انا محتاج مشورة من ناس حكماء.انا متجوز من ١٤ سنة وعندنا بنتين وانا ومراتى بنحب بعض جدا..اكتشفت مؤخرا انها على علاقة مع واحد تانى بتكلمة فى التليفون. واجهتها بالموضوع اعترفتلى فى البدايه ان كانت تعرفة من ايام الكليه وكان فيه بينهم مشاعر حب بسيطة وانتهت من ساعة التخرج وخلاص انقطعت العلاقة من ١٣ سنة علما بانى عرفت انه عايش بره مصر .حصل انه اتصل بيها من سنتين وكان كلام عادى فى البدايه والموضوع اتطور كلمة ورار كلمة وفكرها بالحب اللى كان بينهم .بتقولى انها قامت بس ضعفت معاه حصل كلام غلط بينهم كتير ومكالمات وحشة ووصل انها بعتتله صور ليها عريانه لكن محصلش انها شافته او شافها او اتقابلوا خالص وانا فى الحقيقة مصدق انها فعلا ماشفتهوش وكان كل اللى حصل دة على التلفون والماسنجر وبتقسم انها حاولت كتيير انها تقفل الموضوع وفعلا اتقفل كذا مرة بس تحت الزن بترجع تانى وفضل الموضوع كدة وبتقول أن دي كانت حاجه تاعباها وكانت بتخليها تقفل الموضوع كذا مره وتقول كل مره دي آخر مره بس كانت بترجع للأسف وآخر مره دي مش بتيجي كانت عارفه أن الموضوع هيخلص هيخلص بس مش عارفة امتى.الصدمة بقى انها جت لوحدها بعد ٣ ايام من المشاكل المستمرة بدون اى معلومة عندى قالتلى عايزة اعترفلك بحاجة تانية عشان ابقى ابقى شلت كل الحمل ولو هتقبل تكمل معايا يبقى نكمل بالصراحة وقالت انها فى علاقة كمان مع واحد معاها فى الشغل بقالها ٦ اشهر وبينهم برضة كلام وحاجات وحشة وصور بقمصان نوم و انها نزلت مرة قابلته لمدة دقيقتين وحاول يبوسها منعتة وسابتة ومشيت بس رجع كلمها واعتذر وضعفت تانى و كلمتة و بتقسم انها دلوقتى تابت وفاقت وعرفت انها غلطت وعرفت انها تاهت شويه بس خلاص رجعت وعرفت قيمتنا وقيمة بيتها وبناتها.وكانت بتصبر نفسها ان البيت لم يتاثر بشئ وانا مش حاسس بحاجة وان كدة كدة كان هيجى وقت وتفوق وتوقف كل دة.الموقف الحالى انى انا مش عارف اعيش و بقالى شهر لا باكل ولا بنام وهى كمان .محدش عرف بحاجة من اهلى او اهلها لانى عملت حساب العشرة الى بينا .المشكلة انى شبة متاكد ان ١٢ سنة الاولى كانت مخلصة ليا لانى عارف اللى كانت معايا بس فعلا السنتين اللى فاتو كنت حاسس ان حياتنا متغيرة بس ماتصورتش اللى حصل…مش عارف اتصرف انهى الحياة دة ولا اسامحها واكمل بصراحة مش عارف احسب عواقب الحالتين..بقالنا شهرين عياط وملامة حزن وتقلبات
ارجوكوا يا اهل الخبرة فى امور الحياة افيدونى و شورو عليا
مشاكل الخيانة الزوجية
مراتى عملت علاقة مع شخص على التليفون
اضيف بتاريخ: Wednesday, February 22nd, 2017 في 06:48
كلمات مشاكل وحلول: الخيانة, الزواج, زواج, متزوج
أخي نصيحه. الواحد يتغاضا ويسامح ليس فقط من أجل الأطفال شوف كمان إذا طلقت شو بيصير شو السلبيات وشو الإيجابيات إذا المؤاشرات كلها معا الطلاق تمام والا لا تطلق أما الأطفال لاتصدق إلي حرم الزنا راااح يكون معا أطفالك وكمان أنا صار لي نفس القصه بس مش هيك صور وغيرها لا علاقه عرفتها قبل تكبر صار لها مده شي 3 أيام فقط المهم سامحت زوجتي تركتها بدون جوال فتره بس هيااااندمت وهيك شي بس فكرت كيف لما تطلع زوجتك للأهل او شي مكان بلا جوال نقص بحقك أنت ليس بحقها هيااا بيقولو انت ماجبت لزوجتك جوال بخيل او حتى بيقولو ماعم توثق بزوجتك ويمكن الناس كلامهم يطفشوها بالاكلام تعيش تأنيب الضمير حرام لهيك جبت لها لأنو إذا ماجبت لها معنها انك إذا جبت لها جوال بتعمل منكر وإذا ظلت بدونه مارح تساوي لا أدركت أنا أن إلي يريد يعمل شي بيساويه لو عملت شو ماعملت. بس الثقه وربك ادعيه إذا شي تسويه زوجتك أن الله يفضحها وأنا بالنسبه لي رجعت جبينها اكتر اكتر من قبل ولله وكمان اللوم ليس على زوجتك فقط اللوم عليك أنت شو قصرت المره زهره إذا ماسقيت زهرتك بيسقيها غيرك خاصه إذا كانت الزوجه ليست متينه الخلق. وكمان إذا سامحتها نصيحه انسى انسى حتى الرقابة لاتحسسها انك عم ترقبها لأنو هيا يمكن تابت جد بس شكك بايخليها تزيد أكثر بس أديها فرصه وربك كريم ولا تصدق الكل يريد فرصه ثانيه ليه نكون هيك أنا جربت عذاب الضمير بجد إذا زاااد عن حده بيموتك بيخليك مجرم اسئل الله للجميع العفو والعافيه
اعتقد انك يجب ان تسامحها و تصدقها …. و ثق ان الله يقف بجوارك و لو انها فعلت اي شيء اخر ستعرف بكل تأكيد و الله يكون بعونك
اخي العفو عند المقدرة
غفرالله لزوجتك
من تاب تاب الله عليه
أسأل الله لكم عيشه هنيه
انا صاحب المشكلة المعروضة.شكرا لكل الاخوة اللى بيشاركوا بالنصيحة..فى بعض الاخوه بتهاجمنى بشدة زى الاخ اللى شتمنى و الاخ اللى مستغرب انى بطلب المشورة اصلا.فعلا اول مرة احس و افهم المثل اللى بيقول اللى فى النار غير اللى برا النار .لو عندك بنات وبينك وبين مراتك عشرة طويلة وانت كنت عارف اصل معدنها انو كويس ، هتفكر كتير قبل ما تهد المعبد على كل اللى فيه واولهم ولادك. بشكر كل الل كان حكيم فى كلامه ورايه زى المؤمنة بقضاء الله و الاخ اللى باسم اخوك و غيرهم …كلامكم فعلا ساعدنى.
الموقف الحالى انى انا ومراتى بنروح لمستشارة علاقات اسريه و نفسيين..و الموقف لسه فى مشكله بس محصل انفصال. الامور اهدى شويه وانشاء الله ممكن نقدر نتخطى اللى حصل . انا بتعب كل شويه وهى بتنهار من الندم والاسف وانا مصدق ندمها .هى عارفة انها غلطة غلط كبير ومش عارفه عملت كدة ليه .الدكتورة النفسية بتقول فى مشاكل مدفونة جواها من زمان وبتحاول تفهمها
انا قولت احاول اعرض الموقف اللى احنا فيه .يمكن ربنا ينفع حد غيرى بتجربتى..
ولو جاز ليا انى انصح حظ غيرى هقول .. اوعى تطمن او تدى الامان فى حياتك بنسبة ١٠٠ فى ١٠٠ مهما كنت بتحب مراتك او واثق انها بتحبك..ما تبقاش شكاك ولكن حرص وماتخونش…كل فترة كدة لازم تحسسها انك بتشك فيها.شوف الموبايل.راقب تليفونها.. صدقنى احساس انها متراقبة بيمنع وقعها فى غلط يمكن هى ما تقصدش تقع فيهو خلى بالكوا ان الموضوع عندى حصل بعد ١٢ سنه جواز و حب و عشره عمر…وقعد سنتين محصلش تاثير فيهم اى تقصير منها فى البيت او حد حس باى حاجة و هى فعلا دلوقتى نفسها الزمن يرجع تانى و تمنع ان اللى حصل يحصل من الاول .يعنى فعلا ندمانه..
طلب منكم اخير…ادعولى ان ربنا يدبر لى الامر فانا لا احسن التدبير و يوجهنى للى فيه الخيى .. دعواتكم
ياريت الاخ صاحب المشكلة يكتب تعليق يقول الامور وصلت معاه لايه
وانت ليه تعيش فى ماساه ملزيوم ،، انما ياسى على المب النساء. ست تعرف من كانت تصادقه فى الجامعه وتضعف ان تقطع علاقتها معه مره ونرات. لابد انها ضعفت مع اخرين. وهى اصبت امراءه لعوب. معرزميلزالعمل ولابد ان وصل الكلام بينهما الى شىء مطير من الفحش والافضل لك ان تتفرقا بالرضا ودون فضيحه على ان تسترها واا تخبر احد بشانها ،،، حتى تعيش سليم البال والقلب. ،،ولو عشت معها سوف تضعف مره اخرى مع اخرين. ،، ولن تستطيع منعها من التواصل مع غيرها ،، لان وساءل الاتصال اصبحت. متعدده وخطيره وسهله ويصعب معرفتها،،، فاظفر بذات الدين ،، وابحث عنها ،،ومنرصفات الزوجه الصالحه انه اذا غاب عنها زوجها حفظته فى ماله وعرضه وهده خانتك خيانهرعظمى ،، ومن ادراك انها صادقه فربما قالت لك نصف الحقيقه وليس الحقيقه الكامله. ،،، اعانك الله وكن جسورا ودعك من حكايه الحب. ،،وانت اليوم ربما تكون احسن حالا ،،فربما لو عاشت معك. اعوام اخر لظهرت فضيحتها وساءت سمعتها واصبحت الفضيحه بجلاجل،،،،
رغم كل الردود اللي جت على زوجتك وبتلومك انك بتفكر تسامحها
لكن انا شايف انها صراحتك باللي حصل وكان ممكن جدا ماتقولكش على كل حاجة طبعا المشكلة ان انت اللي اكتشفت
بس هي صرحتك كمان بعلاقتها بزميلها وكانت تقدر ماتقولكش بس غير اللي انت اكتشفته وكانت تقدر تقولك ان الموضوع كلام في التليفون بس
وكانت تقدر انها تخبي بس صدق توبتها وندمها انت الوحيد اللي تقدر تقدره من دموعها وكلامها معاك الفترة اللي فاتت
ومادام انت محتار يبقى انت تقدر تسامحها بس طبعا الموضوع محتاج وقت عشان يبدا يداوي وطبعا انت مش هتقدر تنسى اللي حصل بسهولة
بس نصيحتي لو سامحتها ماتزلهاش وكل خناقو تقولها انتي عملتي وسويتي لكن كده ماسمحتش وهتندمها انها حاكتلك
طبعاً لو طلقتها ماحدش هيلومك وده انت اللي تحدده انك قادر تسامح وتعيش معاها بعد كده ولا لا
بس انا شايف لو هي صادقة في توبتها حرام ماتديهاش فرصة تانية ودي تبقى بداية جديدة لجوازكم وتشوف انت برضو قصرت معاها في ايه
هل كنت مابتسمعهاش مابتحترمهاش مابتديهاش وقت مابتقولهاش كلام جلو مقصر معاها في العلاقة
القرار في ايدك
ولو سامحتها واعتقد ان ده اللي هيحصل هتديها فرصة تانية ولو اتكرر ابقى طلقها
وساعتها هتبقى عملت كل اللي هتقدر عليه عشان تحافظ على البيت وان بناتك يتربوا وسط اب وام
وبرضو لو سبتها دلوقتي ماعلكش لوم – انت اكتر واحد تقدر تقرر هتقدر تسامحها وتنسى ولا لا
واللي مش هيعجبه كلامي ويقول دي مش رجولة ومش عارف ايه – لا لو فرضنا انها غلطت فكلنا بنغلط لو فرضنا انها تابت بجد يبقى ليه مانديها فرصة تانية
هل احنا كرجالة ملايكة مابنغلطش هل لو كنا في نفس مكانها وست جميلة حاولت توقعنا مش هنقع وتغلط
الفرق بس في مجتماعتنا الشرقية بين الراجل والست – ان الراجل هو اللي بيبدأ مش الست – فلو الراجل محترم مش هيتعرض لو مواقف تختبر وفاؤءه كتير لكن حتى لو الست كويسة هتلاقي 100 راجل عايز ينهش فيها ولو جوزها وحش او مقصر معاها الحرب بتقى اكبر
ما هذا يا رجل ! وهل هذه الامور تحتاج الي مشوره وحكماء واهل خبره ! واضح انك بتحبها وتتغاظي عن اخطائها بل وتتدافع عنها رغم علمك التام بقذاره ما عملت ولكن يغور الحب في سبيل الكرامه والشهامه .ويغور الحب من اجل الحفاظ علي عزه النفس
انا في الحقيقه مندهش جدا من اعصابك البارده ! مندهش ان تعلم ان زوجتك عندها علاقات خطيره وياريت مع واحد فقط بل ومع اثنين وكل قصه اقبح واقذر من الاخري !
روايه زوجتك صعب تصديقها ..خاصه مع زميل العمل التي دامت علافتها 6 شهور وانت نايم علي ودانك ..فلنتكلم بالعقل والمنطق : هل يعقل زوجه لها علاقه مع زميل العمل والفرصه مهياه جدا للانفراد ببعضها البعض وكانت قد ارته فساتين النوم وفوق هذا تكلما في مواضيع الجنس !
هل يعقل انهما لم يمارسا الجنس ! ويكون بعلمك ان المراه لا تجرا ابدا التحدث في الجنس والاعضاء والكلام الوحش الا الي رجل يمارس معها الجنس !
وايضا بالنسبه للحبيب الاول فالمراه من رابع المستحيل ان تري رجل صورها العاريه الا كانت ترغبه للمارسه الجنس
الذي عملته زوجتك شي فظيع جدا جدا لا يقوي علي تحمله اقوي رجل ..الذي عملته زوجتك قد قتل الحب الذي بينكما .. طلقها بالثلاث , مثل هذه الزوجه التي لم تحافظ علي شرف زوجها فلتذهب غير ماسوف عليها ..طلقها افضل من ان تبقي طول عمرك عايش في قهر وحيره وياس
طلفها وارفع راسك شامخا عزيز النفس وابدا حياتك من جديد
بسم الله : مشكلتك من اعقد المشاكل اللى ممكن حد يلاقيلها حل مبين الخيانة اللى من العيار التقيل اللى اتعرضتلها ومبين حبك ليها وعشرتكم 14 سنة وبناتكم , اولا انا متخيل من خلال كلامك اد ايه حياتكم حتى لما كنت مستقرة كانت بعيدة عن ربنا ضميرها لو كان بيعذبها عشان ربنا مكنتش عملت كدا حتى لما عذبها عشان منفعش صدقنى زوجة حضرتك مريضة ومن وجهة نظرى المتواضعة ان اكبر غلطة ليك فى المشكلة دى انك اخترتها من غير متعرف معدنها ومن غير متركز على الاخلاق وركزت اكتر على المشاعر والجمال ..
انا كنت هتشد اكتر انى اقولك اصبر عليها ممكن تتوب بجد لكن حتى لو صبرت عليها هتفضل حياتكم خالية من الايمان ومليانة بالشك .
لكن كل اللى اقدر اقلهولك ان ايا كان القرار اللى هتخدو مش هقدر اقولك انو غلط ولا انو صح !
انت صابر عليها الشهرين دول لانك لسا عايز تراهن على حبها ليك لو عايز تكمل يبقى لازم مراتك تسيب الشغل وتغير نمرتها و تخليك على اطلاع دايم على النمر اللى بتسجلها عندها لو هتكمل فهمها انها لو مش خايفة على علاقتكم ومش خايفة على بناتها من مر الطلاق لازم تخاف من ربنا وتتقى الله فيك وفى بناتها وفى نفسها ويستحسن لو عزلتو عشان تلغى كل علاقاتها القديمة تماما وفهمها ان دى الفرصة الوحيدة اللى فضلالها ولو حصل حاجة زى دى تانى او حتى اقل منها تبقى حياتك حرام عليك وتبقى ظالم لو فضلت مكمل معاها .
اخي من السذاجة والغباء انك تصدقها في كل ماقالته لك طوال اكثر من 12سنة وانت مخدوع في هذة الزوجة الخاينة التي لم تحترم الحياة الزوجية ولم تصونها ابدا هي بجسدها معك لكن قلبها وعقلها مع ذلك الرجل اللي كانت تعرفه في السابق وماادراك انها صادقة في في كل ماقالت لك وان مابينهما مجرد كلام اورسائل غرامية اوصور خادشة للحياء قدتكون بيهما افضع من ذلك وجات تخبرك بالكارثة الثانية وانها على علاقة بزميل لها في العمل من 6شهور وماحدش عارف الى اين وصلت تلك العلاقة المحرمة بينهما ارى يااخي ان البراهين والحجج قائمة على زوجتك وان لاامان لها بعد اليوم ولاخير في الابقاء عليها مهما كانت الظروف والامر يرجع لك انت شخصيا فطلاقها امر صار لابد منه وان لم تفعل فانت والعياذبالله رجل ديوث يرى المنكر في اهل بيته ولايريد تغييره انصحك بالاسراع في طلاقها فورا واسترداد كرامتك وشرفك وربنا بيكرمك ويعوضك خيرمنها
السلام عليك اخي الفاضل
ليس بصغيره من تكتب لك انا امراه في نهايه العقد الرابع ومرت في حياتي ازمات كثيره ..اخي الفاضل اسئل نفسك ماذا حرمت زوحتك ووجدت عند احد غيرك المراه مخلوق ضعيف ..اخي نعمل الهوايل ونتتظر من الله عز وجل المغفره لماذا نحن البشر لانغفر …اخي الفاضل اسئل ب الله العلي القدير ان تعطيها فرصه ثانيه من اجل العشره لعل الله يجعل لها هدايه وانت تكسب ثوابها اتمنى لك اخي الكريم الموفقيه والسداد وربي يرفع عنكم الغمه ويهديها الى طريق الحق استودعك الله .
انا اري حرمانها تماما من الموبايل والغاء الارضي ان وجد والاستقاله من عملها او اجازه مفنوحه والتنبيه عليها بعدم استعمال موبايل احدي البنات والا فضحتها امامهم وامام اهلها وعدم الخروج بمفردها وعدم المعاشره الجنسيه والتعامل معها بجفاء ولا تطلقها حرصا علي مصلحه الصغيرتان لان لا ذنب لهما في تصرفات ام مستهتره وذللك مع حفظ حقق في الزواج ان كانت مادياتك نسمح وربنا معاك
السلام عليكم جميعا
أخي الحائر . واضح انك بتحب وإحترام جدا من خلال كلامك لكن يا عزيزي زوجتك لم تترك لك خيار . الثقة لما تكسر مستحيل ترجع . ولا انت هتقدر تعيش معاها في هناء . الطلاق أصبح عليك فرض إجباري . الله يعينك
اولا مفيش حاجه اسمهاان ابغض الحلال عند الله الطلاق لان مفيش حلال بغيض الحلال حلال والحرام حرام وربنا حلل الطلاق
ثانيا طالما هى سمحت لنفسها بالوضع ده فأكيد هتكرره تانى وتالت ورابع وخامس ومليون وتحت حجة انا ضعفت وسامحنى وممكن المرة القادمه تمارس الجنس مع رجل اخر وتقول سامحنى ضافعت وشوية بكاء انت بتحبها وموش قادر تبعد عنها فلك الحرية المطلقه لاكن العقل بيقول طلاق لان زميل كلية وزميل الشغل وصور وممكن تلاقى جارك وممكن تلاقى حد اخر فسأل اهل الذكر اولا وشوف حل للموضوع ده
يا اما انت واحد شكلك خرونق وهي شايفتك هكذا لذلك تروح تعمل علاقات وتجي تقول لك , او هي واحدة هبلا مش عارفة حجم الخطيئة التي ارتكبتها او اثنينكم تتعاطوا حاجة غريبة , او ربما اصابتكم عين حاسد ملعونة سوف تخرب بيتكم وعيشتكم , او قد تكون انت واحد غير متزوج ومؤلف القصة من رأسك لان في كلامك ما يدل على انك غير مهتم بما تقوله وما يحدث في بيتك وتتكلم عنه كأنه واحد يريد مساعدة او استشارة في اي مشكلة عادية او تافهة , يبدوا انك معجب بفكرة الديموقراطية وتريد تطبيقها في حياتك لكن بالخطأ الذي سمعت عنه وتعمل به كان عن ال******
وانا اقرا مشكلتك حقيقه كنت اشعر بالغضب فكيف حالك انت ! زوجتك لا تستحق الطلاق فقط ولكن تستاهل ان ينزل العقاب بها لخيانتها لك ولما سببته لك من عذاب واذيه ..
انا قرات المشكله وهناك وضع في زوجتك غير مطمئن ابدا وهي ممكن جدا ترجع وتخونك
فلاحظ انها قالت عن الحبيب الاول انها كثيرا ما كانت تقفل الموضوع ثم ترجع مره اخري وتكلمه !
وايضا زميل العمل كانت تقطع العلاقه ثم يتصل بها ويعتذر وترجع وتتحدث معه مره اخري !
اذن زوجتك ليس عندها اي مقاومه ..وممكن جدا ترجع الي احدهم بمجرد ان اتصلوا بها واعطوها بعض الاعتذارات !
وهناك نقطه مهه جدا بالنسبه للحبيب الاول ..فانا لا اعتقد بل مستحيل ان ينسي زوجتك بعد ان ارته صورها وهي عاريه هي الان في عقله وقلبه ويرغب بها بشده وحتي لو انقطعت الاتصالات بينهما ممكن جدا معاوده الاتصال هذا اذا لم يكن قد اتفق علي رؤيتها في حال العوده
وايضا زميل العمل هناك علامه استفهام كبيره حولهما ,فانا لا اعتقد بعلاقه استمرت 6 شهور وقد ارته صورها بقمصان النوم ( من اجل اثارته جنسيا ) انه لم يحدث شي بينهما
انا اسف ان ردي قد يكون ضايقك لكن زوجتك عملت شي فظيع جدا وانت للاسف تحاول ان تغمض عينيك وتتغاضي عن غدر وخيانه زوجتك
عزيزي الخيانه وفقد الثقه مثل الزجاج عندما يتكسر لايمكن اصلاحه مره اخري وها انت قد مر عليك شهرين من الضيق والحزن وصدقني سيمر عليك 10 سنوات من الضيق والشك لو استمريت معها
فانا لا اعتقد انك ستشعر بالاطمئنان لو ذهبت زوجتك الي العمل وقد تذهب انت خلفها سرا للتجسس عليها ! وستراقب تلفونها من وقت لاخر
وساقول لك سر مضطر ان اقوله لك اني في يوم من الايام اكتشفت رساله غراميه الي زوجتي ووقتها جن جنوني وكدت ان اضرب زوجتي لكن اتضح بعد البحث والتحري انه كان هو المرسل فقط
ولكن رغم ذلك ورغم مضي 5 سنوات علي تلك الرساله الا انها لا تزال في بالي وايضا للاسف لا اثق بزوجتي مثل السابق ..فاذا كنت انا ومجرد رساله لم ولن انساها رغم مرور 5 سنوات !
فكيف سيكون وضعك اخي بعد 5 سنوات وخاصه بعد ان ثبت ان زوجتك لم تتلفي رساله فقط بل تعدي الامر انها بعثت صورها لرجلين مختلفين الصور الاولي عريانه وللاخر قمصان النوم دار بينهما كلام جنسي خطير ! فهل ستنسي بعد 5 سنوات او حتي بعد 20 سنه !!!
طلقها
االلى تبيع نفسها مر تبيع نفسه الف مره طلقه حتى لو بصوره هتعمل اي لو الصوره نزلت على النت مش محتجه انك تسال حدا
هقوللك طلقها عارف ليه لان انا لما جوزي خانني معشتش معاه بعدها ثانيه واحده ومفيش حد يقول انتي ست وهو راجل لا الخيانه والحلال والحرام زي ماهو علي الراجل علي الست طلقها لانك مش هتنسي
اكره ان اقول لك طلقها فانه ابغض الحلال والامر يعود اليك في النهاية ان احسست بانك لن تستطيع نسيان خيانتها فلا جدوى من بقائها معك وقد فقدت اهم شيء في الزوجة وهو الاخلاص واذا ما شعرت بانها اخطات ويمكن ان تغفر لها وتنسى ما بدر منها وتسامحها فان لك اجرك على الله.
اعانك الله تعالى
◘◘◘ بسم الله الرحمن الرحيم :
♦ أخي الزوج الحائر / تحياتي لك ، و أرى ما يلي :
1- أنك مُقصِّرٌ في واجبات زوجتك العاطفية و النفسية ، و ربما( غيرها )، و ذلك – حسبما تقول – في العامين الأخيرين.
2- و ما دامت الزوجة لم تُشبَع عاطفيا من زوجها ، فمن المؤكد أن تبحث عن ذلك عند رجل آخر – إذا كانت لا تخشى الله.
3- و لابد أنك انشغلت عنها كثيرا – بل أهملتها ، و هي المحتاجة لكل كلمة حلوة و كل يدٍ حانية ،و كل غزلٍ و مدح في جمالها و فتنتها .
4- و كل ذلك دفعها إلى غيرك ، ممن يُلبِّي حاجتها ؛ فكان أن وجدته في حبيبها الأول – عالمةً أنه لن يكشف سرها،طالما يستمتعان معا بالحب المسروق ، و قضاء الشهوات المكبوتة – عن بُعد.
5- ربما لم تُرِد زوجتُك غير ذلك ، و إلا كانت رضِيَت أن تقابل زميلها ، و تُقَبِّلَه ، و يلمسها ؛ و لكنها منعت نفسها من ذلك – إذ المؤكد أنها لا تريد علاقة جسدية حقيقية- بل تبحث عن الاهتمام ، و إرضاء ثقتها بنفسها في أنها مرغوبة ، مثيرةٌ ،و محبوبة .
6- كيف تقول إنك منأكد من سلوكها في ال12 عاما السابقة ؟ و هي التي تخبرك حقيقتها التي لم تعلمها ، و ربما في جيبها حكايات أخرى !!!
7- لا بد أن تتصارحا ، و تعرف منها دوافعها لخيانتك ؛ فربما أنت السبب فيها – و حينها أنت من تستحق اللوم ، و ربما كانت تهوى إيقاع الرجال في حبها – ربما انتقاما لترك خطيبها لها من قبل – و لعلها أرادت أن تشُده إليها ، و تفسد عليه حياته من دونها ، ثم تتركَه يعاني من بعدها .
◘ و إليك حلين – لا ثالث لهما :
♦ أولا : أن تعفوَ عنها و تسترها ، و تتواعدان على الإخلاص و الوفاء – و أظنه أمرا بالغ الصعوبة.
♦ ثانيا : أو تطلقها ؛ فأكاد أجزِمُ أنك لن تهنأ بحياتك معها بعد ذلك ، و لن تنسى خيانتها أبدا ، و ربما جددتها مع آخرين .و لسوف تندم أشد الندم إن عشت معها ، و يكره كلاكما الآخر ، و هذا أشد العذاب للأزواج.
♦♦♦ اختر لنفسك ، فتلك حياتك .
◘◘◘ و الله أعلم ◘◘◘
( وعلي نفسها جنت برافش ) فزوجتك بحماقتها وخيانتها قد دمرت كل شي بينكما , وفعلت اكثر شي يؤلم الرجل ويعذبه ..اعانك الله اخي ,وحقيقه انا مندهش في برودك معها ! فضربتين بالراس توجع ,, الطلاق هو افضل حل لزوجه مثل زوجتك لان الشك اخي سيبقي في راسك وصعب تصديق روايه زوجتك صعب تصديق انه زوجه لها علاقه 6 شهور مع زميل العمل وقد ارته فساتين النوم وبينهم كلام جنسي خطير وقد منعت عنه بوسه !! صعب تصديق ان الامور لم تتطور لاكثر من ذالك !! وما ادراك ان الحبيب السابق ماذا دارا بينهما من وعود واتفاق في حال عودته !!
صحيح ان بعض الظن اثم لكن زوجتك عليها علامه استفهام كبيره !!
عزيزي لو فرضنا انك لم تطلقها ..فهل ستثق فيها مثل السابق ؟ لو رايتها مثلا تتحدث بانفراد بالموبايل ..الن ياتيك الشك انها تتحدث مع احدهم !
لو ذهبت الي عملها .هل ستكون واثق بها مثل السابق ..للاسف انعدمت نهاءيا في زوجتك
عزيزي هناك امور تحدث فجاه في حياه الناس تقلب حياته ويجب ان يتحملها وياخد قرار شجاع
ويواجه الظروف الجديده ويتغلب عليها ليواصل حياته مره اخري وراسه وكرامته مرفوعه
بص حضرتك من غير زعل كده فكر مع نفسك و شوف واحده عرضت جسمها لاتنين غيرك و اكيد برده بعتولها صورهم اصبر عليها 3 شهور و احرمها من التليفون و راقب تصرفاتها لو طلعت من البيت من غير مبرر او اسلوبها فى الكلام ناشف يبقى طلق على طول مع العلم مطلعهاش من البيت و تجيب انت طلبات البيت كاملة يعنى متحتاجش حاجة من الشارع و فترة التلات شهور دول متلمسهاش و لو هى بقت هتتجنن انها تنام معاك يبقى تشك انها عاشرت غيرك اما لو مفيش رغبة منها للجماع يبقى الموضوع مرض نفسى انها تعرض جملها على الناس و وقتها يبقى حلها سهل تحل انت محل الرجلين دول تكلمها شات جنسى و تعيشها جو انك انت العشيق و تكفيها من الرغبة دى و ميضرش لو تخليها كل شوية تقعد و تصورها عريانة المهم التليفون الى انت هتمارس معاها منه الموضوع ده ميطلعش من البيت و لو باظ متودهوش لحد يتصلح تولع فيه بجاز وسخ و لقدر الله لو طلعت بتخونك جسديا يبقى تصرفها بالمعروف
إذا كنت تستطيع التعايش مع الأمر حاول أن تعطيها فرصة وتختبر صدقها في التوبة
ولكن لا بد من أمرين :
الأول تغيير رقم التلفون والثاني ترك هذا العمل الذي فيه زميلها
وللأسف فالمجتمع قد تغير كثيرا بعد انتشار وسائل التواصل الحديثة وصعوبة الرقابة وأسأل الله أن يصلح حالكم ..
معلش انا عارف اللى هقولهولك صعب عليك وعارف ان الحياه هتبقى صعبة بس صدقنى العملية الجراحية بتبقى صعبة وبعدها الفترة بيتبقى صعبة لكن بعد فترة بتحس بالراحة اسمع كلام اخوك طلقها معلش انا شايف انك بتحبها بس فى حاجات اقوى من الحب والعشرة بكتير طلقها وصدقنى والله هترتاح عارف حتى لو كان واحد بس اللى غاويها برده كنت هقولك نفس الكلام لكن هما اكتر صدقنى ده اختبار صعب لو سامحتها هيبقى ليها مبرر بعد كده ثم انت هتقدر تعيش ازاى وانت عارف ان لحم مراتك اتنهش من حد تانى معلش الكلام صعب بس انا مقدر حالتك بس لازم تبقى حازم وحاسم اكتر من كده