انا حقيقى تعبت تفكير انا عندى 22 سنه متجوزه من 3 سنين من يوم متجوزت وانا جوزى مش بنتقابل فى اى نقطه دايما مختلفين والمخلينى هفرقع من كتلر الغيظ ان اى حد بيتعامل معانا بيلاحظ الفرق الا هو عايش فى دنيا تانيه وفاكر انى اسعد انسانه فى الدنيا انا مقدرش اعيب فيه مقدرش اكون عيشه فى خيره ونكراه لاكن اكيد فى ستات هتقرا موضوعى وهتفهمنى انا كنت مخطوبه لشخص قبل جوزى وبعدين محصلش نصيب اول جوازى حبست نفسى فى بيتى مش بخرج علشان مشفوش ونفسيتى تتعب لانى كنت بحبه اوى ومتخيلتش نفسى لغيره المهم حتى لا اطيل عليكم بعد الجواز بسنه وظهرت كل اختلافات الي بينا لقتنى باجى على نفسى معاه بزياده عصبى ومش بيعترف بغلطه فاهم من وجهت نظره ان حقوق الست اكلها وشربها كتير كنت اطلب منه يجى من شغله اتكلم معايه يقولى تعبان من الشغل وعاوز انم وينام من غير اى احسا واليوم الهيكون فى جماع يفضل حاطط وشه فى التلفزيون ويتفرج على اى حاجه وطول الوقت ساكت ومش يتكلم غير قبل النوم بدقايق يعنى اول لما النور يطفى وكلامه قليل واول لما يخلص يبعد من غير ميفكر يحضنى المهم انا كنت بقول لنفى عادى بكره لما اخلف هيتغير لحد ماقبلت خطيبى وشفته شوفت فرق المعامله الانسان العاقل البيعرف امتى يضحك ويبعرف امتى يعاقب حسيت بفرحه وحزن حسيت بامان ورعب حسيت انىى حقيره وخاينه ومظلومه يترى انا مين فيهم بس النا متاكده منه انى تعبانه اوى لانى عمرى مكنت خاينه ويوم مخنت خونت جوزى اطلق ولا اعمل ايه انا تعبت من التفكير جوزى انسان غريب فاكر ان الحياه فلوس وشغل وكابه على فكره انا كنت بشتغل وبصرف على اخواتى وعرفه يعنى ايه مسؤليه يعنى مش مستهتره وهو بيحسسنى انو بيعمل المتعملش فى شغله هو بيشتغل مهندس معمارى المهم دلوقتى انا عوزه حل ارجوكم انا حولت كتير اشيل الانسان ده من حياتى وفوق لجوزى بلاقينى بحنله مع انى قريبه من ربنا الحمدلله ويمكن ده الخلانى في صراع اطلق واكمل مع الانسان البيفهمنى وبفهمه ولا اخلينى علشان بس خوفى على وجع جوزى وكلام الناس وخلينى عيشه عيشه بدون احساس يارب سمحنى ونبى يريت محدش يتحامل عليه لانى البيه مكفينى
اطلبي الطلاق من جوزك … و سواء اتجوزتي الثاني او لا انت الكسبانة … احسن ما تعيشي متعذبة طول عمرك
طول ما انتى بتحبى حد غير زوجك هتفضلى شايفة ان زوجك وحش جداا … صحيح اكيد زوجك فيه عيوب طبعا لكن حبك لغيره بيضخم عيوبه عندك.. وعاوز اسألك سؤال ..جوزك كان بيعاملك ازاي فترة الخطوبة .. اكيد كان بيختلف عن معاملته بعد الزواج .. وكذلك الولد ال بتحبيه لو كنتى اتجوزتيه بعد الزواج المعاملة هتختلف وتظهر العيوب .. انسى حبيبك تماما وحاولي قربى من زوجك وجددى من نفسك وغيرى من نفسك وصدقيني الامور هتختلف كتير ..لكن بشرط تجددي وتغيري من نفسك برضا نفس وتنسي حبيبك ده تماما .. واذ مش كنتي قادرة تنسى حبيبك اطلبي الطلاق ومتظلميش جوزك وتخونيه وروحى اتجوزي حبيبك … لكن نصيحة الاول قبل اما تطلبي الطلاق اختبري حبيبك وقوليله انك اتطلقتي خلاص ويجي بيتكم يطلب ايدك للجواز ..لان ساعة الجد هيهرب ومش هتلاقيه … وهتكوني لا طولتي ارض ولا سما
انتي بتحاولي تقنعي نفسك بمبررات للخيانة إن جوزك مقصر معاكي وانك وانك وتاكدي انك لو تزوجتي الشخص الاخر كنتي هتلاقي نفس المشاكل الزوجية والملل والروتين لكن الشيطان يزين لك الحرام ويكرهك في الحلال ماتفعلة خيانة وليس له مسمى أخر
اسمعي يااختي العزيزة الزوجة العاقلة الذكية تعرف ازاي تسعد نفسها مع جوزها وتخلي اهتمامها كله في زوجها وسعادة حياتها الزوجية انت قادرة على كلهذا بماعندك من انوثة وحيوية ونشاط ومشاعر واغراءات لكنك مش تحبي زوجك دي الحقيقة ولايزال تفكيرك وقلبك مع ذلك الشاب اللي كنت مخطوبة له وماحصلش نصيب انكم تتزوجوا لكن لم تنسيه ابدا وهذا انعكس على حياتك الزوجية ومشاعرك لزوجك والفتور في العلاقة بينكما والمصيبة الكبرى انك قابلت هذا الشاب اللي كان خطيبك سابقا ودي خيانة لزوجك ياهانم وماحدش يرضى بها على الاطلاق ايه شعورك لو زوجك عرف انك قابلتي هذا الشاب او انه يتكلم معاكي من خلال الموبايل طبعا قد يشك فيك ومش بعيدا يطلقك لانك خاينة واي راجل مكانه يعمل كدا هل عرفت حجم الخطا الكبير اللي وقعت فيه لازم تتوبي لربك وتستغفريه وتقطع علاقتك بهذا الشخص نهايا وللابد وتحافظي على سمعتك وشرفكي وسمعة زوجكي وكرامته وتحرصي عليهم جيدا وان كنت غير مقتنعة بزوجك هذا ولاتريدي العيش معو فطلبي الطلاق منه وهذا من حقك لكن ليس من حقك الخيانة وانت على ذمته والله يصلح حالك ويستر عليكي ويهديكي
السلام عليكم .. الله يسعدك يا رب
هبدأ على طول بدون مقدمات ..
متفتكريش انك لو كنتي اتجوزتي الشاب العاقل الرزين الرومانسي خفيف الدم ال.. ال… ال… كنتي هتبقي مبسووطة ومرتاحة وعايشة حياة فل الفل .. محدش بيعيش حياة فل الفل ابداااااا .. مهما كان دايما هتلاقي فيه حلقة مفقودة .
وبعدين ايه اللي يضمنك انك لما تتطلقي من جوزك هتلاقي الشاب دا مستنيكي ولسه عنده استعداد يتجوزك ؟
شيلي من دماغك خااالص فكرة ان هو ملاك دي
جوزك بقا صفي كدا نيتك لله وحاولي تصلحي بينك وبين جوزك حبيه وقربي منه وحاولي تشوفي مميزاته محدش كله عيوب ولا حد كله مميزات الفكرة كلها احنا عايزين نشوف اي جنب في الشخصية اللي قدامنا ..
لما تلاقيه هو بارد قربيله انتي وفهميه انك محتاجاله
وتاااني هقولك شيلي من دماغك فكرة ان الشاب دا هو اللي حياتك هتبقي نعيم معاه .. الجواز بيغير وضغوطاته ومسئولياته بتبين شخصيتنا على حقيقتها من غير تجميل .. ومن غير التماس الاعذار والتراحم بين الزوجين حياتهم هتبقي جحيم ..
ربنا يصلح حالك ويسعدك يا رب