انا عندى 30 سنة متجوزة من وانا عندى 18 سنة خلصت الجامعة وانا متجوزة كنت متجوزة حد يعتبر مهم بس للاسف مكنش انسان من أول أسبوع اكتشفت انه بتاع ستات وعلاقات كتير جدا جدا قولت استحمل يمكن يتغير مافيش جديد كان بيقولى أن هو بيحبنى جدا وان ده نزوات لحد فى سنة من السنين اكتشفت الكارثة الأكبر أن فى علاقة مع خالته وبنتها بقيت اصوت وطلبت الطلاق ضربنى وموتنى من الضرب علشان عرفت بس كان معايا ولاد منه ماما فضلت تقولى معلش استحملى علشان الولاد المهم من وانا عندى حاولى 25 خد شقة من ورايا وكان مع واحدة متجوزة وعندها 4 ولاد بتفضل معاه وبتروح على الساعة خمسة لولادها وجوزها وهو كان شغله من 5 م إلى بليل فضل سنين معاها وسابنى لوحدى وانا كدة كدة كنت كرهة الجواز وكل حاجة فضلت قاعدة اربى ولادى بس ده اختصار لحاجات كتير فى مرة أدى الموبيل بتاعه لابنه وجاب هو موبيل جديد نسى الفيس مفتوح لقيته بيكلم راجل ودخل معا فى علاقة وكلام قذر اغمى عليا من الصدمة وهنا طلبت الطلاق خوف على ولادى المهم مكنتش اعرف يعنى ايه فيس ولا كان ليا أي دور مع أن متعلمة ومثقفة وبخاف ربنا والحمد لله بصلى دخلت العالم إلا يرتنى ما دخلته اتعرفت على واحد بعد سنة من تعليقاتنا مع بعض وكدة بقالنا حاولى 3 سنين مع بعض غلط غلطة عمرى محكتش ظروفى ولا أن كنت متجوزة خالص مكنتش عارفة أن هتوصل العلاقة لحب بالجنون ده المهم طول 3 سنين وانا بطلع بمليون حجة علشان نسيب بعض أصل ماما مش ممكن توافق عليك أي حجة لأن خلاص مكنتش اقدر أقوله أن بكدب عليك من كتر حبى لى كنت خايفة عليه من الصدمة لأنه انسان فى زمن قلة فيه الإنسانية انسان بمعنى الكلمة رتب حياته كلها عليا بس الله يسامحه انا قولت لصديق من يوم ما حبيته اعترف له قالى اوعى بلاش وياريتنى مسمعت كلامه المهم انا طول 3 سنين دول أقسم بالله العظيم أن شوفت أجمل سنين عمرى وفى نفس الوقت عذاب الضمير كنت عايشة حالتين أصعب من بعض كنت بتمنى الموت مش عارفة أعيش ولا اموت هو بالنسبة ليا كان الحياة …. ومن أسبوع خلاص من كتر عذابى اعترفت له بكل حاجة طبعا اتصدم وهو تايه ولا عارف يبعد ولا يكمل محتار وهو انا عارفة أن مخلص فى حبه بس هو حب البنوته مش المتجوزة وانا مش قادرة اوصفلكم حالتى بموت بمعنى الكلمة كل ما أتخيل أن ممكن يسبنى اموت انا بقا مش عارفة اعمل ايه اسيبه علشان كدة انا بظلمه ولا اتمسك بالحياة مع انا كدة كدة ميته من غيره ناس بتقول محدش بيموت ورا حد لا فى ناس بتموت ورا حد انا ممكن اموت لأن بحبه اوى اوى مش عارفة اعمل ايه ارجوكم ساعدوني مش عارفة انشرها
شوف يااختي العزيزة لو الشاب فعلا جاد ويحبك اطلبي الطلاق من هذا السافل الخاين جوزك اللي مايخاف الله عزوجل وتزوجي من الشخص اللي يحبك ومالكيش دعوة بكلام الناس وعيشي حياتك يابنت الحلال فلست اول ولااخر من تطلق من جوزها في هذة الدنيا ومسالة الابناء فلازم تطالبي بحقوقهم من النفقة والمصاريف واياك ان تتنازل له عن تلك الحقوق او تفرط فيها
اختي مهما حصل من زوجك من خيانة زوجية مستمرة لك لايعطيك الحق انك تقعي في الخيانة مثله مهما كانت الظروف والدوافع الخطا لايعالج بخطا مثله كان الاحرى بك وانت الزوجة وام للاولاد والمتعلمة وخريجة الجامعة كما ذكرتي ان تكبح جماح زوجك هذا السافل الواطي الحقير وتضع حدا لكل تصرفاته المحرمة والغير اخلاقية لاجل تصوني كرامتك وتحافظ عليها وعلى بيتك واولادك مش تتساهل معه وتغضي الطرف عن ممارساته القذرة وترضي بالتعايش معه طوال تلك السنين هو شافك ساكته وتمادى في اهانتك واذلالك ومستغرب انك ماخبرت اهلك بكل المصايب والبلاوي التي يفعلها زوجك هذا لاجل يقفون معك ويضعون حدا لتصرفاته المحرمة ولاجل يعرف ان وراءك اهل وانك بنت ناس محترمة مش جايه من الشارع او مقطوعة من شجرة عشان يعمل فيك كلدا لاعاد يجدى النواح والعتاب ولا البكاء على اللبن المسكوب استردي كرامتك وكرامة اهلك واطلب الطلاق منه فورا دون تاخير ومسالة الشاب اللي كنت تتكلم معه وخبيت عنه حقيقة انك متزوجة طوال 3سنوات من تعارفك به فان كان فعلا يحبك وصادق في مشاعره لك وجاد في الارتباط بك فاخبريه الحقيقة من الان وانك سوف تتطلق من زوجك هذا وتشرحي له الاسباب الحقيقية التي جعلتك تخفين عنه انك متزوجة وهو من يتخذ قراره اما يتقدم للزواج منك بعد حصولك على صك الطلاق وانتهاء عدتك او ينسحب من حياتك وتاكدي ان الله عزوجل سوف يكرمك بخير منه الدنيا لسه بخير وهتلاقي الزوج الصالح اللي يستاهلك ويقدرظروفك ويقبل بالزواج منك ويسعدك طوال العمر
انا معايا نفس مشكلتك وخبيت عنو اني متجوزه وهو حبني وانا حبيتو وعايشه اسود ايام مع جوزي وعذاب الضمير اقوى انا لسه صغيره عندي 18سنه وعايشه فتوهان بصي قولي يارب وربنا عارف بلي جوانا
اختي..للاسف ضميرك يؤنبك فقط على الشاب ولم يؤنبك على خيانتك لزوجك..ايا كانت المبررات من سوء خلقه فلو شئت لتطلقت من زمان بدون اعذار..اتق الله واجعل ندمك انك اقمت علاقة مع رجل وانت لازلت في ذمة رجل.ماذاتفرقين عن زوجك اذا كان هو خائن فأنت خائنة والله لايجمع بين اثنين الا وهما وجهان لعملة واحدة وتذكر حديث رسول الله في صفات المرأة الصالحة ( ان غاب عنها زوجها حفظته ) وحديثه( ملعون من خبب(افسد)امرأة على زوجها) وحديثه ( العينان زناهما النظر ) و (من زنى بامرأة متزوجة كان عليه نصف ماعلى الأمة من العذاب، ويخير الله زوجها في حسناته)ستقولين لم ازن اذكرك الفم زناه اللسان والعينان زناهما النظر ويصدق ذلك الفرج او يكءبه ) عود إلى الله واجعل ندمك لعلاقتك غير الشرعية وليس على الشاب الذي حتى لو تطلقت وتزوجتيه فلن يثق بك لانك خنت زوجك بل ربما سيتزوج عليك ويعيرك بماصيك ويلحث عن اخرى اصغر سنا ولم تتزوج قبلا..قاتل الله المسلسلات ووسائل الاتصال التي هدمت اخلاقيات وثوابت الدبن..وتذكر ان الله يمهل ولايهمل
لو الولد جاد اطلبي الطلاق واتجوزي اللي بيحبك
الشاب اللي حبتيه ده كام سنة !
ممكن لو سنكم قريب من بعض وهو بيحبك تتجوزيه وتكملي حياتك معاه
وهو لو بيحبك بجد هيتحدي كل الناس علشانك وهيعشق ولادك كمان
ربنا يوقفك ..
اختى الفاضله اخطأت حينما تعرفتى على شاب وانتى متزوجه ولا يحق لكى هذا اقطعى هذه العلاقه المحرمه وتوبى واسنغفرى اما زوجك المريض نفسيا واخلاقيا فمن حقك طلب الطلاق او الدعاء له بصلاح الحال والتوبه
نفس مشكلتك با الظبط وافترقنا من اسبوع
لاكن انا بموت كل يوم وفقدت الاحساس بكل شى جميل
ياحبيبتى بصى اكيد ضميرك هيوجعك بس صديقينى اوعى تكملى مع راجل مش بتحبيه وتدفينى نفسك معاه وتستحملى علشان الولاد والكلام دا ولادك لما بتربوا وسط اب وام بيحترموا بعض احسن مليون مره م يشوفوا امهم بتتهان قدامهم بكرا يكبروا ولما يعرفوا ابوهم كدا عمرهم مهيلموكى احسن ميشوفوا الحقيقة قدامهم وهما اطفال ويعيشوا بعقدة طول حياتهم جوزك دا انسان مش محترم ولو كملتى معاه هتظلمى ولادك اكبر ظلم وهيطلعوا معقدين نفسيا طيب وليه يا بنتى ولو ربنا كان عيزنا نكمل فى جوازنا علشان عيالنا مكنش عمل الطلاق متضيعيش عمرك والانسان اللى حبيتيه دا غصب عنك لما تلاقى حد بيهتم بيكى و بيقدرك ويحسسك بقيمتك اكيد هتكملى معاه وتهملى انسان بالاخلاق دى حبيبتى انتى اتاخرتى اوى ف انك تقوليله انك متجوزه بس انتى فى وضع مكنش سهل واللى حصل متلوميش نفسك اكتر من كدا انتى مش ذنبك انك اتجوزتى واحد مش راجل الحل الصح لو هو ابن حلال اطلقى من جوزك دا متطلقيش ارفعى قضية طلاق وادى الاسباب بكل صراحة واتجوزى حبيبك سامعة حبيبك اللى هتقدرى تكملى معاه حياتك وقابليه واتكلمى معاه وفهميه وساخة جوزك وصدقينى مدام بيحبك مش يبعد عنك وسيبك من كلام الناس عيشى يابنتى وانتى مبتعمليش حاجة تغضب ربنا لما تتجوزيه صدقينى دا الصح واستغفرى ربك لان الفترة اللى كلمتيه فيها الله اعلم ربنا كان راضى عنها ولا لا حتى لو غصب عنك واشتغلى علشان ولادك ميحسوش انى راجل غريب بيصرف عليهم وربنا يسيرلك الامور ويجعل الخير فى طريقك يارب وصدقينى ساعات كتير جوز الام بيبقى احن واحسن من الاب ميت مرة
اختي الفاضلة الخطا مايعالج بخطا مثل خطاك ووقوعك بالخيانة الزوجية وانت على ماتزال على ذمة هذالزوج مهماكانت الدوافع او الظروف التي جعلتك توقعي فيها لو كنت مش مرتاحة ولاسعيدة مثلما قلت عن حياتك الزوجية مع هذا الشخص لطلبت الانفصال عنه وده حقك الشرعي ولااحد يعارضه او يمنعك من طلب الطلاق منه لفساد اخلاقه وفجوره ولضربه واهاناته المستمرة لك ولكنك لم تفعلي كلهذا فضلت الاستمرار والبقاء معه ربما لحرصك على الاولاد واستقرار حياتهم اواملك في صلاح حال هالزوج وهذاالشي امره لله عزوجل هو القادر على كل شي الهداية والصلاح بيده سبحانه وتعالى انك لاتهدى من احببت ولكن الله يهدى من يشاء وانت اعلم الناس بزوجك من اي احد اخر من الناس لكن الظاهر انه لاخير فيه على الاطلاق والواقع والشواهد توحى بذلك ولابد لك من اتخاد القرار وهوطلب الطلاق منه والحفاظ على كرامتك وشرفك وصون حقوقك الزوجية كاام للاولاد وعدم التفريط في حقوقهم من النفقة والمصاريف والشخص اللي كنت تتكلم معه ان كان صادق في نواياه ويريد الارتباط بك فعلا ويحبك ويقدرمشاعرك فمن الممكن يسامحك على كذبك له واخفاك الحقيقة عنه بانك كنت متزوجة وعندك ولاد وقد يقدرظروفك في هذا ويتقدم للزواج منك بعد ماعرف انك تطلقت من هالزوج واذا لم يلتمس لك الاعذار ورفص ان يتكلم معك فمن الافضل تركه فورا وعدم الانسياق وراؤه وتصبري حتى يكرمك الله عزوجل بابن الحلال اللي يقدرك ويصونك ويحافظ عليك ويسعدك في هذي الحياة
ربنا معاكي
انتي كدة كدة اتحرمتي من حاجات كتير و كان الصح الطلاق من بدري بس حتي ده فات وقته لكن اللي لسه ممكن تلحقيه في وقته هما ولادك اللي ممكن تربيتك ليهم تعكس كل الغلط اللي حصل في حياتك ده و يبقوا سند ليكي لما تكبري بس حتي ده مش هيحصل الا لو اخلصتي في كدة و نسيتي نفسك و ساعتها هتنسي كمان مشاكلك و همومك و ربنا يعوضك خير