انا متزوجة من 22 سنة وعندي ولد وبنت وكنت مرتاحة جدا واحب زوجي وهو بالمقابل انسان خلوق وحنون وملتزم دينيا حياتنا هادئة متفاهمين وفجأة اكتشفت انة متعرف على فتاة وبيكتب معاها اس ام اسات واجهتة بالمشكلة قال( انها تلاحقني وعندها مشكلة حاولت هية حلها عن طريقي( ان اتزوجها بالسر) لكنني رفضت) وطلب مني السماح وانة سينهي على الفور علاقتة بها فسامحتة لانني قدرت انة رجل يمر بمرحلة مراهقة ثانية وصعب علي محاسبتة وتعريضة لموقف الضعيف وتانيب الضمير وعدنا لحياتنا بقوة اكبر من الاول عاد الحب اقوى من الاول لكني كنت لاازال اشك بة فبعد مرور شهر أتصلت بها وتفاجأت هية ومن شدة صدمتها اعترفت لي بانهم لايزالون على اتصال وانهم تقابلوا خارج العمل فرجعت وواجهتة ولكن هاي المرة كنت عصبية جدا وطلبت الانفصال فرفض وقال انة تركها لكنها عاودت زيارتة بمقر عملة وحاولت ارجاع مابينهم فضعف . ثم رجع يطلب السماح والعفو فرجعت وسامحتة لانني احبة لكن مشكلتي انني فقدت الثقة بة تماما اعيش بجحيم كبير 24 ساعة في اليوم اصبحت لاانام لاااكل الشك والتفكير بماجرى يدمرني وانا اصلا لم افتح قلبي لمخلوق ولم اخرج سري لاي بشر ولا استطيع حتى الكلام معة لانة طلب مني ان اترك الموضوع وانسى وحلف لي على القران من انة سينهي كل شئ معها لكن صعب جدا تصديقة كيف اصدقة وهو من خدعني مرتين توجهت الى الله بكل قوتي لكنني كئيبة واشك بكل تصرفاتة واشعر ان حياتي معة انتهت لكن الرابط هو الاولاد فما العمل؟
مشاكل الخيانة الزوجية
سامحت زوجي على الخيانة لكن فقدت الثقة به
اضيف بتاريخ: Thursday, January 13th, 2011 في 02:16
كلمات مشاكل وحلول: الانفصال, الخيانة الزوجية, العمل, بنت, رجل, فتاة, متزوجة, مراهقة, مشاكل الخيانة الزوجية, مشاكل زوجية, مشاكل زوجية, مشكلة
اللي يبيعك متشتريهوش ابدا
هو خاين و انتي قولتيله مرة و اتنين و ثلاثة و هو كذاب و ده عيب خطير يفقدك الثقة بيه.
اطلقي منه حفاظا علي بيتك و لا تشوهي صورته قدام عياله و خليه يفضل يصرف عليهم و يزورهم في وجود ابوك او اخوكي لكن اطلقي منه علشان راحتك و سلامتك النفسية
انتي كده هتفضلي مربوطة بتجربة فاشلة للاسف و عايشة توابعها و احزانها و هو برنس زمانه مثبتك و متجوزها و مخلف منك و انتي بتصرفي علي عياله
تحرري من القيد اللي رابطك بيه هترتاحي نفسيا شوية (انا متأكدة انك هتفضلي تتألمي فترة) بس اقطعي عرق و سيحي دمه.
وعلي فكرة عيالك اكيد واخدين بالهم انكم مبقتوش زي الاول و اكيد متأثرين بحالتك النفسية .
اختي المومن لايلدغ من جحره مرتين وزوجك هذاخاين والخيانةفي دمه لن يتركهاابدا والافضل لك ولكرامتك وعزةنفسك طلب الطلاق منه فورا ولست باول ولااخرمطلقة لان الرجل لايستحق العيش معه وهوخاين وربي يكرمك باللي يستاهلك ويقدريسعدك
اختي كبري دماغك واشتري راحتك بعدكل هذا وبرضوتصدقيه طيبتك وتسامحك هذاهواللي شجعه وخلاه يتمادى في اذللاك وجرح مشاعرك وخيانتك اطلبي الطلاق فورا عشان تحفظ كرامتك وعزةنفسك وكفاية ذل واهانة وخليه يغورمع البنت دي في 60داهية وربي بيكرمك ويعوضك بخيرمنه يستاهلك ويسعدك والعمرلسه قدامك وماعدموالرجالةمن الدنيا وفقك الله وسترعليك
علم انة مر وقت طويل ….لكن طمينينا عليكي ؟ كيف حالك الان ؟
اختي و الله لن تتقي به و لكن هناك شئ يفضله في صديقته لا يجدها فيك حاولي التقرب منه ان شاء الله لن يخونك
السلام عليكم اختي نصيحت ليك والله ثم والله لن يساعدك احدالادكرالله التجاءالى الله واكثري من لاحولاولاقوةالابالله حسبيةالله ونعمةالوكيل ياارحم الراحمين اللهم لاسهل الاماجعلته سهلاوانت تجعل الحزن اذاشات سهلا اكثرمنهااينماكنت عن تجربةاختي مشكلتي اكبرلكن الحمدلله المهم ديربالك مع صحتك مع والادك احافظ اختي على بيتك وزوجك ثق في الله الله المستعان اطردي الشيطان من بيتك
السلام على كل الاخوة والاخوات اللي ردوا علية
ها انا قد اتبعت كلما قيل لي من نصائح ولكن بعد مرور 8 شهور على نفس المشكلة وكل مرة اجد دليل قاطع يثبت استمرارهما معاواقدمة لة وكان يبرر الموضوع انها متأزمة نفسيا من فراقه لها وانها حاولت الانتحار واستدعتة الى المستشفى والان هو يحس بانها مسؤليتة ويجب ان يراعي مشاعرهاوصلنا الى نقطة النهاية فأخر حدث اخذني الى اهلي فأنا اعيش في دولة ثانية غير بلدي والمفروض ان يبقى معي يومين ومن ثم يسافر الى دولة اخرى لقضاء عمل لة وانا كنت شاكة انهما سيلتقيان هناك ووعدني ان تكون سفرة العمر وصلت الى بيت اهلي وقبل سفرة بيوم جائني اتصال برنة واحدة وهية مس كول شاهدت الرقم غريب فأتصلت على الفور واجابتني هية على الخط وعندما سمعت صوتي اقفلت الخط والهاتف معا ذهبت الية وانا غاضبة وقلت لة اتصل بها فانكر انة هو من اعطاها الرقم وحلف لي مية ايمان انة لايوجد شئ بينهماوحلف على القران انة سيقطع كل علاقة بها ولا يكلمها ولايراها والقران مفتوح تحت يدية وعندما وصل الى البلد اللذي سيقضي فية عملة اتصل يطمأن علي فقلت لة من اعطاها رقم اهلي لتتصل بك؟ فأجاب لاادري فقلت انني اتصلت بمحل عملك في البلد الذي نعيش فية وتاكدت انة لا احد من العاملين قد اعطاها الرقم لان الكل يعرف بعلاقتة بها فغضب وثار وقال لي احضري جواز ابنتك وخلال خمس ايام سأتي لاخذها وانتي تبقين عند اهلك فخفت من الفضيحة وقفل هاتفة في تلك الدولة واتصلت بالفندق وطلبت اسم المرأة التي يعرفها وسألت هل هية نزيلة في فندقكم لانها صديقتي حتى احجز انا ايضا بنفس الفندق واجابني صاحب الفندق نعم موجودة اليست هية زوجة فلان (اعطاني اسم زوجي) فقلت نعم هل ممكن اكلمها قال تكرمي ورن جرس هاتف الغرفة واجابني زوجي على الهاتف فباركت لة زواجة وتمنيت لة حياة سعيدة
رجعنا الى البلد الذي نعيش فية وكل شئ منتهي بيننا هو يفتعل الغضب لاتصالي بمحل عملة حتى يغطي على فغلتة ويقول عاقبتك باني ارسلت ورائها لانك اخطأت فما هو خطأي هل لانني اتصلت لارى من يساهم في تدمير بيتي ؟
مرة يقول تزوجتها متعة ومرة يقول هية في غرفة وانا في غرفة ولم المسها
وها نحن نعيش على انقاض اسرة مدمرة نتيجة حماقاتة وسوء تصرفة وانا منهارة لانني كرهتة من عرفت انة كان في غرفة مع غيري ومن كثرة كذبة انعدم احترامي لة ولكن عندي اولاد لااحب ان يعيشون حياة الفرقة بين الوالدين انا مستقلة ماديا واصبحت قوية جدا بعد كل هذة المشاكل ولااحتاجة لكن مرات اشعر ان العشرة ماتهون اهلة كلهم عرفوا وثار بوجههم من انة حر ولا حق لاحد بان يتدخل في حياتة ولكنة لايزال يقول انة لن يفرط بي لكن انا من ناحيتي انتهى كل شئ
فما رائيكم؟؟؟
لا تحدثى هذه المراة ثانية ولا تتبعى ما تفعله فان الست لايكيدها الا الست اللى زيها ولانها عارفة انك تعرفى حتحاول بشتى الطرق انها تستمر ما تركزيش على العيب اللى فى جوزك وتجاهليه هيروح مع نفسه وربنا يهدى
اختي الفاضله تاكدي اتها فتره وستنتهي ان شاء الله فكثيرا مايحدث ذلك ولكن المهم ان تهتمي بزوجك اكثر من الاول وان تتقربي منه وتكوني صديقه وزوجه وام احياننا لاتهدديه ولا تشعريه بعدم الثقه فيه حتي لا تفقديه واتركي الامور عادي جدا وان شاء الله سيعود الي حياته الطبيعيه مع تحياتي لك
مش لاقيه رد بعد ردود الأخوات
ولأني في موقفك بس مع بعض الأختلافات لدرجه اني يأست وفوضت أمري الي الله تعالي
بس عايزه أقلك علي كلامك جوزك بيحبك اوعي تسيبيه وحافظي علي بيتك ودايمآ قوليلوا انا واثقه فيك وواثقه انك مش هتجرحني تاني لأني بحبك وانت حب عمري
وان شاء الله ربنا يهديكم لبعض وهتكوني انتي ملكة قلبوا وروحوا
ويبعد عنكم الشيطان الريجيم اللهم آميــــــــــن
اختى الفاضلة اوعى تهددى زوجك بانكى سوف تفضحية عند دول ودول علشان انتى كدة بتفقدى الى الابد عمره ما هينسى لكى انك عملتى كدة وصيتى ليكى اهتمى بية واجعليه الاول دائمافى كل حياتك عنما ياتى تستقبيليه استقبال حار وتكونى فى ابه صورك وبرفانك وتسريحتك اجعلى نفسك الام والزوجة والقلب الحنون هيرجع وان شاء الله هتولى فعلا ابن حلال وفقكى الله الى ما فية الخير وربنا يسعدك انت وزوجك
حبيبتي والله العظيم اشعر بما تشعرين به لاني مررت بيه وكل كلامك صح وثقتك اكيد رح تهتز بيه كلامك معها لن يفيد لاني انا كلمتها بالعكس صارت تحكي لي ايش يقولها زوجي من كلام حب لتستفزني وفعلا نجحت بدلك انا متاكده انه الى الان على علاقه معها ولم يتركها والنار تاكل قلبي ليل ونهار واشوف انه رسائلها له تصله ويقراها ويحدفها من موبايله بس شو اعمل الى الان اعطيه فرصه واتعامل معه احاول عادي بس ما في حل الا ان اسكت الان لاجل اولادي واتفقنا ان تزوجها يطلقني ووافق وهو حر ادا حب يتخلى عني وعن اولادي هو الخاسر لانه اختار وحده على المجموعه يعني لا يحبني والله يعينا يارب ويبعد بينهم
صدقينى انا كمان تقريبا فى المشكله دى ومش عارفه اعمل ايه
والله العظيم انا بيجى عليا ايام بعيط فيها ليل ونهار وخصوصا ان جوزى بيشتغل فى مكان اخر داخل مصر وبيجى يوم او يومين فى الاسبوع
وشكى فيه
من تصرفاته واهماله ليا تعبنى بس هعمل ايه اهد بيتى ولا اعمل ايه
انا عارفه ان مردتش عليكى بس انا اسفه حسيت ان فيه حد ممكن يكون حاسس بال انا فيه
ياااه ربنا يكرمك حاسه بيكى والله بس فكرى كده شويه عارفه كل راجل لازم يمر بفتره مراهقه متاخره ولو فيه واحده معندهاش ضمير ولا احساس زى اللى هو عرفها دى ادامه وبتشده بيلاقى نفسه ضعيف هو مش بيحبها بس هو عاوز يحس انه صغير وعايش قصه يعنى نزوة وهى مش سايباه فى حاله وراه وراه بنت ال000 اتصلى بيها وفهميها انك عارفه كل حاجه ومتكونيش ضعيفه فهميها انك عندك ناس حيبهدلوها لو مبعدتش عن جوزك اصل ده صنف يخاف ميختشيش واتكلمى مع جوزك بهدؤ وفهميه انك بتحبيه ومش عاوزاه ينزل من نظرك وانه جواكى حاجه كبيره اوى وانه مثل اعلى لعياله لو عرفو ان ابوهم خاين حيكرهوه وحاولى تغيرى من نفسك غيرى لون شعرك اهتمى بلبسك وبجمالك وريله انك احسن بكتير من الست التانيه ولو فشلتى قوليله انت حتخرب بيت استمر 22سنه وهدديه انك حتقولى لكل اهله انه خاين وقليل الاصل باع بيته عشان واحده بايظه بالحكمه حتقدرى ترجعيه لحضنك وبالقوة حتقدرى تتغلبى على السافله دى وبالاهتمام والدلع والاحساس انك جميله حتقدرى تثقى فى نفسك اكتر حاربى عشان بيتك وعيالك وعشره عمرك ومتسمحيش لحد يدمر اسرتك ويكسر نفسيتك انتى وعيالك ومتخفيش هى نزوة ورايحه فى ستين داهيه ان شاء الله ربنا يساعدك
العمل فى يدك واضح من كلامك انك انسانه عا قله فلا تجعلى للشك والغيره تلغى عقلك وتمسكى بزوجك بالحكمه والعقل والكلام الحلو وقربى منه اكتر وتاكدى انو ما خانك الا بتقصير منك انتى لانك شريكته فى الحياه ومش شرط يكون التقصير ملموس ممكن يكون من شى انتى مش حا سه بيه
قربى لجوزك اكتر وحبية اكتر ومتديش فرصة لست السافلة دى انها تخر بيتك متديلوش فرصة انة حتى يرد عليها
اتصلي بالقطه اللي بتكلمي واديها كلامتين وذكريها بحديث عن الحبيب وقولي ليها عيب وهزقيها من الاخر وانتي من نحية حضرتك اتقربي منه كتير امي الحبيبة وانفصال ايه ياسكت الكل دول 22 سنه يعني عشتي معاه اكتر ماعشتي مع اهلك وغيري من نفسك واشغليه بالاولاد وبيكي واتصلي بيه كل شويه وقولي ليه كلام حب وغرام واخرجه مع بعضيكم لما حضرتك 22 سنه وعاوزه تطلقي امال انا بقالي 7 سنين اعمل ايه يامي بس ربي يسعدك ويصلح حالك يارب ويحببه فيكي ويبعد عنه ولاد الحرام وبنات الحرام
اوعى تضعفى وتسبية ابدا بلعكس حبية اكتر ومضوريش وراة ولاتحسسية ثانية ان الموضوع فدماغيك حبية اوى اوى اوى واهتمى بية ومنها للة كل واحدة قليلةا دب تحب حد متجوز
اختى الغالية
اتركى هذة السيدة الغير محترمة واقتربى اكثر لزوجيك وان كان مخطىء انا اعلم بشعوريك
هو انسان مراهق تقربى الية اكثر من الاول وليس معنى كلامى انك مهملة فى زوجيك ولكن
ياابنتى اشغلى تفكيرة وكأنك فى ايام الخطوبة لاتنشغلى عنة بالابناء كثيرا من الرجال بيكونو
انانين يفضلو انفسهم عن ابنائهم
وحاربى الدنيا كلها من اجل الحفاظ على بيتك وزوجيك وابنائيك فهذا ليس عيب ان تدافع
الست عن مملكتها وعن زوجها وهى طبعا كما تعلمى نزوة وان شاء الله سوف تمر
واهتمى ببيتك وبزوجيك وابنائيك واعلمى انه عائد اليكى لامحالة ان شاء الله
ولكنى اقول لكى مرة ثانية ياابنتى الحبيبة حافظى على بيتك وزوجيك وابنائيك ولاتجعلى هذة السحابة تهدم المنزل الجميل
وان عاند زوجيك هددية انك سوف تشتكى الى اهلة او احد كبير هو يحترمة وقولى له هل تقبل ان
اكون انا من فعل هذا ولكنى اتقى الله فيك وفى بيتنا وابنائنا وان شاء الله يهدية ربنا