احب زوجتي جدا وعشره عشر سنوات وتفهمني وافهما جيدا وكل شئ طبيعي مثل اي زواج ناجح ولاكن عندي مشكله توءرقني منذ تقريبا سنتين وهيا انني حاسس اني محتاج طفل بمعني نفسي في طفل فبعض الاصدقاء نصحوني بعدم الزواج مره اخري وبعض الاصدقاء نصحوني بالزواج الثاني من اخري مره ثانيه انا ابلغ من العمر 46 عاما وتعرفت علي بنت عمرها 20 عاما هيا تحبني وانا ايضا تقريبا مفيش مشكله يعني بنت كويسه بالنسبه ليا فهيا مطيعه و بنت عيله كويسه ومحافظه يعني تقريبا تناسبني وبتسمع ليا دائما حتي لوفي خلاف بيني وبينها بتتناذل هيا دائما وبتسمع كلامي واعرفها الان منذ حوالي سبعه شهور المشكله عندي اني عايز اتجوز من فتاة صغيره علي شان الانجاب وفي نفس الوقت خايف بعد كدي يحصل خلاف اولا فرق السن مخوفني ثانيا هيا فتاة في عمر الزهور يعني هغير عليها كتير ودي ممكن يسبب مشاكل مشعارف انا حيران جدا ومع العلم الحمد لله انا قادر الانفاق علي الزوجتين ولاكن في شئ داخلي في قلبي مخوفني مشعارف ايه هوي هل ممكن تساعدوني في مشكلتي
مشاكل الزواج الثاني
احب زوجتي لكن افكر في الزواج الثاني
اضيف بتاريخ: Tuesday, January 18th, 2011 في 10:56
كلمات مشاكل وحلول: الاصدقاء, الانجاب, الزواج, الزواج الثاني, بنت, زواج, طفل, فتاة, فرق السن, مشاكل الزواج, مشاكل الزواج الثاني, مشاكل زوجية, مشاكل زوجية
اخي الكريم تقول انك تريد تبني طفل يتيم لكي لاتخسر زوجتك بالزواج عليهامن امراةتانية ولكن لكفالةاليتيم شروط يجب ان تعلمها ومنها1-ان الطفل اليتيم لايحق لك ان تكتبه باسمك وتضيفه في دفتر العائلة لانه ليس من صلبك ومن دمك 2-انه لايرث شرعاسواءمنك اومن زوجتك لانه ابن بالتبني 3- اذاظهر احدمن اهله اواقاربه فمن حقهم الشرعي اخذه فهم اولى به منك قال تعالى -ادعوهم لابائهم هواقسط عندالله فان لم تعلموااباهم فاخوانكم في الدين – 4- اذالم تحسن تربيته ومعاملته فعليك اثم كبير لانه يتيم وانت المسوول عنه يوم القيامة
يااخي هل انت متاكدان السبب في عدم الخلفةوالانجاب هو من زوجتك قدتكون انت مخطي قديكون العيب منك انت وليس منها فلاتظلمهاابدا وتاكد قبل الاقدام على زواج من امراةثانية باجراءالكشف الطبي عليك انت وزوجتك لكي تتاكد من الحقيقة واعلم ان الله لايرضى الظلم لعباده وقدنهانا عن الظلم فهوظلمات يوم القيامة واسال الله ان يلهمك الصواب والرشاد وان يوفقك في حياتك و يرزقك الخلف الصالح اللي تقر به عيينك
يااخي شرع الله واضح وصريح ولاغبارعليه تزوج مثنى وثلاث ورباع ولكن عليك بالعدل ومخافةالله بينهم وبماانك متزوج من 10سنوات وزوجتك لاتخلف وانت ترغب في وجودابن لك اوابنة فمن حقك الزواج من امراة اخرى تحقق لك هذي الرغبة ولكن عليك بحسن الاختيار للزوجةمن دين وخلق وربنايسعدك ويوفقك ويكرمك بالولدالصالح اوالابنةالصالحة قي الحياة
حسـافه لا تتجوز وحده ثاني وانت تحب زوجتك
ياخي بماان زوجتك مابتخلف ابداوانت نفسك في عيل يشيل اسمك فمن حقك الشرعي زواج من وحدة تانية بس اتقي الله في مراتك الاولى العدل مطلوب والله سوف يحاسبك ذاانت ماعدلتش بينهما فكر في المسالةدي قبل الاقدام على شي
بسم الله الرحمن الرحيم :فانكحوا ما طاب لكم من النساء مثنى وثلاث ورباع فان خفتم الا تعدلوا فواحدة او ما ملكت ايمانكم .صدق الله
هذا شرع الله فاي شرع غيره تختار
سبحان الله! البعض يعتبر مجرد التفكير في الزواج من ثانية وكأنه جريمة!!
لماذا غرس في عقول البعض الإعلام أن الزواج من ثانية غدر وخيانة ؟ أليس هو أمر أحله الله ؟
لكن انتبهوا الله سبحانه أحل الزواج من ثانية بشرط العدل .. هذا أمر أما بالنسبة للمجتمع .. إذا كان هناك رجل قد تزوج وتبين أن زوجته عقيم لا تنجب فما الحل ؟ أليس من حقه الزواج بأخرى ؟
وإذا كانت دولة مثلا عدد إناثها أكبر من عدد شبابها أليس الحل هو إباحة تعدد الزوجات ؟
كما حصل في ألمانيا بعد الحرب العالمية الثانية والتي ذهب فيها ملايين الشباب الألمان فخرجت مظاهرة نسائية تطالب بالسماح بتعدد الزوجات ..
مهما فعلوا لن يجدوا أفضل من شرع الله سبحانه ..
سلام انا انصحك لاتتزوج لانك تحبها والحب احلى مافي الوجود واذا زوجتك راضية تماما انك تتزوج خلاص تزوج وبشرط انك تعدل بينهم وبالتووووفيق &&
افضل حل هو ما توصل اليه صاحب المشكلة ” كفاله يتيم ” هنيئا لك مرافقة النبى صلى الله عليه وسلم فى الجنه .
انا احب اقول للك اخى الاكبر ان الله جعل كل شى بميعاد انت تعلم ان الله يعلم مابك ولكن اصبر على قضاء الله واسخر ربك واطلعة على الامر وهو يعلم كيف يصرف الامور ولكن اقول لك ان ذلك الزيجة من الممكن ان تحدث خلاف ولترضى بقضاء الله على عدم الخلفة ولا انا ولاانت لانعلم اذا كنت انجبت طفلا هل سوف يريحك فى حياتك ام لا اكم من اناس لديهم اطفال ولكن يجلبون المشاكل ماعلى ان اقول لك تمتع انت وزوجتك ولتكن مشيئة الله والله الموفق
روح اجوز ودة حقك بس اجوز واحدة مناسبة فى السن ودة افضل كتير وبص لقدام بعد 10 سنين هى عندها 30 سنة وانت عندك 56 سنة يعنى هى فى عز الشباب وهيصبح بينكم مشاكل كتيرة فارجوا الجواز يناسب السن ود\ة موجود وكتير جدااااااااااااااااااااااااااا
اكيد ربنا سبحانه وتعالي جعل الزواج التاني لمثل حالتك
بس اكيد هتكسر قلب زوجتك اتكلم معاها وفهمها براحه
تاني حاجه وبجد نصيحه لوجه الله تعالي بلاش البنت الصغيره دي أولآ هي ممكن تكون مش حاسه بقرارها دلوقت ولاكن هتفوق منوا بعدين وانت نفسك هتتعب جدآآآآ هتحس بغيره طول الوقت وهتظلمها معاك وجايز هي تظلمك غصبآ عنها فيما بعد
لو عايز تتجوز لهدف الأنجاب ولسه بتحب زوجتك خليها هي تختارلك واحده وبردوا تكون انت متقبل او انت دور علي واحده تكون مش اقل من 30 سنه علشان تقدروا تتفاهموا الحياه
وممكن قوووي تتكفل يتيم وتاخد ثوابوا وثواب زوجتك وربنا يقدم ليك اللي فيه الخير ويكرمك بالذريه الصالحه بالخيـــــــر
الله يهديك ويحفضك لاتكسر قلب زوجتك ولو امكن اتزوج سرا ما تشوف مايوجعها قلبها
بسم الله الرحمن الرحيم انا صاحب المشكله واحب اشكر هذا الموقع الجميل الرائع الذي اتاح لكل الناس بمساعده بعضنا البعض وسبل الحلول الجميله التي قد عرضت امامي واحب اشكر كل من ساهم وكتب في حل مشكلتي انا بشكركم من كل قلبي وجزاكم الله كل خير . ولقد اتخذت القرار الحمد لله وهو في نظري احسن الحلول لانني بالفعل لا اريد ان اخسر حياتي واخسر زوجتي دي عشره صعب علي الانسان ان يخسرها بسهوله لانها بكل بساطه جزء من حياتي صعب الاستغناء عنه او تجاهله بسهوله . فاءنا انشاء الله وبعون من عند الله قد هداني الي الحل الذي يرضي ضميري ويحافظ علي بيتي وزوجتي وهو الحل رقم اربعه همسه – ولاكن النصف الثاني من الحل وهوي بالفعل انا كنت بفكر فيه وهو اني اكفل يتيم افرح بيه ويبقي ابني وزوجتي كمان كانت عرضت عليا قبل كدي بكفاله اليتيم وانا دلوقت مقتنع ميه في الميه باءن دي احسن حل ومكسب لي من كل النواحي الانسانيه والدينيه وطريقي الصحيح الي الجنه فكل انسان يريد الخاتمه الحسنه لمواجه رب العباد اشكركم مره ثانيه وجزاكم الله كل خير والسلام عليكم ورحمه الله وبركاته
اطالما بتقول قادر تصرف على زوجتين اجعل مصاريف الزواج الثاني بتجربة الزراعة من اجل الانجاب وتوكل على الله لان في كتير منها نجح واتمنالك حياة سعيدة
انا لو مكانك بلاش هو ده نصيبك ارضا بيه بقى يعنى ربنا مقسم 24 قيراط لكل واحد فينا و عمرهم ما حايبقوى 25 فا يا ريت ترضى باللى كاتبوه ربنا
اتجوز بس خلى مراتك هيه الللى تجيبلك العروسه ” يعنى لازم تقنعها وتكون راضيه تماما على زاجك ”
فرق السن كبير 46 و 20 كتير هتتعب صدقنى حاول تقلل المسافات وبعدين خد واحد فاتها قطر الزواج واهو منها تاخد فيها ثواب ومنها تنجب ومنها تأكد لمراتك انك مكنتش عايز تتجوز لأنك خنتها وبتحب عليها
بالتوفيق
انت بنفسك قولت المشاكل اللى ممكن تعانيها لو اتجوزت البنت الصغيره ضيف عليهم انك حتخسر زوجتك الاولى لانها حتحس انك كسرتها وفى نفس الوقت مقدرش اقولك ان جوزاك التانى غلط عشان ربنا حلله عندك اختيارين اما تتكلم مع مراتك بهدؤ وتفهمها انك محتاج تتجوز عشان الخلفه وتخليها هى تختار الزوجه التانيه عشان تحس انك عاوز طفل مش طمعان فى واحده بالتحديد او تكفل يتيم ربنا يجزيك عليه خير دنيا واخره وتبقى فرحت مراتك والطفل ونفسك وراضيت ربنا لكن فى جميع الاحوال الجواز التانى فى حالتك مش غلط شرط العدل وصلى استخاره عشان ربنا يرشدك للخير
عادى ممكن تتزوج ولكن انصحك بواحده تكون مناسبه لك متكونش صغيرة اوى كده الغيره والشك من نحيتها هيدمروك فالباب الى يجيلك منه الريح سده واستريح وقول لمراتك بس حاول على قد ما تقدر تحافظ على شعورها لانها مهما خبت فهى هتبقى مجروحه لانها بتحبك وربنا يصبرها ويوفقك
شوف زواجك لاجل الانجاب شي طبيعى جدا وانت محق فيه لاكن انت متزوج من عشر سنوات ومن حق زوجتك تعرف بزواجك الاخر وتجلس معها وتراودها هيه عندها مشاعر واكيد مكسوره من داخلها لعدم الانجاب لاكن نصيحتى بلاش بنت العشرين انت بكده بتلعب بالنار لانو هيه مبسوطه بيك دلوقتى بعد كده هتعرف انها الزوجه التانيه فى حياتك وهتمل منك ثم انت بعد اربع سنوات هيكون عندك 50 سنه وهيه لسه بنت ال 24 سنه فارق كبير اوى اوى اوى ثم انت بتبحث عن الانجاب يعنى المفروض تكون بنت ارمله او مطلقه وانجبت يعنى المفروض تكون فوق ال 30 سنه دى نصيحتى وانتى صاحب القرار وشكرا
ربنا حلل الزواج فى حالتك اهم حاجة متجيش على مراتك التانية دى ولازم تعرفها وتاخد رايها قبل ما تتزوج ولازم تعدل بينهم فى المعاملة واستخير ربنا قبل اى حاجة وربنا يقدملك اللى فية الخير
… ياعزيزى انصحك نصيحه ابويه – عمرك 46 سنه وهيه 20 سنه – وبعد 10 سنوات تكون 56 وهى 30 سنه – ف بالله عليك ! كيف ستلبى رغباتها الجنسيه ؟؟؟ بعد الدخول فى مرحلة الشيخوخه – استغفر الله وحافظ على زوجتك المحترمه – لأنك ستجنى ألأشواك و الريبه والشك من هذه الزيجه – بدلا من الأستقرار الذى انت عليه الآن – واليك نصيحه بسيطه ( وهى بعد جماعك مع السيده حرمكم فكرّ فى هذا ألأمر …. اعتقد انك سترى اشياء اخرى !!! وقرارات اخرى !!! فلا تظلم من احببت ومن احبتك فى الدنيا والدين …
عليك بعمل استخاره اولا وبعد كده انا شايفه ان زوجك للمره التانيه مش حرام بس لازم تعدل وكمان ياريت تكون وحده قريبه من سنك لان الدنيا معدش فيها امان لازم تحسن الاختيار ما تخليش اى رغبه جواك تخليك تحكم غلط فعليك بالحكمه والعدل فى حاله زوجك باخرى
انتا ماتدش واحده اصغر منك حضرتك شوف بنت ناس ومحترمه وتكون مطلقه اوز ارمله وعندها طفل علي شان تبقه ضامنالانجاب ويبقه عمرها مناسب في 30 او اكتر لعمر حضرتك انما هتاخد بنوته سوري من دور اولادك هاتبقه صعبه كتير والله هاتبقه محتاجه تعيش حياتها وحضرتك علي طول هاتبقه قلقان وخايف عليها او انك تشوك فيها دي نصيحه
اما الخوف الذى بداخلك ممكن نتيجة حبك لزوجتك فانت خائف من صدمة خبر زواجك عليها او انها تطلب الطلاق مثلا او خوفك من بداية حياة جديدة عليك وهو شعور طبيعى استخر الله جيدا قبل الاقدام على اى خطوة وربنا يوفقك
ربنا سبحانه وتعالى امر بالتعدد لمثل حالتك بشرط ان تعدل ربنا معاك زواج اثنين ليس سهلا اما حكاية فرق السن دى مش مشكلة ما دمت تعوضها بحنانك وحبك قبل غيرتك وكمان تكون اخترت واحدة متدينة تعرف ربنا كويس حتى تحفظك فى غيبتك
استخير ربنا بس لازم زوجتك الاولى تعرف وحرام تتزوج الثانيه وبعد الانجاب تعملها معامله مش كويسه او العكس مع زوجتك الاولى يعنى تعدل بين الاتنين