انا متزوجة من عشرسنين ولدى خمس اطفال اكبرهم تسع سنوات نعيش مع اسرتة وهوبيحبنى وانا بحبة كان فى مشاكل مع اهل كتير وعدت المشكلة معاه هو كان دايما يفكر فى الزواج تانى باقولة لية وحدة تانية انا مش مالية عينك يقول يعنى دى تكمل دى انتى عندك نقص فى بعض الاشياء دى تكملها اقولة مدام انا شايفة طلباتك خلاص هو من النوع اللى عاوز كل يوم وانا لوى هايفت مرة بسبب الضغوط البيت والعيال نعملوا مشكلة فكانت دى سبب المشكلة وهو من النوع الرومنسى تقابل مع فتاة او زميلة بس يعنى هو ما يعرفهاش غير وقت التدريب بس تدريب على الكمبيوتروتكلمة مع بعض كتير وعرف عنها كل التافصيل عنها وكانت متزوجة من قبل واطلقت عرض عليها الجواز يمكن من تانى يوم وكان يجى يتكلم عن التدريب والبنات اللى فى التدريب كنت بثور الغضب وازعل معاة باليوم والاثنين وبعد كدا امة قالت ما تقولهاش حاجة انت عارفها بتغير انت بتعمل المشاكل دى المهم هو عرفها على البنت دى فى التليفون وكانت بتكلمها باستمرار وتعلقت بيها واتمنتها ليها لكن القدر كان اقوى هى اتكتب كتابها طبعا لما حبت زميلها عارضت وبشدة ورغم كدا كانت بتتصل علية وبتكلمه بالساعات انا بالصدفة عرفت ولما كان يكلمها باليل كان يقول دا ابن عمة زى كدا لحد ما اكتشفت انها بتبعت رسايل حب وعشق على النت والتليفون وحصلت مشاكل كتير الغيرة والشك ملينى من ناحيتة حاولت معاه كذا مرة انة يبعد عنها حرام دا على كدا مجوزة يقول لاهى مش عيزاة اقولة خلاص هى حرة مع اهلها انت ابعد على شان عيالنا وبيتنا اللى هايخرب ما فيش فايدة حسيت انة بعد عنى خالص حتى لما اجوزت برضى بيكلمها ونصحناه احنا وعمة وخالة انة يبعد عنها نهائى يقول مش قادرعملت معاه كل العمايل والحيل على شان يبعد لاورغم هى بتتصل علية وكلمتها ونصحتها ما فيش فايدة وانا قلبى بيتقطع علية مش حامله انة يكلمها افدونى بالله عليكم
شوفي يااختي طالما جوزك مصمم على فكرة الزواج من ثانية فهو سوف يتزوج ان عاجل اواجل ودا حق من حقوقه شرعا لاتقدري على منعه من ذلك الحق اللي احله الله عزوجل والا عاوزته يروح للحرام ويزني قد يكون الرجل شايف انك مش قادرة على تلبية رغباته الجنسية ودا هو الحاصل فلا تعترضي على زواجه وتقبل الموضوع بكل صدر رحب وبلامشاكل حتى لاتخسري جوزك وتسبب في خراب بيتك وحياتكم الزوجية وخصوصا عندكم 5 أطفال فكري في مصيرهم قبل كل شيء ولاانصحك بطلب الطلاق اذا تزوج عليك بل تفهم الوضع وتعايش معه تماما من اجل اولادك وصدقيني سوف تكوني انت الكل في الكل وام أولاده والعشرة الطويلة بينكم لن ينساها ابدا وقد تكون هذه البنت نزوة عابرة في حياته لن تطول سوف يتركها ويرجع لكم انت والأولاد
عزيزتي لاشك ان زوجك واقع في الخيانة مع تلك البنت زميلته في العمل ولاحد يعلم الى اين وصلت بيهما تلك العلاقة لاتكوني مغفلة وساذجة كبيرة لهذة الدرجة فالوضع خطيرجدا ولايحتمل السكوت عنه او تجاهله على الاطلاق اما ان يقطع علاقته بتلك البنت الساقطة ويبتعد عنها نهايئا او تطلب الطلاق منه لاجل تصوني شرفك وكرامتك ولااظن زوجك يحرص على استقرار حياتكم الزوجية او يحافظ عليها والا مافعل كلهذا من الاول ولا استمر في تلك العلاقة المحرمة لكن الشيطان اغواه وقدرت تلك الخبيثة اللعوب السيطرة عليه انها الحقيقة فهو شخص لايقدر الحياة الزوجية ولايحترمها ولايفكر الا في نفسه واشباع رغباته المحرمة بشتى الطرق حتى لو كان على حساب خراب بيته وزوجته واولاده لازم تشركي احد من اهلك في هذة المصيبة قبل فوات الاوان اما ان يترك تلك البنت ويقطع صلته بها او يطلقك وعيش حياتك حتى يكرمك الله بخير منه وربنا يبارك لك في اولادك ويعوضكم كل الخير ويسعدكم في هذة الحياة
مشكلتك حاجتين
اولا جوزك هل فعلا انتي مش قادره تواكبي طلباته رغم انك بتحاولي : طب ما دا ممكن يكون السبب اللي ربنا شرع لخلقه اللي هوا خالفقهم وعارف طبعاهم وانهم ممكن يتعرضوا لموقف زي كدا وبالتالي حلل للراجل انه يتزوج اكتر من زوجه . طبعا صعب عليكي وطبعا هتغيري بس لو دي الحلال اللي ربنا كاتبه ليه احنا بنصعبه علي نفسنا طب لا قدر الله زوجك في وقت ضعف للشبطان وغلط هل دا مفرح ليكي هل دا اللي تقبليه ببساطه عندك حل من اتنين يا تقلبي الكل يا ترفضي الكل محدش يقدر يتحكم في رغبات جسمه
الحاجه التانيه لو هتكملي معاه ف البنت دي مشكله بالنسبالك لانه مش بس ارتبط بيها او رغبها كانثي لا دا ارتبط بيها عقليا او عاطفيا فببساطه دافعي عن بيتك خلي امه تتدخل وهل اللي تتصدي ليها ولو مكنش يبقي هي او حد من الرجاله تبع جوزك اخوه خاله عمه يوصل لاهل البنت ان في كلام بينهم لان للاسف العلاقه دي لو جوزك معقلش ممكن لا قدر الله يقع في الحرام
بعد ما تعدي المرحله الصعبه حاولي تحتوي جوزك نفسيا قبل جسديا ولو خلاص مفيش حل من الناحيه الجسديه يبقي يتجوز ويستقر علشانك وعلشانه وعلشان دينكم و شرفكم لا قدر الله ميبقاش في مهب الريح