السلام عليكم ورحمة الله وبركاته…. عندي 26 سنة متجوزة وبعيدة كل البعد عن اهلي بيني وبينهم بلاد وبلاد حكايتي تبتدي من يوم ما دخل النت بيتي في الاول كان كل بحثي في المواقع الاسلامية وجوزي كان بيشجعني وكان فرحان بيا جدا اني لقيت اللي يشغل وقتي ويشغلني خصوصا ان مفيش عندنا اولاد كانت حياتي عادية جدااا كل يوم زي التاني بس كان جوايا رضا مش طبيعي وكنت بنام وبالي مرتاح خصوصا اني اقنعت نفسي ببعدي عن بلدي اني ابعد عن كل شيئ كان يربطني بالماضي وبحب عمري اللي كان قبل جوازي وحاولت بكل الطرق اشغل تفكيري بحيث اني مفكرش في الشخص اللي حبيته لمدة اربع سنين وفي وسط انشغالي في النت باالصدفة دخلت موقع دردشة بصراحة حسيته عالم غريب وشدني بااللي فيه دخلت وبدات اتعرف علي ناس كتير وكان جوزي يقعد جمبي وانا بتكلم معاهم عادي ويشوفني بهزر مع الكل الشباب والبنات وكان معندهوش اي تعليق اتماديت في الشات واتعرفت اكتر وبدأت كل يوم ادخل الموقع دا وبعدين احكي لجوزي علي كلامنا وهزارنا كنت مش بخجل من كلامي لجوزي لانه بصراحة مكنش في الموضوع شيئ مخجل كله مجرد هزار وكلام عادي زي اللي بين الاخوات وبعضها بس كتير كانوا يحاولوا يشدوني لعالم الغرام والكلام دا كنت ارد بكل جراة واقول انا ست متجوزة وجاية هنا عشان بس اخوة وصداقة ومش هسمح لاي حد انه يقلبها لاي شي تاني ويوم ورا يوم اصبح الشات عندي زي الادمان عملنا شلة شباب وبنات وصرنا نتفق علي ميعاد دخولنا ومن يومها بدات اهمل المواقع الاسلامية اللي كنت دايما موجودة فيها وبدأت الشلة تسحبني معاها اكتر واكتر وبيوم قرر جوزي نسافر لبلدنا عارضت بقوة لان مش هيكون في نت دا كان مبرر عشان مرجعش بس الصراحة انه عشان مش عاوزة اتقابل مع الانسان اللي هيهز قلبي اول بس ما المح خياله كنت خايفة ومرعوبة من يوم رجوعي ومقابلتي له المهم رجعنا وحاولت بشتي الطرق اني مش اتقابل معاه وش لوش وقضينا الاجازة ورجعنا تاني للبلد اللي عايشين فيها ولما رجعت دورت علي شلة النت لقيت كل واحد منهم انشغل بحياته خصوصا اني طولت ببلدي المهم رجعت تاني للمواقع الاسلامية اللي كنت مداومة عليها وفيها اتعرفت علي انسان كان ببداية الامر ظاهرلي في منتهي الالتزام حكينا سوا علي النت وشدني تدينه وبقيت استشيره في بعض من امور الدين واتعرفنا اكتر وبيوم قولتله بعرفك علي بعض من الشلة ناس محترمة يومها عارض بشدة سالته ليه قالي مش هتحمل اشوفك بتتكلمي مع حد حسيت احساس غريب من كلمته بس حاولت اكدب احساسي واقول لا هو عارف اني ست متجوزة وكدا المهم يوم ورا يوم صارحني بحبه رغم انه عارف اني متجوزة واني استحالة هتطلق وكان يعرف عني بعض الامور الشخصيةوانا كمان كنت اعرف عنه بعض الامور بس ظروفه كانت تسمحله انه يتعلق او يعرف بنات حكيتله انه مش ينفع معايا كلامه دا وان انا عندي قناعة ان مفيش حب عالنت قالي مش بطلب منك شيئ انا حبيت اعرفك مشاعري مع العلم انه اكبر مني في السن ب 13 سنة وقولتله لو باقي علي معرفتي اقفل موضوع الحب والغرام دا خالص وفعلا قعدنا مدة طويلة نتكلم عادي بس كنت بحس من كلامه ليا بالحب وبحاول اقنع نفسي بالعكس ومن يومها بدأت اخجل احكي لجوزي عن كلامنا لان كلامه كان فيه بعض من كلام الغزل واتطور الكلام بينا واستمريت في الكلام معاه لمدة سنةونص انا بعترف اني غلطت من الاول اني سمحت له بكدا بس والله العظيم غصب عني في الوقت اللي هو كان بيقربلي كان جوزي بيبعد عني كانه عايشين مع بعض ومش عايشين وبعدين كنت احاول انبه جوزي للحكايات اللي في النت والحب والكلام دا عشان انه يقولي بس اوعي تغلطي غلطهم ولا كأنه سامعني لدرجة اني حكيتله حكايتي علي انها حكاية صاحبتي جاب اللوم علي جوزها انا بعترف اني غلطت كتير واتماديت في الغلط رغم معرفتي انه غلط بس ربنا غفور رحيم دلوقتي الشخص اللي اعرفه دا مريض وببعدي عنه بينهار والله العظيم كل يوم بيقرب من الموت اكتر ودا شيفاه وحساه بجد بس انا عزمت علي التوبة واسال الله العظيم انه يغفرلي ويسامحني لاني غلطت كتير ويثبتي ويسترني خصوصا ان الشخص دا بدأ يهددني بيقول عليا وعلي اعدائي بصراحة انا مش عارفة هو ممكن يعمل ايه وخصوصا اني وريته صور ليا وكمان بيقول انه هيموتني ويموت نفسه انا عارفة انه تهديد وبس ومش خايفة علي نفسي منه انا كل خوفي عليه هو لانه كتير حاول الانتحار قدامي علي الكام قبل كدا بسبب بعدي عنه اقسم علي كل من يقرأ حكايتي ومشكلتي انه يدعيلي باالغفران والثبات والستر
ويدعي للشخص دا باالهداية والشفاء .
مشاكل الخيانة الزوجية
متزوجة وتعلقت برجل من النت بسبب اهمال زوجي
اضيف بتاريخ: Sunday, July 10th, 2011 في 06:15
كلمات مشاكل وحلول: الحياة الزوجية, الخيانة الزوجية, النت, مشاكل الخيانة الزوجية, مشاكل زوجية, مشاكل زوجية
اولا – عندي كلام كثير وطويل للست دي وارجوا منها تسمعه للاخر ولاتزعل من صراحتى فاني لااجامل احد ولااخشى في الله لؤمة لائم لاشك ان الشيطان اغواكي وزين لك سوء عملك ياهانم انت وجوزك الديوث هذاواسميحلي اوصفه بالوصف دا لانه يستحقه فالراجل الشريف الغيور والمحترم مايرضى ان زوجته تتكلم مع شباب عبر النت حتى لو كان من باب الضحك والهزار والمزاح ومافيش اخوة ولاصداقة بين الرجل والمراة افهمي ذلك ياست هانم ثانيا- تماديت في الدخول على النت حتى انك تركت المواقع الاسلامية وجرفك التيار الى الهاوية مع شلة بنات وشباب فاسدين من خلال النت وكلهذا وتظني انك على صواب وماتفعلي غلط حتى اوقعتك المصيبة في التعرف على ذلك الرجل الذي يدعي التدين والاخلاق والشرف والمبادي والقيم وهو مثلك تماما بعيدا عنها بعد السماء عن الارض حتى اظهر لك صورته الحقيقة وانه الا شخص فاسق وماجن يريد اللهو والعبث معاك واستطاع اغواكي واللعب بمشاعرك وعواطفك حتى جعلك تحبيه وتفكري فيه ليلا ونهارا ونسيت انك امراة متزوجة كان حري بك يامن تدعين العفاف والشرف والاخلاق والمبادى ان تصيده وتقطع علاقتك المحرمة به نهايا مش تظل تتواصلي معاه وتحنين لسماع صوته ومتشوقة لسماع اخباره والاطمنان عليه واستمريت سنة كاملة معه في هذة العلاقة والخيانة لجوزك وكيف تريدي ان يتوب الله عليك ويقبلها منكي وانت لاتزال تفكرين فيه ولم تقطع علاقتك به نهايا اما زوجك الديوث هذا فلا خير فيه فهو لن يهتم لك حتى لو راى رجل يعاشرك جنسيا فلن يحرك ساكنا بل سوف يستمتع بتلك المشاهدة ولاتفكري انه ممكن يغضب منك او يزعل منك فهذة صفات الدياثة ومن يتصف بها والمصيبة انك اهديت للكلب هذا صورك والله العالم هل هذة الصور فاضحة ام لا وتقولين انك مش خايفه على نفسك كثر ماانت خايفه عليه انه ممكن يعمل في نفسه شئ مايروح يحترق ويولع بقاز ليه كان جوزك او من بقيت اهلك كلامك هايف وتافهه مثلك توبي لربك لوكنت تعرف ربك حق المعرفة واستغفريه واندمي على ماحصل منكي وجوزك ده الديوث طلبي الطلاق منه لو عاوزه ربنا يرضي عليك ويغفرلك
اولا هذا الشخص الاخير لا تحزني عليه اصلا حتى عند الله له عقاب لانه عارف انك متزوجه خليه يروح بستين داهية او ينتحر ,انا اقول لك كلامي هذا وانا شاب مثله وغير متزوج ,لان اللي يعرف الحرام ويتخطى حدوده لازم يتحمل ما كسبت يده, وهو كمان ورطك وحملك اوزار بالليل والنهار وانتي امرأة متزوجة يعني الخطيئة عليك عقابها اشد من عقابه,والصحبة على الحرام يوم الحساب يتلاعنون ويتبرئون من بعظهم ويفتدوا بهم من العذاب,فتبرأي منه من الان ولا تهتمي لامره ولن يضره حزن اكبر من الحرام الذي سوف يتعذب به ,وتري فعله معك انتهاك لشرف زوجك وكرامته واهانة له ,, ثانيا زوجك باين عليه انسان طيب وعلى نياته وواثق فيك او تجربته بالدنيا وبمكائد اولاد الحرام قليلة ولم يخطر بباله ما وصلتي اليه , حرام عليك تخونيه من وراه مع غيره او تسمحي له يذله ويهين كرامته,
اقول لك كلام واحدلا تستسلمي له
بصراحه الغلط مش من الشاب اللي كلمها لا واللهي الغلط منها هي اللي خلته يكلمها واكيد من كلامها معاه عرف ان زوجها هاملها وجايه بعد كده تقول ماذا افعل مش جايز الراجل ده بيمر بازمه حب حتي لو هو متزوج الراجل مننا لما بيلاقي حاجه جميله او حتي كلمه رقيقه بيحس انه اسعد انسان في العالم فالغلط منها هي وممكن الراجل ده فعلا ينتحر علشانها ربنا بهدي
اختي في الله مفيش راجل محترم يبدا قصة حب مع واحدة متزوجة لانة عارف اخرة الحب دا فضيحة للزوجة..لكن البعض يبحث عن علاقة بالشكل دة عشان يشبع رغبات دنيئة داخلة هو بيمثل وبيقول حينتحر عشان يئثر عليكي وتتمادي في الغلط معاه وعندما ينول غرضة منك حيسيبك ومش بعيد يبتدي يبتذك وهنا انتي اللي هتنتحري وتخسري كل حاجة خليكي واثقة من دا كويس..لو فية تقصير من زوجك في جانب تحدثي معه وان لم يستجب اطلبي الطلاق هذا اكرم ليكي ولاهلك..
فاتقي الله في شرفك وشرف اهلك قبل شرف زوجك
اختي الفاضلة السلام عليكم ورحمةالله وبركاته امابعد قدقرات رسالتك الطويلةوتمعنت فيه جيدا وتالمت كثيرالماوصل بك الحالة حتى اشفقت عليك من الانجراف الى حاوية الانغماس في الرذيلة والمحرمات دخولك عالم النت ومباركةزوجك لك في التحدث مع اللاخرين واستسهالك للامر وكانه من باب الهزل والمزاح والترويح عن النفس هواللي خلاكي تتمادي في الخطا يومابعديوم حتى انك اصبحتي مدمنة للنت لايفارقك ليلا ولا نهارا وتعرفك على الشاب هذا وتعلقه بك حتى تبادلتم الحب والغزل والغرام وانت امراةمتزوجة وتساهلت معه ظنامنك انه انسان محترم واخلاقي وخدعتك الظنون انماهو شيطان رجيم تظاهر لك بالطيبةوالاخلاق والشهامةوقدريخدعك ويتلاعب بمشاعرك وعواطفك الجياشة واعطيته الحق في ان يتمادي اكثر حتى راى صوورك وعرف عنك اشياء خاصة في حياتك كان المفروض انك توقفيه عندحدوده من البداية ولكنك ضعفت وصعبت عليك حالته فالان المطلوب منك التوبةلله عزوجل والاستغفار من كل الذنوب والمعاصي وقطع علاقتك المحرمةمع هالشاب فورا وللابد وغيري رقم ايميلك وحسابك في النت اويستحسن تلغي النت من حياتك ان كنت تريد الحفاظ على بيتك وزوجك وحمايةنفسك وشرفك وسمعة زوجك من الوقوع في الفتن والشبهات وتاكدي ان النت مادخل بيتا الاوحل فيه الخراب والدمار الحلال بين والحرام بين فاختاري لنفسك الطريقة التي تريدي نهجها ولاينفع بعدها البكاءعلى اللبن المسكوب وفقك الله وهداكي وسترعليك وجنبك شر نفسك وشرشياطين الانس والجن
اختي عندما نعطي فرصه لأنفسنا بأن نختلي بالحديث مع غريب يكون لدينا كل الثقه اننا لن نقع في فخ التعلق وانها مجرد اخوه او صداقه ولكن للأسف لا توجد علاقة اخوه اوصداقه بين الجنسين حتى لو اختلفت الأعمار .. يقع الخطأ دون وعي وقد يستمر الشخص بالخطأ حتى يصل الى طريق مسدود… نحن بشر نخطئ ولكن خير الخطائين التوابين وبمجرد اعترافك بخطئك هو بداية الحل … اتركي النت واشغلي نفسك بحفظ القرأن او بعمل او بدوره تثقيفيه وانتبهي لأولادك وزوجك وصارحيه بحاجتك له ولحبه ودعمه لك…ثبتك الله
اختي انت امراةمتزوجة ومتربيةكويس وعارفةالحلال والحرام هل المراةالمسلمة تتكلم مع رجل غريب عنهاوتبعت له صورها الخاصةاماتدرين ماخلارجل بامراةالاكان الشيطان ثالثهماماتخافين من الله اللي يعلم السروماخفى هذةخيانةلزوجك اللي اعطاك اسمه وثقته فيك لاتقولي صديق اواخ هذاليس من الاسلام في شي اتقي الله في نفسك وزوجك واقطع علاقتك مع هذاالرجل وغيره واحذري من النت فياماخرب بيوت ناس كثيرون وجلب لهم الفضايح والشرور ربي يسترعليك ويهديك
استغفري الله وابعدي عن النت نهائي لان اي بنت او اي ست هتتكلم مع اي شب عالنت هيقولها بحبك ، لكن منكرش ان فيه علاقات حب حقيقية عالنت ، بس وضعك كمتزوجة كان المفروض منعك انك تتكلمي مع الشخص دا في بداية ما حسسك انه بيحبك ، انتي السبب في الحالة اللي وصل ليها ، وانتي اللي في اديكي الحل ، وانتي اللي عارفة ايه اللي المفروض تعمليه من غير ما تخوني جوزك ومن غير ما تظلمي الانسان اللي وقعتيه في حبك .
عيب عليك اللي تسويه هذي خيانة لله ولزوجك اللي وثق فيك ولوعرف بكلهذا كان طلقك ولااحد يلومه في هذا لانك بجدتستاهلي ماجرى لك وانت السبب في ذلك اقطعي علاقتك بهذالشخص نهايا وياليت تستخدمي النت في اشياء مفيدةلك ولدينك
السلام عليكم اختي وحبيبتي اذا رب العالمين ستير يحب الستر استعيني بلله وصدقيني لمانبتعد عن ربنا بغلب الشيطان ولكن الله ارحم بلعبدمن نفسه وانالا الومك ولكن الدنيا والنفس والشيطان كلها تجتمع على الانسان واستغفري ربك وابتعدي وجاهدي لانه ترك المعصيه صعب عشان الشيطان يزينها بعين العبد وكلنا خطاؤؤؤؤؤؤؤؤؤؤن ولكن الله رحيم وستير وانالله وانااليه راجعون
يااختى انا شاب مصرى وعشان انتى زى اختى اسمعى كلامى ونفزيه اذا كان زوجك لم يوادى واجباته الزوجيه لكى فلك الحق انا تطلبى منه الطلاق هذا اشرف من ان يعرف زوجك بهذه المشكله ولو كانتى بتحبيه لاذم تضحى عشان الشرف غالى وكد كده الاطفال هيعيشو ما بنكم بكل احترام ده الحل الوحيد لمصلحة الاولاد وليكى عشان كداب الى بيقول انه يادر يتحكم فى شهوته اسف على كلامى لانه جارح
اللى يتجوز و يدخل نت فى البيت يستاهل اللى يجراله .. ماله التليفزيون ؟؟؟؟؟؟؟؟
النت ده شيطا
صباح الخير يا اخت موجوعه فى اخطاء تعد انها اخطاء غصب عن الواحد وفى اخطاء تعتبر مزاجيه وبدون عقلانيه مين يقول ان الست تسيب زوجه وتروح تتعرف على واحد وبتقول لو بعدت عنه بيهدد بالانتحار ولا الموت ما يموت ولا يروح مكان مهوه عاوز ده تمثيل على البنت منه علشان يوصل لهدفه ورغبته فى الا هوه عاوزة منها ده بالنسبه للولد بالنسبه لها كاست او بنت عيب اما نفكر كده واحنا عندنا راجل فى بيتنا زوجى اعمل كده ازاى دى فى حريم الله ييبارك فيهم بتبقى شايفه وعارفه ان زوجها بيخونا وعلشان متطلعش سرة او تفضحه بتتحمل وبتروح لحده وتقوله كلام ادبى بتخليه يخجل من نفسه ويرجع لحضنها باكى وندمان على كل الا عمله ويهدتى فى سبيل محافظتها على بيتها وعدم اهانه زوجها وفضيحته قدام اهلها واهل والناس انما دى لمجرد ان زوجها اهملها او انشغل عنها تروح تعمل كده طيب عملتى امنا بالله وبتعترفى وضميرك صحى وبتبعدى تقولى انا خايفه يعمل فى نفسه حاجه ما يولع ويروح فى ستين داهيه ولا منتظره بيتك انتى الا يولع وتروحى انتى فى ستين داهيه مع زوجكك ومستقبلك يضيع انتى واولادك صح كلامى كده وبقى اوضح احنا يا بنت الحلالبنشارك بالاراء الصحيحه واعرفى اننا رجاله ونفهم الاعيب الحيوان الا بيمثل عليها ده وبننصحها تلتزم ببيتها وزوجها واوادها وتصلتى وتغير رقم موبيلها والاميل بتاعها كمان اذا عاوزة تستقيم وتعيش عيشه الناس المحترمين مش عاوزة يبقى دى حاجه ترجع ليها ربنا يوفقها ومتزعلليش يا اخت موجوعه اذا كان كلامى قاسى بعض الشئ / المحامى
سورى انا مش معاكى بأنك تخونى جوزك لاى سبب اى ان كان بس لوحسيتى انة مهمل فيكى عرفية وشوفية هيتغير ولا لأ لو متغيرش اطلبى الطلاق قبل ماتفكرى فى الخيانة على الاقل تبقى بينك وبين نفسك مش حاسة انك بتعملى حاجة غلط واتجوزى اللى انتى شايفاة هيسعدك بس بلاش الخيانى عشانك انتى على الاقل
اسمعى يا اختااااااااااااة
اولا حاولى تبتعدى عن هذا الشخص بكل الطرق داخليا وحكاية ينتحر دى بعيدة لانو لو فكر فى الانتحار يبقئ انسان معدوم الايمان والضمير لان روحة مش ملكة يتحكم فيها وقت ما يشاء
اما داخليا ان معرفتيش تنسئ وحسيتى انتى انو انسان كويس شاريكى عاوزك بحلال ربنا يبقئ الصواب
انك تتطلقئ وتتجوزى على سنة الله
اكم مشاكل كتير جاءت بنفس المنطق بس انتى معكيش اولاد
يعنى فرصتك افضل
بس المهم اخلاصة هو ليكى ميكونش نزوة وشهوة وخلاص
وصدقينى اكتر المشاكل دى سببها حاجتين
واحد
البعد عن الله
اتنين
عدم الرجولة اللى فى رجالة اليومين دول
الفراغ العاطفئ والجنسئ
والسبب الاول الراجل هو الراعى
السلام عليكم الي الاخ زماااان والاخ ع وطني والاخ الطيار ياجماعة ياريت قبل ما اي حد فيكم يكتب رد يفكر كويس بكلامه ويعرف ان ممكن كلمة تدبح اللي هيقراها وخصوصا صاحبة المشكلة وانتوا لو قريتوا مشكلتها كويس هتعرفوا انها تابت لربنا وبتطلب مننا ندعيلها مش نأنبها ونهينها والست معترفة بغلطها من فينا مبيغلطش ومين فينا صفحته خالية من الذنوب اتقوا الله ومتكونوش انتوا والزمن وقسوته عليها لا حول ولا قوة الا بالله حاسبوا انفسكم قبل ان تحاسبوا انا بعتذر علي الاسلوب بس لو كل حد اهانها حط نفسه مكانها اكيد بيرد نفس الرد احنا مش ملايكة وكمان كل بني ادم خطاء وخير الخطائين التوابون نسأل الله التوبة والثبات علي قول الحق في الدنيا والاخرة امين
ماينتحر ولا يروح فى دايه انتى هتستهبلى انتى خليك مكان زواجكك ترضى هوه يعمل فيك الا اتنتى بتعمليه فيه ده ويخونك بطلو تضحكو على نفسكو بقى وفوقو من الوهم ده داهيه فيك وفيه ده حيوان ولا بيحبك ولا بيتنيل على عينك وعينه الا بيحب انسان مبيخربش بيته ويتسبب ليه فى الضياع اتلمى وشوفى بيتك وحالك وزوجوك وغيرى تليفونك واقطعى اتصالك بيه نهائى وصلى صلى واتقربى من ربنا وبطلو تبعدو عن الدين والتقرب الى الله / المحامى
بصى الكلام المفيد هو انك تقطعى علاقتك بالشخص ده نهائيا ومتحوليش انك تتصلى بيه او تكلميه حتى ولو مات من بعدك عنه لان ده كله كلام كدب محدش بيموت من بعد حبيبه عنه ده لو كان فعلا حبيبك مش واحد ندل عايز ياخد شرفك وشرف جوزك اتقى الله فى جوزك واولادك وحكايه ان هو مريض وهيموت لو مشفكيش ده كله كده وهو ده مدخل الشيطان
وعايز اقولك حاجه اخيره مفيش راجل بيحب واحده خانت جوزها وعملت علاقه مع شخص اخر
تسالينى الغلط على مين ؟
اقولك الغلط مشترك
الغلط منجوزك اللى شافك بيكلمى شباب وسابك
والغلط عليكى انك استخدمتى الثقة اللى ادهالك جوزك غلط وماكنتيش ادها
والغلط ع الشاب اللى مفروض بتقولى انه متدين
طب ازاى واحد متدين يحب واحدة متزوجة وهو عارف انه كده بيخلى الست دى تخون جوزها معاه
ابعدى عنه يا بنتى هو لو مكان جوزك مش هيرضى باللى هو فيه
ولو كل واحد بص لغيره على انه بيبص فى مرايته كنا راعينا ربنا فى بعض
واهو مسيره بكره يتجوز وراهنك اذا وصل نت فى بيته من الاساس
لانه عرف اللى فى النت وبلاويه
🙂
بصراحة انا مع الاخ ع وطني
يا جماعة الراجل يتعب ويشئى ويجب لمرتو نت عشان يسعدها ومتحسش بملل تروح تخونو ايه الزمن ده
يا اختي الخطا مش من زوجك الخطا منكي ومنك كل امراة خائنة في هذا العالم فعلا انه زمااااان اسال الله ان يرحمنا منه
اقسم بالله بسببك وبسبب امثالك بئينا نخاف نتجوز
ربنا طعمك زوج جيد وانت تخونيه ما هذا
انتي هتكملي مع زوجك ازاي اصلا
انتي بتبصي في عين زوجك ازاي
انتي خايييينة
ودي الحقيقة ومتهربيش وتحطي الحق على زوجك لا انتي السبب
ولكن مع هذا اسال الله ان يتوب عليكي وحاولي ان تسعدي زوجك بكل الطرق وكوني عبدة لهو لكي تكفري عن ذنوبك
(زماااااااااان)
لسلام عليكم ورحمة الله وبركاته,اختي العزيزةهداكي الله الي زوجك وبيتك ولابد ان تخبري زوجك بطريقة لائقة وباي طريقة ما لعله يفيق ويرجع وبنظر الي مطالبك,وفعلا دي مشاكل ناس كتييير انا قابلتها بسبب بعد الخاطب او الزوج في وقت تحتاج اليه المراة هو يبعد ويهجر من هنا تبدا المشاكل ويبدا الجحيم علي البيت,فاختي بارك الله فيكي لابد ان تخبري زوجكي لعله يتفهم الامر ,وبالنسبة للاخ الذي حاول الانتحار هذا ,ابتعدي عنه فورا والموضوع مسالة وقت فقط كان من قبلك عايش ومن بعدك سيعيش فلا يضغط عليكي بمثل هذا,ونهايتا اسال الله ان يهديكي وان يثبتك علي الحق وان يسترك اللهم امين.اخوكي هيثم هنون
اختي العزيزة انصحكي بالطلاق من زوجكي وتزوج من تحبين اذا كانت نيته شريفة اما اذا كانلهم قصده سيء فانصحك بقطع العلاقة وان تدعي هذا الدعاء (الهم اجرني في مصيبتي واخلفني خيرا منها)يمكن انا اكثر وحدة اشعر بكي لان زوجي يهملني تماما وفي كل مرة يختلق اعذار اقبح من ذنبه بس انا لم امر بتجربة حب بالنت لاني للاسف اعشق زوجي لكن ان وجدت حب حقيقي سوف اتطلق لانه حلال افهمو ياناس حلال حلال حلال
أنا إنسانه الصراحة واجهت الكثير من هاذي الأشكال .. إلي بيموت فيني وإلي بدو يقتل نفسوا إذا مابكلموا وإلي زعلان والله مارديت عليه وإلي وإلي ………
الإنترنيت عالم صغير من الحياة الواقعية بس إلي ماخذين راحتهم فيه أكثر الناس المرضية نفسيا والذئاب البشرية … وكلو هاذا لأنو إنترنيت وتفكيرهم إنوا ماحدا شايفوا أو بيعرف شو هوه ؟
بس لإختصرلك الموضوع … وبكلمتين حلوين .. كلوا كذب بكذب .. أوكي
وعندك زوج إنسان بيساوي الدنيا بإلي فيها وبالأخص إنوا بيثق فيكي .. وصدقيني صعب تلاقي رجال بهاذا الزمن بيثق بزوجتوا كل هاذا الثقة .
فخلي هاذا الرجال اللعوب وإلي على أساس مريض ولا حتى متدين وإلنا الشرف في الإنتحار ونحن سنصفق إلو وننحني إلك بإحترام لإنك قتلتي إنسان (( هاذا إذا راح يموت بالأصل )) عم يلعب على مليون وحدي مثلك يعني فيني أقول قتلتي شيطان.
وفي النهاية إنسيه وإهتمي بزوجك … لاإدمري حياتك بسبب واحد شيطان … وحتى ولو هددك .. بكلمتين حلوين … أنا مستعدي أبلغ عليك الشرطة والشرطة والأمن في خدمة الشعب وأنا متأكدي زوجك راح يكون فخور فيكي وقتها لأنك وقفتي إنسان وسخ عند حده… مع تحياتي 🙂
ردا علي الاخ ( ع وطني ) لااعرف ماذا اقول لك فردك قاسي جدا وكلنا نعلم بخطئها ولو قرأت كل الردود بلا اثتثناء سوف تعرف ذلك .. اخي انت تريد الاصلاح اكيد ولكن ليس بهذه الطريقه ..لاننا عندما جميعا بشر وخطائين .. فمثلا هل انت ملاك ؟؟؟ ليس لك اي اخطاء .. ارجو ان تكون اكثر رأفه وحنكه فن ردك … لان العود الاخضر عندما نريدان نعدله ونعيده الي اصله لن يكون بالضغط عليه مره واحده والا فانه سينكسر .. فرجاء النصيحه النصيحه وليس التجريح والاهانه كما فعلت ……………
بسم الله الرحمان الرحيم اختي العزيزة انا مثلك عندي فراغ بيقتلني وبعيدة عن اهلي ما اشوفهم غير مرة في السنة وزوجي ياشغل يا نوم حتى ماعندي حد افضفض معاه وكل يوم انام ودموعي على خدي بسبب الوحدة الي انا فيها بس ولا مرة فكرت اخون زوجي ولا افكر حتى الحمدلله عندي قناعة وكل مااحس نفسي مدايقة اقول الحمدلله على كل شي اتمنى يا اختي تبعدي عن هذا الشيطان الي استغل نقطة ضعفك لصالحه الحمدلله انك موصلتيش معاه فاشياء مستحيل تسامحي نفسك عليها طبيه وقوليله اعلى مافخيله يركبو وانك مو خايفة منه خليه يولي
سيدتي : قرأت مشكلتك كثرا جدا وحاولت من قبل ان ارد عليها ثم تراجعت لاحساسي بان كلامي سوف يكون تكرارا لردود الاخوه السابقين ولكن دعيني ازيد عليه بعض الشئ , لان حكايتك متشابهه كثيرا من حكايات بنات كثيره من وطننا العربي والاسلامي للاسف الشديد , وهذا بسبب الفراغ النفسي والديني وثقافتنا واعلامنا الضعيف الموجه لاشياء اخري لاتفيد . سيدتي اؤكد لكي بأن هذا الانسان يضحك عليكي ولا يستطيع ان يفعل اي شئ وخصوصا في نفسه لانه انسان جبان تعدي علي حقوق غيره باسم مشاعر نبيله قد تكون بعيده كثيرا عنه ولا يعرف معناها الحقيقي .. لان الحب مسئوليه قبل كل شئ والتزام وحقوق وواجبات , فماذا قدم اليك هو من كل ماذكرت غير الكلام الجميل المنمق الذي ينبع من فراغ نفسي وعاطفي وديني لديه , وقد استغربت كثيرا حيث انك قد ذكرتي بأنه متدين , واي تدين هذا الذي يبيح لنا اغتصاب حقوق الاخرين والكذب عليهم فهو ابعد مايكون عن هذا الكلام , ولكنه وجدك فريسه سهله وصيد ثمين لن يكلفه شئ غير بعض الكلام الجميل ومااكثره في عالمنا هذا , وقد ساعدتيه انتي علي ذلك بأعطائه الفرصه لقول ذلك وسماعها والرد عليها , ولن الوم زوجك كثيرا فهو قد اعطاكي كل الثقه وانتي التي استخدمتيها في الخطأ , وحتي لو كان زوجك قد اهملك بعض الشئ فأين انتي من ذلك , واين انوثتك للتقرب منه وخصوصا بانك ذكرتي بانك لاتعملي وتجلسين بالبيت . اي لديك الوقت الكافي لتكوني لزوجك كل شئ فهو يتعب ويشقي لاجلك ولاجل اولادك في المستقبل القريب ليؤمن لكي حياه كريمه وانتي تردين عليه بشئ فظيع لااستطيع ان اصفه , تأكدي بان هذا الانسان الذي تتكلمين عنه هو لديه مثلك الكثير ولكن بطريقة اخري وكلام اخر غير كلامك , فكثيرا من الشباب هكذا بسبب الفراغ الديني والعاطفي والبطاله , فأتمني ان تكوني اكثر حزما من ذلك وتثوري في وجه هذا الشخص ليفوق مماهو فيه وليعرف انه كداب ومنافق وتقطعي صلتك به نهائيا , ولاتخافين منه فهو اضعف من ان يضر نفسه فلن يفعل شئ اطلاقا , واهتمي بزوجك وكوني له كل شئ لتكفري عن ذنوبك ولتعوضي مافاتك معه وتكلمي معه في كل شئ ولا تخجلي منه واعتبريه الزوج والاخ والصديق والولد الشقي الذي ترغبين في كلامه علي النت وكوني له كل شئ الزوجه والمرأه اللعوب والصديقه والعشيقه ايضا وسوف تجدي كل تغيير وحاولي ان تشغلي نفسك باي شئ مفيد ونافع لو كان لديك متسع من الوقت في هذه البلد الذي تتكلمين عنه ولو لم تجدي اي فرصه عمل محترمه فعليكي بحفظ القران والتقرب من الله فهو افضل علاج لجيمع مشاكلنا وفقك الله دائما وغفر لكي مع تحياتي بحياه سعيده مع زوجك ان شاء الله .
ممكمن ارد على الاخ او الاخت (ع وطنى ) الاخت صاحبه المشكله عايزة النصيحه مش ان حد يجرح فيها هى من الاول عارفه انها غلطانه علشان كدة فكرت تبعت مشكلتها علشان تعرف أراء الاخرين على المشكله يبقى من الواجب علينا اننا ننصحها ونوجها للصح علشان ناخد السواب وندعيلها هى واللى بيقع فى المشاكل ديه بالمغفرة من ربنا وانها تتوب اللى الله شكرا
كلامك فارغ مثلك لانك لاتخافين الله آى حب هذا أيتها السيدة العوب التى تلعب بكرامتها وبكرامة من تحمل أسمه والذى وضع ثقته فيكى وأختارك زوجة له بكتاب الله وسنة رسوله
توبى الى ربك يرحمك ويرحمنا الله
والله يا اختى انا حسه بيكى فوق ما تتصورى معنديش اى تعليق غير انى اقولك ربنا معاكى ومعانا جميعا
يعني اية حاول الأنتحار ع الكام شرب ثم مثلا ولا ضرب نفسة بالرصاص ولا جاب افعي نومها جمبة ولا اية يا أختي العزيزة ارجو ان تفيقي من غفوتة هذه الشخص دة واحد من ملايين بيحاولوا يضحكوا على الستات الطيبين اللي زيك ولما حاول الانتحار منتحرش لية خلي بالك دة بداية الطريق اللي اخرتة وحشة جدا تقبلي تحياتي
اه ابعد عنه بس بالتدريج يعنى مره فمره وهو هايحس ان بقت فيه مسافه بينكو
وكمان فى حل تانى زحلقى عليه بنت تانى هتلقيه بدأ يبعد عنك لان الناس دى فعلا عايزين يكلموا اى بنت او ست وخلاص عشان يوهموا نفسهم بالحب
وكمان الحل التالت ادخل بشخصية بنت تانى وقربى منه جدا لحد مايتشدلك بالشخصيه التانيه وبعدين صارحيه انه خاين وكان كداب لما قال انه بيحبك وابعدى عنه وسعتها مش هايقدر يرفع وشه قدامك ولا ينطق بكلمه
الله يهديك ترفعي يااختي ترى انت مسلمة و متدينة لا تسقطي في المستنقع ولا تخرجين منه توبي الى الله توبة نصوح واكثير من ذكر الله اترك عنك الكلام الفارغ المسمى شات هذا دمار مو شات انت متزوجة احذر نقمة الجبار سبحانه وتعالى الله يهديك ويثبتك على مرضاته
اللهم استرنا واياكى ولا تخذلنا يوم العرض عليك
سيدتى هذا الشخص عديم الضمير بارك الله فيكى اتركيه لحاله واقتلعى هذا الشيطان من منزلك لانكى انتى التى انشغلتى عن زوجك بهذا الملعون ( النت )
عودى الى رشدك واتركى الشيطان لحاله اهتمى بزوجك واعلمى اننا جميعا مررنا بنفس تجربتك ولكن الحب الحقيقى لم نجده الا فى حلال الله
تقربى من ربكى لانكى ماذلتى على فطرته فلا تدنسى هذه الفطره
يجب ان تكون لديكى العزيمه لتحافظى على ما تبقى لكى من كرامه وخلق
هدانا الله واياكى
ما تعانين منه تعاني منه 90% من المتزوجات اللواتي يرتدن الشات .. ومعظم الرجال يكونون في الفئة العمرية من 35 – 50 سنة …
ما يحدث معك طبيعي وصحي ، إنه البحث عن الشباب الضائع والصبا المدفون .. اشغلي وقتك بقراءة الكتب ، حاولي أن تدرسي وأن تتبعي دورات او أن تنخرطي في عمل ما سواء خيري أو تطوعي او مأجور .. وعودي نفسك على النوم مبكراً .. اعيدي تنظيم أولوياتك وحياتك .. وناقشي ما يحدث بصدق مع نفسك ..
نتذكر جميعا قول النبي صلي الله عليه وسلم نعمتان مغبون فيهما ابن ادم الصحه والفراغ صدق رسول الله او كما قال الفراغ هو الذي اودي بكي الي هذا وكماقال صاحب التعليقetqan54 النفس ان لم تشغليها بطاعة الله شغلتك بمعصيته ولا تعلقي كل اخطائك علي زوج اودع ثقته فيكي لدرجه انه تركك تكلمين هذا وذاك علي النت الذي هو اشبه بستارة وهميه الكل يخبئ وجهه القبيح ورائه نصيحتي لكي سيدتي ان لا تخبري زوجك بهذا حتي لا يحدث شقاق بينك وبينه وارجعي الي الله تعالي واعلمي ان مهما طال بكي العمر هناك موت لا محاله وهناك حساب وعقاب من الله تعالي
انا قرأت كل مشاراكات وردود الاخوة والاخوات وانصحك ابنتى العزيزة ان لا تحكى لزوجك اى شئ عن هذه العلاقة والتى اعتبرها عابرة واقطعى صلتك نهائياً عن الشخص (المتدين) والذى من تصرفاته معك لا يحمل اى من صفات التدين اطلاقا لانه حاول الانتحار امامك عبر الكام اقطعى صلتك نهائياً واجلسى مع زوجك وصارحيه بأنك تحتاجى وجوده وتحتاجى اكثر لقربه مهما كانت مشاغل العمل والغربة كونى انت قريبة منه واشعريه بالدفء والحنان واشغلى نفسك بتعلم شئ نافع واخيراً النفس ان لم تشغليها بطاعة الله شغلتك هى بالمعصية المهم انك تعلمت من التجربة و ادعوا الله سبحانه وتعالى ان يحفظك وان يرزقك بالذرية الصالحة اللهم امين
السلام عليكم :انافهمت من كلامك ان زوجك مش من النوع اللى بيغير على اهل بيته ودة طبعا شئ سئ جدا هو حلو ان يكون فى ثقه بس لازم يكون فيه حرص وخوف عليكى وطبعا قرب الشخص التانى منك بكلامه الحلو والتظاهر بالاهتمام بيكى خلاكى تحسى ان زوجك بعد ومقصر معاكى تعرفى لو كنتى قولتى انك هتطلقى من زوجك كان التانى هيبعد عنك هو عايزك مع جوزك وفى نفس الوقت معاة علشان كدة هو مش خسران حاجه انتى اللى كل يوم بتخسرى جوزك وحياتك ونفسك وبتبعدى عن ربنا ونسياة ونسيتى ان كما تدين تدان ولو فى يوم عرفتى ان زوجك هو اللى بيعرف واحدة غيرك هتعملى ايه ؟ زوجك اداكى فرصه للغلط وانتى انتهزتيها ودلوقتى انتى قدامك فرصه للتوبه ياريت ماتضيعيها ومتقوليش لزوجك على حاجه وابتدى انتى صلحى الغلط دة بنفسك ابعدى خالص على الشخص دة هو او غيرة وقربى من زوجك وحاولى تغيرى عيوبه وتخافيش من الشخص دة او من اى حاجه طول مانتى معاكى ربنا (اللهم اغفر ذنوبنا وارحمنا واقبل توبتنا يارب العالمين )
لابد من مصارحة الزوج والاستغفار والتوبة وعدم فتح النت او المواقع المعروفة اللي ممكن تلقية هو او غيرة لانك بضعفك عرضة للكثير وهناك اشخاص كثيرين مستهترين ويتقنون التمثيل والكلام العذب رجاء الرجوع الي الله والتوبة وعدم محاولة فتح الباب للشيطان
اقرى فى النت عن الاستغفار للحمل وكذلك الصدقه والحمل وان شاء الله ربنا يرزقك بالذريه وتنتهى مشكله فراغك
الحقيقة بقا مش فيه احلي من الصراحة و انا شايفة انك في يوم تكوني شايفة جوزك رايق و اعصابه هادية خالص و تقوليله انا بحبك اوي و انت حياتي كلها و اناتعبانة اوي بسبب بعدكو عدماهتمامك بيا و اي ست محتاجةجوزها يخاف عليها و يقرب ليها و محتاجة تسمع كلام حب و عيطي و احكي غلطك و اقسميله انك مش بتحبي حد غيره بس مجرد احتياجك لأهتمام وصلك لكدة و قوليله انا لما حكتلك مشكلتي علي انها مشكلة صاحبتي غلط جوزها يبقا انت اكيد غلط و قصرت في حقي و انا دلوقتي بحبك انت بس و لو مش بحبك عمري ما كنت صارحتك لكن حبي ليك خلاني اقولك كل حاجة علشان تسامحني و قوليله انك محتاجة حبه وحنانه و اهتمامه و غيرته و اكيد هيسامحك احسن ما يعرف من حد تاني و حافظي علي جوزك و بيتك و جوزك اللي بيحبك بجد و جا لحد بيتك طلب ايدك و اختارك شريكة حياته لو مشغول علشان يعملك حياة افضل مش معناها انك تخونيه عالم النت عالم غريب بيشد للغلط بشكل غريب
و بالنسبة للشخص اللي عرفتيه علي النت قوليله الحب مش انانية لو بتحبني بلاش تخرب عليا حياتي و تفضحني قدام جوزي و مش ذنبي انيوثقت فيكوامنتك علي حياتي و انت من بداية معرفتنا عارف اني متجوزة فكريه بكلام ربنا وقوليله كما تدين تدان وقوليله انك حكيتي لجوزك و صارحتيه و مش خايفة من حاجة بلاش يحس انه ممكن يفضحك وقوليله انا مش عملت حاجة غلط انا رفضت حبك من البداية وكلامناكان صداقة و بالنسبة للصور هي اكيد صور عادية يعني قوليله لو ضميرك يسمحلك تفضحني بيهم اتفضل انا ربنا معايا اقوي من الكل و ازاي تسمحي لنفسك و انتي متجوزة انك تكلمي واحد كام بجد مش هلموك بسراعي جوزك مش ممكن يكون اهتمامك بالنت الزايد هو السبب في بعده عنك لو انتي علي طول بتقوليله بحبك و محتاجالك جنبي و بتفكريه بحبك عمره ما حيهملك شوفي العيب من الزوجة بيكون اكتر
لا لا حبيبتي الكلام ده غلط وميصحش
وينتحر ايه اصلا انتي تلاقيه اساسا يعرف 10 غيرك بنفس الطريقة متزعليش مني بس دي الحقيقة
ابعدي عنه تماااااااااااااااما
متدخليش علي المواقع ال بتلاقيه فيها
لو عندك علي الايميل اعمليلوا بلوك ولو ع الفيس اعمليلوا بلوك
ابعدي عنه بكل الطرق وهو مش هيقدر يوصلك اصلا تاني
اياكي تكلميه تاني او تحكيله اي حاجة عن خصوصياتك
ارجوكي خللي بالك وارجعي لزوجك واستري علي بيتك
وانتي قربي من جوزك اوي
واضح انه بيحبك وبيثق فيكي
اتدلعي عليه
خليه يدخل البيت ويشم ريحتك كلها برفيوم
البسي لبس يثيره قوليلوا انا بحبك
اقعدي معاه قعدة رومانسية
هايتلوا تورتة ومن غير مناسبة قوليلوا عايزة احتفل بحبنا انا وانت
انتي سنك صغير ويعتبر اجمل سن متضيعيش اجمل سنين عمرك في الحاجات دي ال هتنتهي لا قدر الله بخراب بيتك
ابعدي ثم ابعدي ثم ابعدي
وتوبي لربنا وادفعي صدقة تطهر نفسك وتزكيها وارجعي لربنا وهيكرمك باذن الله ويقدملك كل خيييير
ربنا يعفي عنك ويسعدك يارب ويثبتك
ربنا معاكي يارب
اختى سيبك من اوهام النت والكلام الفارغ ده اولا اقطعى علاقتك نهائيا بهذا الرجل ومتخفيش مش هينتحر ولا هيقدر يعملك اى حاجه استعينى بالله على كل همومك وقبل كل شىء استحلفك بالله استحلفك بالله استحلفك بالله تقومى الان تتوضاى وتصلى ركعتين لربك وتستغفريه وانتى ساجده وقوليله اغفر لى يا رب وسامحنى استغفرك واتوب اليك ندمت ولن اعود لهذا الذنب مرة اخرى اختى فى الله كل مشكلتك ان عندك فراغ لانك معندكيش اولاد وانصحك نصيحه مجربه استغفرى ربنا يوميا كل يوم ولو حتى مائه مرة بس الزمى الاستغفال يعنى متقطعيش يوم وكمان تصدقى ولو حتى كل اسبوع بمبلغ بسيط لو حتى اثنين جنيه كل اسبوع على فقير اى مبلغ حسب استطاعتك وقدرتك الماديه وداخل عليكى شهر رمضان شهر المغفرة استغفرى فيه ليل نهار وتصدقى وان شاء الله ربنا يكرمك بالذريه واقرى كتب ومحاضرات عن فوائد الاستغفار والاستغفار والحمل وسترى قصص من حملوا بعد الاستغفار ولا تنسينى من الدعاء
اولا العيب على زوجك اللى سمحلك تتكلمى على الشات وكمان قدامه وعلشان كده ربنا عطاله جزاءه لان زوجك ديوث متزعليش هى دى الحقيقه ثانيا انتى طبعا غلطانه لان لو حتى زوجك ديوث وفيه كل العبر واجب عليكى كامراه مسلمه انك متعمليش علاقه مع اى شخص على النت بحجه الصداقه لان مفيش حاجه اسمها صداقه بين رجل وامراه وانتى لو غرضك شريف كنتى عملتى علاقه صداقه بينك وبين امراه مثلك اشمعنى الصداقه مبتحلاش غير مع الرجال ؟ ثالثا الشخص اللى عملتى معاه العلاقه وبتقولى عليه متدين لو هو فعلا متدين مكنش عمل معاكى علاقه من البدايه واتكلم معاكى كلام غرام وهو عارف انك متزوجه حتى لو مش متزوجه بردوا حرام فعلا هو بيمثل عليكى
أما ألقي اللوم على جوزك الذي سمح لك بالدردشة على النات ربما لأنه يثق فيك ثقه عمياء لكنه لا يعي أن النساء ضعيفات عاطفيا هذا من جهة ومن جهة أخرى أنت تتحملين الذنب وحدك لأنك بتخوني جوزك وأنت امرأة لا تعرفين كيف تحافظين على كرامتك وشرفك وثقة زوجك والله عجيب ومحزن جدا امرأة تترك زوجها بجانبها مخدوعا وتتغزل على واحد بعيد عنها كل البعد ولا تعرف حتى أصله وفصله ونيته وهذا الشخص لا يتحمل المسؤولية بتاتا لأنه وجدك سهلة خاصة أنك حكيت أمور وحشة عن جوزك وأطلعتيه على ظروفك وخصوصياتك وعلى صورك يعني هو درسك وعارف نقطة ضعفك فاستغلك واستدرجك من كلامه عن الدين حتى تؤمني فيه ثم الشفقة عليك حتى تصارحينه ثم مراوغتك عاطفيا حتى يضعفك ثم الإيقاع بك ثم نيل الشفقة منك عليه حتى لا تتركيه ثم تهديدك طبعا حتى تخاف منه ولا تفارقيه وأنت كان ليك دور كبير في كل هذا.
المرأة الفاضلة والشريفة تفعل المستحيل وتضحي حتى تجعل حياتها الزوجية مليئة بالحب والسعادة والبركة وليس سلوك الطريق الحرام والانحياز إلى الشبهات يا أختي أنا أنصحك بالابتعاد عن النات وخاصة الدردشة وأتقي الله في زوجك والله لو يعلم ما فعلت حتما سيطلقك لأنك لا تعرفين رد فعل الزوج في مثل هذه الأمور وربما سيقتلك لا قدر الهل غضبا وتكون أنت الخاسرة الوحيدة لأنك حطمت بيتك بيدك وخربتيه وتكونين أضحوكة على ألسنة الناس ، أنا عارف أن الفراغ نقمة له دور في هذا بس يا أختي حاولي ملأ الفراغ بما يرضي الله ويصون شرف زوجك وشرفك اقرأ القرآن والكتب المفيدة تعلمي حرفة كالخياطة وما شابه حاولي أن تخرج مع زوجك لتسلية وتتنزهين اعمل حفلات صغيرة وأعزم الأحباء، كما يجب أن لا تقنط من رحمة الله وتفاءل خيرا وادعيه أنت وزوجك حتى يرزقكم بذرية صالحة وان لم يكن قما بتربية طفل من العائلة أو بالتبني والله غفور رحيم استغفر ربك عما فعلت ودعيه سيستجيب لك إنشاء الله
هو مش بيحبك وكل ده تمثيل فى تمثيل والله والله وعن تجارب حصلت قدام عينى هقوللك انتى بتعملى ذنب كبير ابعدى عن الشات دا خالص واتقربى اولا من ربك واطلبى منو التوبه واتقربى من جوزك لانك كدا يعتبر خونتيه وربنا يسامحك ويغفرلك ويبعد عن الانسان ده لانو شيطان والله وانى مش حاسه الحب حاجه تانيه خالص مش خيانه وتهديد انا اسفه من كلامى بس انا زعلانه عليكى والاكتر على جوزك وربنا يتوب عليكى
ده نصاب ومش بيحبك ده واحد فاجل عنة فراغ عاطفي وانتي ضعيفة جدااا النصيحة الان هي انك تعمليلو بلوك ودليت من كل حاجة عندك ولو واخد رقم موبايلك غيره وانسي الموضوع ده ممكن ربنا يغفرلك علي اساس انها اول مرة التانيه فيها فضايح علطول.
وافتكري انك بتخوني زوجك الزي منحك الثقة وابوكي الزي يراهن علي تربيتك وعليكي بالاستغفار المستمر.
كل زوجة تخطئ تحاول اقناع نفسها واقناعنا أن زوجها هو السبب , مع أن كلامك عن زوجك يدل على شخصية مهذبة رغم أنه غير غيور وهذا ربما هو العيب
من السهل أن نعلق أخطأنا على شماعة غيرنا وأن نحاول أن نجد لأنفسنا المبررات التي قد ترضينا وترضي باقي الناس
لكن هل عندك مبررات ترضي ربك , هل تستطيعي أن تقنعي ربك أن زوجك هو السبب
نسأل الله لك ولنا الهداية وأن يغفر لنا ذنوبنا ويثبتنا وإياك على الحق
بسم الله الرحمن الرحيم اتق الله وابتعدى عنه هو لا يحبك لكنه يرغب فقط فى ان ينال منك لا يوجد فى قاموس الحبيب على وعلى اعدائى هذا الانسان اقصد هذا الحيوان لا يهمه سوى ان ينال منك فهو يعلم انك متزوجة فكيف يصارحك بما يدعيه انه حب هذا شيطان لا يحبك ولا يفكر الا فى كيفية النيل منك وان التى اعطيتنه الحق فى هذا التفكير لانى اعلم فيما تحدثم وكنتم تتحدثون وما كان ينبغى التحدث مع ايا كان عما يدور بينك وبين زوجك من امور على السرير ابتعدى عنه سيدمرك ان وافقتيه