تزوجت من 5 سنوات عندي بنتين زوجي يخونني دائما كانت نزوات اخر مرة حب بيحب بنت عندها 22 سنه والبنت بتحبه طول فتره جوازنا مشاكل واعدى واقول عصبي بكره يبقى كويس مكنش بيشتغل لظروف قلت اكيد متوتر من الشغل فضلت احارب وافتش وراه وللاسف هو مش بيحترم حد ولا له كبير بطلب الطلاق بيرفض علشان الولاد كلمت البنت واتصاخبت عليها قالتلي هو رافض الطلاق علشان معهوش يدفعلك المؤخر واجهته قالي جوازنا غلطه وانا هصلحها انا بحب البنت ومتمسك بيها وهتجوزها المشكله انه ماديا مفيش…. قررت ابطل حرب وانفصل عنه قلتله ربنا يسعدك معاها روح كمل حب وغرام وانا سبني اربي العيال مش طالبه غير تتعامل معايا بما يرضي الله وكفايه مشاكل وتلاكيك لانه من ساعه ماتجوزنا يضربني علشان صرخت مرة ومرة علشان سبب تافه اهلي اتدخلو وقال مش هيكررها فضلنا كويسين فتره يرجع تاني واكتشف انه بيكلم بنات لحد اخر واحده اللي متمسك بيها وهي قالتلي بحبه قلت فعقلي خليها تشوف طبعه الزفت وهي هتخلع لوحدها بس لما قال مش عايزني ومش بيحبني ورافض الطلاق كلمت حد من اهلي قالي مفيش حاجه اسمها تنازل عن مؤخرَهو اصلا مبيصرفش عاابيت ولا شايل مسئوليه اصبري شويه كمان وانا تعبت والبنت بتكلمني وضختلها الصوره قلبت عليه شويه ورجعت تاني تكلمه الحب مشعلل بينهم وانا ربنا اللي عالم بحالي لما قلتله ارجع كلمها قعد اسبوع يتعامل معايا كويس جدا ونسيت اقول انه مش قاعد معايا هو شغله فمحافظه تانى ولما حاولت اقوله نروح معاك رفض بحجه ان مفيش دخل يكفينا انا تعبت وعايزه حل وخايفه من الانفصال علشان ولادي بس انا كرهته لانه مش بيتقي الله فيا ودايما مطلع شكلي وحش ودايما يتلكك ويظلمني وكل مكالمه بخناق ختي لو ساكته وبرد عالقد ابقي قليله ادب ومش برد كويس ولو رديت يبقي مش بحترمه وبعايره عرضت كلامي معاه علي كذا حد يمكن انا قليله ادب معاه ومش حاسه كله قالي هو الي مريض فين قله الادب مش عارفه اتعامل معاه ازاي
بصى يابنت الناس مدام جوزك كدا صعب يتغير ، مفيش قدامك غير انك ترفعى علية قضية طلاق للضرر ، بسبب المعاملة السيئة وانو مبيصرفش على البيت ، ربنا يكرمك بشخص افضل يحبك ويصونك ، ومتقوليش الاولاد ، علشان الاولاد لو كبرو فى الجو دا هيكرهو نفسهم ، والمحكمة هتقف فى صفك وتاخدى حقوقك كاملة
اختي كان الله بعونك الحقيقة انك تسرعت في القبول بالزواج من هذا السافل الخاين اللي مايخافش الله عزوجل ولايقدر الحياة الزوجية ولاعمره هيتغيير للافضل ولاامل في اصلاح حاله ابدا انت عندك 2 بنتين ربنا يحفظهم لك ويبارك لك فيهما عايزك تبادري فورا الى طلب الطلاق منه وتصري على هذا حتى لو اهلك عارضوا فدي حياتك يابنت الناس وانت المتضررة الوحيدة منها وان رفض الطلاق فارفعي دعوى عليه في المحكمة واخبريهم بالحقيقة من انه خاين ويضربك دائما ويهين كرامتك الى اخره واياك والتساهل معه في هذا الموضوع حتى تحصلي على حريتك منه والطلاق رحمة لك من العيشة مع شخص كهذا والزميه بالنفقة والصرف على بناته فهذا حقهم الشرعي واياك والتفريط فيه مهما حصل وعيشي حياتكي حتى يكرمكي الله بالزوج الصالح اللي يقدر الحياة الزوجية ويصونها ويسعدك طوال عمرك