انا متزوجة من سنتين وكان لى علاقة مع زميل قبل الزواج وعندما تزوجت وظهرت عيوب زوجى من عصبية وعدم احترام لمشعرى بما يناسبنى من اننى سنى لا يتعدى العشرون عام ظهر هذا الشخص فى حياتى مرة تانية وعوضنى الحرمان الذى افتقدته منذ ان تزوجت مع العلم اننى لدى بنت واحدة فماذا افعل ابقى مع ذلك الشخص الذى مازلت اعشقة ام اتركة ووابقى معذبة مع زوجى الذى لا يحس بى مهما فعلت لة وانا ايضا لا اقدر ان اطلق حيث اننى تركت بيت ابى بسبب مرات ابى ومشاكلها المستمرة مع وكل اهلى لا يردون عودتى مرة اخرى الى البيت ماذا افعل ؟
انت عارفه السبب في كلدا وهو علاقتك السابقة بذلك الرجل وانت متزوجة وعلى ذمة جوزك ودي خيانة ياست هانم ربنا مايبارك فيها ولايرضى عنها فلازم تتقي الله في نفسك وفي جوزك واهلك وتقطع علاقتك المحرمة بهذا الشيطان اللعين الذي عاوز يفسد حياتك الزوجية ويهدم بيتك ويجلب لك العار والفضيحة وصدقيني انه بيضحك عليك ويتسلى بك حتى لو تطلقت من زوجك فلن يتزوج بك فهو كداب وسافل وحقير اطرديه من حياتك للابد وراعي ربنا في جوزك واولادك وبيتك وربنا يهديك ويصلحك ويسترعليك انت وكل اخواتنا المسلمات
انت زوجة غير محترمة وخاينة ولاامان لك مافيش خوف من ربنا عزوجل ولارادع من دين ولافكرتي في بنتك الصغيرة ولافي اهلك وسمعتهم وكرامتهم بكل بساطة تخوني زوجك ابو بنتك خلاص روحي تطلقي من جوزك وخلي الكلب بتاعك يتزوجك هذا اذا قبل يتزوج وحدة زيك لانك بنظره رخيصة وتافهة
اتقى الله فى زوجك وبنتك وبيتك
في دراسة اتعملت عن أسباب الطلاق في مصر
وقالت إن أبرز سبب لتفشي ظاهرة الطلاق في مصر في العقود الأخيرة هو الحب السابق أو العشق السابق.
لان الشخص دائما بيحط زوجه او زوجته بالمقارنة مع حبيبه قبل الزواج.فبيقارن الحياة الزوجية المبنية علي الواقع مع الحياة قبل الزواج الخيالية المبنية علي التجمل المحبوب.
وعشان كده صدقت القاعدة التي تقول من تعجل شيء قبل آوانه عاقبه الله بحرمانه منه.
لان الحب في الشريعة الإسلامية محرم الا في إطار الزواج فقط. راجع رأي ابن القيم
اطلبى الطلاق انا عارف ان كلامى مش هيعجب حد ولكن انا بتكلم من باب خبره وتجربه مشكلتنا نحن لا نبحث على حل للمشكله دائما نبحث عن نصائح وشعارات والدين ولكن زميلك هيتزوج منك ده السؤال
حبيبتى انتى أكيد غلطانة ولازوم تقطعى علاقتك به لانها علاقة محرمة كونك مازلتى متزوجة واعلمى جيدا ان ذلك الرجل لو كان مكان زوجك اكيد مكنش هايقبل ان زوجته تخونه ولو مقطعتيش العلاقة وخربتى بيتك وتزوجتى منه حتما عند حدوث اى مشكلة بينك وبينه هايعيرك انك خنتى زوجك وغدرتى بيه وكمان مش هيئامن لكى ابدا لانه هيخاف لاتعملى معاه زى ماعملتى بزوجك متزعليش من صراحتى بس هو ده الواقع كن قصة واحدة صحبتى كانت متزوجة وحبت واحد وخلعت زوجها وتزوجته وحاليا مطلع عنيها وحابس حريتها وبيقولها عاوزة تبقى بحريتك علشان تعملى فيا زى ماعملتى فجوزك الاول صدقينى انتى لو قطعتى العلاقه هاتكبرى فنظره احسن ما تخونى جوزك لانه فالاول وفى الاخر هو من جنس الرجال ال مابيقبلوش خيانة الزوجة بأى حال من الاحوال وكمان فكرى فى بنتك ال هتشتتيها مابينكم وتحرميها انها تتربى بين امها وابوها سامحينى انتى بكده أنانية وبتفكرى فى سعادتك ونسيتى بنتك والبيت ال هايتخرب !!!
وكمان لو تزوجتى منه اكيد الزواج هيكون غير مبارك لانه مبنى على تعاسة الاخرين مثل زوجك وبنتك “وفكرى كده لو اصريتى على الانفصال ايه هيكون مصير بنتك اكيد ابوها هاياخدها لان ده من حقه ان متترباش مع رجل غريب وساعتها بنتك هتعانى من نفس ال عانيتى منه ألا وهو ذل مراات الاب ال اعرفه ان الام دوما بتتمنى ان اولادها ميعيشوش ال هى عاشته ويكونو الاسعد ولو حصل العكس واخذتى ابنتك فكرتى هل هتكون سعيدة مع جوز الام وهيعاملها كويس اختى ال انا اتعلمته انى قبل ما اخذ اى قرار افكر فى العواقب ال هتحصل بعده واضح انك لسة صغيرة وبالنسبة للاهمال زوجك وعصبيته ممكن تعرفى تتعاملى معاهم بانك تحتويه وتبعدى عن ال بيثير غضبه ووقت عصبيته ابعدى بهدوء واجلسى مثلا فغرفتك وهو هايهدء بعدين وكمان اهماله ممكن تتعاملى معه بذكاء بالحيل ال تقربه منك واتمنالك ان ربنا ييسرلك الاحوال ويبعد عنك وساوس الشيطان وارجو متزعليش من كلامى ولكننه خوفا على خراب بيتك اختى لو قرئتى حكايتى هتعرفى ان الام بتضحى بسعادتها من اجل ابنائها
انت ماتعرفي ان الخيانة خراب ودمار للحياة الزوجية وافسادها اتقي الله عزوجل في نفسك وفي زوجك وبنتك الوحيدة واقطع علاقتك المحرمة بهذاالشخص اللي تخوني زوجك معه وتوبي لربك واستغفريه واندم على مافات منك وعدم العودة اليه وربنا بيصلح لك كل حال ويسترعليك ويبارك لك في زوجك وبنتك ويؤفقكم ويسعدكم في هذة الحياة