في البدايه كنت بحب انسانه ( اللى هي زوجتى دلوقتى ) في فتره الجامعه وصارحتها بحبي وهي قالتلى ان مفيش اى مشاعر من ناحيتي المهم هي حولت من الجامعه وراحت جامعه تانيه والموضوع خلص على كده وفضلت انا بحبها وخلصت كليه وسافرت الخليج وفى مره كلمتها على النت وبدانا نتكلم كتير وفى وسط الكلام طلبت منها الجواز وسالتها ان كانت ارتبطت ولا لا وقالتلى لا والمهم وافقت على الخطوبه واتخطبنا وفي خلال الخطوبه حسستنى انها حبتنى وكتبنا الكتاب وبعد كتب الكتاب اكتشفت انها كانت على علاقه بواحد كان زميلها في الجامعه وانها مخبيه عليا ولما واجهتها قالتلى كان موضوع وانتهى ومحبتش اجبلك عنه حاجه لانه انتهى فعلا وهو اللى عايز يرجعلى تانى وانا مفيش حاجه من ناحيتى صدقتها واتجوزنا وسافرت معايا وربنا رزقنا بولد وبنت وبعد الجواز ب 3 سنين اكتشفت بالصدفه الباحته انها بتكلم زميلها اللى كانت على علاقه بيه زمان ده على النت … طبعا واجهتها قعدت تبكي وتقولى ما اعرفش عملت كده ليه وكان كلام عادي وما حصلش اى حاجه وانا بحبك والله ولحظه شيطان وعمرها ما هتتكرر تانى وسامحنى انا مليش غيرك انت والاولاد … سامحتها وفضلت فتره كبيره متغير فى معاملتى معاها كعقاب ليها وفات سنه على الموضوع لكن انا مش قادر انساه وعلى طول بشك فيها وبدور وراها يمكن الاقي اى حاجه وعندي شك فيها كبير جدا ودماغي بتجيب وتودي على طبيعه العلاقه بينها وبين الشاب ده من قبل ما يبقى فى بينا اي حاجه … حياتى بقت جحيم ومش عارف اعمل ايه … بفكر انى اطلقها واريح تفكيري من الشك ده … لكن ولااااااادي اسيبهم لمين وصعبانيين عليا اوي … انا مش مصدق انها بتحبنى وكل اللى فى دماغي انها اتجوزتنى لانى شخص جاهز والشخص التانى شخص فاشل فى التعليم لحد دلوقتى مخلصش كليه … افيدوني لحل لمشكلتى جازاكم الله كل خير ,,,
كلمة بمعروف خير من صدقة يدفعها ضرر،، طلقها و اكسب بقيت حياتك.
ياخى متسبقش بالشر يمكن ربنا كرمها وتابت توبة نصوحة وبعدين لو بتخونك هتبان واكيد هتعرف بس عاملها كويس علشان دا هينعكس على حياتك وحياة اولادك وان اكتشفت انها بتخونك تانى او رجعت تكلم حبيبها تانى فلك حرية التصرف وكمان هتكون بريت ذمتك من ربنا وافتكر تحت اى ظرف من الظروف ان دى ام اولادك وربنا يستر نسائنا ونساء المسلمين اللهم آمين يارب العالمين
اذ كنت لم ترى بعينك او تسمع بأذنك شئ بعد الموقف ال واجهتها بيه .. فاحسن الظن وتابع وراقب من بعيد وهذا حقك ولكن حاول ان تبعد الشك عنك ..راقب من بعيد فقط ..وايضا حاول ان تعيد علاقتك الحسنة بها ومعاملتها بحب حتى لا تكون انت سبب بهجرك لها ان تلجأ للحوار والشكوى لغيرك .. انسى ما فات طالما لم تتأكد بعينك او بأذنك بانها مازالت تتواصل مع هذا الشخص .. صدقها بانها كانت غلطة طالما لم تتعدى الكلام فقط .. احسن الظن وان شاء الله ستكون الامور على ما يرام وسيظهر لك ذلك فى حسن معاملتها معك ولكن انت ايضا يجب ان تحتويها من اجل اولادك
الخيانة دمار للحياة الزوجية وخراب البيوت العامرة يااخي اري من وجهة نظري ان تتاكد انها فعلا تابت وتصلح حالها وقطعت علاقتها بالشخص اللي تتكلم معاه ولاتفضحها امام اهلها مهما كانت الظروف تبقا مراتك وام لاولادك وسمعتها من سمعتك انت واولادك لاتتسرع ابدا في طلاقها علشان خاطر الاولاد وفكر في مصيرهم ومصلحتهم قبل كل شئ واظن انها نادمة جدا على ماحصل منها ولن تعود مرة اخرى للخيانة صدقني المراة تحتاج من الرجل الحب والحنان والعاطفة فلا تغفل عن زوجتك واهتم بها اكثر من اي وقت مضى وعاملها كويس وربنا يصلح لكم الحال ويسترعليكم ويبارك لكم في ولادكم ويؤفقكم ويسعدكم طوال العمر ان شاء الله
اعطيها فرصة اخيرة ولو بتعمل حاجة غلط هتبان بس عاملها كويس وراعي ربنا فيها وربنا مش هيسيبك وهيظهرهالك لو بتخونك اهم حاجة عرفها بالكلام دا قلها انا هعطيكي فرصة اخيرة علشان خاطر مش اظلمك والاولاد وعاوز اطمنلك وقرب منها خليها تحكيلك عن كل حاجة الست مش علاج جنسية بس مش سهلين ع فكرة اهم حاجة قرب منها واديها الامان