انا ببلد و حبيبي ببلد و جوزي معي

انا كنت حب شخص و هوي كان يحبني و ماصار النصيب لأسباب ، أولها هوي كان عسكري و مو مأمن حياتو و انا بنت من عيلة بسيطة و الوضع مو مستحمل ،انا من عيلة فقيرة و يتيمة الأب و امي كانت تربينا. اجوني خطابين و رحت لعند حبيبي و قلتله ، رد علي قال انا مافيني اوعدك بشي ، و مارح اوقف بنصيبك، اضطريت لوافق بسبب اهلي لانو وضعنا المادي بسيط كتير و مو متحمل ، تجوزت و سافرت لأوروبا ، صار عندي ٣ اولاد و كنت عايشة حياتي ، حياة الم مالي حدى و غربة و ظلم من اهل جوزي و من جوزي . العلاقة بيني و بيت جوزي عادية هوي يشتغل و يطلع و يسهر و يلعب قمار و انا كنت ربي ولادي و قول الحمد لله ، بعد ٧ سنين اتصل حبيبي و سلم علي سلام و كلام و سكر الخط و ما عطاني فرصة اني اسأل مين انت ! بس عرفت انو هوي . المهم وقتها عرفت انو هوي و عن طريق جماعة أصحابي خليت يوصلوا كلام اني ما اريد يتصل علي و فعلا ما عاد اتصل ، بعد كم. سنة كمان حاول يحكي معي بس هل مرة عن طريق الفيسبوك، بعدها ما تحملت بعتلو و سالتو انت شو بدك مني بعد ١٣ سنة و انا متزوجة و عندي اولاد ، وانت كمان متزوج و عندك اولاد .قال حابب اتطمن عليكي يعني انا ما اريد منك شي. المهم هوي كمان تجوز و عندو ٣ اولاد و قال انو منو مبسوط بحياتو و بين انو كان عل طول يسال عني و عن اخباري و يعرف كل شي كل شي عني. قالي انو ما نسيني و انو لسا بيحبني، صراحة هوي كان حبي الأولي و اناجوزي ماخلاني أتقرب منو وهوي إنسان أناني، انا حاولت و طلبت الطلاق اكترً من مرة بس كان يهددني باولادي و تعرفو نحن مجتمعنا الشرقي، عيب و ما بيصير و مشان أولادك ،حاولت اني أتقبل الوضع و أتأقلم بس ما غدرت، جوزي بيعاملني عل أساس انو انا اي قطعة أساس بلبيت و بلى السلام و اهلو مابيحبوني عل طول مشاكل. مالاقيت حالي غير اني عم احكي مع حبيبي و صايرة عم حنلو وما اعرف شو ساوي،، و حبيبي بكل الطرق عم يحاول انو يتقرب مني لدرجة انو يجي عل بلد يلي انا فيه، انا كمان بحبو، انصحوني شو اعمل، انا ببلد و حبيبي ببلد و جوزي معي و مو معي حاولت مع جوزي لكن للأسف ، العلاقة بيني و بين حبيبي مكالمات لا غير ، أرجو النصيحة انا عم أتعذب و الرجاء بدون تجريح.

مشاكل وحلول ذات صلة

• صديقتي تركت حبيبها لانه علوي وانا احبه الان
• خايفة من الخيانة خوف مرضي
• لا استطيع نسيان خيانة زوجي لي
• لا اريد ان اخون زوجى ولكنى اخونه
• هل اتزوج بنت حبت من قبل ومتأثره بفراق حبيبها
• المساعده في اتخاذ قرار خيانة زوجتي لي
• الماضي اثر على زواجي بطريقة غير مقصودة