البخل أشد من ذلك ولعله حريص على الانفاق فقط وربما هناك هدف ومشروع فى رأسه يضع له الأولويات ولكن وجب عليكى أن تتحاورى معه فى الذى يخطط له وماذا سيفعل بعد الزواج بشأن الشقه ولماذا لا يشترى شقه بدل الايجار فهذه فكره مرفوضه خاصتا اذا كان قادر لابد أن تتحاورى معه حتى تستطيعى الحكم عليه