السلام عليكم : انا متزوجة وعندي تلاتين سنة كنت انسانة كويسة اوى ومازلت امام الناس محترمة لكن بينى وبين نفسي استحق الضرب بالنار انا خايفة اوى من ربنا وتعبانة جدا نفسي اموت ، نفسي انتحر ، نفسي اخلص وارتاح ،جوزى بخيل جدا صبرت سنين لكن تعبت . رافض اشتغل واشتغلت تطريز من وراه ولما عرف بهدلنى والا ياخد الفلوس ، اولادى محتاجين طلبات ومش قادرة عليها ، عرفت الشات وشوفت عروض كروت الشحن الاول كنت خايفة لكن واحد شجعنى ووحدة وحدة وافقت وكنت ببيع الشحن وبعدين بعتلي فلوس اشتري كامرا وقالي انتى ليا لوحدى وبقى يبعتلي فلوس ، اعمل ايه
يااختي اتقي الله في نفسك وفي زوجك واولادك ولاتفسدي حياتك الزوجية بهذة التصرفات المحرمة والغير اخلاقية توبي لربك واستغفريه واقطع علاقتك بهذا الشخص اللي اغواكي ويريد خراب بيتك وحياتك الزوجية ربنا يسترعليك ويصلحك ويهديك
بلاش تمشى فى السكه دى وعلى فكره الشخص ده فى الغالب بيسجلك وبيصورك صوت وصوره وبعد كده هيهددك بيهم