مشكلتي شقين شق جنسي وشق اجتماعي انا اولا مصلي ومؤمن لكن ضعيف جدا قدام البنات ومقبل علي مشروع الزواج بحب اتنين قرايبي واحدة حلوة جدا بس خفيفة شوي والتانية مش قوي متدينة جدا وعاجبني تربيتها
تبقي اجمل ام لكن مش بقدر الجمال اللي هو اعمل اي
مشاكل الزواج
بحب بنتين ومش عارف اختار مين للزواج
اضيف بتاريخ: Tuesday, January 18th, 2011 في 01:01
كلمات مشاكل وحلول: البنات, الزواج, بنات, مشاكل الزواج, مشاكل الشباب
اختر المتدينة لان هذه هتجافظ على مالك وعلى اولاد وتصون بيتك تعلم اولادها الدين
اختار التانية بدل عندها الاخلاق والادب والدين اعتقد ان يهمك ربنا وميهمكش خفة الدم
اعمل استخاره على الاتنين دول ,, بس صدقنى الادب والاخلاق عشان تبقى ام صالحة لاولادك
ازاى يعنى بتحب اتنين مفيش حد يحب اتنين فى وقت واحد معلش هقولك دة وهم انت ولا بتحب دى ولا دى دة مجرد تعلق واعجاب واحدة عجبك فيها جمالها والتانية تربيتها سيبهم الاتنين عشان متظلمش نفسك وتظلمهم ومينفعش تتجوز اكتر من وحدة لان دة بيكون بشروط وطبعا انت عارفها لو تقدر انك تنفذ الشروط دى (ودة صعب)(الا ان تعدلو ولللللللللن تعدلو) اتجوزهم
انا رأيي غير عن الكل لأني مثل تجربتك
انا احب واحده من سنتين
والثانيه اوهمتلها اني احبها وبقيت معي سنتين ايضا
وبعدها التزمت وهداني الله وفكرت ان اترك الثانيه وقلت لا يؤنبني ضميري
والاولى احبها ايضا
الحل ان تتزوج التي تحبك ثم تصارحها بأنك تريد الزواج بأخرى وهي التي تحبها
عندها التي تحبك من كثرة حبها لك ستوافق مع الايام
اما التي تحبها لو اخذتها كأولى ربما لا توافق ان تتزوج عليها وانت مسكين تحبها
فنصحيتي لك
تزوج التي تحبك
وبعدها تقدم للي تحبها واذا وافقت معناته انه فعلا تحبك واذا رفضت معناته لا تحبك من البدايه
والتي تحبك اصبحت هي الاولى بحبك لا التي تركتك
وانا اعلم ان كل الردود احبطتك لأن ولا شخص مر بتجرتك فا والله لو مر لما قال هذا الكلام
الذي يده بالماء ليس مثل من يده بالنار
وفقك الله ان شاء الله
الجمال مش كل حاجة انا من رايى الادب والاخلاق اهم شئ فى الارتباط
سيبك من الاتنين ودور على واحدة تالتة ومتعملش زى فيلم بلبل حيران
انا مش مصدقك لأن الواحد لية قلب واحد يبقى ازاى بتحب أتنين أكيد فية واحدة انت بتضحك عليها راجع نفسك وانت هتعرف انت بتحب مين وبتتسلى مع مين دون أن تجرح البنت الأخرى
اعمل استخاره على الاثنين واللى فيه الخير ربنا يقدمه
مش المهم انت بتحب مين في الاتنين المهم مين من الاتنين ترضى تحبك وتستجيبلك مش يمكن لو اتقدمت للاتين هتترفض ثم انت لازم تسئل نفسك سؤال هو الواحد بيتجوز ليه انا هسيبلك الحريه فى اجابتك على سؤالى لو قدرت تعرف الواحد بيتجوز ليه هتعرف تختار وشكرا
دور على المؤدبة المحترمة اللى تقدر تحافظ على بيتك وولادك وتشيل معاك المسؤلية واللى قلبك يميل لها عشان متظلمهاش وخد راى اهلك كمان وربنا يوفقك
عليك وعلي اللي متربيه ومتدينه وبتصلي وعارفه طريق ربها ايه دي اللي هاتقدر تحافظ علي عرضك وبيتك انما الجمال في الست مش كل شي والخفيه في الست دي مصيبه سوده ابعد عن الخفيفه وخد اللي عارفه طريق ربها ده اللي بيدوم
حديث النبى صلى الله عليه وسلم
أظفر بذات الدين تربت يداك
ولا تتجوز دى ولا دى عشان انت مش بتحب حد منهم سيب قلبك يختار واحده غيرهم لو كانت وحشه انت حتشوفها جميله ولو مش متدينه انت حتخليها تتدين ومتنساش انك ضعيف ادام البنات يعنى لازم اللى تختارها تملى عينك عشان متحصلش مشاكل بعد كده عشان كده انت لازم تسيب قلبك يختار عشان اللى حتحبها عمرك ما حتشوف حد اجمل منها ولا حد مثير غيرها
اكيد تختار المتدينة واللي تربيتها افضل معايير الاختيار الجمال مش اساسي اهم حاجة ان تكون البنت محترمة ومؤدبة وبتعرف ربنا
انا رأى الشخصى انك مش بتحب ولا واحدة فيهم حب حقيقى الاولى لو بتحبها كنت حاولت تغير من طبعها ولو بتحبك هاتستجيب ويبقى كسبت اللى مالية عنيك اما التانية برغم ان الرسول عليه الصلاة والسلام امرنا اظفر بذات الدين تربت يداك يعنى الدين حل مشكلتك حل صريح فى الاختيارين لكن حسيت من كلامك انها مش مالية عنيك يبقى حرام تظلمها وتظلم نفسك من حقها يرتبط بها شخص يحبها وفرحان بزواجه منها مش متقدم لها مغمض العينين مسدود الانف واعتقد من وصفك لاخلاقها هى تستاهل ده