انا من خمس سنوات قابلت شاب وحبيته واهلي رفضوه اتجوزته عرفي من وراهم مكنش يقدر يجي البيت لان ظروفه كانت صعبه وقفت جمبه في الظروف دي هو كان من محافظه وانا من محافظه كان بيعدي بالسنتين مانشوفش بعض نفسيت تعبت خصوصا اني كان بيتقدملي كتير وكان بيرفض يجي علشان ميصغرش نفسه قدام اهلي وفي مره من سنتين جالي عريس واهلي صممو لدرجه شكو فيا وكانو هيودوني لدكتور يكشف عليا يشوف ليكون جرا بيني وبينه حاجه لجأت له قاطعني ومسحني من الفيس وعملني بلوك على الموبايل بعدها تعبت جدا وبقيت عايشه على المهدئات بعد خمس شهور سمعت ان اتسجن ظلم رحتله وكان بيكلمني دايما وهو هناك واعتذرلي وقالي لما اخرج هعوضك واجي لاهلك لما رحتله اكتشفت انه متجوز ومراته بترحله السجن سالته قالي محصلش ده علشان القضيه وثقت فيه زي كل مره خرج من السجن ضافني على الفيس بفتح صفحته لقيتها معلقاله يا حبيبي ورد قالها يا كل حياتي اتجننت بعتله رساله قالي انت مش فاهمه حاجه وبعدها مردش عليا واتعملت بلوك والست الي اتجوزها بعتتلي رساله شتمتني وقالتلي انها متجوزاه من يوم ما عرفته في الفترة كنت بيجلي نوبات صرع من الضغط وباخد علاج ومهدئ وكان في اكونت تاني عملته وجوزي قالي ضيفي عليه اصحاب الشخصين الي رفعو عليه القضيه علشان لما يخرج يظهر براءته قدامهم والست دي بعتتلي الرساله عليه اتجننت وقول حد قابلني حكتله حكايتنا انا وجوزي كان كل همي اني ارتاح واحكي لراجل هيفهم جوزي اكتر مني هيقولي خاني ولا لا بيلعب بيا ولا لا من ناري قلتله اني نفسي انتقم من جوزي ونفسي يجي يركع تحت رجليا ويتاسفلي فالولد شتمه بلفظ جنسي سافل خفت من الولد فقلت اسايسه واحده واحده واقفل معاه احسن يدور ورا الاكونت وفي تبعه صفحه باسم جوزي قول لقيتهفرديت قلتله انت متربي فين وضحكت فقالي اقولك نكته اوفر قلتله اوفر ازاي قلتله اباحي مثلا قالي اه قلته لا لو حاجه عدله بعت فمسحتها من غير مشوفها وقلتله لو اسلوبك هيبقى معايا كده هقفل قالي انا حابب الكلام كده قلتله اسفه مش هقدر وقفلت ومسحت المحادثه عدا شهر وجوزي صالحني وكلم اختي علشان يجي البيت بعدها بيومين فتح الاكونت ورجع الرسايل الممسوحه وقالي انت خاينه وكذابه وقابلتيه وانا والله ما فاكره حتى اسمه انا كنت تعبانه ومبوعاش لردودي لما باخد مهدئات بررتله مفيش فايده كلمته وبعتله رسايل فيس مرضيش انا كلمت الولد ده كتابه على الفيس مرتين بس صحيح انا غلط بس مخنتش انا مريت بضغط نفسي فظيع وكنت محتاجه اتكلم مع حد ميعرفناش مش هروح اقول لحد اعرفه انا متجوزه في السر انا خايفه يطلقني محدش يقولي مش جواز انا سالت في دار الافتاء وده جواز ياريت تقولولي اعمل ايه انا بحبه جدا وصعبان عليا انه شايفني خاينه
لاحول ولاقوة الابالله يابنت الناس جوازك من الشخص دا غير صحيح ولاشرعي ومين قالك انه صحيح من دار الإفتاء فعليه لعنة الله والناس اجمعين الدين واضح وصريح في هذه المسالة بنصوص الأدلة والاحاديث الشريفة ومنها حديث الرسول عليه الصلاة والسلام حيث قال- أي امراة نكحت نفسها من غير الولي فنكاحها باطل باطل باطل – وفي رواية أخرى قال فهي زانية – ومن شروط عقد النكاح حضور الولي والاشهار والمهر والشهود فاذا لم تتوفر تلك الشروط عند العقد فهو زواج باطل وغير صحيح شرعا لمافيه من الاضرار بالمراة وضياع لحقوقها وكرامتها وان حصلت المعاشرة بينهما فهو كالزنا ويجب عليهما التوبة منه والاستغفار والندم على ماحصل منهما والمفارقة بينهما واياك ان ترجعي له مرة أخرى فهو شخص خاين وكداب ولايستاهلك ولايقدر يصونك ويصون شرفك وكرامتك وكرامة اهلك ابتعدي عنه نهايا وربنا بيعوضك ويرزقك بخير منه ان شاء الله
مش عارف انت عملتي كلدا ليه مافيش حاجة اسمها زواج بالسر بدون موافقة اهلك ولا الشهود ولااشهار هذا زواج باطل وهو كالزنا حرام عليك تعمل كده في نفسك وفي اهلك ورجوعك له هو اهانة لاهلك وتحدي لهم توبي لربك واستغفريه واندمي على ماحصل منك في حق اهلك وكرامتهم وسمعتهم وارجعي لهم واطلب السماح والعفو منهم حتى يسامحوك ويرضوا عنك واطلبي الطلاق من هذالخاين السافل اللي اغواكي وربنا بيرزقك بخير منه ان شاء الله
اختي الفاضلة السلام عليكم ورحمة الله وبركاته وكل سنةوانت طيبة اولا- موضوع زواجك من هذاالشاب في الاصل ليس بزواج شرعي وغير صحيح بالمرة من غير موافقة الاهل وبدون الاشهار والشهود فهو زواج باطل لقول الرسول الكريم – ايما امراة نكحت نفسها من غير الولي فنكاحها باطل – وقال ايضا- من زوجت نفسها من غير الولي فهي زانية – و اشترط الشرع للزواج وجود الولي للمراة سوا كان اب -اخ – والاشهار والمهر والشهود وهذا غير متوفر في زواجك من هذا الرجل فيكون هذا زواج باطل وغير صحيح وعليكي مفارقته فورا ومسالة انك رجعتي له فهذا فيه تحدي لاااهلك وهدرا لكرامتك وكرامتهم اتقي الله عزوجل وتوبي اليه واستغفريه واقطع علاقتك المحرمة به وارجعي لااهلكي واطلبي منهم العفو والسماح عما فعلت بهم وتقدري تخبريهم بانه ضحك عليكي وغرر بكي وان شاء الله الاهل يسامحوك ويرضوا عنكي واصبري حتى يكرمكي الله بالزوج الصالح اللي يستاهلك ويرضى عنه اهلكي وتلاقي معه كل الخير والسعادة والاستقرار طوال العمر والله يصلحك ويهديكي ويستر عليكي ويكرمكي ان شاء الله