فتاة متزوجه عمرى ٢٨ سنه من صغرى ومجبرة فكل حياتى على كل شئ وفقدت معنى الحب والامان والاحتواء فى اسرتى وتعرضت للتحرش الجنسي ولما كنت اقول لأهلى محدش كان بيصدقنى .. قررت ان اول عريس هيجي هتجوزه عشان اعف نفسي واخرج من بيت العيلة . اتجوزت ١٩ سنه وخلفت ابنى ٢٠ سنه ومن قبل ما اخلف طلبت الطلاق لان جوزى مكنش انسان كويس وسوى واتجوزنى عشان ينسي حببته .. اهلى ديما ضددى فى الطلاق .. ٧ سنين عشتهم فى مشاكل وعدم استقرار بسببه وبسبب كدبه واطلب طلاق اهلى رفضين واتهددت بالقتل .. كنت عايشه فى بلد فالخليج .. اتعرفت هناك على اصدقاء ليا ولزوجى وبعد مرور السنين بدأت مشاعرى تروح لصاحب جوزى .. لما خوفت من عقاب ربنا روحت قلت لجوزى انا محتاجه حب ومشاعر ورومانسيه انا بدات احب صحبك بسبب ان قلبي فاضي يا تطلقنى وتساعدنى اعيش صح واربى ابني .. ياتملى قلبي وعيني .. طبعا الكلام ولا كأن قلت حاجه وفعلا حبيت صحبه جدددا شوفت فيه كل شئ محتجاه .. قررت انى هطلق عشان مبقاش خاينه واعف نفسي وابقي صريحه .. وقلتله طلقنى وابعتنى لاهلى مش هعمل اللى يغضب ربنا بسببك .. برضو مرضيش واهلى برضو ضددى فالطلاق .. سالت شيوخ كتير قالولى الطلاق حقي .. صحبه لما عرف انى طالبه الطلاق .. جيه وقالى انه هو بيحبني وعايز يتجوزنى بس مش بشكل سئ لينا كلنا .. وتدخل فى حياتى على انه هيساعدنى وهو متجوز وعنده ولاد ولكن ظروفه نفس ظروف حياتى مع جوزى فاقد الحب والمشاعر والاهتمام من زوجته .. حبيته واتفقنا على كل حاجه ووقفت بشدة اطلب الطلاق ولكن مفيش فايدة .. لحد ما غضبت ربنا واقمت علاقه مع صاحبه ونتيجتها حصل حمل .. قررت انزل الجنين واخد ابني واسافر بعيد عن جوزى وصحيه واهلى واشتغل واعيش لوحدى .. رجعت بلدى بعد الاجهاض اكتشفت انى كنت حامل فى تؤام واحد نزل والتانى لا .. حاولت اتواصل مع صحبه .. رفض تماما الاعتراف بالجنين .. او مكنش بينطق بمعنى اصح ولا يقول ابني ولا مش ابني .. سالت شيوخ كتير جدددا .. قالولى استر نفسي واعف نفسي واتوب لله . وانسب الولد لجوزى بناء على حديث الرسول (ص) .. سمعت كلام الشيوخ وسترت نفسي وبرضو كنت بحاول ابعتله اقوله انى حامل وان دا ابنه لكن مبيردش على اى رسائل ببعتها وغير كل رسائله .. وقبل كل دا كان اتخلى عنى لمجرد ما مامته رفضت علاقته وجوازه منى وساب فنفسيتي اسوء ألم عشته فحياته واستحملت وكتمت وانفصلت عن جوزى معيشيا .. فالنهايه انا قربت اولد ومش بنام الليل ولا النهار وبموت فى اللحظة مليون مره ومفيش فايدة وخايفه اجيب الفضيحه لاهلى ولابني انا غلطت ومعترفه لكن انا ضعيفه والضغط عليا كتير من اهلى وجوزى بيذلونى كتير .. اعمل اييييه انا همووووت واتعرضت لجلطة من كتر القهر .. وكاتمه فقلبي وساكته .. مش مصدقه ان دا بيحصل معايا وانا عمرى ما أذيت حد .. ببعتله رسايل كتير وبيشوفها ولا كانى بعتله .. ذليت نفسي كتير .. ياترى هستحمل اربي طفل من حرام وانسبه لجوزى .. انا مش قادرة اعيش مع الابتلاء والكرب دا .. انصحونى بالله عليكم ربنا مايكتبها على حد يارب
في اسرة محتاجة طفل لان ربنا ما اكرمهم باولاد
ونفسهم يتبنو طفل وهما مقتدرين
لكن في الحقيقة لا اعرف هل سيقبلو بطفل من علاقة غير شرعية او لا
هما في مصر هل حضرتك مصرية ولا في بلد اخر
لاحول ولاقوة الابالله العلي العظيم ماذا اقول لك يااختاه لاعاد يجدي اللوم والعتاب ابدا حتى لوفرضنا انو اهلك اجبروك على العيش مع هذا الزوج وانت لاتريديه فااين ايمانك بالله عزوجل وخوفك منه والرضا بماقسمه الله لك في هذة الدنيا وكان عليك الصبر وتحمل العيشة معه لاجل ابنك الصغير اللي رزقك الله به ولكنك لم تفعل كلهذا ووقعت في الخطئية بحبك وتعلقك بصاحب زوجك وظننت انه بيكون الزوج المناسب لك اذا تطلقت من زوجك وبيعوضك الحب والحنان والمشاعر اللي تحرمت منها ولم تدري انها خيانة زوجية وانك بهذا تغضبين ربك عزوجل وتجلبين العار والفضيحة لنفسك ولزوجك واهلك بتلك العلاقة المحرمة مع صاحب زوجك الخبيث السافل اللي اغواكي وفعل بك الفاحشة وحملت منه سفاحا واجهضت الجنين لاجل تتخلص من العار الذي لحق بك والان تقولي انك لم تدري انك كنت حامل بتوامين الاول اجهضتيه والثاني خرج للحياة ليكون شاهدا على فجورك وخيانتك وشي طبيعي ان الرجل ينكر علاقته بك ويرفض ان يعترف بابوةالطفل اللي كان من علاقة محرمة وماقاله لك اهل الدين هو الصواب والصحيح استري نفسك والولد للزوج والعاهرة لها الحجر واياك ان تفضحي ستر الله عليك فان الله عزوجل يحب الستر على عباده توبي لربك توبة صادقة واكثري من الاستغفار له والندم على ماحصل منك وعدم العودة اليه وربنا يقبل التوبة من عباده حتى لوكانت مثل زيد البحر وهو الغفور الرحيم ارحم بك من كل البشر حتى من امك اللي ولدتك تقربي اليه بكل جوارحك واصلح عملك لوجهه الكريم من المحافظة على اداء العبادات من الصلاة في اوقاتها وكثرة الصوم وقراءة القران والاستغفار وبر الوالدين وصلة الرحم والزكاة واداء العمرة اوالحج واصلاح معاملتك لزوجك والتودد اليه واعطاءه كل حقوقه الزوجية عليك ونسيان ماحصل لك تماما وطوي تلك الصفحة السوداء من حياتك كلها وربنا بيصلح لك الحال ويسترعليك ويحنن قلب زوجك عليك ويؤلف بينكما ويبارك لكما بالاولاد وينعم عليكم بالخير والرزق والسعادة والطمانينة والاستقرار الدائم طوال حياتكم اللهم امين