قرفانة من نفسي وزوجي اجبرني على خيانته

السلام عليكم انا سيدة متزوجة من سنتين من الشخص الي قعدت احلم طول حياتي ارتبط بيه ( بتقدروا تقوله انه هو حب حياتي ) جميلة متعلمة واشغل منصب مهم عمري 27 سنة
انا حبيت جوزي 4 سنوات قبل الزواج وما عمريش عرفت ولا حبيت حد قبله وبعد اربع سنوات تزوجنا والحمدلله وصدقوني وربنا بعمري ما بصيت لغيره ولا حبيت حد قبله كان هو حب حياتي
من اول ما اتجوزنا وهو عنده طلبات جنسية غريبة وكنت اعملهالهو من حبي في بس كان دايما يطلب مني اتخيل خلال علاقتنا الزوجية انه صاحبه الانتيم/ المقرب هو الي نايم معايا ويقعد يمدحلي في ويحكيلي حركاته….الخ وتقريبا كل مرة كان ينام معايا كان يحكيلي نفس التخيل لدرجة اني حسيت انه هو عايز كده فعلا في الحقيقة مش بس في الخيال وكان دايما يسألني انت عندك استعداد انك تتكلمي معاه فعلا وكنت اضيع الموضوع عشان ماعملش مشكلة
وفي يوم من الايام فاجئني وجابلي خط موبايل وقالي الليلة دي عايزك تتكلمي معاه وتبسطيني وطبعا انا رفضت وحصلت مشكلة وخناقة جامدة جدا وبعديها في يوم اعتذرلي ووعدني مايعملش كده تاني
وبعد مرور فترة رجع يتكلم على صاحبه واحنا بنمارس العلاقة الزوجية ويوصفلي ويحكلي عنه وعن صفاته وانه هيعملك وبسويلك…الخ
من شهرين تقريبا رجع تاني فاجأني وجابلي شريحة موبايل وقالي تكلمي مع صاحبي واكتشفت انه باعت لصاحبه صوري ( الخاصة جدا ) عأساس انه انا بنت شمال ومش كويسة وكنت بتصل بيه على نمرته واده نمرتي لصاحبه عأساس انه انا البنت المش كويسة واتصل بيا صاحبه وطبعا انا انحطيت تحت الامر الواقع وقولت هتكلم مع صاحبه المرة دي وخلاص وفعلا تكلمنا اول مرة كانت المكالمة تعارف وجنس للاسف ( طبعا صاحبه مايعرفش اني انا مراة صاحبه ) وطبعا جوزي كان جنبي وانا بتكلم مع صاحبه وكان مستمتع جدا..والمكالمة بقت اتنين وتلاتة واربعة
في الاول انا كنت متضايقة جدا بس بعد كده انا بقيت احب اتكلم مع صاحب جوزي لانه انسان طيب ومحترم وبقينا نتكلم في امور عادية وكلامنا كان محترم جدا وهو تعلق بيا اوي وانا كمان اتعلقت بي جدا وبقى يشكيلي همه وياخد رأيي بكل حاجة يعملها بحياته وطلب مني انه يشوفني بس انا رفضت ووصل بي الحد انه يطلب ايدي!! وانا بقيت احبه اوي ومش عارفة اسيبه كل يوم ببكي بحرقة وبطلب من ربنا انه يخرجني من الهم والمشكلة الي انا فيها
طبعا جوزي لاحظ التغيير المفاجئ وحس اني تعلقت بصاحبه فمنعني اتكلم معاه
وقالي احنا اتفقنا تتكلموا جنس وبس مش حب وكلام فارغ
طبعا انا اقدر اتكلم مع صاحبه من ورا جوزي بس انا ما بقتش عايزة اعمل كده خايفة من ربنا اوي وقرفانة من نفسي وكمان انا حزينة على صاحبه وقلبي بيوجعني عليه اوي ﻷني ضحكت عليه بس مشاعري كانت صادقة ﻷني حسيت انه في انسان بيحبني وبيغار عليا من قلبه
دلوقتي انا مش عارفة ارجع اكمل حياتي مع جوزي متل الاول علما بأن جوزي كويس اوي معايا وكريم وحنون وبيحبني وانا لسه بحبه وبنفس الوقت مش قادرة اسامحه على الي عمله بيا وكمان مش قادرة ابطل افكر بصاحبه خصوصا انه بيجيلنا البيت كتير
انا عارفة انكم بس تقرأوا قصتي يمكن تستحقروني بس والله العظيم انا ست محترمة والي حصل مش بيإيدي حياتي ادمرت وماعرفش اعمل ايه
ارجوكم ساعدوني انا بجد تعبت اوي

مشاكل وحلول ذات صلة

• خيبة بعد الزواج واشمئزاز من زوجي
• انا زوجه تانيه وجوزي دايما بيكذب عليا
• رافضة فكرة الزواج وخائفة من المستقبل
• من كتر كدب زوجي لا اثق فيه
• اتخنقت من زوجي وماعدتش بثق فيه نهائى
• زوجى بيجى عليا ويظلمنى عشان يرضى مامته
• جوزي بيحسسني اني قليلة ومش عاجباه