انا متزوج ونفسى أشاوركم فى شئ وهو فى أنى لهوف على الحديث مع البنات او السيدات عن طريق النت ودائما ابحث عن مواقع على النت لاشبع هذه الرغبة وايضا بفكر كثير فى أننى اتزوج زوجة ثانية لكى اشبع الرغبة دى وخايف على زعل زوجتى لأنى أيضا بحبها وهى صاحبة فضل على وفى نفس الوقت لايوجد معى مال كثير فى اننى اخطى الخطوة دى وبدعى كثير ان ربنا يهدينى وابعد عن الأشياء دى ولكن مش قادر ومش عارف اعمل إية وانا بستكمل دراستى فى الحصول على الدكتوراة فى الزراعة لدرجة اننى فكرت ان اروح لطبيب نفسى ومش عارف اعمل إية
مشاكل الزواج الثاني
افكر بالزواج الثاني وخايف على زعل زوجتي
اضيف بتاريخ: Wednesday, December 1st, 2010 في 06:29
كلمات مشاكل وحلول: البنات, الزواج, الزواج الثاني, الزوجة الثانية, السيدات, النت, زوجة, متزوج, مشاكل, مشاكل زوجية, مشاكل وحلول, موقع
انت فعلا بحاجة لطبيب نفسي اتقي الله في زوجتك واولادك وراعي ربنا فيهم واقلع عن المحرمات والمعاصي وتوب لربك منها وسوف ترى رضا ربنا عليك وتوفيقه لك طوال حياتك
يااخي الفاضل اذاكنت سعيد ومرتاح نفسياوجنسيا مع زوجتك فلم التفكير في الزواج عليها وخصوصا انهاماقصرت معك وتقوم بكل واجباتهاالزوجية لك اذا فالخلل فيك انت اتقي الله في نفسك وفي زوجتك واولادك واحذرمن غضب الله عليك ونظرك للبنات والنساءفي النت اوفي الشارع ده يوقعك في المحرمات والرذيلة استعذبالله من الشيطان الرجيم واترك عنك ماانت فيه من الانغماس في الشهوات والمحرمات واحسن لزوجتك ام ولادك تلاقي الخيروالرزق والسعادةفي حياتك
يا استازة نهلة كلامك جميل بس لما الراجل بيدور علي الزواج الراجل العادي العاقل يبقي اكيد عندة مشكلة واهم شيء التانية تكون هية الحل فعلا مش تكون هية كمان مشكلة
يا اخي الزواج مش عيب ولا حرام وان حل مشكلتك لا ترضي بعض النساء وانا اعرف بدام انت فكرت ف الزواج الثاني فهزا لا يخرج من عقلك حتي لو قفلت النت ولكن عندما تشاهد اي انثي تجزبك تريد ان تتزوج وهكزا اسئلني انا مجرب الموضوع مش ف النت انا عندي محل اكسسوار حريمي وانا ملتزم ف ديني فانا مفتون واسافر ف دول مختلفة ف شغل ولا ينفع الحرام وامراتي كويسة بنسبة80 ف المية ازا عزمت فتوكل علي اللة اهم شيء تري اللة امامك في كل وقت اي العدل والاختيار الجيد حتي لا يشمت فيك احد وربنا يوفقك
باسم الله الرحمان الرحيم
أخي الفاضل
أولا يجب أن تتوب إلى الله و تترك الشات مع البنات بصفة عامة،
و نصيحتي لك أن لا تفكر في الزواج للمرة الثانية إلاّ إذا التزمت و تبت توبة نصوح، يعني تتجنب كل ما لا يرضي الله، عندها إذا خشيت الفتنة فيحق لك أن تتزوج للمرة الثانية حتى تتوفق بإذن الله من غدّ بصرك على بلاوي بنات اليوم، ولكن حاول أن تقنع زوجتك كي لا تتطلب الطلاق، لأنك إذا ضيعت زوجتك الأولى، كن على يقين بأنّك ستقع في نفس المشكلة مع الثانية،الحلّ هو أن تحصل على زوجتان. فالهدف يا أخي من الزواج الثاني هو أن تشبع رغبتك كي تتغلّب على الفتنة وترضي الله، تقرّب إلى الله عزّ و جلّ بالنوافل و تلاوة القرآن في الفجر و المواضبة على الصّلاة في وقتها و حاول ما استطعت أن تكون في المسجد لعلّ الله تعالى يجعل لك مخرجا أو يهدي زوجتك و تقتنع بزواجك الثاني،
إن الله يعلم ما في السّرّ و النجوى وهو مدبّر أمورونا، و سييسّر لك ان
شاء الله زواجك الثاني ان كان بنية حسنة
و السّلام عليكم و رحمة الله
اخي المسالة ليست قضية رغبتك في زواج الثاني فانت مدمن على الكلام مع البنات وكن اكيدا حتي لو تزوجت عشرة نساء سيبقى الامر على حاله فنصيحتي لك اذهب لطبيب وعالج هذالاذمان
اولا التشريع عندو أبعاد اكثر من أبعاد ما حلل الله وما حرم ًً، بعدين صحيح الرسول عليه الصلاة والسلام تزوج من تسع نساء ولكن اذا لاحظنا ظروف كل زواج وحالته نجد انو يمثل حاله من حالات اللتي من الممكن انو تصدف المؤمن في حياته يعني تزوج من الارمله وتزوج من الصغيرة وتزوج من الكبيرة وتزوج من القبطية…..الخ وهذا من اجل ابتغاء اتباع سنته عليه الصلاةوالسلام في كل حاله يعنيمن غير المعقول ان تتزوج ٩ نسال كما تزوجالرسول الكريم ص لان الله عز وجل لم يحل لك اكثرمن اربع… هاذا بالنسبه لتعدد زواج الرسول وهو اللذي حثنا علىاتباع سنته لتصحيح مسار حياتنا…. اما من ناحيتك انت كانسان مسلم اردت الزواج لمرة ثانية ، بالطبع ليس محرما ولا نستطيع تحريم ما حلله المولى عز و جل لكن فلنأخذ بالأسباب ولاتنسى انك مسؤول امام أولادك وأما زوجتك الاولى وعندما قال الله عز وجل على ان تعدلو واشترط العدل فهو بذلك انصف زوجتك الاولى انصافا إلاهيا وبتدبير رباني لانه يعلم سريرة كل امرأه وهذا جواب لكل امرأه تساءلت لماذا المولى حلل للرجل اربعه اهو تفضيل ؟ لا اانما التشريع قائم على العدل لكلا الطرفين والعدل ياسيدي ليس فقط بالماكل والملبس او حتى العدل الجسدي وانما العدل النفسي أيضاً فإذا استطعت ان تحقق الشرط فتزوج وهذا خير لك من مغبة الوقوع فيمالايرضي الله عز وجل مع مراعتك لاطفالك وما قد يسببه زواجك هذا لهم من تاثيرات نفسية فلا تنسى انك مسؤل منهم… واذا شعرت انك لن تستطيع تحقيق الشرط فحري بك المحاوله في التقرب من زوجتك والابتعاد عن النت والتقرب من المولى عز وجل لعل ذلك يهدئ سريرتك ويطمئن قلبك… اسأل الله الخير لك والهداية لما فيه خيرك وخير اهلك ولكل ابناء المسلمين
اذا تكلمنا شرعا فزواجك الثاني حلال والثالث والرابع لاكن اذا جينا نتكلم في الواقع فهاذي انانية منك اذا انت تحب زوجتك وهي صاحبة فضل عليك فانت ناكر للجميل وبما انك بتحب تتكلم مع البنات والسيدات كن على يقين انك حتى لو معك فلوس وحتى لو تزوجت ثاني ما راح تملأ هذا الفزاغ اللي عندك وما راح توقف رغبةالشات على النت مع بنات ثاني لانك قلت انت تتكلم مع بنات وسيدات على النت مو مع بنت او سيدة واحدة على وجه الخصوص
ليه ما تحط مكانك فمكان زوجتك ايش راح يكون احساسك اذا اتزوجت عليك ؟؟؟
انا بصراحة ما اقدر اشوف زوجي متزوج وحدة ثانية والله اتجنن ما اقدر اشوفه حتى يناظر ولا يتكلم مع غيري كيف لما اشوفه متزوج وحدة وبايت عندها ونايم معاها اوووووووووف
وربي ما ارضاها على نفسي ولا على غيري اول ما يجيني خبر زي كذة اطلب الطلاق ولو رفض ارفع عليه قضية واجرجرو في المحاكم قال يتزوج عليا ثاني قال
وللعلم ترا ما الوم الزوجة الثانية ابدا ولا اشوفها شريرة ولا خطافة رجال ولا خرابة بيوت ولا مشردة اطفال كل الالقاب دي حرام تنقال على بنت الناس ايا كانت الخطأ والعيب من الزوج مو من الزوجة الثانية الزوج هو اللي راح عندها مو هي اللي جاته هو اللي قرر يتزوجها مو هي اللي غصبته
الكلام هذا للعموم اما بالنسبة لصاحب المشكلة فأقوله اهجد واتستريح ترا ربنا قال (ولن تستطيعو العدل بين النساء ولو حرصتم )
الزواج الثاني شرعا حلال وموجود بالقرآن والنبي متزوج من تسع نساء فهل هذا يعني ان احدى نسائه كان بيها عيب معين (وحاشى لله) بالتاكيد لا…هو حق منحه الله للرجل ولم يمنحه للمرأة حفاظا على نقاء النسب والذرية ..فلماذا لان اصبح الزواج الثاني مشكله وأهانه لاتتغتفر ودائما الزوجه الثانية هي المرأة الشريرة التي تخطف الرجل من عياله وتهدم بيته ودمر زواجه هذه الفكرة منتشرة في كل الافلام والمسلسلات والبرامج التلفزيونية وحتى مواقع النت لماذا نحرم حلال الله ونحارب النساء المتزوجات زواج ثاني بسبب ظروفهن اليس الزواج الثاني أفضل من الفساد والانحراف المنتشر حاليا بالشارع العربي…أتقوا الله يابنات حواء ممكن وحده منكن تكون أرملة او مطلقة وبعدها راح تحس بأنها بحاجه الى رجل يحافظ عليها حتى لو كان متزوج…….مع التقدير
والله انا مكنتش عايز اتكلم فى النقطة دى ولكن كلام الاخت نهله غير رغبتى ولكن عذرا لكل السيدات بالموقع قد يكون كلامى غير مرضى لكم
قال الله الله تعالى فى كتابة العزيز (انكحوا ما طاب لكم من النساء) اى يحق للرجل ان يتزوج زواج اتانى او تالت او رابع بمجرد ان تطيب لنفسة امرأة ولا يشترط ان يكون يحل مشكله كما قالت الاخت ومن الممكن ان تكون الزوجه الاولى على خلق ودين ومش مخليه جوزها عايز حاجه وهوا عايز يتجوز احل الله له ذلك ومن لدية مجرد تفكير وغير هذا الكلام فليعلم بأنه عنده خلل فى عقيدته وقال الله (مثنى وثلاث ورباع) اى ان الاصل فى الزوج التعدد فلم تذكر الاية الزوجه الاولى فقط بل اول النكاح مثنى والاثتثناء ان يرضى الرجل بزوجه واحده وقال الله (وان خفتم الا تعدلوا فواحده) وهنا اتى الشرط ان الرجل الذى يخاف الايعدل فعلية ان يتزوج امرأه واحد وهذا هوا الاشتثناء يبقى الراجل يتجوز ست واحده بس فى حالة ان هوا خايف انه ميعدلش وقال الله (ولن تعدلوا ) فهو سبحانه وتعالى ادرى بنفوس البشر واعلم بالنا لانستطيع ان نعدل وبالرغم من ذلك اقر لنا التعدد ولم يحرمه وذلك بدون ادنى مشاكل مش لازم انا علشان اخد قرار اتجوز تانى تكون زوجتى فيها عيب او انا عندى مشكله لا انا زوجتى مفيهاش عيب ومفيش بينا مشاكل وانا عايز اتجوز ايه المشكلة فى كده ممكن اكون قدرتى الجنسية اعلى منها وعايز اعف نفسى وممكن اكون شايف فيها عيب معين اخاف اقولهولها واكسرها ادامى فلما تسألنى انا عيبى اية علشان تتجوز عليا اقولها مفكيش عيوب وانا عايز اتجوز ده طبعا بالنسبة لما ورد فى القران اما عن النبى صلى الله علية وسلم فكان معددا للازواج وعلينا ان نأتسى به اما بقى بالنسبه لحياتنا فمعظم الدول الاسلامية مرت بحروب وكان عدد الشهداء فيها من الرجال فبالتالى زاد عدد النساء واصبح تقريبا اكثر من ضعف عدد الرجاله ولكن كل واحده ست عاوزة جوزها ليها ومحدش يقسمها فيه بالرغم انها كانت ممكن تكون من العوانس ومتتجوزش خالص وفى الحاله دى عادى جدا بتقبل انها تكون زوجه تانية وكمان الست اللى زى الفريك مبتحبش شريك كام واحده ست كانت بتقول لجوزها مش هعيش معاك وانت متجوز واحده تانية وبيحصل ان الزوج يموت لاى سبب ما حادث مثلا وبتزعل علية شوية وبعدين تفكر فى مصلحتها ومصلحة ولادها وتروح ترضى انها تكون زوجه تانية وكما مش مع الراجل اللى بتحبة وعاشت معاه بتعيش بس مع راجل تانى علشان يصرف عليها هيه وعيالها اللى عاوز يتكلم يبص للموضوع بكل ابعاده عذرا مش يفتى وخلاص
يا اخي اتقي الله من التحدث الي النساء في النت وسوفا تستقر حالتك النفسيه وستجد ان زوجتك كافيه لك ثم ان اهل العلم بينو شروط لمن اراد التعدد وهو القدره علي العدل والاستطاعه الجسديه والاستطاعه الماليه وانتلاتسطيع ماديا كما بينت وكذالك اشك ان تنجح في العدل لانك تراعي زوجتك كثيرا وخايف علب زعلها وهذا الامر لو تزوجت معناه انك سوف تجى علي زوجتك الثانيه. نصحتي اصبر وزوجتك فيها البركه انشاء الله.
أسم بالله العظيم أن تعدد الزوجات ما هو حرام ومش علشان الست مش بتحب كدا يبئا تحرم على كيفها الزواج الثانى والثالث والرابع ليس حراما ولا مكروها ولا يشترط مرض الزوجة أو عدم تقصيرها وإللى عايز يعرف يسمع خطب الشيخ أبو إسحاق الحوينى بعنوان تعدد الزوجات جنة من البغاء و قوة للأمة ويقرأ كتب التعدد الدينية مش يفتى وخلاص هو ربنا يقول أنكحوا ماطاب لكم من النساء وثنى وثلاث ورباع واحنا نقول حرام ما دام يشرط العدل أو الإتهاد فى العدل وفيها أيها يعنى يستر واحدة مسلمة أو أرملة فلا تمنعو الخير
كلام نهلة جامد جدا وعندها حق مليون مرة لو اقولك احساس الست اية لما تعرف ان جوزها بس عرف واحدة عليها مش رايح يتجوزها بيبقى اية احساس مفيش اى مخلوق يتحملو
ربنا فعلا حلل الزواج مثنى وثلاث ورباع بس دة لو الزوجة الاولى عندها مرض او استحالة العيشة معاها انما حضراتك بتقول بتحبها وخايف على مشاعرها وزعلها
بس الحقيقة المعطلك مش حبك ليها وخوفك على مشاعرها ال معطلك انك مش معاك فلوس كفاية
لانك لو بتحبها وبتخاف على زعلها مش هتفكر فى المبدأ نفسو
تخيل لو كانت الأية معكوسة وربنا سبحانة وتعالى محلل لينا احنا الجواز اكتر من مرة تخيل احساسك سعتها هيكون اية
دة الراجل لما بشوف بس واحد بص لمراتو بيقى نفسو يولع فى الدنيا
لية انت انانى كدة ومش انت بس دة 99 فى المية من الرجالة كدة لية عاوزين ترضو نفسكو بس على حساب زوجاتكو هو احنا مش بشر زيكو
ربنا يهديكو يارب والحمد لله فى رجالة بتتقى ربنا انا امى متوفية من 6 سنين وبابا لحد الان مش اتجوز لدرجة انى بقيت اتحايل علية انو يتجوز وهو مش راضى قالى عشانك انتى
لية مش تحاول تبقى زيو وكمان انت معاك افضيلة مراتك جنبك وبتساعدك وبتحبك
ولو بعد كل كلامنا دة مش عجبك ومصمم على الزواج لازم تقول لزوجتك الاول وهى ليها الحق انها تقرر وربنا يكون فى عونها وسورى على ردى بس انا اضايقت جدا لانى حطيت نفسى مكان زوجتك
ياريت بقى الازواج يحسوا بزوجاتهم شوية ويراعوا مشاعرهم وكفاية انانية ده انت بتقول فضلها عليك ارحمها وانا معاكى يا سماح
كلكم كدا يارجال المراه عندكم لاشئ في لحظه ممكن تتنكروا لها وتريدوا ان تتزوجوا عليها مو حرام عليك مشاعر زوجتك وانتم كدا مش لاقيين تاكلوا وبدكم تزوجوا حرام والله عليكوا ربنا ينتقم منكم
اعزائي
الكثير يبدأ (اتق الله ياراجل) او ( الاستخفاف)
الرجل يؤيد حل ياجماعه مايريد نصح ووعظ .
اتحملوني اخواني لكم الحب والتقدير وانا واحد منكم.
::عزيزي
ليس كلامي السابق هو تأييد لك ابد لم اقصد هذا ولم اوافقك ماتعمل لأنك من داخل نفسك انت غير موافق على هذا العمل لذلك اشتكيت الحال وتريد الحل .
::اولا الرجل هو سياسي بالدرجه الأولى في حياته الزوجيه وهناك سياسيين ناجحين في العالم كم رئيس دوله تجنب حرب اوشكت على الانفجار وكم رئيس خاضها واتت على الأخضر واليابس . وكم رئيس دوله تتخطفه الأيدي ومشيها بالعافيه . حرك الحس السياسي لديك .
:: ثانيا : اسأل نفسك ماذا تريد من البنات والسيدات ؟
اذا عرفت الجواب ابحث عنه مع زوجتك واستخرجه منه وغالبا تجده عندها وتستطيع ان تحققه لك .وان لم تجده وهذا طبيعي جدا ابحث عنه مع امرأه اخرى بالحلال واستعمل الحس السياسي بان تخرج كاسب اولا وه المحافظه على زوجتك الأولى .
” هناك دورات تقام عن كيفة ادارة تعدد الزوجات . وعلى ما أذكر انه يقدمها الأستاذ/ العندس .
السلام عليكم ورحمة الله وبركاته يا أخى اتقى الله فى زوجتك وأحسن معاملتك لها تحسن معاملتها معك وكون على علم إن الله رزقك زوجة صالحة تحبك وانت كمان تحبها كل إنسان يتمنى ذلك فلا تكسر بخاطرها مش معنى إن الله أعطاك حق تعدد الزوجات إنك تتزوج دون أى عذر ولا تنسى إن الله سبحانه وتعالى عندما أعطاك الحق فى التعدد شرط عليك أن تعدل بينهم وانت بتقول إنها صاحبة فضل عليك والفضل أولاً وأخيراً لله تعالى فلا ترد الحسنة بالسئية ولا ده رد المعروف عندك.. إنما لو كانت زوجتك مقصرة فى حقك فلا مانع من زواجك مرة ثانية بعد أن تصارحها وهى واحدها صاحبة القرار الأول والأخير فى الموضوع ده إذا كانت تقبل هذا الأمر أم لا اتقى الله وربنا يصلح حالك انت وكل المسلمين اللهم أمين
يعني مش معاك فلوس وبتخونها علي النت وليها فضل عليك وعايز تتجوز عليها هذا شرع الله !!!!!!والي مسافر وسايب مراته وعياله عايز يتجوز مش كفايه مستحملاك وعايشة بدون رجل فمن الشرع ايضا تتطلق وتتجوز يعني بتحلله لنفسك وتحرمه لغيرك
الي يقول التعدد شرع الله طب الطلاق ايضا شرع الله يعني الواحد يطلق باي سبب ومزاجه للاسف الناس اباحوا التعدد مع انه مكروه في الاسلام لان الله في اياته يكره الرجل في التعدد قال تعالي وان خفتم الا تقسطوا في اليتامي فانكحوا —- فلابد ان ناخذ الايه كاملة اي يتزوج الرجل من نساء لديهم ايتام ولا بد العدل ثم اتت ايه قال تعالي ولن تستطيعوا ان تعدلوا بين النساء ولو حرصتم اي مش فيه عدل وبعدين رغبة المراة الجنسية مثل رغبة الرجل واعجاب المراة بالرجال مثل اعجاب الرجال بالنساء بس الرجل يظهر والمراة تخفي وكلنا يعرف مقولة يتمنعن وهن الراغبات فلماذا الله يميز الرجل عن المراة
ايه الرجالة اللي بتحب نفسها دي يعني صاحبة فضل عليك وعايز تتجوز عليها وبتخونها علي النت وكمان مش معاك فلوس ولا الي مسافر وسايب مراته وولاده مش كمان سايبها ومستحملاك وكمان عايز تتجوز في شرع مين ده وداين تدان
اولا احب اقولك يا ابن الحلال ان الزواج مرة تانية مش حرام ولكن بشرط ان تعدل بينهما ثانيا اللى انت بتعملة على النت دة من كلام بنات او امور مثل ذلك هو اللى حرام يعنى انت بتعمل الشئ الحرام وفكرة بسيط مع انه حرام وخايف تعمل الحلال اللى هو الزواج عشان خاطر مراتك خائف على زعل مراتك ومش خائف من زعل ربنا وانت بتعمل الحرام وعلى فكرة انا مش باقولك روح اتجوز لان مش هتعرف تعدل بينهما ولكنى حبيت اوضح امور ممكن تكون غايبة عنك مادام معاك زوجتك وبتحبك وبتحفظك وبتخاف عليك لا تفعل شئ يغضبها ويغضبك ربك اولا بالكلام مع البنات اللى اصلا مالوش لزوم
بص يا اخى الشرع حلل لك الزواج 4 مرات حت يبعدك عن اى حرام ودة كرم من ربنا عز وجل ومادام زوجتك مقصرة فى حققك يبقى لازم تتجوز علشان ما تغضبش ربنا واولاد الحلال كتير ولو خفت على زعلها مش خايف على زعل ربنا يصلح لك الحال
انا ياعم الحاج زيك بالظبط نفسى اجوز ثانى وخاييف على زعل مراتى بس الحمدالله انا صاحب الفضل عليهاولو ان الفضل كله لله لان الله هو الذى من علينا جميعا لكن نفسى فانا اعمل فى بلد وزوجتى واولادى فى بلد ثانى يعنى ممكن بسهوله ان شاء الله
يأخى اتقى الله ولا تنفرد بشيطان القرن ال20 النت
هههههه والله العظيم . داين تدان ولو بعد حين
وفكر فى الخير اللى فى زوجتك وفكر فى الدنيا اسف المحطة اللى هنسبها ورايحين لرب كريم
فأن لم تستحى فأفعل ماشئت
اتقى الله اتقى بالله عليك اتقى الله فى زوجتك واولادك وفى نفسك وابعد عن شيطان القرن العشرين
انا زيك اعانى كثيرامن هذه المشكلة
أرضي الرب تجد محبة العبد أرضي ربك في زوجتك تجد محبة الله لك ولها وأنها تعطيك كل ما تحتاج إليه وبالبدي هو حد ناقص هم علي هم نكد وشجار ومضيقات وغيرة طول العمر ربنا يبعدك عن كل ده
نفسى اعرف اللى بيفتى ان الزواج الثانى لا عيب و لا حرام على المطلق بيفتى على اساس ايه ؟!!ليه البعض بياخد من الحكم الشرعى الجزء اللى يهمه و يترك باقى الأجزاء ؟
الزواج الثانى ان مكنش علاج لمشكلة يبقى هو نفسه مشكلة,ولا عقل و لا منطق يقول ان ربنا اعطى الحق للرجل بالزواج الثانى كمجرد ميزة يستغلها لمتعته الذاتية ويستخدمها حيثما شاء و بلا مناقشة ,والا ساعتها يبقى هنا ربنا “ما عاز الله” بيفضل جنس على جنس ,وهو ما ينافى تماما ما اقره الله عن نفسه .
الأخ صاحب المشكلة بيستخدم اساليب تثير الشهوة لا تخمدها ,اى انه لم يلجأ للعلاج بل لجأ للداء نفسه .
هل اذا غض بصره و حفظ نفسه من كل المثيرات ,مع التمتع مع الزوجة و اعطائها حقوقها العاطفية و كامل طاقته الجنسية ,حتفضل عنده الرغبة المتأججة؟
لا اعتقد ,لكن لانه بدد طاقته و تفكيره فى هذه و ذاك ,اصبح لا يجد المتعة فى امراته ,ولن يجد المتعة فى الحلال طالما انه استحل الحرام.
نيجى لجزئية القدرة المادية ,سؤال هو الزواج يتوقف فقط على القدرة المادية ؟ يعنى لو راجل فقير يبقى يتجوز واحدة ولو غنى يتجوز اكتر من واحدة ؟داحنا هنا برضه بنقول ان ربنا اعطى امتياز للغنى عن الفقير ,وده كلام طبعا مش حقيقى ,الزواج يتوقف على عوامل كتيييير منها المادية وليس اهمها وليس اساسها .
الزواج هو تأسيس اسرة ,سواء كان زواج تانى او تالت او رابع ,انما الزواج فقط لغرض شهوانى و اللى معاه فلوس يتفضل واللى معوش خلاص ,ده شىء اشبه بالبغاء المقنن .
لازم يوم ما يكون عندك غرض الزواج تعلم تماما ان هذه المرأة حتكون زوجة مش عشيقة ,يعنى ليها عندك حقوق كتيييييير ,فى وقتك و مالك و اهتمامك بيها ,و ليها طبعا ان يكون لها منك اولاد وانك تهتم بيهم زى ما بتهتم باولادك التانيين .
طبعا كدة المسألة اتعقدت ,بعد ما كان كل راجل فاكر انه حيدفع فلوس و حياخد متعة و حيتقله كمان مبروك عليك انت مبتعملش حاجة حرام !!
بس ده هو الشرع اذا كان يهمك ,وده اللى يخلى كل الأطراف مرضيين ,اصل الشرع مش بيتحط لمصلحة شخص واحد ,ده لازم يكون فى مصلحة الجميع ,منهم حتى الزوجة الأولى ,يعنى الزوجة الأولى لازم تبقى عارفة وتبقى فى ايدها القرار اذا كانت تكمل معك على هذا الحال ام تفترق عنك بالمعروف ,وساعة ما حتكمل حيكون ده باختيارها فمش حتكون زعلانة ,لكن عشان الزوجة توافق فى الاستمرار على هذا الحال من الاساس لازم تكون اسبابك مقنعة ,اصل صعب تقول لواحدة انا رايح اتجوز و حتعيشى مع نص زوج (بينما انتى لازم تكونيلى الزوجة الكامل),وده لانى انسان شهوانى ,و بالنسبة لتضحياتك فأنا معترف بيها “لفظا” اما “فعلا”معرفش اعملك ايه ,اضحى انا كمان عشانك واتحرم من بعض الاوقات الاضافية فى الفراش؟لأ صعب ,شوفى حل تانى ,اى حل غير انى آجى على نفسى ,لان المهم نفسى,والشرع والناس كلهم فى صفى ,اما انتى لازم توافقى والا حتخشى النار ,فايه رأيك ,شفتى ازاى انا ديمقراطى ؟
اولا تفصل النت او تضع جهاز الكمبيوتر في مكان امام عيون من بجانبك اذا كان يصعب عليك فصل النت للدراسة
ثانيا قم بتجديد حياتك مع زوجتك والحمد لله انت تعترف لها بالجميل والاخلاق وهذا قليل في هذا الزمان وهذا يدل علي اخلاقك
ثالثا ان كنت ما زلت تفكر في الزواج فهذا ليس عيبا ولا حرام ولكن حاول اقناع زوجتك وتفهيمها وان تبسط لها الامر ولو قليلا ثم بعد ذلك تزوج مع حسن اختيار الزوجة وبالتوفيق ان شاء الله
جدد في حياتك الزوجية واصنع من زوجتك المراءة التي تحب
زواجك الذي تفكر فيه عملية هروب مستحيلة لانك كما تقول ماديا ما مستعد
لا تلعب ببنات الناس علي النت فكما تدين تدان
ربنا يوفقك
السلام عليكم
من الواضح يادكتور حضرتك مراهق فى سن الكبر اتقى الله فى زوجتك واولادك وافصل النت خالص